ثالث حلقات حيلهم بينهم من الاخر .... ومعانا عاشقه الليل الحزين

[وهج الايمان]

السلام عليكم ورحمه الله وبركاته حلقه جديده وحيلهم بينهم من الاخر ومعانا بطوط (عاشقه الليل الحزين ) الضيفه الذكيه من السنه اللي فاتت باختصار ومش هطول عليكم مرام طبعا بتظهر بالدور الاول وبعتت لفاطمه وقالت لها عايزين نعمل مقلب في وهج رمضان الجاي وفي اسئله هبعتهالك وطبعا اسئله مستفزه ولما هي تزعل قوللها كنا بنهزر معاكي وده مقلب طبعا البت بطوط ناصحه عندها خبره من رمضان اللي فات قالت لها ده مقلب ي مرام قالت لها لا ازاي تقولي كدا احنا هنلعب استغمايه ولا ايه وطبعا فاطمه زي الشطوره عملت كوبي وبعتتها ليه وبكدا نكون بنبدا المقلب اوبااااااااااااا يلا بينا ملحوظه وهج الاّيماّن : باّللون الاّبيض عاشقه الليل الحزين : باللون الاّوراّنج بطوط بقا بعتتلي وقالتلي وده الحوار اللي دار بيني وبين بطوط صباحو عسسسسل يا ميرو صباحو فل ازيك ؟؟ تومام بصى بئا انا عامله بروجرم فى رمضان كل سنه وانت طيبه اسمه نص الحقيقه وقد وقع الاختيار عليكى فى اول حلقه وع فكرة دا اجبارى يعنى هتجاوبى ع الاسئله تحت امرك ياجميل مع العلم ان الاسئله بتتغير كل حلقه يعنى الاسئله دى مخصوص ليكى يا جميل جاوبى بئا طبعا المفروض ان اكون معاها زوق بس دا في البدايه بس ههههه وبطوط صبحتي جدااااا واكتر من اختي وطبعا الرساله دي ان حفظتها من كتر ما بتجيلي تعالوا نشوف الاسئله واجاباتي عليها 1 / تفتكري ليه البرنامج اسمه كدا نص الحقيقه اكيد علشان مش هتقولي غير نصفها ده ان وصلتي لنصفها مش ااقل من كده كمان 2 / ليه دايما بتحبي تجاملى الاعضاء وانتى مليانه بالغل 3\ ردودك دايما واحده ومش بتفكرى تنوعى اطلاقا 4 / ليه رجعتي بعد الفتره الطويله دي 5 / ليه متعتك في مضايقه الناس ليه بتحسي بلذه في كدا 6 \ ليه قسمك غير مشهور بالمنتدى يعنى مش بنلاقى فيه مواضيع مميزه او مسابقات 7\ ليه نشاطك محدود ومش بتغيرى يعنى ي مقالب ي مصارعه دول الاسئله بسيطه خالص تشــــاو دي كانت اسئله بطوط بصراحه كنت قاسيه عليها اوي في الرد قولت العب معاها شويه صغيرين وده كان ردي يلا بقا اقوم بالواجب بجد انا شوفت الاسئله ودي تعلقاتي 1- شهر كريم زي شهر رمضان ماينفعش ينزل فيه توبيك بالشكل ده 2- الاسئله دي ليا مخصوص انت شايفه اني كلها منطبقه عليا انا بس دون اي حد في المنتدي والله مش عارفه اشكرك ازاي في الثقه الجامده دي 3- ياريت ماتحكميش ع اي انسان انت ماشوفتهوش 4- الادب والاخلاق عامل مهم جدااااااا لاستمرارك هنا في المنتدي 5- عندي ليكي سؤال انت لوحدك اللي حطه الاسئله دي ولا مجموعه لاني لو انت لوحدك اوك عادي وجهه نظر اما لو مجموعه من الاعضاء هما اللي حطوها وانتوا وجهه نظركم كده فيا يبقي اسفه جدا مش هقدر اكمل معاكم في المنتدي يمكن دي تكون اخر رساله ما بينا قبل ما امشي ارجو انك مش تكوني زعلتي من كلامي انا بجد كل ما اشوف المقلب دا اقول ازاي اعمل كدا في بطوطي معلشي ي بطوط رمضان كريم بقا كل سنه وانت طيبه كنت قاسيه اوي وطبعا البت ياعيني شربت المقلب وافتكرتني همشي وافتكرتني زعلت قلبها رهيف فكشفت المقلب بدري بدري وبعتتلي لتاني مره وقالت يلهووووووووى يا ميرو انتى زعلتى بجد يخربيتك كنت هكمل المقلب بس مش هينفع دى انتى ناويه تمشى كل سنه وانتى طيبه يا قمر وانتى كنتى معانا ف حيلهم بينهم:biggrin: واكيد كل الكلام دا مش صح ولا ليكى دا انتى ارق واطيب حد عرفته هنأأ ازاى اعمل كدا يعنى ..مواه يا بت ..:sml2: صدقت ياعيني عليكي يا فاطمه شكلكم بيعجبني اوي لما بتشربوا الحكايه هكمل بقا لوحدي امري لله وده دوري بقا بصي يابطوط ادام الحكايه مقلب والكلام ده انا مش هقول حاجه بس بصراحه ماكنتش اتوقعها منك انا لما عملت فيكي مقلب السنه اللي فاتت ماتقلتش عليكي واخترتلك حاجه سهله علشان احنا اخوات مش بالشكل ده اصلك ماشوفتيش الاسئله عامله ازاي وانا ايه اللي حصلي لما شفتها انت مش هتحسي بيا طبعا انا لما شوفتها ماحصليش اي حاجه لاني عرفاها اصلا بس بطوط صاحبتي وزعلي بيفرق معاها مش بقولكم صاحبتي صعبت عليا بجد ده كان ردها والله العظيم يا حبى لو حد غيرك ما كان هيفرق معايا وكنت كملت المقلب عادى بس والله حسيت بيكى انك زعلتى اوى عشان كدا قلتلك ع طول بس المقلب الى فات مش دخل عليا اصلا معلش بئا يا مروة الى انتى عملتيه فى الناس مش قليل:biggrin: عملته مش قليل ؟ ماشي يا بطوط اصلها صاحبتي تستهلي بقا وانا والله عملت كدا من باب العشم عشم !! صاحبتي يا جماعه مش احنا اصحاب ولا انتى مش قابله هزارى معاكى ؟ مش تزعلى بئا يا حبيبى كل سنه وانتى طيبه وانت طيبه يابطه ي قمر خلاص يا عاشقه الليل الحزين بس انا ماكنتش اعرف انك بتنتقمي مني هي مش نتعوده ان انديها بالاسم دا بس علشان ادمج الدور بقا وامرنا لله بس قبل كل ما دا يحصل كانت طلبت الميل وكان ساعتها الميل مش بيفتح فقولتلها هشوف في ايه او هعمل ميل جديد وادهولك وبعد الرساله الاخيره ما ردتش وكان الميل بقا كويس قولت ابعتهولها فبعت قولتلها السلام عليكم ورحمة الله وبركاته الميل بقي بيفتح يابطه قالتلي تمام يا قمرى بعتلك ع فكرة عيزاكى لما تفتحى الميل اكلم معاكى شويه عشان موضوع المقلب عايزة افهمك حاجه يا مزتى الحمدلله لسه فاكره الحكايه مع ان عدي كام يوم بعديها ومازالت بكمل المقلب معاها فقولت متجبيش سيره المقلب دا تاني ماتعصبنيش انا لسه ما نستش ع فكره هههههههه طب افتحى الميل واقبلى الادد ونبئا نتكلم .. انا قبلته بس مش هكلمك عليه دلوقتي لما انسي بس الموقف اللي عاملتيه ده ماشي ماشي انا قلبي اسود ومش بنسي اي حاجه ع فكره انا قلبي ابيض جدا حتي اسالوها يظهر ان الحكايه زادت عن حدها وهي قرفت مني وجابت اخرها فقالت مروة والله ما هينفع كدا انا هفضل اتحايل عليكى كتير انتى لما عملتى المقلب اتماديتى فيه اوى ومع ذلك مش زعلت انا بئا قلتلك ع طول وبردوا لسا زعلانه اذا كان عجبك يابنتي انت هتضربيني ولا ايه مرام بعتتلى رساله بالاسئله دى وقالتلى ابعتهالك عشان هتنزل حلقه ليا انا وانتى فقمت بعتهالك من باب العشم انك مش هتزعلى منى لو اعرف بجد انك ممكن تنسى العشرة والصحوبيه عشان هزار مكنتش هزرت معاكى ع العموم الى يريحك انا مش بحب اتحايل ع حد ومع ذلك اتحايلت عليكى كتير الى انتى شيفاه صح اعمليه .. خلاص اهدي براحه شويه انا بخاف كفايه كدا عليها كنت حاسه انها شويه وهتضربني بضحك عليكي كل سنه وانت طيبه ايه الكلام الوحش ده اهون عليكي ي بطوطي ماشي ماشي طيب ماتزعليش انا كنت كنت ضيفه في برنامج حيلهم بينهم من الاخر ده تاني مقلب ع فكره ماتتعلميش من اخطائك ههههههههه اوعي تكوني زحلتي مني احتمال كبير الموضوع الاساسي ينزل بكره ماتقوليش بقي لحد عقبال ما اخلص الحلقات وانت تتحايلي عليا اكتر من كدا بكتير فهمه ولا لا في ناس كدا ما بتتعلمش ابدا دا انت حفظاني من السنه اللي فاتت وعارفه ان بحب المقالب موت واللي في الحكايه انا اللي عرفاني طبعا ومرام مشرفه المقالب كنت متوقعه ايه يعني؟ ع فكرة والله العظيم انا كنت عارفه وقلت لمرام كذا مرة ي مرام لو بتعملى فيا المقلب هزعلك وهى قالتلى لا مش تخافى والله يا مروة زعلانه منك اوى ومش مسمحاكى بس كدا :yuck: تؤتؤ احنا في رمضان انت سالتيني دا مقلب وانا قولتلك لا انت ما سالتنيش سالتي مرام انا مليش دعوه فرديت وقولت لالا انت ماتقدريش تزعلي مني انا عارفاكي انت سالتيني ده مقلب ولا لا انت ما سالتنيش شوفتي ما كذبتش عليكي ازاي انت حبيب قلبي يابطوطي لسه زحلانه مني رمضان كريم بقا ردت وقالت هههههه عارفه لما مرام قالتلى كنت متاكده ان المقلب هيتعمل فيا وقلتلها خلينى وراكى للاخر عارفه الى هيخلينى اسامحك انى خد عهد ع نفسى ان مسامحه اى حد عملى اى حاجه عشان خاطر رمضان يا واد انت يا جامد ي بطوط كل سنه وانت طيب ي جميل اكيد انت مش زعلانه مني ان اتاكدت من الحكايه دي بعد كدا كل سنه وانت طيبه كل سنه وكلكم طيبين يارب تكون الحلقه عجبتكم وانتظروا الحلقه الجايه في امان الله

[الملكة كيلوباترا]

هههههههههههههههههه
مقلب جامد اخر حاجة ياوهوجة انتى ومرام
معلشى ياعاشقة الليل الحزين ماتزعليش من اى حد
خليكى مسامحة عشان احنا فى رمضان
وغيرها فى غيرها
^^

[~♥ Queen sozan♥~]

هههههههههه
لا يا طماطم وانا لى بقول انك صعب حد يوضحك عليكى
بجد تعيشى وتاغدى غيرها .. وحلو اوى التوبيك دة
الله ينور يا بنات .. متابعين معاكم

[كبرياء رجل]

شلة عفاريت والواحده من دول يتعمل فيها المقلب وتقول
كنت عارفه
والله انتوا عليكوا حاجات
شربتي المقلب واللي كان كان
مش داخله تعملي مقلب في صاحبتك اهي اتقلبت عليكي
وغيري اسمك خليه عاشقه اللي بيتعمل فيها مقالب
يلا تعيشي وتشربي غيرها
شطار والله يا جماعه
ربنا يوفقكم
مقلب جميل تحياتي لكم

[نقاء القلب]

ههههههههههههههههههههههههه

والله فرحانه فيكى ي بطه :079::079:

المقلب اتعمل فيكى ايه 100 % ,,

وشربتيه ايه بسرعه .. لأ بجد فرحانه فيكى :762::762:

ضحكوا عليكى بالسهوله دى ي خراشى :762:

ماكنتش اعرف عنك كده خااااااااااالص ,,

يلا بئا تعيشى وتاخدى غيرها:762:

[ŌиĹч.Ḿё]

هههههه . حلوة آلحلقة دى
معلش يا عآشقة

[دمعه حائره]

مقلب جامد فعلا وتقلتى عليها يا مرمر
يلا تعيشى وتاخدى غيرها يا بطوط
كل سنه وانتوا طيبين

[عاشقة ذكر الله]

هههههههههههههه
دخل عليكى المقلب يابطوط
حلقة جمييييلة منك ياوهج انتى ومرام
بالتوووفيق ياقمرات

[Lost Pearl]

بالشفا يا فاطمة ههههههه

تسلموا يا مرام و مروة

[احضان الحبايب]

ههههههههههههههههههههههههههه ,,

فاطمه سلمت بدرى اوى و الله ,,

بس يابت انتى وهى حرام عليكواا ,,

ده البت طلعت طيبه اخلص ماشاء الله ,,

كل مقلب و انتى طيبه بقا يا فاطمة ^^ ,,