انا بجد تعبــــــــــــــــــت(مساعدة منكم)

[..رسامـــة الاحزان..]

السلام عليكم ورحمة الله اللة وبركاتة.

يا جماعة انا تعب بجد .
وزهقت.

انا هدخلـ في الموضوع علي طول.


انا في مدرسة كويسة ومستوي هاي .
ومتميزين.
وفي يوم اسود مطين بستين نيلة .
حصلت مشكلة بيني وبين بابا.
علي خناق في خروجة مع زميلاتي .
فأعدت ازن فوق دماغـ بابا فارحت وبعدين لما رجعت كان الوقت 8 بليل اظن الوقت مش متأخر .
اولـ لما رجعت بابا قال: كلـ دة تأخير اكيد زميلاتكـ الفشلة هما السبب وملكيش خروج تاني معاهم وكمان هنقلكـ من المدرسة دية .
وبعدين هما عايزين يودوني مدرسة تانية مستوها وحش.
والبنات الي فيها لوكلـ .
اعدت اترجاهم وقولت لماما وماما كان رأيها من راي بابا وانا وحيدة مش ليا حتي اخوات قولوا ليا اعملـ اية؟؟؟!
وهما دلوقتي نقلوا ورقي وخلصوا اجرآت النقلـ .
انا تعبت واقسمت ان لو الدراسة بدأت وهما مش رجعوا ورقي تاني للمدرسة القديمة .
اني مش هروحها وهفضل في البيت.
قولوا ليا بقي اعملـ اية وهما مصممين وحاولت التقرب حتي لماما رفضت وقالت دة احسن ليكي.
انا عايزة مساعدة منكم قولوا ليا اعمل ايةةةةةةةةةةةةةةةةةةةةةةةةةةةةةةةةةةةةةةةة؟؟!
لاني تعبت اوي.
وكل يوم ادخل ابكي لاني وحيدة ولية ربنا خلاني وحيدة ومش ليا اخوات .
وبحط كل زعلي وغضبي في يومياتي وفي المنتديات .

[Ninjawya]

ممممممم ,
حبيبتى حـآولى تجربـى المدرسـه الى باباكى و مامتك عايزينك تروحيهـآ ديه ,
روحـى هنـآك شوفى التعليم هنـآك إزاى و البنـآت اخلاقها إيه
مش كل حاجـه بالشكـل من بـره و الى انتى شـايفاه
و اكيد باباكى و مامتك عايزين مصلحتك فـ الاول ,
و كون ان هم الاتنين متفقين عـ الرأى ده يبقى أكيد ده فـ مصلحتك
و ان هم شـآيفين ان اصحـآبك الى فـ المدرسة التانيه وحشيـن
صدقينى و الله الموضوع ده حصل معايا مرتين بس مش هو بالظبط
و الله الى باباكى و مامتك هيقولولك عليه هتعرفى ان هو ده الصح بس متأخـر ,
و اعتقد انك لو لاقيتى المدرسة التانية وحشه ممكن تحولى فـ اول 15 يوم ؟!
و من هنـآ لحد الـدراسة حاولى تتقربى منهم
و ابعدى خااااالص عن اسلوب الزن لإنه بينرفز و بيعاند مش اكتر :biggrin:
حـآولى تكلميهم بـرآحه كده .. و تفهميهم الى انتى عـآيزاه ,,
و ربنـآ معــااكى

^ ^

[Words Whisper]

أولا كدا مش حد معاه ربنا ويكون وحيد

فحتى لو مش ليكِ اخوات ربنا موجود

وبعدين كان ممكن يبئا ليكِ اخوات ويبقوا سبب حزن ليكِ

أكيد يعني الخير في اللي ربنا اختاره لنا ..

بالنسبة بئا للمدرسة

بصي ياكتكوتة

اتعودي مش تحكمي على حاجة غير لما تجربيها

ممكن المشكلة مش في انك رجعتِ 8 وانه بدري

ممكن تكون انه صاحباتك مش كويسين او ان فيه حاجة معينة

مامتك وباباك مش عايزين يقولوا لك عليها عشان لسه صغيرة - الله أعلم -

معنى انه الاتنين شايفين انه دا أحسن ان فيه حاجة فعلا بس يمكن هما مش حابين يقولوا لك

فانتِ زي الشطورة كدا مش تحكمي ع المدرسة الجديدة قبل ماتجربيها

وبعدين والله ياحبيبتي كتيييييير بنتمنى حاجة أوووي ونكون عايزينها ولما تيجي تطلع مش خير لنا

عشان كدا مش مشكلة جربي وممكن الخير في المدرسة الجديدة ...


بالتوفيق

واسمعي كلام ماما << اللي هيا أنا ) ..

دمتِ بحفظ الرحمن ..

[SiLver Spectra]

اعتقد المشكلة اكبر من كدا , لان غريبه ان اب ينقل بنته من المدرسة لمجرد انها خرجت مره مع صحباتها
هو اكيد شايف انهم مش كويسين من مواقف سابقة و الله اعلم
عامة اي مدرسة هتروحيها هتكوني فيها صداقات و العملية هتمشي
المهم مايكونش بس فرق المستوى كبير بين المدرستين لان دا الي ممكن يتعبك شوية
لكن لو الفرق متقارب فمش هتفرق العملية و مصيرك تعرفي صحاب فيها

اما لو قدرتي تخلي اهلك يرجعوكي المدرسة القديمه يبقى خير و بركة
و عامة الدنيا دايما مش بتمشي على هوا البشر

[طمطم]

بصى ي جميل
باباكى اكيد بيعمل اللى فـ مصلحتك
و مدام شايف ان احسنلك تكونى ف المدرسة الجديدة
يبقى هو عارف بيعمل ايه ,,
حكاية انك مش هتروحى المدرسة الجديدة دى
ف دى هتعمل مشاكل اكتر عندك ف البيت
حاولى تستوعبى الموضوع
وتحسسيهم انك بتسمعى كلامهم
وموافقة ع قرارهم
يمكن باباكى يغير رايه
وربنا معاكى ي جميل

[سآرهہ]

آكيـد نفس كـلآم سيلفر
في مشكـله تآنيه حصلت
لآن مش خروجك معآهم عايزين ينقوقى من الدرسـه كلهآ
آنتى سلمى آمرك لله بقى و روحى المدرسـه آلجديده
ومينفعش تعدي فـ آلبيت آهم حآجه آلتعلييييييييم

[♥SaRa]

بصي حبيبتي انا كلامي سيلفر كلوا قالوا .
انتي اكيد زميلاتكـ فيهمحاجة وحشة .
او انهم مش كويسنـ .
وحاولي تقربي منهم وبلاش تعدي تتخانقي .
وبلا ش عناد لان العناد مش هيجيبـ غير العناد.
واحنا كلنا اخواتـ لو في اي مشكلة اتفضلي قوليها.
اختكــ :
♥سـsasoـاســـــو♥

[احساس الغرام]

الله يكتب لك اللي فيه الخير

ولاتنسين طاعة الوالدين فيها اجر وثواب كبير

تحياتي لك

[نقاء القلب]

بصى ي قمر ^^

يمكن اساسا باباكى كان بيفكر ينقلك من فتره ,,

علشان حاجه فى دماغه هو وشايفها فى مصلحتكـ ..

علشان كده فى اول فرصه قالك هنقلك وخلاها عقاب ليكى ))

واكيد هو شايفه ان المدرسه اللى هو هينقلها ليكى افضل ..

وكمان مامتك متفقه معاها فى الرأى ,,

انا من رأيى تروحى تجربى المدرسه مش هتخسرى حاجه ,..

ومعتقدش ان فى مدرسه مش كويسه ي قمر ..

وانتى اكيد هتتأقلمى معاها بسرعه وتعرفى بنات جداد ،،

ربنا معاكى بئا ي قمر ،، وابقى طمنينا عملتى ايه

[تيتشر نفشه ツ]

كلامهم كللهم صح ياسكر ومعاهم حق

طمنينا عملتي ايه