الحلقة (3) من برنامج ( انا ورمضان ) ومعانا ( كبرياء رجل )

[ياسمينااا]

حلقه جميله جدا
مع عضو مميز وغني عن التعريف
احمد منور الحلقه واجاباته جميله جدا
في انتظار العضو/ه القادمه
تحياتي

[morshooo]

اقتباس المشاركة الأصلية كتبت بواسطة ♥ملك روحى♥ حلقه رااائعه جدااااااا من محاوره مرحه مع ضيف غنى عن التعريف سعدت بتلك الحلقه الخفيفه علي القلب

اهلا بيكى ملك
نورتى التوبيك وسعيد جدا بمرورك
تحياتى

[morshooo]

اقتباس المشاركة الأصلية كتبت بواسطة بنت المختار بشار الأسد رح يحرك فية فانوس،،يا حسرة -_- ده مشلول داخليا من الحواس حلقة حلوة بيكم جيجي&مورشو منورين يسلمووووووووو

اهلا بيكى
سعيد بمرورك الراقى
ربنا ياخدة هههههههه
تسلمى على التواجد

[PrinCesS Gege]

السلام عليكم ورحمة الله وبركاته الحلقة (6) من برنامج انا ورمضان ومعانا .... (طمطم) 1-ايه شعورك ف اول يوم ف رمضان؟ اكيد مبسوطة جدااا ,, احلى شهر ف السنة كلها .. بجد بحس براحة نفسية مش معقولة 2- بتقضى يومك ازاى ؟ هو انا بسهر لغاية لما اصلى الفجر وبنام بقآ .. بصحى قبل الظهر بحاجة بسيطة علشان لو ورايا دروس وكده مش برجع عموما قبل الساعة 6 برجع اجهز الفطار مع ماما وبعد الفطار بقآ باقعد ع النت _بقرأ قرآن _بذاكر_ بتفرج ع T.Vع برامج وخصوصا برامج المقالب لغاية الفجر وبثـ لا كده تمام قوووى منظمه الوقت فل 3- ايه احسن حاجة بالنسبالك ف رمضان؟ كل حاجة فيه حلوة ,, يعنى فيه احساس حلو اووى بحسه من بداية رمضان لاخره 4_ ياترى بتصومى ولا زى كل سنه ? ,, السؤال المستفز .. لا زى كل سنة لا بصوم طبعا ,, الحمد لله Iههههههههههههه مانا قولت احط سؤال لولبى كده عشان افك عنكوا شويه 5- بتابعى مسلسلات ولا لاء؟... ولو بتابعى متابعه مسلسلات ايه؟ ,, لا الحمد لله مش بتابع ,, لكن بتفرج ع برامج وزى ما قولتلك فوق خصوصا برامج المقالب اللى بيعملها رامز جلال بحبها جداااا وانا كمان بممموت ف البرامج بتاعتوا ورمضان ده عامل برنامج ثعلب الصحراء جااااااااامد 6_ ايه اكتر حاجة بتفرحك ف رمضان؟ ... وايه اكتر حاجة بتزعلك؟ ,, اكتر حاجة بتفرحنى انى مش بتفرج ع مسلسلات ولا بسمع اغانى فيه ,, اكتر حاجة بتزعلنى ,, لا مفيش 7_ لو كنتى زعلان من صديق او قريب او اى شخص تعرفيه وجه يصالحك ف رمضان وعزمك على الفطار هتسامحيه ولا لاء ؟ ,, الحمد لله انا مش زعلانة من حد ألحمدلله ^^ 8_ بتطلعى زكاه ف رمضان ولا لا؟ ,, والله ده ع حسب مصروفى 9_عمرك فطرتى ف مائدة رحمان قبل كدة؟ ,, لا . 10_ايه رأيك ف موائد الرحمان؟. ولو كنتى مقتدره كنت هتعملى مائدة ولا لاء؟ ,, اكيد طبعا عمل خير ربنا يجازى اصحابها كل خير واكيد كنت هعمل كده ربنا يكرمك وتعمليها 11_ ايه احسن بالنسبالك تفطرى ف البيت ولا عزومه برا البيت ؟ ,, لا ف البيت احسن .. 12-حاجة عايزه تقوليها للاعضاء بمناسبة الشهر الكريم ؟ ,, كـل سـنـهـ و انـتـوا طـيـبـنـ يـ احـلـى members فـ الـدنـيـا ^^ ومـتـنـسـوشـ القـطـايـفـ بـقـآ 13- طبعا زى ماهو معروف ان المسافر مسموح انوا يفطر ... لو انتى مسافره بتفطرى ولا بتفضلى صايمه؟ ,, بصراحة عمرى مـ سافرت وانا صايمة .. بريح دماغى ولو عايزة اسافر بأجلها لبعد رمضان 14- بتهدى لمين فانوس رمضان؟ ,, لكل اعضاء المنتدى ^^ طيب يلا ايدك على الفانوس بتاعى بقى :biggrin::biggrin: 15- ايه رأيك ف البرنامج والاسئلة؟ ,, برنامج حلو اووى والاسئلة جميلة علشان انتى اللى كتباها ي جيجى ^^ ثاااااانكس ياقمر واجابات جميلة زيك كدا^^ نورتى البرنامج

[نقاء القلب]

حلقه جميييله مع طمطم ^^

منوره والله ي ميرنتى ،،

وفعلا احسن حاجه اننا مش بنسمع اغانى ومسلسلات ..

ربنا يهدينا ي رب دايما كده :biggrin: ))

[طمطم]

اقتباس المشاركة الأصلية كتبت بواسطة princess gege السلام عليكم ورحمة الله وبركاته الحلقة (6) من برنامج انا ورمضان ومعانا .... (طمطم) 1-ايه شعورك ف اول يوم ف رمضان؟ اكيد مبسوطة جدااا ,, احلى شهر ف السنة كلها .. بجد بحس براحة نفسية مش معقولة 2- بتقضى يومك ازاى ؟ هو انا بسهر لغاية لما اصلى الفجر وبنام بقآ .. بصحى قبل الظهر بحاجة بسيطة علشان لو ورايا دروس وكده مش برجع عموما قبل الساعة 6 برجع اجهز الفطار مع ماما وبعد الفطار بقآ باقعد ع النت _بقرأ قرآن _بذاكر_ بتفرج ع t.vع برامج وخصوصا برامج المقالب لغاية الفجر وبثـ لا كده تمام قوووى منظمه الوقت فل :d 3- ايه احسن حاجة بالنسبالك ف رمضان؟ كل حاجة فيه حلوة ,, يعنى فيه احساس حلو اووى بحسه من بداية رمضان لاخره 4_ ياترى بتصومى ولا زى كل سنه :d? ,, السؤال المستفز .. لا زى كل سنة لا بصوم طبعا ,, الحمد لله iههههههههههههه مانا قولت احط سؤال لولبى كده عشان افك عنكوا شويه :d 5- بتابعى مسلسلات ولا لاء؟... ولو بتابعى متابعه مسلسلات ايه؟ ,, لا الحمد لله مش بتابع ,, لكن بتفرج ع برامج وزى ما قولتلك فوق خصوصا برامج المقالب اللى بيعملها رامز جلال بحبها جداااا وانا كمان بممموت ف البرامج بتاعتوا ورمضان ده عامل برنامج ثعلب الصحراء جااااااااامد 6_ ايه اكتر حاجة بتفرحك ف رمضان؟ ... وايه اكتر حاجة بتزعلك؟ ,, اكتر حاجة بتفرحنى انى مش بتفرج ع مسلسلات ولا بسمع اغانى فيه ,, اكتر حاجة بتزعلنى ,, لا مفيش 7_ لو كنتى زعلان من صديق او قريب او اى شخص تعرفيه وجه يصالحك ف رمضان وعزمك على الفطار هتسامحيه ولا لاء ؟ ,, الحمد لله انا مش زعلانة من حد ألحمدلله ^^ 8_ بتطلعى زكاه ف رمضان ولا لا؟ ,, والله ده ع حسب مصروفى 9_عمرك فطرتى ف مائدة رحمان قبل كدة؟ ,, لا . 10_ايه رأيك ف موائد الرحمان؟. ولو كنتى مقتدره كنت هتعملى مائدة ولا لاء؟ ,, اكيد طبعا عمل خير ربنا يجازى اصحابها كل خير واكيد كنت هعمل كده ربنا يكرمك وتعمليها 11_ ايه احسن بالنسبالك تفطرى ف البيت ولا عزومه برا البيت ؟ ,, لا ف البيت احسن .. 12-حاجة عايزه تقوليها للاعضاء بمناسبة الشهر الكريم ؟ ,, كـل سـنـهـ و انـتـوا طـيـبـنـ يـ احـلـى members فـ الـدنـيـا ^^ ومـتـنـسـوشـ القـطـايـفـ بـقـآ 13- طبعا زى ماهو معروف ان المسافر مسموح انوا يفطر ... لو انتى مسافره بتفطرى ولا بتفضلى صايمه؟ ,, بصراحة عمرى مـ سافرت وانا صايمة .. بريح دماغى ولو عايزة اسافر بأجلها لبعد رمضان 14- بتهدى لمين فانوس رمضان؟ ,, لكل اعضاء المنتدى ^^ طيب يلا ايدك على الفانوس بتاعى بقى :biggrin::biggrin: 15- ايه رأيك ف البرنامج والاسئلة؟ ,, برنامج حلو اووى والاسئلة جميلة علشان انتى اللى كتباها ي جيجى ^^ ثاااااانكس ياقمر واجابات جميلة زيك كدا^^ نورتى البرنامج

بجد كانت حلقة حلوة اووى معاكى
ميرسي ي جيجى ع الاستضافة الجميلة دى ^^

[طمطم]

اقتباس المشاركة الأصلية كتبت بواسطة نقاء القلب حلقه جميييله مع طمطم ^^ منوره والله ي ميرنتى ،، وفعلا احسن حاجه اننا مش بنسمع اغانى ومسلسلات .. ربنا يهدينا ي رب دايما كده :biggrin: ))

تسلمى ي سمورتى ^^
ده نورك ي كميل :biggrin:
آآميــن

[morshooo]

بسم الله الرحمن الرحيم

اهلا ومرحبا بكم

والحلقة الاولى

من

( رمضان يجمعنا )

البرنامج كان من رمضان الــ فات

ونزل منة كام حلقة فى بداية رمضان 2011

والحمد لله كان عاجب الاعضاء والسنادى هنزل منة 3 حلقات فقط

الــ حابب يشوف حلقات رمضان 2011 يدخل

هنــــا

البرنامج باختصار هيكون استضافه خفيفة عبارة عن كام سؤال صغيرين

وفى اخر البرنامج هنشوف ضيفنا هيقدملنا اية

ممكن يقدم .

( قصيدة - صورة - اعتزار - رساله - دعاء .... الخ )

المهم اننا ان شاء الله هنكون ضيوف خفاف عليكم انا وضيوفى .

ودلوقتى تعالو نشوف ضيفنا الغالى

" 7oda "

س / فى البداية اهلا بيك فى ( رمضان يجمعنا ) ؟

أهلا بيك يا مورشو ومنورين جميعـا ورمضـان كريم عليكو مع انها جايه متاخـره شويه

س / اية اخبار الصيام معاك فى رمضان 2012 خاصة وانك من الصعيد ؟

والله الحمدلله اهـى ماشيه يا مورشو بغض النظر ان الشمس بتبقي فوق الواحد من الساعه 8 الصبح عموديه متعرفش ازاي :biggrin:
لكن نقـول المراوح والتكييف بيأدو الغـرض تلاقي الكهرباء قطعت 3 او 4 مرات اقل حاجه

س / شهر رمضان فى طفولتك اكيد اختلف عن دلوقتى ؟ اية الفرق بالنسبالك ؟

اختلف كتير اووى كمان دلوقتى مبتحسش بالبركه بتاعت رمضان زي زمان الناس مكنتش كدا ع الاقل تلاقي 4 خناقات او 5 في اليوم وتسأله يقولك معلش اصلى صايم واتخنقت طيب مش قد الخروج من البيت وانت صايم خليك في بيتك احسن , لكن رمضان زمان الناس كانت غير كدا خالص حتي لو لقى مشكلة وواحد اتنرفز عليه يقول للتانى حقك عليا مع انه قادر يضربه بس سماحه رمضان بقي :biggrin:

س / اكيد فى طفولتك كان فى مواقف خاصة بشهر رمضان ؟ قولنا موقف مش قادر تنساة من طفولتك ؟

زمان كان الحاج بيغريني بالفلوس وكدا علشان اتعود ع الصيام وانا صغير اوي قبل سنه اولى ابتدائي يقولى النهارده صوم للضهر وخد نص جنيه صوم للعصر واديك جنيه بحاله الواحد كان بيفرح بقي والله كان ايام عسـل ياجدع بس جه يوم بقي انا ضعفت وكنت بجيب حلاوه وكدا اللي هي نعناع كنت بموت فيها ضعفت وكنت بحطها تحت المخده :762: مرة دخلو عليا لقونى باكلها من يومها مبقتش اعملها :079:

س / اخبار فانوس رمضان اية معاك فى طفولتك ؟ كان مين بيجبهولك ؟

لو كان عدي عليا رمضـان من غير ما اجيب فانوس الواحد بيبقي زعلان بس الحمدلله كان الخيـر كتير كان بيجيلى من اعمامى كتير وايام زمان مكنش فيه اللي بينور دا بقي كان بيتحطله شمعه وبيتعمل بصفيح :762:

س / اخبار زينة رمضان اية معاك ؟ كنت بتعلق زيمة ونور والكلام دا والا مفيش الحاجات دى ؟

اهـى دي بقي من عشاقها كنت الم انا واولاد عمى والجيران لاننا مكناش بنقول لحد هات فلوس نشتري زينه كنا بنجيب الورق القديم ونقطه و كان بنص جنيه نشـا ونحطها في المايه ونجيب الحبل ونعلق الزينه و نقفلها بالنشا علشان تمسك , وكنا نروح عند الراجل بتاع الاقفـاص بقي نقوله عايزين فانوس كان بيعملنا فانوس بجنيه او اتنين جنيه عــجــب , بس الايام دي زمااان اوي ياجدع قبـل التطور دلوقتى :biggrin:

س / اية الى بتحسة مختلف فى شهر رمضان بين الناس ؟

ان الناس بتحب تعـزم وبيبقي صله الرحم قريبه شويه غير كل شهـر بعد رمضان لو سلمو علي بعض في الشارع يبقي كويس :762:


س / اية طقوسك الرمضانية الى بتحافظ عليها كل رمضان ؟

يعنى زي اي حد الواحد ع قد ما بيقدر يقرا قراءن ويختمه مرة او مرتين , متعودين انا وزمايلى والجيران حاليا قبل الفطـار بنص ساعه نطلع ع الطريق الناس اللي مسافره بنعمل عصير وتمر واكياس مايه ساقعه للناس اللي مسافره دي من الحاجات اللي بتبقي لازم اعملها في رمضان

س / لما بنسمع المسحراتى فى رمضان اكيد بتحس بحاجا مش هقول غريبة بس طالما قولت رمضان هتقول المسحراتى ؟ اية مواقفك مع المسحراتى ؟

المسحراتى بتاعنا حاليا هي بنت المسحراتى بنت عـم احمـد وعم احمـد زمان هو راجل بصراحه كان طيب ربنا يرحمه كان رجله مبيقدرش يمشي عليها لكـن كان بيلف بـ العربية الكارو دي ويمشي ينـده ع الناس بس كنت لازم كل يوم اشوفو معدي من الشارع عندنا زمـان وهو بيضرب ع الطبله عيـال بقي :762:




س / كان بيقول اية عندك وكان بيقول اسمك والا لا وهو ماشى ؟

هو كان بيخبط ع الطبله وعارف بيت بيت وبينده ع اللي جوه يصحيهم بس بصوت عالى جدا كان راجل زي العسـل صوته زي اللي بيطلعو في الافلام دي :762: , كان بينـده عندنا لما يجي البيت يـقـول يا حاج كـــامل يا ابــو محمـــود , كان بينـده علي جدي ووالدي ايام ما كان جدي عايش

س / كل سنة قبل رمضان البيت بيستعد لاستقبال رمضان ودائما هتلاقى الوالد والوادة بيشتكو من الغلاء ؟ السنادى شايف الوضع اختلف والا مش بتركز فى الحاجات دى ؟

لا متقلقش انا اللي بتكلف في الحاجات دي :biggrin: بيدبسونى فيهـا اروح اجيـب الحاجات دي من شارع التجارة لان اصحاب محلات التجارة دول قدام المطعم بتاعنا فـ بيدونى بسعر كويس بس طبعا في غلاء عن كل سنه بس ربنا ما يوريك في محـلات تشـح الحاجه علشـان تغليهـا ودول مبحبش اتعامل معاهم

س / المسلسلات فى رمضان اية رائيك فى كمية المسلسلات الى بتتعرض كل سنة ؟

بص انا من ايـام مسلسل العميـل 1001 بتاع مصطفي شعبـان بطلت اتفرج علي مسلسلات من كترهـا مبتعرفش تتفرج علي ايه ولا علي ايـه فـ قلت من قصيرهـا بلاها مسلسلات اي حد يعمل دور حلو في مسلسل رمضانى رمضان الجاى تلاقي له بطوله في مسلسل لوحده بلا قرف ياجدع :biggrin: فيــن ايــامك يا الف ليله وليلة وفوازير شريهـان همــا دول ياجــدع اللي يتابعـو

س / متابع مسلسلات اية فى رمضان 2012 ؟

لا مقاطعهم بصــراحـه قلتلك من كترهم مبقتش اتفرج ع مسلسلات

س / انتا بتتابع اية فى رمضان ؟

يعنى كنت الاول بتابع المسلسلات والفوازير والحاجات دي بس بعد ما الادوار كترت والمسلسلات وباخت مبقتش اتابع

س / ليك فى دورات رمضان وكرة القدم والحاجات دى والا لا ؟

اه كان في دورات بتتعمل عندنا في البلد الدوره الرمضانيه وبتبقي في ماتشات في الاستاد قبل المغرب بساعه ولا حاجه وبتبقي تصفيات واخر رمضان المحافظ بقي يجي يوزع هدايا :biggrin:

س / تحب تقول اية لاعضاء منتدى بنات مصر ؟

أحب اقولهم انتو ناس زي العسـل وتستاهلو كل خير

س / اية رائيك فى رمضان يجمعنا ؟

حاجه جديدة بتقربنا من بعض اكتر وبنعرف كل واحد كان بيعمل ايه وهو صغير بنقرب من بعض اكتر ودا شئ كويس

س / اخيرا هتقدم اية لاعضاء المنتدى ؟

لما بتكون في حاجه في دماغي بدرسها وبنزلها من غير تفكير لكن حاليا مش في حاجه
اه بعتذر من كل شخص زعـل مني في قرار او رد , احنا وراء شاشه مبنعرفش بعض غير عن كل حروف بتتكتب ياريت دا ميكونش سبب يزعل حد لان مفيش حاجه تستاهل ورمضان كريم عليكم وعليك يا مورشو



وبكدا بتنتهى حلقتنا النهاردة


انتظرونى وحلقة جديدة


وضيف جديد


تحياتى

[Hearts Whisper]

حلقة رائعة جدا جدا
ورجأبأت محمود عجبتنى موت
ربنا يوفقكوا ورمضأن كريم عءيكو
تسلم يا مورشو على الحلقة

[طمطم]

منور ي محمود ^^
بجد حلقة جميلة اووى
واجابات محمود عجبتنى جدى *-^
,,
كل سنة وانتوا طيبين بقآ
تسلم ي احمد ع الحلقة
)