كيف أتعايش مع الآخرين .. " تابع لحملة التعايش "

[الحان الورد]

،

" كيف أتعآيش مع الآخرين ؟! "




السلآم عليكم ورحمة الله وبركآته
من غير مقدمآت كتير
الموضوع دآ هيتكلم عن التعايش مع الآخرين
كلنا ينسمع مصطلح التعايش كتير
الموضوع دآ ان شاء الله هيفهمنا
يعني ايه تعايش ؟
اهمية التعايش ؟
ازاي اتعايش مع غيري ؟

التعايش طبعاً كلمة مقترنة دايماً بكلمة تانية
هي الآخرين ,,
وكلمة " الآخرين " دي بتشمل ناس كتير جداً
الأهل , الأصدقآء , زملآء العمل أو الدرآسة , الجيرآن
النآس في الشآرع

حتى لو اختلفت الجنسية , أو اللون أو العرق
أو حتى الدين ,,
كلنا مطلوب مننا نتعامل مع الناس باختلاف اشكالها وألوانها







طيب أنا ليه مطلوب مني أني اتعايش مع غيري ؟

أول حآجة وهو سبب بسيط جداً
انك مش عايش في الدنيا لوحدك
وانك هتحتاج لـ الناس زي ماهم محتآجينلك
وانك بتعايشك مع الآخرين هتكون سبب في اعمآر الأرض
اللي هو سبب وجود الانسان على الأرض

.
.


أولاً , خلونا نفهم يعني ايه تعآيش ؟

سمة رئيسية لـ تعريف التعايش هو علاقته بكلمة
الآخرين ,
والاعتراف بان << الآخرين >> موجودين ..

في مفآهيم كتيرة بتبين أهمية التعايش ومعنآه
منها :


التعايش يعني التعلم للعيش المشترك والقبول بالتنوع بما يضمن وجود علاقة إيجابية مع الآخر
فلقد عرَفت هوياتنا العلاقة مع الآخر
فعندما تكون العلاقات إيجابية وعلى قدم المساواة معه فإن ذلك سوف يعزز الكرامة والحرية والاستقلال وعندما تكون العلاقاتسلبية ومدمرة فإن ذلك سيقوّض الكرامة الإنسانية وقيمتنا الذاتية وهذا ينطبق على الفرد والجماعة والعلاقات بين الدول
فبعد أن شهدنا حربين عالميتين وحروباً لا حصر لها من الدمار والإبادة الجماعية
أصبحت مسألة تعزيز التعايش على جميع المستويات أمراً ملحاً للقرن الواحد والعشرين
..


التعايش هو احترام قناعات الاخريين ،
احترام حرية الاخريين في اختيار طريقهم في الحياة ،
التعايش هو ان اؤمن بان للاخر قناعة ودليل حتى وان لم اقتنع بدليله ،
التعايش هو في احترام مقدسات الاخريين ،
التعايش هو ان نبحث عن ما يجمعنا عن النقاط
المشتركة
لا ان نبحث دائماً عن نقاط الضعف
ليظل الخلاف قائماً بيننا
..

التعايش هو أن تعلم انه يوجد " آخر " غيرك
وعليك أن تتقبل هذا الآخر وتحترمه
بكل أفكآره ومعتقدآته
..







توجد أربعة مفاهيم للتعايش ,
عليك انك تفهمها وتدركها عشان تقدر تطبقها وتستفيد منها في
حياتك ..

المفهوم الأول :
الاختلاف سنة كونية علينا ان نحترمها

" يعني أكيد هتلآقي اللي يختلف معاك في الرأي ,
تأكد ان الاختلاف دا نعمة ,
لان مش كل الناس بتفكر بنفس الطريقة ف طبيعي
ان الاختلاف يكون موجود ..
تخيل كدا لو كلنا نفس الآرآء
الحيآة هتبقى مملة ,, دا غير ان الاختلاف والتنوع
بيفيد أكتر , وبيخليك تتطلع على آرآء ناس تانية ممكن تفيدك "

المفهوم الثاني :
الاختلاف يحقق التكامل بين الناس

" وبالتالي ف هو ميزة مش عيب ,
لانه بيحقق ثرآء في الأفكآر والمعلومات
و مفيش حد كامل او رأيه سليم تماماً
ف باختلاف الآرآء والأفكار هيتحقق التكامل بين الناس "


المفهوم الثالث :
الحوار الهادئ الصادق يساعدك أن ترى الحق من جميع جوانبه
الحق وآحد ولكن قد تكون له جوانب مختلفة
والاختلاف مع تقبل فكرة الاختلاف قد يساعدك أن ترى الحق من جميع هذه الجوانب ..



** سؤال مهم لكل وآحد فينا ..
في حديث بيقول ( ... وإذا خاصم فجر )
هل انت من الناس اللي لما بتخاصم ( وهنا ممكن يكون معناها بتختلف )
بتفجر ؟ وبتنسى كل الأخلاقيات ؟

.
.



طيب .. إزاي أقدر أجيد فن التعايش مع الآخرين ؟

من خلال قواعد بسيطة هتعينك ان شاء الله
,,

القاعدة الاولى : اجتهد حتى تصل للنقط المشتركة مع الآخر
" كل مازادت نقط التوافق دا بيساعد على تقبل الآخر أكتر "

القاعدة الثانية : تعلم كل علم من الممكن ان يساعدك في ايجاد المنطقة المشتركة مع الآخر

القاعدة الثالثة : اندمج مع مجتمعك ولا تنعزل عنه ,
لاتختلف طريقة الكلام او طريقة الحديث بشكل يلفت النظر
اندمج معه ولكن بدون فقد هويتك

القاعدة الرابعة : لاترفض أي فكرة بشكل مطلق
اعط نفسك مساحة للتفكير والتعديل عليها وايجاد المناطق المشتركة

القاعدة الخامسة : لا تظلم مخالف لك في الرأي فتحوله الى عدو

القاعدة السادسة : كن صادق النية في تجميع الناس وإرادة الحق
فهناك من يريد الحق وفقاً لهوآه
فيضع الحق في كفه وهواه في كفة ويرجح هواه

القاعدة السابعة : لكي تتعايش مع الآخرين احترمهم ,
احترمهم تكسب قلوبهم

القاعدة الثامنة : كن مرناً

القاعدة التاسعة : كن انساناً ,
تذكر ان الانسانية تجمعكم حتى لو اختلفتم في الرأي

القاعدة العاشرة : التعايش لايعني الذوبان وانعدام الشخصية

.
.







وأخيراً ,
كل مازادت قدرتك على التعايش .. زآدت خبرتك
وقدرتك على الاستفادة من العقليات والحضارات المختلفة ,
وكل ماكنت متشبث برأيك وعندك عدم استعداد حتى لـ سمآع الآخر
كل ماهتبقى بترجع لورا في حين ناس كتير بتتقدم قدآم
وتذكر أيضاً
لو ماحترمتش وجود غيرك واختلافه وحقوقه
ممكن الموضوع ينقلب عليك وتلاقي اللي مش محترم فكرك
ولا ارآءك ..


اتمنى الموضوع يفيدكم ولو بجزء بسيط
وللأمانة , أنا أخذت معلومات موجودة في الموضوع من مواقع
على النت ومن برنامج " دعوة للتعايش "
لـ د.عمرو خالد
اللي كان بيحكي عن قدرة الائمة الاربعة في التعايش
رغم اختلافهم في بعض الآرآء الفقهية
..

بالتوفيق للجميع
..

[Sєяєєη●•ʚɞ]

موضوع حلو اوى بجد
وكلامة صح جدا
الانسان مش عايش فى الدنيا لوحدة ولازم يكون عندة فكرة تقبل الاخر مهما كان الاخر مختلف فكريا او دينيا او جنسيا او حتى شكليا
لازم نتقبل الاخر
وفكرة قبول الاخر بيعتمد ع الشخص نفسه
وقبولى للاخر هو احترامى لذاتى اولا ثم احترام الاخر
حرية الشخص تقف عند حرية الاخرين انا حر فى ارائى لكن لاتتعدى حدود الاخر
مش الحرية انك تتعدى ع الاخر بأراءك الجارحة وتقول انا حر
ولا الحرية هو نبذ الاخر كأنة مش عايش معاك فى الدنيا
كلنا بنعيش فى مجتمع ملىء بالاخرين
لازم نؤمن اننا مختلفين فى كل شىء وان الاخرين مختلفين معاك فتقبلهم وتقبل اراءهم وتقبل اجناسهم ودياناتهم
فبدل اما نقول للى قدامك اننا مختلفين
قول احنا مكملين لبعض
فالاختلاف يعنى التكامل
فأهم شىء فى التعايش مع الاخر هو قبول الاخر
لو تم القبول هتتقبل منة اى اختلافات
بشكرك دندون ع الموضوع الشيق دة
..

[yasmine refat]

موضوع رائع جدا ,, حاسه كده انحنا بنمشي ببطء في حجات بقت بديهيات عند ناس كتير (( ولا يمنع وجود تطاولات ))

بس على الاقل عندهم المفهوم احنا لا مفهوم ولا شيء مازلنا بنتعايش مع العقول المغلقه وبنصر نمشي عكس حركة التاريخ

تشكري

[تيتشر نفشه ツ]

بجد موضوع متميز ومهم جدا

التعايش دا هو سلاح الحياه

ومن غيرو الواحد مش عارفه يعيش ازاي لأن ليه لمجتمع المحيط بيه مش يقدر يتوحد فحياته

بجد تسلم ايديكي حاجه روعه

[∫ αʟм ∫]

تسلم آيدك
عجبنى آلمضمون

[الحان الورد]

اقتباس المشاركة الأصلية كتبت بواسطة sereen موضوع حلو اوى بجد وكلامة صح جدا الانسان مش عايش فى الدنيا لوحدة ولازم يكون عندة فكرة تقبل الاخر مهما كان الاخر مختلف فكريا او دينيا او جنسيا او حتى شكليا لازم نتقبل الاخر وفكرة قبول الاخر بيعتمد ع الشخص نفسه وقبولى للاخر هو احترامى لذاتى اولا ثم احترام الاخر حرية الشخص تقف عند حرية الاخرين انا حر فى ارائى لكن لاتتعدى حدود الاخر مش الحرية انك تتعدى ع الاخر بأراءك الجارحة وتقول انا حر ولا الحرية هو نبذ الاخر كأنة مش عايش معاك فى الدنيا كلنا بنعيش فى مجتمع ملىء بالاخرين لازم نؤمن اننا مختلفين فى كل شىء وان الاخرين مختلفين معاك فتقبلهم وتقبل اراءهم وتقبل اجناسهم ودياناتهم فبدل اما نقول للى قدامك اننا مختلفين قول احنا مكملين لبعض فالاختلاف يعنى التكامل فأهم شىء فى التعايش مع الاخر هو قبول الاخر لو تم القبول هتتقبل منة اى اختلافات بشكرك دندون ع الموضوع الشيق دة ..

تعريف الحرية زي ماذكرتيه بالظبط
انت حر مادآم ماتعدتش على حد ,,
كلآمك سليم جداً يا سيرو
منورآني والله

[الحان الورد]

اقتباس المشاركة الأصلية كتبت بواسطة yasmine refat موضوع رائع جدا ,, حاسه كده انحنا بنمشي ببطء في حجات بقت بديهيات عند ناس كتير (( ولا يمنع وجود تطاولات )) بس على الاقل عندهم المفهوم احنا لا مفهوم ولا شيء مازلنا بنتعايش مع العقول المغلقه وبنصر نمشي عكس حركة التاريخ تشكري

عندك حق والله
يعني مثلاً تحصل بين مشكلة بين مسلم ومسيحي
مع اننا اصلاً من زمان واحنا عايشين مع بعض
واحنا الاتنين جزء من شعب واحد
بس برضو انا مش بفقد الامل , هنتغير في يوم ان شاء الله
منورة الموضوع يا ياسمين

[الحان الورد]

اقتباس المشاركة الأصلية كتبت بواسطة بنوته بريئه بجد موضوع متميز ومهم جدا التعايش دا هو سلاح الحياه ومن غيرو الواحد مش عارفه يعيش ازاي لأن ليه لمجتمع المحيط بيه مش يقدر يتوحد فحياته بجد تسلم ايديكي حاجه روعه

بالظبط كدآ
تسلمي على مرورك

[شوشو2012]

بارك الله فيك موضوع رائع

[princess osha]

ناااااااااايس توبيكـ
تسلم ايدك يا قمر