مفيش فايدة...

[the Princess of rose]

	السلام عليكم ورحمة الله وبركاته النهارده شوفت خبر اجتماع القمة الاسلامية فى السعودية وتعجبت من وجود الرئيس الايرانى ومصافحة الرئيس المصرى له ....مش الرئيس المصرى داعم للثورة السورية ولا ... ومش السعودية داعمة للشعب السورى وتجاهد من اجل مساعدته.... طب ليه تم الموافقة على حضور رجل يساعد السفاح بشار الاسد ويدعمه ....ولا كل الحرقة ع الشعب السورى من قبل الحكام العرب تمثيل وخلاص واللى اتعجب منه هو تعليق عضوية سوريا فى المؤتمر اللى حصل ده طب ما تعلقو عضوية كل من يساند النظام السورى ايضا يمكن اكون مش فاهمة حاجة فى الموضوع فحبيت اطرح الموضوع وأضيف ذلك لانجازات الرئيس مرسى انه يرجع لنا علاقتنا بايران على حساب دماء السوريين.... واحب اقول ان اللى استنبطه من ذلك انه مافيش فايدة....

[╝◄♥ سهم الحب ♥►╚]

السلام عليكم ورحمة الله وبركاته أختي الكريمة ..

من الواضح انك متواجده هنا دائما في القسم ومن الواضح انك من معارضي الرئيس الجديد مرسي لذا أهلا بك ,, وسنتناقش كثيرا في المستقبل بما اننا في طرق مختلفه ، لذا فانها بشره جيده لأول يوم لي في المنتدى ^_^

الاجتماع الذي تتحدثين عنه لربما كان لا بد من الاجتماع معه والتناقش ، من يعلم ربما يناقشون أحد الحلول بالنسبه للشعب السوري .. او يحاولون الوصول لحل ما لذا فدعينا لا نتسرع في الحكم عليهم ونظلمهم

دمتي بودّ ,, أخوكي احمد ^_^

[neji.sama]

السلام عليكم اخوتى


من الواضح ان الموضوع يعنى فيه شوية ملاحظات و هى ان الرئيس

لسه ماتعودش و لسه المنصب جديد عليه
وكمان لازم الشعب يحترم الرئيس بيتاعه

[╝◄♥ سهم الحب ♥►╚]

اقتباس المشاركة الأصلية كتبت بواسطة neji.sama السلام عليكم اخوتى من الواضح ان الموضوع يعنى فيه شوية ملاحظات و هى ان الرئيس لسه ماتعودش و لسه المنصب جديد عليه وكمان لازم الشعب يحترم الرئيس بيتاعه

لا يا أخي مش موضوع لسا ما اتعودش عليه ، موضوع في حاجات كتيره قوي قدامه ومتشتت .. كمان لازم نحترمه كلامك صح خصوصا اذا كان هوا محترمنا ومحترم حقوقنا وبيحاول يعمل كل اللي يقدر عليه

[the Princess of rose]

اقتباس المشاركة الأصلية كتبت بواسطة ╝◄♥ سهم الحب ♥►╚ السلام عليكم ورحمة الله وبركاته أختي الكريمة .. من الواضح انك متواجده هنا دائما في القسم ومن الواضح انك من معارضي الرئيس الجديد مرسي لذا أهلا بك ,, وسنتناقش كثيرا في المستقبل بما اننا في طرق مختلفه ، لذا فانها بشره جيده لأول يوم لي في المنتدى ^_^ الاجتماع الذي تتحدثين عنه لربما كان لا بد من الاجتماع معه والتناقش ، من يعلم ربما يناقشون أحد الحلول بالنسبه للشعب السوري .. او يحاولون الوصول لحل ما لذا فدعينا لا نتسرع في الحكم عليهم ونظلمهم دمتي بودّ ,, أخوكي احمد ^_^

عالعموم ادينا مستنيين خلينا نظن ظن طيب لغاية ما نشوف
بس يا ريت لو غلط نعترف بغلطه عشان نصلحه ما نقعدش نبرر للاخطاء لان الاعتراف بالاخطاء
هى بداية طريق الاصلاح انا مش بقول مادام عمل كده يبقى يتنحى انا قصدى بكده معارضة لكن معارضة ايجابية لصالح البلد فقد كان عمر بن الخطاب رضى الله عنه يسعد بانتقاد الناس له ان أخطأ بل وصاهم بذلك وعلى فكرة انا لاانتمى لاى حزب او فكر من الافكار انا باعرض تناقض حصل عشان نعالجه
شكرا لمرورك احترم رأيك جداااا
ويسعدنى الاختلاف فى الاراء فالاختلاف بداية الارتقاء

[the Princess of rose]

اقتباس المشاركة الأصلية كتبت بواسطة neji.sama السلام عليكم اخوتى من الواضح ان الموضوع يعنى فيه شوية ملاحظات و هى ان الرئيس لسه ماتعودش و لسه المنصب جديد عليه وكمان لازم الشعب يحترم الرئيس بيتاعه

هو رأيك غريب شوية اصل المفروض الرئيس يبقى مش مشتت خالص لانه لو بنظرية التشتت دى
البلد هتقع يعنى لو كان الرئيس متشتت وبقاله شهر وشوية فى الحكم يبقى الشعب عامل ازاى وده مش موقف صغير
وعلى حكاية الاحترام انا احترم الرئيس جدا لانه جاء بارادة باقى اخواتى اللى عايشين معايا وياريت نفرق بين المعارضة وعدم الاحترام ولو بعارض فده من اجل صورة مصر وليس من اجل شئ اخر
فانتمائى الاول والاخير للبلد وانا كما قلت سابقا انا مصرية مسلمة وهو ده فكرى ورايى ولا اعترف باللى يتسمى ليبرالية او اسلامية او علمانية والكلام ده
احترم رأيك جداااااا
وشكرا لمرورك ومناقشتك

[أحمد الخزرجى]

السلام عليكم
بسم الله أبدأ كلامى
أولا إنتى معارضه للرئيس ثانيا هوا دا إجتماع فى السعوديه مش فى مصر علشان يمنع رئيس إيران أما بالنسبه الرئيس داعم الثوره الثوريه من أول يوم وعارفه السبب التانى علشان إلى أول من بدأ ثورة سوريا هم الإخوان المسلمين بسوريا طبعا كنت دخلتى على موضوع وإتكلمتى على الرئيس طبعنا كل دا رئيسنا ووجبنا ندافع عنه عارفه ليه لأن ولى أمرنا ولو مش مقتنع بالرئيس والإخوان المسلمين فى فأرجوكى ألا تأيدى الثوره الثوريه لأن الإخوان إلى قايمين بيها هناك وبالنسبه الإجتماع الله أعلم بم دار حولهم من كلام يمكن كان بيكلموا ألا يساند بشار الكلب وطبعا إيه إلى عرف حضرتك إن الرئيس فضل علاقتنا على حساب شهداء سوريا
أرجوكى هذا رئيسنا وهوا له علينا حق الطاعه فيما أحله الله
ويارب تتقبلى كلامى بصدر واسع
وإنهى كلامى بالسلام عليكم

[╝◄♥ سهم الحب ♥►╚]

اقتباس المشاركة الأصلية كتبت بواسطة the princess of rose عالعموم ادينا مستنيين خلينا نظن ظن طيب لغاية ما نشوف بس يا ريت لو غلط نعترف بغلطه عشان نصلحه ما نقعدش نبرر للاخطاء لان الاعتراف بالاخطاء هى بداية طريق الاصلاح انا مش بقول مادام عمل كده يبقى يتنحى انا قصدى بكده معارضة لكن معارضة ايجابية لصالح البلد فقد كان عمر بن الخطاب رضى الله عنه يسعد بانتقاد الناس له ان أخطأ بل وصاهم بذلك وعلى فكرة انا لاانتمى لاى حزب او فكر من الافكار انا باعرض تناقض حصل عشان نعالجه شكرا لمرورك احترم رأيك جداااا ويسعدنى الاختلاف فى الاراء فالاختلاف بداية الارتقاء

تماام معارضة ايجابية .. بس للأسف في ناس كثير بتشوه سمعة الرئيس وبتكره الناس فيه تحت اسم الانتقاد وهو حقيقة انتقاد هادم وليس بنّاء ، لا أقصدك أختي أبدا انا فقط أقول ما أراه كثيرا وغالبا يكون معظمهم جهلة (حافظين كلمتين) ومش مقتنعين بيهم ..


أهنيكي على أسلوبك الجميل في التناقش وصدرك الرحب ، في حفظ الرحمن ^_^

[the Princess of rose]

اقتباس المشاركة الأصلية كتبت بواسطة أحمد الخزرجى السلام عليكم بسم الله أبدأ كلامى أولا إنتى معارضه للرئيس ثانيا هوا دا إجتماع فى السعوديه مش فى مصر علشان يمنع رئيس إيران أما بالنسبه الرئيس داعم الثوره الثوريه من أول يوم وعارفه السبب التانى علشان إلى أول من بدأ ثورة سوريا هم الإخوان المسلمين بسوريا طبعا كنت دخلتى على موضوع وإتكلمتى على الرئيس طبعنا كل دا رئيسنا ووجبنا ندافع عنه عارفه ليه لأن ولى أمرنا ولو مش مقتنع بالرئيس والإخوان المسلمين فى فأرجوكى ألا تأيدى الثوره الثوريه لأن الإخوان إلى قايمين بيها هناك وبالنسبه الإجتماع الله أعلم بم دار حولهم من كلام يمكن كان بيكلموا ألا يساند بشار الكلب وطبعا إيه إلى عرف حضرتك إن الرئيس فضل علاقتنا على حساب شهداء سوريا أرجوكى هذا رئيسنا وهوا له علينا حق الطاعه فيما أحله الله ويارب تتقبلى كلامى بصدر واسع وإنهى كلامى بالسلام عليكم

ايوه انا معارضة انت محسسنى ليه انها حاجة عيب ههههههههههه
ثانيا انا ماقلتش يمنعه انا طرحت برضه سؤال انه ليه السعودية ما منعتشهوش عشان افهم يمكن فى حاجة فى الموضوع مش فاهماها بس طبعا ماحدش رد على فى النقطة دى كله مسك فى الدكتور مرسى
ثالثا اللى انا بعارضه فى الدكتور مرسى هو مصافحته للرئيس الايرانى هناك ولسه سامعة اخبار عن
انه يمكن يحضر مؤتمر دول عدم الانحياز فى ايران واتمنى ان الخبر ده مايكونش صحيح
رابعا ثورة سورية ثورة شعبية واللى بيموتوا مش معقول ننكرهم ونقول برضه ان الاخوان قادة الثورة
كما ادعوا فى مصر فالثورة فى مصر بدأت 25 يناير ولم ينزل الاخوان الا من 28 يناير او بعدها
رابعا ايه اللى جاب الاخوان فى الموضوع انا باتكلم عن الدكتور مرسى الا بقى كان اتهام القوى السياسيى للدكتور مرسى بعدم انفصاله عن الاخوان صحيح
خامسا حكايه ولى الامر ما مبارك كان ولى امرنا ساعتها ماكناش عملنا ثورة بقى عليه وقلنا بقى عيب اننا نعارضه
سادسا انا اؤيد الثورة السورية وليس الاخوانية لان لو كان الاخوان مشتركين فى سوريا فى المظاهرات يمكن عشان السلطة زى ما حصل عندنا فى مصر والله اعلم بالنوايا ان كان هيبان
سابعا انا اتقبل اكيد رأيك جداااا جداااا حداااا واحترمه جدا
والاختلاف فى الراى لا يفسد فى الود قضية حتى لو كنت اخوانى فانا ضد قيادات الجماعة وليس ضد شبابها
شكرا لمرورك