نشرة اخبار الخامسه والعشرون وحلقه جديده

[كبرياء رجل]

اهلا وسهلا بكم وحلقه جديده


ونشرة اخبار الخامسه والعشرون



واليكم العناوين











/ بيوتي سول وسر الصور الرمزيه .




/ الاعضاء تريد اسقاط المدير .




/ المنتدى لا يزال يحتفل باول ايام عيد الفطر .




/ تم غلق مخبز المنتدى لضياع الرخصه .






واليكم التفاصيل



1 / بيوتي سول وسر الصور الرمزيه .



بيوتي سول


ورحله ما بين تغيير الاسم
او تغيير الرمزيات
بنشوف كل شويه اعضاء كل شويه
تغير الاسم او الرمزيه
العضوه بيوتي سول عشان مش عارف
انطق اسمها الجديد
وقامت بتغيير صورتها الرمزيه
بعد ماكانت لابسه نضاره
دلوقتي شالت النضاره ومركبه سماعه وباصه لفوق على اساس ان في حاجه
هتقع عليها من فوق
ومش خايفه انها ممكن تتزحلق
على الارض او تخبط في اي عيل صغير
وهي ماشيه او اي عمود نور
المهم بعد عدة علامات استفهام
سالناها
ان هل النضاره بتاعتها اتكسرت
اجابت لا طبعا ولكن ان بعت النضاره واشتريت مكانها سماعه
قلنا طب وايه حكايه الطقيه
اللي لبساها قالت انها سرقتها
من اليسا ودي الطقيه اللي كانت لبساها

في اغنيه ليالي الشتا


( طبعا طالما ليالي الشتا يبقى
لازم طقيه مع انها ممكن تتلبس طقيه برضو
في ظهاري الصيف عشان الشمس )


ولما سئلناها نفسك في ايه


قالت ابيع الطقيه دي واشتري عروسة المولد


عموما ربنا يوفقك
وتحققي كل اللي نفسك فيه





2 / الاعضاء تريد اسقاط المدير .



لرفع يد واحده تأييد لمظاهرات
الشعب يسقط يسقط حكم العسكر

اثر انقلاب حدث في المنتدى بعد ما العضوه .بنوته بريئه.
اخدت الفطار بتاعها ناقص صباع موز
فقد تضامن معها الاعضاء
ان ده اسمه تسيب ازاي فطار العضوه مفهوش صباع الموز

وتحالفت الاعضاء الاخضر
والبرتقالي والازرق
وجميع الوان الطيف

ازاي العضوه تاخد الفطار بتاعها
ناقص صباع موز ده اسمه تسيب
وعدم نظام

ولازم ينقلب الحكم ويسلم الى اي عضو بعيد عن المجلس يعني اي حد اخضر او برتقالي فقط

فيما شعر البعض بالقلق وراحت اتسوقت الاخت .الاميره رودي . وجابت للعضوه بطيخه 25 كيلوا

وبرضو العضوه تاكل البطيخ بقشره
ومصره على موقفها

راحت الاخت سلفر فلاور جابت ليها 15 كيلوا موز برضو اكلت الموز بقشره ومصممه على الموقف
حتى الشباب بتوع المنتدى
جابولها 15 قفص تفاح اكلتها بالبذر
و20 ربطة ملخويه وشويه لفت طازه لسه مستخرجه من الارضي الغير محتله
وكام راس قلقاس ومقطف خيار
الا انه ما زال الاعتصام حتى قام
المدير العام بقول كلمته قائلا
اعزائي ابنائي اعضاء المنتدى الكرام نأسف للخبر المؤلم وهو قد انتهى عصر الموز من يومنا
رافعا رايه لا موز بعد اليوم لان قشره بيزحلق لو خس مفيش مشكله




3 / المنتدى لا يزال يحتفل باول ايام عيد الفطر .

المنتدى لا يزال يحتفل باول
ايام العيد
تحت شعار اهلا اهلا بالعيد
مرحب مرحب بالعيد
لا يزال يحتفل المنتدى باول ايام
عيد الفطر المبارك
وكلما مرت عليه عدة ايام نجده
عاد مره اخرى الى هذه المناسبه
وكأنه لا يريد ان يمر
اول يوم من ايام عيد الفطر
فاصبحت كل العام تعود
ليوم 19 حباً في هذه المناسبه
لدرجه ان اعضاء كتير اشتكت
من كده
يا جماعه كفايه احتفال كل ما ييجي
اخر يوم في العيد فجأه تلاقي نفسك رجعت من تاني ليوم 19
فيما اعترض البعض وطالبوا بعودة
استايل المنتدى للاحتفال بعيد
الاضحي العام الماضي
وخرج بعض المعتصمون والمتضاهرون في احداث 24 اغسطس مع بعض اعضاء المنتدى


فخرج الاخ محمود قائلا


لما كام يوم والدنيا خربت
طب لو رجعنا سنه

تلك رسالتي على جميع
الاعضاء المتعصمون
في ميدان كفر الزيات احدى
الفروع الاساسيه للمنتدى
التراجع وان لم يتم التراجع سوف
اقوم بضربكم بطيارت
هليو كوبتر او دبابات ناسفه
فتلك التظاهر ضد مصلحة المنتدى
بشكل عام وضد المدير العام بشكل خاص
فكل واحد مسك جزمته في ايده واللي
كان متظاهر حافي كان الموضوع سهل وقالوا يا فكيك عالم ما تجيش غير بالعين الزرقا





/ تم غلق مخبز المنتدى لضياع الرخصه .


بعد عدة مناوشات تم غلق المنتدى
في ظروف غامضه وبعد ضياع الرخصه
ولما سئلنا حد من الاداره اجاب ان
الحج ابو اسماعين
للي بيجيب لينا كل يوم 50 شكارة
دقيق بعافيه شويه
عشان في حد سرق فردة جزمه بتاعة
ابنه ومش عارفين يعملوا ايه هل
يبيعوا الفرده التانيه
ولا يعملوا محضر بسرقة الفرده
ولما سئلنا ايه الحل


قال احد المسئولين
جاري تعليم جميع بنات المنتدى الخبيز عشان يعتمدوا على نفسهم
وعشان يشوفوا الحر على اصوله
وعلى راي المثل اللي بيقول


(اكل البيت احسن من بره )


طبعا وبكده هنبدأ في شراء اغطيه للراس
لجميع بنات المنتدى الغير محجبات عشان العجين
او نحلق قرعه لبعض البنات
ومتقولش المثل اللي بيقول


( نطلع شعر بنات المنتدى من العجين )

كمااعلنوا عن مسابقه ان اي عضو
هيلاقي شعرايه في الخبز

هياخد 14 رغيف هديه كل ما يفعله
يسلم الشعره لاي حد مختص في ظرف جواب
على العنوان التاني
شعره مع عجين دوت كوم

وسيقوم قسم المظبخ بعمل مسابقه اخرى


اسرع خبازه في المنتدى





الى هنا تنهي نشره اخبار الخامسه والتسعون
انتظرونا مش عارف امتى
في الحلقه القادمه
دمتم بخير وكل سنه وانتم طيبين

[رنا هشام]

هههههههههه
نشرهـ جآمدهـ ي كبريآء
^_^
عجبتني آوي
آن المنتدي بيرجع لآول يوم العيد
كل شويه ..
بالتوفيق فـ الحلقآت الجآيه
,,

[Hearts Whisper]

حلقة اكتر من رائعة
بجد تحفة واسلوبك رائع اوى يا سامى
عجبتنى الحلقة مووووووووووووووووووووووووووووت
تسلم ايدك تحيييييييياتى

[ŌиĹч.Ḿё]

في ميدان كفر الزيات احدى


انت تعرف ميدان كفر الزيات منين بيتنا فيه ياجدع ومفيش قلبان فى المنطقة عندنا :biggrin:

حلوة يا سامى الحلقة بالتوفيق ياباشا

[حلم عمري]

هههههههههههه
بجد حلقة جامدة جدا وخصوصا اخر خبر
تسلم ايدك كبرياء
في انتظار الحلقة القادمة

[عاشقة الهدوء]

ههههههه الله يخرب عقلك يااسامى هموت ياناس من الضحك الله يسعدك

رغم أنى مخصماك بس معرفش ليه رديت على الحلقه أنت حاطط فيها سحر ياواد

بس والله نشره جامده جدا كالعاده ياساامى متألق ياكوميديان المنتدى هههه

وأحنا لسه فى العيد على فكره ياسلام لو ترجع أيام رمضان تانى

وأيااام العيد ياااااااه الايام بتجرى فى ثانيه

أجمل فاااااااايف أستاار ياساامى ومووفق داائما

وعلى فكره ردى ده ميمنعش أنى لسه مخصمااك ههههه

مش عارفه ايه الى جابنى هنا

[Ŗăήćy]

هههههههههههههه جميلة اوى النشـرة دى
وأحلى حآجة إنهآ بتجيب كل الأخبـآر ^_^
تسلم الايـآدى يآ كبريآء بجد كآنت حلقة جميلة,,وبإنتظـآر الحلقآت الجآية بقى

[الأميرة رودي]

هههههههه ياأخبارك الطازه ياسامى

أجمل حاجه فى النشره بتاعتك انها بتجيب الحصريات

يعني واحد فرده الجزمه بتاعت ابنه ضاعت مين هيعرف غيرك يعنى


مش معقول حد غيرك هنا هيعرف انت على طول كده بتجيب


المستخبي


وكمان عرفت انى روحت اشتريت بطيخه 25 كيلو انت كنت بتراقبني ولا


ايه ياسامى؟ حلقه جميله جدا ونشره لذيذه جدا جدا


وربنا يستر على المنتدى بقى ومايرجعش بينا لنكسه 67


تسلم الايادي ياكبرياء بجد من الناس اللى بضحكنى هو انت بتوبيكاتك



الخفيفه الجميله



تسلم الايادي وأجمل 5 نجوم تستاهلها

[ياسمينااا]

ههههههههههههههههه
بجد حلقه جامده جداا
تسلم ايدك يا كبرياء
وفي انتظار الحلقة القادمه باذن الله
تحياتي

[Silver Flower]

انا متهيئلي اني رديت قبل هيك
مشركتي اتسرقت ياارجاله