حلقـة جديدة من برنامج " رحلة تعمق " ..

[الحان الورد]

،


السلام عليكم ورحمة الله وبركآته
..

هنستكمل حلقات برنامج " رحلة تعمق "
واللي بنحاول فيها نقرب أكتر من شخصيات الأعضاء ونفهمهم
وممكن كمان نحاول نحلل شخصياتهم
بما انه قسم التنمية بقى وعلم النفس

المهم
نبدأ في الحلقة على طول
.
.
معانا شخصية غنية عن التعريف
أنا مش هقول عنها حاجة , وهسيبلكم انتو المهمة دي
بعد ماتشوفوا إجاباتها ..










" دمعـة حائرة "

أهلاً بيكِ يا منة معانا




**

اسمك الحقيقي ... ، وسبب إختيـآرك لـ اسمك المستعار ...
عمرك ...
اسمى منه
كنت قريت بيت شعر
اضحك ودمعى حاير وسط عينى وبالصدفه بعدها
كنت هاسجل فى المنتدى
فخطر فى بالى اقتبس الاسم منه
في طفولتك أحببت أن تكون
كان نفسى اكون حد مؤثر فى المجتمع اكتر من كده
يكون ليا هدف كبير اجتماعى او خيرى اسعى فيه واخدم الناس
واساهم بشكل عملى فى اسعاد الاخرين
وعندما كبرت وجدت أن
الظروف اقوى مننا وبتغير مجرى حياتنا مش ضعف ولكن أولويات
بتكون ليها المكان الاهم فى حياتك ممكن تبعدك عن الحياه العامه
وتشغلك بمسؤلياتك الخاصه
لا تحب أن يرآك الآخرون وأنت
ماحبش حد يشوفنى وانا ببكى
وغالبا بقفل على نفسى لحد ماتمر الفتره دى
ونقطة ضعفك
زى اى ام نقطه ضعفى اولادى
اللى ممكن عشانهم اتنازل عن حاجات كتير
مش اى شخص ممكن يخلينى اتركها
رؤيتك للحيآة انها
الحياه رحله عطاءوبحث طويله
واختبار من ربنا على مدى قدرتنا على طاعته وايمانا بيه
وأصعب مافيها
اصعب مافيها الاحتياج والفشل
واجمل مرحلة في حياتك هي
مرحله المراهقه كانت اسعد ايامى
بمرح وصداقات وايام ثانوى خصوصا
لا تغلق أبداً نافذة الـ الامل في حياتك ، لأنك بدونه ستعيش بائس وحزين


,,


أسئلة عامة :


- " الحياة مليئة بالمحن والابتلآءات ، بتتفآوت درجة المحن زي مابتتفاوت ردة فعلنا وصبرنا ع المحن دي "
انت بتواجهي إزاي المحن دي .. وبتحب تعتمد على نفسك ولا ممكن تعتمد على حد قريب منك ؟
الابتلاء نعمه واختبار من ربنا واكيد بتعدى بالمثابره والايمان بالله
وبعتمد على نفسى فى حاجات وعلى والدى فى حاجات كتير لحد دلوقتى
مقدرش استغنى عنه ولا استشارته

_ - دآيماً بنتكلم عن الايجابية وازاي نكون مؤثرين وفعالين في المجتمع اللي عآيشين فيه ،، أيه هو تعريف الايجابية من وجهة نظرك ؟ وتفكيرك -غالباً- بيبقى مهتم بالايجابيات ولا السلبيات ..؟؟
الايجابيه انك تشوف الحاجات الكويسه دايما وتدور على قدراتك وتنميها
وتدى نفسك قوة دفع عشان تطورهاوتستفيد من اخطاءك
وماتوقفش طموحك عند حد معين
تفكيرى فى السلبيات من باب التعديل وليس من باب التخاذل
او انى اوقف مكانى ما اتقدمش خطوة جديدة


_ أبرز عيوب شخصيتك ؟
التردد ..ده بعانى منه كتير قبل مااخد اى قرار
باخد وقت كبير عشان افكرواقرر
وبتحاولي تعالجيها ولا مؤمنة ان كل شخصية ليها عيوب ؟
بحاول على قد مااقدرلكن اوقات بيفدنى فى عدم التسرع
وبيضرنى لان فيه قرارات مابتستناش كتير

_ " الإنسان عدو مايجهل " ,, إيه رأيك في المقولة دي ؟
مقوله خطأ لازم نفهم كل اللى يقابلناونحارب الجهل بكل صورة
وليه غالبية الناس بتبقى ضد التغيير ؟
الناس الانهزاميه المتخاذاله بس هيا اللى ضد التغيير
التغيير فوايده كبيره جدا مهما كان متعب فى البدايه
وانت شخصياً موقفك ايه منه .. بتحبي تغيري ولا بتفضلي الروتين ؟
بحب التجديد والتغير دايمافى حياتى وبمل بسرعه من كل الروتين

_ بتفضلي تكوني خيالية وطموحة ولا بتفضلي الواقعية ؟
الخيال هو بدايه لطموح جديد وافكار ممكن توصلك
لتحقيق حلم جديدلكن لازم يكون الحلم يكون واقعى الى حد ما ونقدر عليه
وليه أحياناً الواقعية بتبقى ضد الطموح ؟
الواقع دايما بيصدمنا بعقبات ممكن تخلينا نتراجع
او نحس بالانهزام ونبطل نتقدم

_ اول انطباع بيتآخد عن شخصيتك ايه ؟
هاديه وبسرح كتير
وغالبا بيبقى صحيح ولا لأ ؟
اكيد صح ههههه
وهل اختلف الانطباع دا في النت عن ارض الواقع ؟
لا كتير هنا قالولى انتى هاديه جدااا


_ بتعبري ازاي عن
فرحك ..
بضحك وبغنى وباكل شيكولاته
غضبك ..
بغضب بجد وببعد وبنعزل فى غرفه لوحدى لحد مااهدى

_ ايه المواقف اللي ممكن تخليكي تضطري للسكوت ؟
الخزلان من اشخاص بحبهم بيخلينى اسكت لانى مااقدرش اضايقهم
برغم انهم ضايقونى


- مجتمعنا دآيماً او غالباً بيميل للمجآملات ، وقليل اللي بيتقبل الرأي الآخر والنقد بدون حسآسية ، انت شايفة امتى هنقدر نآخد النقد والصرآحة ببسآطة ؟
لما الجهل ينعدم ويصبح الجميع مثقف واعى وعملى فى التفكير
الكل هايتقبل النقد ويصلح من نفسه
وانت نفسك بتميلي للمجاملات أحياناً ولا بتقولي رأيك ومابيهمكيش ؟
بقول رائى بصراحه لو طلب منى النقد
لكن لو ماانطلبش بفضل السكوت
وبقول رائيى لو شوفت غلط قدامى مااقدرش اسكت عليه

الخجل والحياء سمات فطرية في البنت .. إمتى الخجل دا بيتحول لـ خجل اجتماعي مذموم ؟
لما يقف عائق قدام طموح البنت ويحبسهاويمنعها من تحقيق ذاتها
وبالنسبـة لـ خجل الشباب .. أيه موقفك منه ؟
مااعتقدتش ان فيه شاب خجول لدرجه تخوف
لكن الحياء مطلوب فى الجنسين بس فى البنت مطلوب اكتر
وفيه فرق بين الحياء والخجل المرضى
ممكن تعتبريه نقص في شخصية الرجل ؟
ممكن لو ذاد عن حده لان فيه امور كتير بيتوجب على الشاب
انه يبادر بالخطوة الاولى وانه يكون قوام على المرأة
فالخجل هايعمل خلل فى شخصيته


- معروف ان الطفل وهو صغير الام والاب هم اللي بيتحكموا في تكوين شخصيته بشكل كبير ، انت شايفة ان التربية بتأثر قد ايه في شخصية الانسان ؟
اكيد وبشكل كبير ممكن يعانى منه لو كان فيه اخطاء
وهل كل وآحد مهما كبر بتفضل جوآه جزء من طفولته ..؟؟
طبعا لان ذاكرة الطفوله دايما ثابته وخصوصا المواقف القويه
او الحوادث الكبيره



- مين قدوتك في الحيآة أو ملهمك والشخص اللي بتتمنى تكوني شبهه ؟ وليه الشخص دآ بالذآت ..؟؟

اكيد والدى اثر فيا كتير واتعلمت منه كل حاجه
ولسه لحد دلوقتى بتعلم



- " اهتماماتنا بتعبر بشكل ما عن افكارنا وشخصياتنا " ، ايه رايك في الجملة دي ؟
وكلمينا شوية عن اهتماماتك وهواياتك ..؟؟
جمله صح ميه بالميه
هاتلاقى اللى بيحب يتابع الرياضه كل تفكيره وهواياته الرياضه
وبتاخد يومه وهاتاثر مش بس فى تفكيره لا فى جسمه وشخصيته كمان
وانا مثلامن زمان اهتماتى القراءه
وده كان ليه اثر فى حياتى انى نميت مواهبى فى الكتابه
غير انى كانت بتملى وقت فراغى


- ايه هو تعريف الثقة بالنفس بالنسبآلك ؟
الثقه بالنفس انا كنت كتبت موضوع عنها ووضحت وجهة نظرى
وهيا نابعه من الايمان والثقه بالله
بتدى دافع كبير بيقوى الشخصيه
وياترى ايه هو الخط الرُفيع اللي بيفصل عن الثقة والغرور ..؟؟
الثقه انك تكون واثق انك تقدر تعمل الشىء ده وتحقق طموحك
ولما تحققه تقول لسه فيه اكتر
لكن الغرور اول طريق الفشل
لان المغرور بيحس انه عبقرى زمانه
ومحدش يقدر يعمل اللى بيعمله
وبكده مش هايتقدم ولا خطوة وهايحصد كره الناس


- كل ان كل انسان جوآه طاقة كبيرة محتاجة يوجهها في الاتجآه الصح ويستفيد منها وكل انسان ربنا ميزه عن غيره بشيء خآص بيه ،، انت عارفة كل موآهبك وقدرآتك وبتقدري تستفيدي منها ولا حاسة انك لسه ممكن تكتشفي نفسك أكتر ؟

اكيد كلنا جوانا طاقه كبيره ولازم نوجهها فى الطريق الصح
وطول ماالانسان عايش يقدر على العطاء
وينمى مواهب وقدرات اكتر جواه
وبيكتشفها كل يوم وده اللى بيدى معنى للحياه


_ بتعتبري نفسك قيادية وبتتحملي المسؤولية ؟
الى حد ما وبالفعل انا متحمله مسؤليه كبيره فى حياتى


_ هل فشلت في تحقيق حلم مهم في حياتك قبل كدا ؟
اكيد بس حققت حلم اكبر منه
والفشل دا أحبطك ولا استمريتي في المحاولة ؟
حاولت بس فى طريق آخر


_ بنسمع حكم وامثال كتير .. بس في حاجات معينة بتثبت معانا ..
اما لانها لمست حاجة جوانا .. او اننا اقتعنا بيها جداً ..
إيه هي أهم المقولات اللي أثرت فيك ؟
هيا آيه قرآنيه
دايما بتتحق قدامى
من يتق الله يجعل له مخرجاويرزقه من حيث لايحتسب




_ علاقتك بـ الناس .. ايه اهم قواعدها .. وعندك خطوط حمراء في التعامل ولا
منفتحة من الجميع ؟

قواعدها الاحترام وخصوصا احترام الخصوصه وعدم التطفل
واجتماعيه جدا لكن فى حدود
واكيد عندى خطوط حمرا مااحبش حد يتجاوزها ولاانا اتجاوزها مع الاخرين






,,


أسئلة ليها علاقة بـ المنتدى :


السبب اللي خلاكي تسجلي في المنتدى ؟
فى البدايه عشان كان وقت فراغ كبير ومكنتش بخرج من البيت
فحبيت الفكره وكان اول علاقتى بالمنتديات
وندمتي في يوم انك سجلتي .. او فكرتي تمشي ؟
بالعكس فرحت جدا بالتفاعل مع الاعضاء واستفدت كتير

بتؤمني بالصداقة النتية ؟
اكيد بس بتحتاج وقت عشان تثق وتلاقى الصديق الصح
ومين أقرب حد ليكِ هنا ؟
اغلب البنات علاقتى بيهم جميله


استفدتي ايه من المنتدى ؟
ثقافه ومعلومات كل يوم بعرفها
واخدت الكتابه بشكل جدى بعد ماكنت اهملتها
ومن الناس اللي فيه .. مين أبرز الشخصيات اللي استفدت منها ( قديماً وحديثاً ) ؟
واستفدت ايه ؟
اغلب الاعضاء فى القسم الادبى وقلم الاعضاء اثروا فيا جدا
واتعلمت منهم كتيرسواء فى الكتابه او طريقه التعامل داخل المنتدى


عيوب المنتدى ايه ؟
اكيد الاختراق المتكرر بيخسرنا كتير
وشايفـاه اتغير عن زمـان ؟

طبعا اتغير للاحسن واتطور كتير وده بمجهود الاداره
بشكرهم عليه

هل اتهمك حد قبل كدا في المنتدى بشيء ضايقك ؟
مش فاكره او يمكن عاوزة انسى
أو حسيتي انك مفهومة غلط ؟
الحمد لله محدش فهمنى غلط لحد دلوقتى
وكل الناس بتعاملنى كويس

كلمة أخيرة توجهيها للأعضاء ..

اكيد بتمنالهم التوفيق والنجاح واحب انهم يتمسكوا بالمنتدى
لانه بيتهم ومكانهم لازم يثبتوا نفسهم فيه وينجحوا
ويحاولوا يهتموا بالردود على مواضيع كل الاقسام
وبلاش يحبسوا نفسهم فى قسم واحد
ويخلوا الاحترام دايما هوا طريق التعامل بينهم








ب كدا انتهت الحلقـة , يارب تكون عجبتكم
جزيل الشكر لـ منة على حضورها معانا
في انتظآر ردودكم
بالتوفيق
.
.

[Mo7aMaD 3aLa2]

حوار مميز جداا يا الحان

مع شخصية مميزة ايضاً زى منة

وبيعجبنى كتير عقلانيتها وهدوءها

بجد برنامج ممتع

تسلم ايدكـ

..

[Words Whisper]

اختيار ممتاز ألحان

تسلمي عليه ..

منة

إيجاباتك كتير واقعية ومتزنة

الله يوفقك بحياتك ..

دمتما بحفظ الرحمن ..

[تصدق نسيت]

حوار هادئ و جميل مع
شخصية رائعة مهما قيل عنها
تحياتي الخالصة

[غريـب ألأطـوآر]

حوأر جـأمد جدـأ ومن العيـأر الثقيل اوى

لكن ليـأا ملأأحظـأت على منة

أنـأ أقتبست منها ـأنهـأ بتهرب أكتر مـأ بتوـأجه

وكمان هيـأ سيـأسية أكتر مـأ هيا مندفعة او صريحة

بالعربى كده أنتى كنتى يـأ ألحـأن بتتعـأملى مع نبيل العربى

بس الحوار فى مجمله متميز جدأ ورأقى

من أنسانة محترمة وكويسة

تحيـأتى ليكم انتو الاتنين

[Sєяєєη●•ʚɞ]

حلقة جميله يا دندون مع كلام منه العاقل والمنطقى
استمتعت بإجاباتك جدا يامنة
وتسلمى يا دندن ع الحلقة ...

[دمعه حائره]

شكرا ألحان للاستضافتى اللى بعتز بيها واستمتعت بيها جدا
واتمنالك التوفيق دايما

اقتباس المشاركة الأصلية كتبت بواسطة mo7amad 3ala2 حوار مميز جداا يا الحان مع شخصية مميزة ايضاً زى منة وبيعجبنى كتير عقلانيتها وهدوءها بجد برنامج ممتع تسلم ايدكـ ..

شكرا محمد نورت الحلقه واسعدنى كلامك واعتز بيه

اقتباس المشاركة الأصلية كتبت بواسطة words whisper اختيار ممتاز ألحان تسلمي عليه .. منة إيجاباتك كتير واقعية ومتزنة الله يوفقك بحياتك .. دمتما بحفظ الرحمن ..

شكرا حبيبتى نورتى الحلقه ومن بعض ماعندكم

اقتباس المشاركة الأصلية كتبت بواسطة جنرال 25 يناير حوار هادئ و جميل مع شخصية رائعة مهما قيل عنها تحياتي الخالصة

شكرا محمد نورت الحلقه واعتز برائيك جدا

اقتباس المشاركة الأصلية كتبت بواسطة كلمأت غيرت ألتأريخ حوأر جـأمد جدـأ ومن العيـأر الثقيل اوى لكن ليـأا ملأأحظـأت على منة أنـأ أقتبست منها ـأنهـأ بتهرب أكتر مـأ بتوـأجه وكمان هيـأ سيـأسية أكتر مـأ هيا مندفعة او صريحة بالعربى كده أنتى كنتى يـأ ألحـأن بتتعـأملى مع نبيل العربى بس الحوار فى مجمله متميز جدأ ورأقى من أنسانة محترمة وكويسة تحيـأتى ليكم انتو الاتنين

هههههه
نبيل العربى مره واحده لاكتير عليا
ومش هروب قد ماهو بحب اعيش بسلام
شكرا اخى نورت الحلقه واعتز برائيك جدا

اقتباس المشاركة الأصلية كتبت بواسطة sereen حلقة جميله يا دندون مع كلام منه العاقل والمنطقى استمتعت بإجاباتك جدا يامنة وتسلمى يا دندن ع الحلقة ...

شكرا سيرو حبيبتى نورتى الحلقه

[۩۩ elMagic ۩۩]

دمعه
من أنشط الاعضاء هنأ ماشاء الله شغل رقابى وتفاعلى اصلــى
وهى شخصيه بجد جميله جدا وفرضت احترامها على الجميع
وانا بأعتز بمعرفتها وكونها اخت اكبر لى
تمام المجهـود ألحان
دام نشاطكـ وتفاعلكـ

[دمعه حائره]

شكرا ماجيك وانا اللى بعتز باخوتك
وانت من الناس النشيطه المحترمه
اللى قدمت للمنتدى كتير
ربنا يوفقك دايما