حلويات×حلويات×حلويات

[الملكة كيلوباترا]

مثلثات البقلاوة بحشوة جميلة المقادير:
باكو جلاش ( انا بفضل الزهار ) الحشوة:2/11 كوب حليب _ 1/2 كوب سميد ( دقيق بسبوسة )_ علبة واحدة قشطة .
الطريقة:
ضعى الحليب على النار لحد ما يغلى اول ما يغلى اضع علية السميد واقلب اقلب بسرعة لحد مايبقى زى المهلبيةو اتركة يبرد اضع علية علبة القشطة و اقلب لحد ما يندمجوا معا . وممكن بدل القشطة احط كريمة لبانى ( قشدة الخفق ). ثم ابدأ فى حشو البقلاوة افرد الجلاش امامى و اقطعه بالطول من النص يعنى كأنى بقسم الورقه نصين بالطول ثم اقطع بالعرض لحد مايبقى عندنا 6 مربعات ابدء بافرشاة بالسمن ادهن بين كل ورقتين لحد مااتأكد انى دهنت بين الورق كلة اخد مربع متكون من 6 او سبع ورقات و احط على المربع معلقة كبيرة من الحشو ثم اثنى المربع من الطرف للطرف على هيئة مثلث وهكذا لحد مانخلص المربعات كلها اضعهم فى صينية مدهونة و ادهن و جه المثلثات دهن خفيف و ادخلها الفرن لحد ما يحمروا وتسقى بالشراب البارد














تارت البطاطا ( فطيرة البطاطا )المقادير:
نص كيلو بطاطا+كوب سكر +2 بيضة +2 معلقة كبيرة قرفة +6 معالق كبيرة زبدة +كوب لبن مركز مكثف
مقادير العجينة الاساسية : بيضة – 1/2 1 كوب دقيق – فانيليا -7 معالق زبدة
الطريقة:
طريقة العجينة الاساسية : نضع الزبدة على الدقيق ونفرك بصوابعنا كويس نضع البيض و الفانيليا و نخلط كويس ادا لقيتيها محتاجة بس شوية ماء عشان العجينة تمسك و تبقى زى الكرة حطيلها حوالى 2 معلقة ماء بس تكون مثلجة لفيها بقطعة بلاستيك و سيبيها حوالى ساعة
طريقة الحشو : تغسلى البطاطا و تشيلى الطين اللى بيبقى عليها وتشويها فى الفرن على الشبكة وبعد ماتستوى تقشريها و تهرسيها
سخنى الفرن على حرارة عالية رشى على الرخامة دقيق و افردى العجينة و و حطيها فى صينية التارت (اللى هيا بدون حوانب عالية يعنى يادوب ارتفاع الجنب حوالى من 2 ل 3 سم ( اللى بنعمل فيها برضة البيتزا ) دخليها الفرن حوالى 10 دقايق اخلطى البطاطة المهروسة مع الزبدة مع السكر مع البيض مع اللبن المكثف و القرفة كلة مع بعض لحد ما كلة يتجانس ضعى الخليط فى القالب و افردية كويس فوق العجينة ودخلية الفرن( بس المرة دى متوسط الحرارة) لحد ما تستوى حوالى 3/4 ساعة بعد ماتخرج من الفرن و تبرد ممكن ترشى عليها مكسرات مفرومة وممكن تزوقيها بوردات كريمة






الجيلى بالبسكوت و الفواكة المقادير:
يسكوت (عدد البكوات على اد الصينية او عدد الكاسات)+علبتين كمبوت+علبة كريمة (اتنين كيس)+اربع علب جيلى
الطريقة:
نغلى 7 اكواب ماء على النار وندوب فيهم الجيلى ونجهزة . نصب الجيلي في طبق زجاجي او فى الكاسات لحد ما يوصل ل 2 سم تقريبا مش اقل من كدة ثم يوضع في الثلاجة لحد ما يجمد .(مع الاحتفاظ بنص كوب جيلى على جنب بس يكون بارد و مش جامد)نصفى العصير اللى فى علبة الكمبوت وشيلى كل واحد لوحده اعملى الكريمة بنفس الطريقة اللى على العلبة تغمس كل قطعة من البسكويت في الجيلي ونشيلها على طول وبعدين نرصصهم فوق طبقة الجيلي المتجمدة حتى تغطي الجيلى تماما . توضع طبقة من الفواكه المشكلة فوق طبقة البسكويت ثم توضع طبقة من الكريمة .نعمل نفس الخطوات تانى لعمل طبقة جديدة .
توضع في الثلاجة حتى تجمد .. ملحوظة:اذا كنتى حتعملية فى كاسات مش فى طبق زجاجى يبقى نكتفى بطبقة واحدة من كل نوع ولا نكرر الخطوات


كيكة الدريم ويب المقادير : -
1 1\2 كوب دقيق +1 كيس دريم ويب+1 1\4 كوب سكر بودر+3\4 الكوب لبن حليب طازج+3\4 كوب زيت+4 بيضات +ذرة ملح+م ص فانيليا+2 م ك بيكنج باودر
مقادير وطريقة الصوص :3 فنجان لبن حليب +1 1\2 م ك نشأ+7 م ك حليب بودر+30 جرام زبده+2 م ك سكر بودر الطريقة:-
تخلط المقادير كلها في الخلاط ماعدا الدقيق والبيكنج باودر وتخلط الكيكه مع بعض وتصب في الصنيه المدهونه ومرشوشه دقيق وتخبز في الفرن حتي تتحمر وتترك الكيكة حتي تبرد وتزين بالصوص
طريقة الصوص -- تخلط المقادير مع بعض وتسخن على نار معتدله وبعد ان يثخن يصب على الكيكة ويرش بالسمسم المحمص او وهو الشيكولا فامسيه ملونه الملون والفواكه المسكره



وبالهنا والشفا

[نوركمال]

روووووعة

تسلم الايادي

شكرا لك

[الملكة كيلوباترا]

العفو يا نور كمال

[نونا77]

شكرا على المجهود

[الملكة كيلوباترا]

العفو يا نونا77

[محمد عطيه]

تسلمي ايك امووووووره

[الملكة كيلوباترا]

اهلا نورت موضوعى

[عاشقه الرومانسية]

شكرااااااااااااااااااااااااا

[الملكة كيلوباترا]

العفوووووووووووووووووووووووووووووووووووووووووووووو وووووووووووووووو

[يوسى كات]

شكرا يا قمر