ضد التيااار

[الرحــاال المٌتَمرد]

ضِد التَيااار

"أقبل النَقد"







هيَ فِتنَه ..

وإنتَشرت زي الــ بَرق

جوه بيتنا ..

سمِعنا صوت طَلق

وبــ خيبتنا ..

زاد سكوتنا

أما صحيح

نستاهل الــ حَرق

..

في حارتنا ..

مَفيش فَرق

بيِن الغَرب ..

وبين الــ شَرق

سَقطت رايتنا

وإتفَتِت قوِتنا

الكِذب عَمانا

عَن الــ حَق

..

عِيشنا حياتنا

زمان بالـــ زَق

ومَصير أبطالنا

كان الــ شَنق

هدموا بيتنا

سرقوا (1) أوتنا

إتحرمنا مِن الحِلم

والصرخه واقفه في الـــ حَلق


..


إتفَرقت وَطنيتنا

والأخ إنــ شَق

ودي مُصيبتنا

أِمتي هَنقول لَأ

حِزب وتيار

موانِع وأسوار

يا عالم إرحمونا

إنتمائنا عَقد علي وَرق


..


ولاَ مريحنا

(2) الفَقر الــ مَدق

إتنبح صوتنا

والعُمر (3) مَرء

الله يسامحنا

إستلذوا بجروحنا

لإمتي صابرين ؟

دا حتى الصبر طَق



(1) أوتنا _ لُقمه عيشنا
(2) الفَقر المَدق _الفَقر المُطلق
(3) مَرء_ فات أو إنتهي

وليدة اللحظه ,,
وأعتذر لضُعف القَلم

جَميع الحقوق مَحفوظه للكاتِب وللمَوقع
يَحظر النقل الإ بالإشاره للمَصدر وصاحِب الكَلِمات
الرحــــــاااال ,, إبن القَصيد

[*دموع القمر*]

قلم رائع واختيار ولا اروع
ابداع مميز فى حروفك القيمه
بشكرك على حظى لمرورى الاول على هذه الكلمات الجميله
فى انتظار ابداعاتك الجميله

[شقاوة احاسيس]

اسمع ياسيدى الكلمتين

تعالى ندعى دعوتين

ونروح ونقول الكلمتين

نتلم فى ميدان ونصرخ وتملى الدموع العنيين

نضرب ونتجرح ونقول احنا برده مستنيين

عمر ماهتتغير مصاير البشر والادين على الخدود متربعين

كلمه وقالوها قبلنا ناس وعقليين

بالايد هناخد حقنا وحق المظلومين

لابالدعا ولابالايدين المكتوفين

احنا اللى ممكن نفرعن اى محتال غشيم

ونخليه علينا واقف بحد سكين

من تانى هنعمل تمثال ونقف حواليه باكيين

لسه قدامنا فرصه نكون ناس تانيين

وربنا مع العبد الساعى وكاره المستكين



اعتذر بشده لحرفى البسيط
فقد اثار قلمك الرائع قلمى الهزيل

مااروع ماخط قلمك

ابدعت فى مملكتك

واصبت اخى بنصال قلمك الحاد وجع القلوب

دام قلمك صانع الابداع

[كريم عاصم]

الفتنة أشد من القتل

وهذا مايحدث الآن في جميع الدول العربية ودمروها

حتى وصلت إلى بلدنا

وبدايتها كانت بالبارحة

الكل بيجرى وراء الكرسى

وأصبحنا أحزاب

وعاد الحزب الوطنى كما كان بل أكثر

ربنا يستر

رحال

الشاعر الجميل ذو الحس الوطني

أستمتع بكلماتك ووطنيتك

دوما رائع في كل حالاتك وبالأخص الحس الوطني

خالص تقديري وإحترامي لقلمك

كريم عاصم

[ساحر الأحزان]

الفتنة اشد من القتل ومن يشعلها يحرق بها

لانها تتسبب فى التفرقة

وزرع الكراهية بين النفوس

موضوع قيم منك

تحياتى

[غريـب ألأطـوآر]

بيعجبنى فيك دأيمـأ يـأ رحال أختلأطك بألوأقع والحقيقة واليوم والساعة بقرالك بحس ان انت ابن النهاردة لا الاقيك تتكلم فى الماضى اللى فات ولا المستقبل اللى مجاش والاقيك بتتكلم عن حالة عيشنها عن أحساس حسينه واصوات سمعينها وبيعجبنى فيك وطنيتك ووعيك لمعنى الوطنية بيعجبنى فيك أحساس الهوا ولون الميا بحس منك بشارعنا وبعقول ولاد منطقتنا بحس بيك شبابنا ورجالتنا عايز تانى يا رحال ولا كفاية عليك قصيدتنا قصيدة عامية .. قصيدة متنقية قايلها عشانك وعشان لمتنا ما احنا معانا هنا بنوتات منتداانا وشبابنا الغالى دموع القمر وشقاوة وكمان كريم وساحر يا جماله وانا خامسهم وسادسنا جاى ورانا ماهى دى لمة ودايما لمتنا حلوة لما بنلف حوالين رحال وهو بيشجينا برباعيات وقصايده العامية المدروسة والمتنقية تسلم ايدك يا بوب على رحلاتك الشخصية بتخدنا لعالم واقع وكلنا بنغرق فيه بنحسه وهو بيلمسنا مع تحيأتى القلبية بدوام أبدأع رحال يا كنج العامية

[Lost Pearl]

كلمات حلوة اووووي

تسلم ايديك يا ايمن

مبدع

ف انتظار جديدك

[دمعه حائره]

الفتنه هيا اول خطوات الدمار والخراب
وللاسف الثورة بتتسرق ودم الشهيد راح هدر
كلمات كالطلقات تنبهه بكارثه على وشك الانفجار
ربنا يحمى مصر وشعبها ويقيهم شر الفتن
تسلم يارحال
تقديرى واحترامى مع التقييم

[lady lead]

حياة شعبنا باختصار
سكوتنا ضيعنا و صوتنا غرقنا لأننا مش بنقول الحق
فعلاً محتاجين الزق
روووووووووووووعة أكيد
و ثورة لحد البيت
ضد التيااار
جديدة من نوعها
استخدمت كلمات و صور جديدة
و كأنك قاموس للعامية
غزارة و قوة مع تمرد
مش قص و لزق
لكن فكر جديد و سديد
تقديري و احترامي

[kenzy sweet]

تسلم الايادى
ويسلم قلمك يامبدع
دوام التميز