واحد مسطول دخل امتحان عربى

[الماجيك magic]

واحد مسطول سطيـــــــــــــــحه .. دخل امتحان عربي ... جاتله في

الورقه :


اذكر معني الجمل الاتية :
1- ( سور الصين العظيم )
2- ( مرض جنون البقر )


اخينا تنح شويه ... وبعدين راح قايل ....

اجابة البتاعه الأولانيه ( سور الصين العظيم )

سور : هو البتاع اللي بينط من فوقه الحرامي عشان يخش البيوت ويسرق
الصين : نوع من انواع الادوات المنزليه ... بس نوع مفتخر ... الطقم بيوصل ل 100 جنيه في العتبه
العظ : لما بيخش عليك حيوان بيعمل كده ... واشهر حيوان معروف بالحاجه دي ... هو الكلب
يم : تقريبا والله أعلم ... بحر او حاجه كده
يعني الجمله كلها معناها -----
لما ينط حرامي من فوق سور ... عشان يسرق طقم صيني .... الكلب هايعضه .. في البحر


اجابة البتاعه التانيه ( مرض جنون البقر )

مر : دي الحاجه اللي طعمها بيجيب مراره في الحلق
..... ويخليك تفصل دماغك قوام
ض : تقريبا حاجه زياده ... شوية حبر في الورقه ولا حاجه ... مالهاش لازمه من الاعراب
جن : اللهم احفظنا من العفاريت والجن والحركات دي يارب ... احنا ناقصين مزاوله
ون : دي اصلا انجليزي ... ومعناها ( رقم واحد ) ... لغات انا برضه
ألب : دي جبال موجوده في بلاد بره ... وجبال عاليه قوي ... بتاع 200 كيلوجرام فوق سطح برج الجزيره
قر : اختصار لكلمة ( قرنفل ) ...
يبقى معنى الجمله دي ------
المراره لما تجيلك .. هات جني ( نمبر وان ) .. عشان يطلع جبال الألب ... ويجيبلك قرنفلايه

[الأميرة رودي]

ههههههههههههه

ماشاء الله الواد مثقف

جميله ياماجيك

منتظره جديدك

[الماجيك magic]

ههههههههههههههههههههههههههه
فعلا مثقف
نورتى التوبيك يا رودى

[واد حبيب]

هههههههههههههههههههههههه
تسلم يا غالي
الحبيب

[jasmean]

هههههههههه
الواد دا خساره في البلد دي
ههههههههه
حلو التوبيك

[الماجيك magic]

مروركم هو الاحلى
تحياتى لكم