مطلوب ضمير

[الرحــاال المٌتَمرد]

مَطلــــــــــــــووب ضَميــــــــــــــر

موكب وسايس وشويه غنم

وأجسام بتتحرك لكنها صنم

ملوكـ وسلاطين ورعيه وخَدم

ومساكِين إندبحوا بسلاح تِلم(1)



كانِــــــــــــــــــــــــــت ’’


..
جايره على ولادها ,, وضرباهم بالــ جَزمه

لدغانهُم وسمومها فى الجِسم سايبه بَصمه

جاحده على ضناها ,, متعانِتَه ظَلمَه

غداره زي البحر ,, بتسرق العُمر في كِلمه



كُتُر الكَلاَم ولاَ الكلاَم اصلا مالوش لاَزمه


..


كل شىء طَبيعى وجايز

وقِوه قدرت تتخطى الــ حاجز

أحلاَم كانِت مُجَرد هاجِس

وكان القَمع هو السلاَح الــ فايز


,,

مِش هَنعيد إللى قولناه

ولا هَنحكِي عَن النَصر

إللى ناوي خير ربنا معاه

وقت الشِده بيظهَر الأصل

,,


وبعد صباااح يوم جديد

قولوا جالنا خلاص الفرج

كأن دَرس لتلميذ بَليد

والناتج حاله مِن الهَرج

,,

إستغلوا الفَقر وإحتياجنا للُقمَه

لِعبَه قَذِره ,, وفَريق كان حَريف

خطتوا بخُبث فى ليل عتمه

وشغلونا بالإسطوانه والرغيف

..



صدور طابق عليها الظُلم وساكته

فــ مُسَلسَل مِن بِدايتُه مؤامرات وتخاريف

وكل الحقايق إختَفيت عشان المُحاكمَه

ضحِينا بدم الشَهيد وسَجنا الــ شَريف



..


وكُل شىء بيجرى لُه مَغزى وحِكمَه

في مَشهد هزيل وإتهااام سَخيف


سقطوا علينا فجئه وِسط الزَحمه

سكنوا القصور ,, وسابونا علــ الرصيف

,,


و إحظَروا

,,



الثوره الجايه ثورِة جياااااع


كفروا مِن الضَنك ورئده (2) الكَنب


خِفوا شوَيه مِن التسارُع والصراااع


وكُفوا عَن النِفاق والكِذب

,,



وَطن وكُل إللى فيه أتباع

,, وجِسمه إتبـــــاع

جاتلُه الخيانه مِن وِلاَدُه

ماهى الخيانه دِي أنواع
,,,


تَمت بحَمد الله

1_ تِلم (بارد)

2_ رئود(جلوس)

جَميع الحقوق مَحفوظه للكاتِب وللمَوقع
يَحظر النقل الإ بالإشاره للمَصدر وصاحِب الكَلِمات
الرحــــــااال ,,

[Lost Pearl]

تحفة اكيد كالعادة

تسلم و الله يا ايمن

ف انتظار جديدك دايما

تقييمي

[تيتشر نفشه ツ]

بسم الله ماشاء الله عليك ي ابيه أيمن

انتا بتجيب الكلام دا منين ي بني

سمالله سمالله

تسلم ايدك بجد

بالتوفيق ليك بـ المسابقه

تقييمي بقا

[ساحر الأحزان]

مطلوب جرس يصحى ويفوق من الغفوة الى عيشين فيها

ياما ناس موجودة ومحدش حاسس بيها

انظر ليهم وانت تزعل على حالهم

وعلى الى جرا ليهم


جميل الاختيار منك

اتمنى لك التوفيق

[احمد برهان]

يا جماعة انا ايه دخلني المنتدي ده..

كله مبدعين... انا عامل زي اللعيب الجديد...

في النادي الاهلي.. دكة الاحتياطي مصيرة..

هههههههههههه

معلش كنت ببرطم بشوية كلام...

اصلي كلامك و جمال و تنسيقة و ابداعه..

خلوي ما فيش فيا عقل و لا تفكير...

ايه الروعة و الجمال ده يا رحال؟

انته فعلا اسم علي مسمي " ابن القصيد "

كلمات جميلة و حلوة و تعبير عن الحياة..

باسلوب شيق مميز زي ما بيقولوا ..

السهل الممتنع..

ما شاء الله يا غالي باذن الله..

لك مستقبل وافر غني في هذا المجال...

و تكون من اروع و اجمل شعراء مصر..

لك اضعف الايمان مني...

التقييم و النجوم و الاعجاب...

بس بجد لك نبضات رائعة و همسات مبدعة...

دام تميزك و تالقك..

و ربنا يوفقك لكل خير...

تقبل تحياتي..

اخوك احمد برهان

[Mind language]

كلمات جميله جدا ومعبره جدا
تحياتى لقلمك الراقى وبالتوفيق
ليك موفق دائما

[سَـلمَى]

خف علينـآ يآ أيمن مش كدآ

بجد أنآ من ال حجآت ال بحبهآ في المنتدى ده

شعرك وكلمآتك

أحيك من كل قلبي على موهبتك الجميلة ده

ويارب يخليك وخللنآ إبدآعك

طبعا القصيدة ملهاش حل

وإنت عارف ردي

تسلم إيدك يافنآن ^^

[الأميرة رودي]

جميل العنوان والآجمل الكلمات
وصرخه قويه لفقدان الضميــر
ومعاناه شعب مازال بصوره مكسوره منذ الآف السنين
جرح عميق بـ اهاناات وذُل فاق الوصف ومنه طفح الكيل..

نتأمل حكم عااادل من بنى إنسـان يحكم برد كيد الظالمين
يرفع الظلم ويكتم أهــات أعتلت بهــا صرخات المصريين ..

يسلمو ايديك رحــال
دائــما رائــع بلغتك العاميـه السلسه
وكأنك تخاطب عـامه لشعب البسيط..
لك ودى ووردى وبسيط تقييمي مع أمنياتى لك بالتوفيق
رودي

[روح صامتة]

رااااائعة جداااا ..
كلمات راقية فعلا ,, ومناسبة للموقف اللي احنا فيه ,,
يعجبني انك معاصر للمواقف دائما بتجيبها ع الجرح
بس والله رائعة جدااا وكلماتها متناسقة ^^
ربنا يحفظك واستمر بقه
5 نجوم ^^
ارق تحياتي

[ويبقى الأثر]

مطلوب ضمير

اين الضمير؟

والقصور السوداء يسكنها الفساد

وصرخة الشرفاء كتمتها يد الجلاد

اين الضميرتراه هناك حيث المزاد

حيث التراث يباع بإيـــــدى العباد

اخى لطالما كنت وستبقى وسيبقى قلمك

يأتى بكل ماهو راق ذو حس وطنى ثورى

ادام الله عليك رقى الحرف والفكر

جل احترامى وتقديرى