هتموت من الضحك

[بنااات مصرية]

واحد اشترى غسالة فول أوتوماتيك مراته عزمت الجيران علشان يشوفوها و تغيظهم حطت في الغسالة 20 كيلو غسيل والغسالة المسكينة بتاخد بس 7 كيلو وشغلتها والجيران باركولها وعزمتهم على كوباية شاي وبعد شوية الغسالة بدأت تنشف…… الغسيل ومن كتر الحمل عليها قعدت تتحرك ناحية البلكونة شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره
باضحك
مره واحد مستعبط اتجوز وحده مستعبطه… خلفو عيال مستهبله… استعبط الاب وعمل نفسه ميت..استهبلو العيالودفنوه.

باضحك

واحدة مصرية ماشية في امريكا فواحد عاكسها فقالتلو: ((collect your self azarwise I will collect za street on you , your mother’s soul )) الترجمة بالعربي : لم نفسك بدل ما ألم الشارع عليك يا روح أمك.

باضحك

مدرس انجليزي بيقول لطالب لو عايز تقول لواحد تعالا هنا بالانجليزي حتقولو إيه ؟ قالو حقوله : كام هير ، قالو طب لو عايز تقولو يرجع تاني حتقولو إيه ؟؟ قالو : الف من الناحية التانية واقولو : كام هير .
باضحك

مره جماعه مساطيل قاعدين فى خيمه ليها بابين بيحششوا وكانوا عايزين كبريت راحوا بعتوا واحد ( مسطول طبعا ) يجبلهم كبريت راح خارج من الباب ودخلهم من الباب التانى وسالهم: الاقى معاكم كبريت . قالولوا تعال اقعد احنا لسه باعتين واحد يجيب لما يجى ابقى خد منه.
باضحك
حمار وحشي و حمار عادي كانوا بيتسابقوا اول ما بدء السباق الحمار الوحشي جري والعادي متحركشي سالوه مجرتش ليه قالهم و الله ما انا متحرك من مكاني الا لما تجيبولي ترينج زيه.
باضحك
مره مدرس بيسأل الطلبه بتعملو ايه لما بتروحو…؟واحد قال انا بروح اتفرج على التليفزيون وانزل لاحمد بتاع الحشيش…والثانى قاله انا يروح العب كوره واروح لاحمد بتاع الحشيش… والثالث قاله انا بروح اصلى وافرأ قرأن واذاكر… فا المدرس فرح اوى وخده بالحضن وسأله انت اسمك ايه؟ قاله انا احمد بتاع الحشيش


وحدة رايحة تشترى بغبغان الراجل قالها دا بغبغان جامد ترفعى رجليه اليمين يقولل اغنية لتامر حسني ترفعى رجليه الشمال يغنى لعمرو دياب قالتله ولو رفعت رجليه الاتنين هيعمل ايه رد الغبغان وقالها هقع ياروح امك.
باضحك


مرة واحد سافر لأمريكا ولما رجع اصحابه سألوه :ايه ايه الي لفت نظرك هناك,فقال:انا شوفت العجب في امريكا تخيلو العيل الي عندو تلات سنين بيتكلم انجليزي.


واحد بيقول لصاحبه: شايف الست اللى واقفة هناك دى؟بتضرب كل يوم جوزها بالجزمةقال له: وعرفت ازاي؟رد: أصلها مراتي

باضحك

سألوا دلوعة يعنى ايه عزاء قالتلهم يعنى بارتى حزين بيوزعوا فيه قهوة دايت .


غبى اتقدم لواحدة قالتله اسفة جوايا شخص تانى قالها بلاش فلسفة و قولى انك حامل .
باضحك

مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب.

باضحك

مسطول بتمدحه خطيبته وتقول له: أنت بطل شجاع وفارس الفرسان.قالها:طب تعرفى كمان إني كنت شهيد في حرب 73 ؟
باضحك

خمسة مساطيل بيصلوا واحد عطس قال: الحمد لله. ……قال الثاني: يرحمك الله. ….. قال الثالث: ما ييفعش تتكلمو! ….قال الرابع: كل صلاتكم غلط! …..قال الخامس: الحمد لله أنا ما تكلمتش .
باضحك


مرة واحد بيروح بيته كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة.
باضحك

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
باضحك

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!
باضحك
محشش قطع رأس أخوه وهو نايم…وقعد يضحك ويقول: هيتجنن لما يصحى الصبح وميلقهاش !!
باضحك
واحد غبي كان بيدق مسمار في الحيطه فوقع فقاله تعالى ما جاش، تعالى ما جاش، قام جاب شويه مسامير ورماهم عليه وقالهم…هاتووووووه.
باضحك

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة.
باضحك
مرة اثنين بخله قاعدين على القهوة فواحد بيقول للتانى فيك من يكتم السر ، فقالة فى بير ، قالة بصراحة محتاج عشرة جنية قام البخيل التانى لافف وشه وقايل ولا كأنى سمعت حاجة

[єLмσsħαx]

ههههه جامدين اوى والله ياشيمو تسلمى

[بنااات مصرية]

ميرسى يا قمر مرورك الاجمل

[واد حبيب]

هههههههههههههههههه
بجد حلوين اوي
تسلم الايدي
الحبيب

[بنااات مصرية]

ميرسى حبيب منور

[حلاوتي بشقاوتي ^_^]

هههههههههههههههههههههههههههه تحفة يا بنااات مصرية

[ندوشه 2011]

والله جامدين اخر حاجه

[بنااات مصرية]

اقتباس المشاركة الأصلية كتبت بواسطة حلاوتي بشقاوتي ^_^ هههههههههههههههههههههههههههه تحفة يا بنااات مصرية

ميرسى يا سكر نورتى

[بنااات مصرية]

اقتباس المشاركة الأصلية كتبت بواسطة ندي2011 والله جامدين اخر حاجه

ميرسى يا قمر نورت

[princess nerma]

هههههههههههههههههههههههههههههه
جامدين اووووووي
تسلمي