T.v بنات مصر | الحلقه الثانيه | مع ๓αℓάҝ

[აα∂ Ԑγεა]

السلام عليكم ورحمه الله وبركاته
اهلا وسهلا بيكم اعضاء المنتدي الكرام
اتمني انكم تكونو بخير وبصحه وسعاده

النهارده موعدنا مع الحلقه التانيه من برنامج
" T.V بنات مصر "



فكره تي في بنات مصر



وهو عباره عن اننا هنستضيف عضو من المنتدي
نساله اسئله كلها عن التلفزيون
علاقته بيه ايه بيقضي وقته عليه ازاي
قناوات بيحبها
الافلام البرامج المسلسات وغيره كتير



ضيفتي في الحلقه الثانيه
بعد ماكانت ريرو في الحلقه الاولي

المره دي معانا عضوه جديده كذلك
هيا جايا معانا اصلا

مقدرش اقول عليها نشيطه
اصلها كسوله جدا وانا عارف

هههههههه انتو اللي مش بتعرفو تقنعو خليني ساكته بقى

لكن اللي اقدر اقوله انها خفه دم غير طبيعه
مشكله لوحدها
واللي هيتعامل معاها هيعرف دا كويس اووي
معايا ومعاكم النهارده
العضوه
๓αℓάҝ



يا جامد انت ههههههه
الله يخليك يا محمود طول عمرك رافع من روحي المعنويه




اهلا وسهلا بيكي
في برنامجنا
بشكرك علي قبول الدعوه يا رول
حتي لو غاصبها عليكي
ويسعدني انك تكوني ضيفتي في البرنامج

ربنا علي الظالم و المفتري هههههه
هلا و غلا بيك


نبدا باسمك الاول
-_-

وسنك
عيب تسأل بنت السؤال ده يوه هههههه
نمشيها 18 عشان اعيش الدور




ندخل بقي علي التوبيك
علاقتك بالتلفزيون

بتتفرجي علي التلفزيون كتير ولا ايه نظامك ؟
لا مش بتفرج عليه

بتقضي قد ايه وقت قدامه ؟
يعني اخري فيلم او حلقه مسلسل
و ساعات بزهق و بقوم

ايه الحاجات اللي بتحبي تتفرجي عليها ؟
كوميدي و دراما اكيد و اي فيلم له قصه حلوه


وايه القناوات اللي بتعجبك عموما ؟
مولوتي هههههه



التلفزيون السياسي :

بتابع اخبار مصر اكيد الفتره اللي فاتت
ياتري ايه القناوات اللي بتابعي الاخبار منها وبتصديقها ؟
اه بتفرج علي الجزيزه

ومين المذيعين االلي بيعجبوكي وبرامجهم ايه ؟
كان باسم يوسف

ايه رايك في حال البلد دلوقت ؟
مش عايشه في مصر و بقالي فتره منزلتش بس حسب علمي زي مهي و يمكن اسوء



التلفزيون الفني :

اموت انا ههههههه
نبدا بالافلام العربي
بسم الله

ايه نوع الافلام اللي بتفضليه ؟
رومانسي دراما اكشن .. الخ ؟ وليه ؟؟

دراما و كوميدي
دراما عشان بيجبلي اكتئاب
رعب عشان البطل بيموت ههههههههه

ليكي في القديم ولا من الجيل الجديد بس ؟؟
عادي المهم الفيلم يكون حلو او القصه

ايه قناوات الافلام اللي بتحبي تتابعيها ؟؟
انا بفتح التلفزيون و انا و حظي

رايك في الافلام الجديده اللي بتعتمد علي الرقص والاستعراض ؟؟
استغفر الله العظيم طب لما الموضوع يولع بينا كده هههههه
شوف انا بكره استعراضات و الاغاني بس انها ملهاش لازمه زي مـ ريرو قالت
و الرقص بيكون بشع فعلا يعني حاجه استغفر الله العظيم

اكتر ممثلين وممثلات بتحبيهم ؟
اااهااات يا محموت ااهااات
شوف كيمو بموت فيه يعني انت و ريرو عرفين قصه حبي له هههههه
حلمي و السعداني الصغير اكيد و كريم عبد العزيز و عارف بتوع بهير بحبهم برضه و تيفا اكيد
بنات ياسمين عبد العزيز و ايمي سمير غانم و مني زكي و منه شلبي


ومين الممثلين والممثلات اللي مش بتحبيهم ؟
مش بكره حد بس اللي فوق بستمتع بيهم

ايه اكتر الافلام اللي بتحبيها ؟
افلام احمد حلمي يمكن

هل في فيلم سبق واثر فيكي لدرجه كبيره ؟
اثر علي حياتي و تفكيري لا ,, بس اثر اني اعيط اه فيه



الافلام الاجنبي


ايه نظامك مع الاجنبي ؟
تمام

وايه نوع الافلام الاجنبي اللي بيعجبكي ؟
معظم الوقت بشوف رعب و كوميدي و اكشن عشان بتفرج مع اخواتي
و طبعا كوميدي و بعشق الدراما لاني بكون قرأت مثلا الكتاب و بكون بولع في المخرج و الممثلين لانهم فاشله ههههههه سامحني يا رب


وايه القناوات اللي بتحبيها له ؟
مممممم افتكر اسم القناه CW
غير كده بتفرج اونلاين


وبتحبي مين في ممثلينه ؟
robert downey jr و johnny depp و adam sandler
angelina jolie و sandra bullock و ناس كتير بقى

وايه الممثلين اللي مش بتحبيهم ؟
كارستن استورت ,, لما بتفرج علي فيلم ليها بكون عاوز اجيب مسدس و اقتل نفسيتي

اكتر الافلام اللي بتحبيها ايه ؟
Sherlock Holmes او اي فيلم خيال علمي و بموت في الكارتون

وهل سبق فيلم اجنبي اثر فيكي للدرجه ؟
زي العربي اخري اعيط




الافلام الهندي :

ايه نظامك في الهندي ؟
ممممم مليش فيه

بتحبيه ولا اي كلام معاك ؟
عادي اختي بتحب تتفرج و ساعات بشوفهم

ولو بتحبيه مين نجومك فيه ؟
معرفش بقى يعني اعرف شكلهم




المسلسلات المصريه
تحيا مصر يا جدع هههههههه

بتابعي مسلسلات ولا رمضان وبس ؟
في رمضان ساعات بس مش بكمله

وايه المسلسلات اللي حضرتيها وعجبتك ؟
مفيش يعني مش عارفه اخر مسلسل كان بتاع السعداني في رمضان

لو بتابعي حاليا فمسلسل ايه وعلي قناه ايه ؟
مصري مفيش

نجم تلفزيوني بيعجبك ؟
مش عارفه

تتر مسلسل بتحبيه ؟
بعد الفراق




الدراما التركيه

التركي عامل معاكي ايه ؟
ايه ههههههه

بتحبيه ولا ايه ؟
عادي

لو بتابعيه ايه مسلسلك المفضل ؟
عاصي

ومين ممثلك المفضل فيهم ؟
امير بموت فيه بقى

ومين ممثلتك المفضله ؟
عاصي مش عارفه اسمها ايه



نيجي بقي لجانب اخر في التلفزيون
الاغاني

بتتفرجي علي قناوات الاغاني في التلفزيون ولا لا ؟
لا حرام هههه انا باخد ذنوبي منك

لو ااه : ايه القناوات اللي بتحبيها ؟
ماشيها مولوتي ههههههه


ياتري ايه رايك في القناوات اللي نزلت جديد التت والمصراويه والشعبيات والمولد والحاجات دي ؟
ولا اعرفها انا في مصري اخري كانت mbc action و كانت بتقفل ههههههههه

وايه رايك في نوع اغاني الموالد وحاجات اوكا واروتيجا وكاريكا والناس دي ؟
شغال شغال بسمعهم ساعات


مين المغنيين اللي بتحبيهم ؟
محمد حماقي و محمد منير
و حمزه نمره و الناس القديمه


وايه اكتر الاغاني اللي بتحبيها ؟
حماقي كل اغنيه و شيرين و اغاني قديمه

بتسمعي اغاني اجنبي ؟
اها اكتر من العربي

مين بتحبي تسمعيله ؟
مممممم maroon5 و adele و neon و the wanted
و كتير كتير كتير


وايه اكتر االاغاني اللي بتحبيها ؟
trees- neon
Payphone-maroon 5
Stronger - Kelly Clarkson



في الاخير

اخر اغنيه سمعتيها كانت ايه ؟ وامتي ؟
ممممم اغنيه لـ منير

اخر حاجه اتفرجتي عليها في التلفزيون كانت ايه ؟ وامتي ؟
مش عارفه يمكن يومين كده و فيلم مش فاكره ايه برضه
فيلم حلو اوووي هههههههه




بس كده يارول كفايه تعبتك انا عارف
استحملونا بقي
نورتي التوبيك ^_^

يالا الله يسامحك هههههههه
نورك بقى يا محمود




بشكر ضيفتي مره تانيه بقي
واجابات فله اووي زيك
عجبني اختيارتك في الممثلين الاجنبي والعربي كذلك اووي تقريبا اغلبهم مشترك
تسلمي يا رول


اتمني الحلقه تعجبكم بقي
ومنتظر ردودكم
وانتظروني في الحلقه الجاياا بقي

[ساحر الأحزان]

لا انتكة محدش زيها بقت نجمة مشهورة

ومطلوبة فى البرامج اليومية

اقعدى بقى واتشرطى على اى محطة

من محطات المنتدى عايزة تعمل معاكى حوار

واطلبى بالجنية المصرى

مش بالدولار زى الناس التانية

حلقة جميلة

وبرنامج جميل

تحياتى لكم

[M.B]

الله الله رول في برامج هههههههههههههههههه

البرنامج باظ


منوره يا رول


تسلم يا حودا علي توبيك عالم سمسم ده ههههه

[الحان الورد]

،

عجبتني " آخري بعيط " ^^
جميلة الحلقة يا محمود .. ملاك منورة
تسلمـوا ع المجهود ,,

[دمعه حائره]

حلقه جميله وفكره البرنامج عجبتنى جدا
نورتى ياقمر
وتسلم اخى على التوبيك الرائع
وموفقين يارب

[SiLver Spectra]

حلقة حلوة
منورة يا ملاك
و تقديم و تنسيق حلو يا ساد آيز

[تيتشر نفشه ツ]

ههههههههههههه عسل ي ملك وعجبتني مولتي دي ^^ استمري ها

منوره البرنامج يأوختشي

وانتا يامحمود حرام عليك كل دي اسئله يامفتري

منوريييييين

[❀ ЯeRōŎō ❀]

هههههههههههههههههههههه يابنتي يوووه عليكي

ال عندي 18 سنه هاعيش الدور عليكوو ههههههههههههههههه اما تبقي تكمليهم يختي الاول ابقي عيشي الدور برحتك ^^

وبتاخدي زنوبك من محمود لا اعترض بقي انتي بتاخديها من لسانك الفله الاول وبعدين مني هههههههههههه

وبعدين يابت انتي مش كنتي بتحبي كاظم الساهر واديتني محاضره عليه ولا جالك زهايمر ههههههههههه

يلا انا هاسكت بقي كفايه عليكي كده ^^ بس حلقه حلووووووووووه يامحمود بقي واستضافه طبعا فظيعه لرولتي حبيبت هارتي
المروشه احبها انا بس اما بتبقي عاقله ههههههه ^^

[morshooo]

توبيك جميل جدا
تسلمو على التوبيك المميز
والضيفة ماشاء الله مميزة جدا
فى انتظار الحلقة الجاية
تحياتى

[๓αℓάҝ]

تسلم يا محمود علي الاستضافه


و يالا بقى عد الجمايل ههههههه