حكاية 700 سنة (تابع مسابقة الخيال العلمي )

[lanear]

السلام عليكم و رحمة الله و بركاته

حكاية 700 سنة

وصلنا لعام 2700 ولسة أطفالنا مزعجين لكن مع تيته دودو مافيش قلق
ولإن النهاردة 15من نوفمبر عيد ميلاد تيته دودو أطفالنا الحلوين راحوا بالورود و العسل
وكانت لسه تيته دودو هتحكي لهم حكاية زي كل يوم
جات طفلة صغنطوطة سألت تيته دودو إنتي عندك كام سنة دلوقتي
قالت لها عندي 700 سنة
فقالت الطفلة ممكن تحكي لينا إيه اللي اتغير دلوقتي في حياتك عن زمان ؟
سكتت تيته دودو شويه و قالت حاجات كتير أوي اتغيرت عن زمان
شوفوا يا عساويلي انا كدبدوبه ماكنش البشر يعرفوا يتعاملو معايا زمان
دلوقتي كل الحيوانات مع البشر أصدقاء و بنقدر نتفاهم مع بعض
وبعد ما كان الأسد أو النمر حيوان مفترس بقوا بيساعدوكم عادي وبيحموا بيوتكم
و الصحراء دلوقتي أحسن مكان كل الناس تتمنى تعيش فيه مع انهم زمان كانوا بيهربوا منها
انتوا عارفين ليه لإن كل حاجه بتشتغل بالطاقة الشمسية علشان كدة منازلكم بدون سقف
تعرفوا يا أطفالي يا حلوين نهر النيل هو السبب إننا نكون أحسن بلد في العالم النهاردة
وزي مانتوا شايفين المعاناة و الحروب و المجاعات إللي في أوروبا و أمريكا علشان طقسهم بارد
حتى مياه الشرب مش لاقيينها و بيتغذوا على العقاقير والفيتامينات إللي احنا بنصدرها ليهم
ولإن الناس بقت تتأمل و اتعلموا قيمة الحياة ساد الهدوء و الرقي
و تغلبت الطبيعة على ملامح قسوة التكنولوجيا المجردة
و الناس رجعت تقرأ زي زمان وانتهى زمن تدنت فيه الألفاظ و الفن و السلوكيات و انحدرت فيه الأخلاق
و ظهر زمن ترتقي به العقول و الأخلاقيات
لتكن الحياة هبة تحاول البشرية أن تسمو بمعانيها لتتخطى حدود الابداع

و كل سنة و أنا طيبة

تقديري و احترامي

[ساحر الأحزان]

موضوع جميل منك

وتخيلك جميل جدا

والداد دودى

شاهدة على العصر الى فات

والى لسة جاى

موضوع قيم منك

بتمنى لكى التوفيق

تحياتى

[العاشق الذى لم يتب]

كلام جميل وحلم طويل

ماأدرش أقول حاجة عنه

بس والله الأسد أنا خايف منه

يسلااااااام إيه الخيال الرايق ده

الواحد بيخاف من كلب

تدور الأيام يلعب مع الأسد

قادر ربنا على كل شيئ

روحى ياشيخة ربنا يزيدك كمان وكمان

وربنا ينور عليك ويحفظ أيديك

اللى كتبت لنا قناطير الروعة

تقبلى تحياتى وودى

رفــــــ ع ـــــت

[واد حبيب]

حلوه اوي التخيلات دي
اسلوبك جميل جدااا
كل عام وانتي طيبه
بتوفيق ان شاء الله
الحبيب

[دمعه حائره]

اقتباس و الناس رجعت تقرأ زي زمان وانتهى زمن تدنت فيه الألفاظ و الفن و السلوكيات و انحدرت فيه الأخلاق و ظهر زمن ترتقي به العقول و الأخلاقيات

يسلام عليكى وعلى موضوعك اخدنى معاه فعلا لعالم خيالى
وطريقك سردك على انها حدوته فعلا جذبتنى جدا
حلم حميل وتخيل رائع منك
اتمنالك التوفيق

[Words Whisper]

يــــــاااااه


أتعود البشرية يوما


للتفاعل الراقي مع الطبيعة دون أن تقتلها ؟!


فنرتقي في كل شيء ..




رااااااااااائع بحق


وأسلوبكِ مميز ..


شاكرة لكِ حد السماء وأكثر ..




سلمتِ


ودمتِ بتوفيق من الله ..






مش معايا تقييمات فــ 5 ستارز بئا ..

[beauty angel]

جميل حلمك وتخيلك رآئــع
أسلوبك وطريقة سردك فى شكل حدوتة مسلى وشيق
ان شاء الله جميع أحلآمنآ تصبح حقيقة يآرب
تسلم الايادى حبيبتى
موفقة ان شاء الله

[DR.SMA]

جميييييييييييل
أمان وقراءه وثقافه وهدوء واقتصاد
هنا
تقديري يا جميل
شاكره وجودك الراقي
بالتوفيق ان شاء الله ..

[lady lead]

جميل أسلوبك ، خيالك ، ........
الفكرة ذاتها جميلة
و إن الحياة أصبحت في سطور ملتفة بالمرح و الهدوء ...
دودو .. كل سنة و أنتِ طيبة
بالتوفيق إن شاء الله
تقديري و احترامي

[lanear]

اقتباس المشاركة الأصلية كتبت بواسطة ساحر الأحزان موضوع جميل منك وتخيلك جميل جدا والداد دودى شاهدة على العصر الى فات والى لسة جاى موضوع قيم منك بتمنى لكى التوفيق تحياتى

ميرسي لحضرتك
مرورك يشرفني
تقديري و احترامي