دخن وخليها على الله

[єLмσsħαx]

بسم الله الرحمن الرحيم التدخين طبعا مش هفتى عارفين اضراره ازى غريب نوعا ما ان نطرح تطور شكل علب السجائر اليكم صور علب السجاير المصنوعة في مصر كيلوبترا منذ عام 1980 يبدو تطور شكل العلبة وتطور الطباعة واضح كذلك تطور التحذير المكتوب علي العلبة من ان التدخين ضار بالصحة صورة علبة سجائر كيلوبترا سنة 1980 صورة علبة سجائر كيلوبترا سنة 2000 صورة علبة سجائر كيلوبترا سنة 2010 صورة أثرية لعلبة سجائر بوكس (كنج سايز) عام 1960 صورة لعلبة سجائر بوكس (كنج سايز) عام 1980 صورة لعلبة سجائر بوكس (كنج سايز) عام 1990 صورة لعلبة سجائر بوكس (كنج سايز) عام 2010 فيه بعض الصور اللى مش بنحيها وكل اللى بيشربو سجاير بقى عندهم صدمه فى الصور الموجوده اليومين دور طبعا الصوره دى كانت البدايه ودى معاها حكايه كبيره تابعوها فى اخر الموضوع الصوره دى يعتبر هى المقبوله لدى المدخنين حاليا نرجع بقى لحكايه صاحبنا ده حكايه كل المصريين حمدى بالالا .. الراجل اللى سكن جنب قلوب المصريين ببساطة لان صورتة على كل علبه سجاير سواق الميكروباص اللى قال انه بيعشق التدخين وبيقول ان عمره ما تعب منه واللى اتعمل له جروب لمحبيه على الفيس بوك والعملية بقت مسخرة والناس بقت تضحك على وزارة الصحة وواخيرا .. النتيجة كانت مفاجأة الحكومة المصرية حتى فى العبط ما بتعرفش تبقى عبيطة بضمير رغم ان مكافحة التدخين لها أصول وأساسيات متبعة فى كل دول العالم ألف باء مكافحة تدخين يعنى منع التدخين فى الامكان العامة ووضع قانون وعقوبة صارمة حقيقية ومنفذة على الكبير والصغير انما ده عمره ما بيحصل فى مصر طيب بلاش قوانين واساسيات وكلام كبير خلينا فى صورة بالالا حتى دى الحكومة مش عارفه تعملها مش عارفة تجيب واحد عيان بجد وتحط صورتة على علب السجاير وتجيبة فى التليفزيون يحكى عن تجربتة الاليمة مع التدخين رايحين يصوروا صورة اى كلام والراجل زى الحصان وصوره فى كل حتة وهو بيدخن وماسك علبة سجاير بالالا فى عربيتة بالالا .. مشهور رغم انفه بالالا فى وسط أصحابة بالالا بيرفع علامة النصر .. للتدخين بالالا ومعجبية السر الحقيقى لصورة بالالا على علب السجاير متهيألى وزارة الصحة كان قصدها الحقيقى من حملة بالالا مش منع التدخين .. ولكن قصدها كان ده ياجماعة بجد ياريت تبطلوا السجائر دى الصحه نعمه من عند ربنا

[SplendiD SouL]

هههههههههههه اصلا احنا شعب تقريبا مش بيتأثر بحاجه
زي مثلا فيروس الكبدي الوبائي عادي جدا تحس انهم اتاقلموا معاه
هي عموما المبدء في الاقتناع نفسه من المدخن انه يبطل
تسلم علي التوبيك

[دمعه حائره]

غريبه فعلا كل التحزيرات دى وبيشربوها
ربنا يهدى
تسلم على التوبيك

[الأميرة رودي]

فعلا انا بأيدك رأيك ده جدا
تحس ان الحكومه بتقولهم ان السجاير زى الفل وبالالا اهو زى الحصان
بدليل ان تحذيرات التدخين وحملات التوعيه مابقتش واخدها حقها اعلآميا زى زمان
تقريبا مبارك كان خايف علينا اكتر من الحكومه الحاليه
بس الصور والتحذيرات اللى على علب السجاير المفروض المدخنين ياخدوها بعين الاعتبار
لآن الكل عارف ضرر التدخين على الصحه
موضوع قيم تسلم يامحمد