..نسيتك ياقلبى في وسط الزحمة دي

[شاعر واسير الحب]

.نسيتك ياقلبى في وسط الزحمة دي . كلنا بنحلم بالنور .. نور ينور حياتنا من جديد .. نور يبدد الظلام اللي عشنا فيه سنين وسنين .. نور يغير كل حاجه وحشة .. ويبدلها بأشياء اجمل وأجمل .. شلنا الهم .. اشتغلنا ليل ونهار عشان نوصل النور للناس .. تعبنا ودعينا ربنا يعيننا ويدبر لنا .. عشان مصر توصل لبر الأمان وتشوف النور من جديد .. وفي وسط الزحمة دي .. وفي وسط الأحداث المتتالية والمتعاقبة والسريعة جدا جدا دي .. كتير مننا نسي قلبه !! مبقاش يطمن على مؤشر الإيمان جواه !! مبقاش يسأل ويقول أوصل لربنا ازاي ؟؟ أدخل النور لقلبي ازاي ؟؟ دوامة الحياة خدتنا .. لأننا بنحلم بالنور .. بس النور ده عمره ما هيدخل حياتنا إلا ما يدخل قلوبنا .. في مقولة بتقول (( أقيموا دولة الإسلام في قلوبكم تقم على أرضكم )) كلمة جميلة جدا .. أقيموا دولة الإسلام في قلوبكم .. هل قلبك دلوقتي كل همه رضا الله عنك ؟ هل دلوقتي بتفكر في تصفية القلب من الشوائب ؟؟ من الغيبة والنميمة والغش والكذب والرياء والعجب والغرور والحقد والحسد والغل ..... وحاجات كتير جوا قلبك مخلياه مش نضيف بالمرة . (( إن الله لا يغير ما بقوم حتى يغيروا ما بأنفسهم )) دعوة للتغيير . دعوة للتطهير . دعوة للعودة للكتاب والسنة . (( تركت فيكم ما إن تمسكتم به لن تضلوا بعدي أبدا .. كتاب الله وسنتي )) وردك القرآني اخباره إيه ؟ قراءتك في كتب السنة وحفظ كلام النبي صلى الله عليه وسلم عامل إيه ؟ يلا نرجع من تاني لمنبع النور .. ومصباحنا المنير .. الكتاب والسنة بفهم سلف الأمة . وخلي عندكم أمل .. الإسلام قادم قادم .. بينا او من غيرنا . ثقوا في اختيار الله لنا طالما تحركتم وبذلتم . سيسألنا الله عن العمل ولن يسالنا عن النتيجة . وشعارنا طول ما احنا بنبذل وبنتحرك وبنغير ونتغير .. هو (( ومن تاني أكيد راجعين )) ومن تاني أكيد راجعين لصدارة العالم بإذن الله لو تمسكنا بهدي النبي صلى الله عليه وسلم . ومن تاني أكيد راجعين للتقدم والرقي لو تمسكنا بتعاليم الإسلام . يلا نرجع للأمام وبلاش نتقدم للخلف !! نرجع لكتاب الله وسنة رسوله فنكون في الأامام ونصبح في صدارة الأمم. وبلاش نتقدم تقدم اللي بيقولوا لنا الحضارة والرقي في تعاليم وديمقراطية الغرب فنرجع لظلمات الجاهلية الاولى !! يلا نتقدم للخلف ! عشان نرجع للصدارة من تاني . أحبكم في الله لا تنسوني من صالح دعائكم .

[ملكة الهدوء]

عليه افضل الصلاه والسلام

ياريت فعلا نرجع من تانى وناحول نبقى احسن

يسلموا للتوبيك القيم والجميل منك

[ساحر الأحزان]

معلومات جميلة منك

وتوضيح جميل

جزيت كل خير علية

[ملكة الانوثه]

جزاك الله خيرا
ع الموضوع الهادف
سلمت يداك

[شاعر واسير الحب]

وجزاكم الله خيرا
اشكركم علي المرور

[العاشق الذى لم يتب]

ألا بذكر الله تطمئن القلوب

ماأجمل أن تكون فى معية الله

وأجمل منه لوأنك أخذتك الدنيا

وجرفتك فى تيارها

وشغلتك همومها

أو ران على قلبك آثار الذنوب

ثم تذكرت الخلاق العليم

فعودت إليه مستغفرا منيبا

فاعلم أن الله سيفرح برجوعك إليه

شكرا أخى الكريم على تلك الأطروحة

وجزاك الله خيرا

تقبل تحياتى وودى

رفــــ ع ـــــــت