ملهاش إسم

[Şα3Đ..♥]

القصيده دي انا خليت عنوانها " ملهاش اسم "
علشان اللي حصل النهارده مأساه لا تتقال ولا تتوصف
وربنا يرحم الاطفال دي
وذنبها ف رقابه كل مسؤل قصر ف حقهم
ربنا يصبر اهلهم يارب


قايم من سته الصبح بيحضر شنطته
وحط فيها الكتب والقلم وخد وجبته
وقبل ما يقفل الباب راح لامه وباسته
ما يعرفش انه خارج مش راجع ليها

ركب الاتوبيس رايح المدرسه هو واصحابه
قاعد جمب الشباك بيبتسم وبيرسم احلامه
كان فاكر بكره المستقبل مفتوح قدامه
كان امله يطلع حاجه يفرح امه بيها

فجأه صفاره قطر قطعت حبل احلامه
بيهيص واصحابوا كمان فرحانيين قدامه
ماهو مش عارف ان القطرهيقصف ايامه
وكل الاحلام دي ناس تانيه بايدها هتنهيها

أهو مات وارتاح منكوا ومن فشلكوا واهمالكوا
كان فاكر ان في تغيير جاي هيغير حالكوا
اهو مات هو واخوه واخته واحمد ابن خالتو
والاسره الكريمه خلاص هتعيش ف صوات وعياط

يلا اعملولهم كام معاش واصرفولهم فلوس كتير
وشيلولهم كده كام محافظ علي كام مسؤول ووزير
سكتوهم بكام قرار ما الكلام ليه ناس كتير
واعملوا بالظبط زي زمان ايام قطر العياط

[❀ ЯeRōŎō ❀]

بجد ياسعد لو قلتلك حلوه هاتبقي قليله تووووحفه بجد
وربنا يرحم كل الاطفال دي يارب ويصبر اهلهم وياخدلهم حقهم من الاهمال الي احنا عايشين في ده
لاحول ولا قوه الا بالله العلي العظيم
تسلم ياسعد بجد لكلاماتك المعبره الكتير اوي

[شظايا عمر]

لا حول ولا قوة الا بالله العلي العظيم

الاهمال وصل لمراحل فظيعه والله

اطفال ملهمش ذنب اتحرموا من احلامهم

واسر للاسف هيفضل الموضوع كارثه عليها طول حياتها

ربنا يرحم الاطفال ويصبر اهلهم

ويارب الاهمال ينتهي ويتعاقب كل واحد له يد


صدقت يا اخي فهذه المهزله والكارثه ليس لها اسم

لانها افظع بكثير من اي اسم يطلق عليها

كلمات جميله منك اخي حزينه علي الحال الان

فاللهم اصلح الحال وابدله بخير حال

رائع اخي ما كتبت وعظيم المضمون منه

دمت بكل خير وسعاده دوما

خالص تقديري وتحياتي

[واد حبيب]

فعلا مش عارف الغلط عند مين
وايه ذنب الاطفال الابرياء دولت
والله مش عارف اقول ايه بجد حادث باااااااااااشع
دايما يا محمد كلماتك تدل علي احساسك الجميل
ربنا يصبر اهل الاطفال دولت
تقبل تحياتي
الحبيب

[الأميرة رودي]

حادث مأسوى ربنا يكون فى عون أهاليهم يارب
ويصبرهم ..
كلماتك جميله موجعه يامحمد
تعبر بدقه عن الموقف المرير المؤلم اللى بنمر بيه
صدقت أخى فى كل وصفك..
ربي يوفقك ودام تميزك

[دمعه حائره]

للاسف فعلا حادث مالوش اسم وصدمه فاقت كل التوقعات
ومازال الاهمال يلعب الدور الرئيسى فى كل الحوادث
والضحايا اطفال ابرياء كل ذنبهم
انهم مصريين
ربنا يرحمهم ويصبر اهلهم
تسلم ياسعد

[ويبقى الأثر]

اه على جرح الامهات

وصراخ وصويت بالمستشفيات

مانتو مشفتوش الى انا شفته

اه اصل انا اصلا اسيوطيه

اشلاء وبقايا بريئه مرميه

جوا اكياس فى عربيه

والمنظر بجد شئ مؤلم

صبرهم يارب على مصابهم

[السفينة]

جسد واحد والم واحد

اطفال مصر واطفال سورية

رحلوا عن دنياهم بلا ذنب

اخي الغالي

كلمات تعصر القلوب حزنا وألما


كما عصرها هذا الخبر المفجع


نسأل الله لأمهاتهم وذويهم الصبر والسلوان



ونسأل الله تعالى لهم القصاص العادل


سلمت يداك أخي

[قلب وكلمات]

روعه أوي يا سعد

احاسس عالي جداً ربنا يرحمهم

إهمال في إهمال

ربنا يصبر اهاليهم

تحياتي لك ولروعة احساسك وكلماتك

القيصـــر

[الرحــاال المٌتَمرد]

ملهاش إسم

وملناش سعر

وملناش قيمه

في الوطن

سعد

قدمت عمل يليق بروعه قلمك

احتراامي ياغالي