مبقتش بعرف افرح فيكي خفى علينا الله يخليكي(حادث قطار أسيوط)

[أحمد الخزرجى]

مبقتش بعرف افرح فيكي خفى علينا الله يخليكي
جرالك ايه يابلد كل دقيقه يموتلك ولد ؟؟
فرجتي علينا العالم بحاجات عجب العجب
مش عارفه نصبر مين ؟؟
بتوع اسيوط ولا الفيوم ولا التحرير ولا بورسعيد
كفاية بقي ده غيرهم كتير ومحدش فيكي سعيد
ارحمونا ياساده ارحمونا تعبنا من لون الدم
ارواحنا بقت ببلاش والحزن مبيفرقناش وزاد علينا الهم
صبر يارب كل اسرة باتت ناقصة العدد
والمس مصر بحنانك وخليها احسن بلد.

[أحمد الخزرجى]

الباص مش هيعدى خلاص ..
ولا راح نتخانق عـ المصروف
أو حتى ندردش انا وانتى
يا حبيبتى الصبح بكام كلمه
ولا هتصحينى من النجمه
ولا هسمع كلمة ذاكر تانى
عشان عايزانى أطلع دكتور
ولا حضر أبدا أى طابور
ولا هكبر علشان أتشاقى
وأنط السور ..
ولا حتى هعاكس بنت جيران
وأبعت جوابات

[sokara]

كلماتك تصور واقع مرير
بصراحه بقينا مش عرفين نصبر مين ولامين
هنصبر نفسنا على كل حلم ضاع مننا
وماعاد الامان فى بلادنا يضمنا
وبقا الحزن هو اللى بيلمنا
مهما كتبت لن اجد مايصور حالتنا بتلك الماساه التى بتكرارها كسرت الحلم جوانا
سلمت يمينك اخى وتقبل تحياتى

[جبل عالي]

صح قولك يابن البلد

محتاجين لمسة حنان من ربنا

ونظرة رضا ... نقف نحاسب نفسنا !!

يمكن اللى بيجرى ده حساب لفعلنا !!

ابرياء بتدفع تمن لغياب ضمايرنا كلنا !!

[أحمد الخزرجى]

اقتباس المشاركة الأصلية كتبت بواسطة جبل عالى صح قولك يابن البلد محتاجين لمسة حنان من ربنا ونظرة رضا ... نقف نحاسب نفسنا !! يمكن اللى بيجرى ده حساب لفعلنا !! ابرياء بتدفع تمن لغياب ضمايرنا كلنا !!

شكرا للمرور

[أحمد الخزرجى]

اقتباس المشاركة الأصلية كتبت بواسطة sokara كلماتك تصور واقع مرير بصراحه بقينا مش عرفين نصبر مين ولامين هنصبر نفسنا على كل حلم ضاع مننا وماعاد الامان فى بلادنا يضمنا وبقا الحزن هو اللى بيلمنا مهما كتبت لن اجد مايصور حالتنا بتلك الماساه التى بتكرارها كسرت الحلم جوانا سلمت يمينك اخى وتقبل تحياتى

شكرا للمرور