الحياء بين الحقيقه والهباء / بقلمي

[نجمة النجوم]

صباح الخير على الجميع
بصراحه مواقف متتابعه وسريعه ومتلاحقه بشكل غريب
الصبح شفنا مناظر موت ودم وبكاء وعويل
وبالليل شفنا انتصار النادي الأهلى
الموت علينا حق ومؤكد الحقيقه الوحيده الموجوده بالحياه هي الموت
كمان الفرح حلو ومطلوب ومهم جدا خصوصا واننا تعبنا أحزان من وقت الثوره لغاية دلوقتي
انما بصراحه عيب
شايفه ان الحياء اصبح شيئ بعيد اوي عننا
ازاي اصلا نحتفل وعندنا مصيبه وكارثه بالشكل ده
انا اهلاويه وسط اسره كلها زمالكاويه
انما ولو
حادثة القطار دي فظيعه ومروعه ومؤلمه اوي
انا بكيت من المناظر وحسيت بخنقه صعبه
وبرغم اهلاويتي مش فتحت التليفزيون اصلا بالليل
الغريب بجد والمحزن حجم الفرح اللي شفته في الشوارع
يعني خلاص الحياء تلاشى
ربنا يرحم الأطفال الأبرياء اللي رحلوا بسبب الاهمال
الاهمال اللي اصبح منتشر بصور واشكال محزنه في مصر
بجد
حزينه جدا
وشايفه اننا كلنا افتقدنا الحياء
انا اسفه
..

[تصدق نسيت]

ابدعتى بطرحك ومشاعرك اختى التى تتواجد فى اى انسان منا
ولكن ها هى الحياه ممرات فيها الحلو وفيها المر الاليم
ولكنن مأساة حادث القطار تدل أن مصر مفتقدة لوجود نظام لإدارة كل شئون الحياة فلا حول ولا قوه اهمال وعدم تنظيم
سبب في فقد أرواح أطفال أبرياء فاق عددهم ال50 طفل
أسال الله سبحانه ان يتقبلهممن الشهداء ويسكنهم جنات النعيم ويلهم اهلهم وذويهم الصبر و السلوان
خالص ودى لطرحك
جنرال 25 يناير

[აα∂ Ԑγεა]

مع اني مكنتش ناوي اتكلم واكتفي بصفحتي علشان معملش مشاكل
بس هقولك ببساطه الاحساس نعمه يا نجمه النجوم
واللي اختشو شكلهم ماتو

من كام شهر يوم بورسعيد مصر كلها نامت حزينه لموت الالتراس
والنهارده الالتراس نام مبسوط وبيرقص
في يوم مصر نايمه فيه حزينه لموت اطفالها

عمرو اديب : واطوا صوتكم شويه وانتوا بتحتفلوا فيه ناس لسه ميته وامهاتهم اتجننت .. الصوت يا اخوانا


مقلناش ميفرحوش
كل المطلوب شويه خجل شويه دم شويه احساس

[طمطم]

اصل الناس اللى بتحس خلصوا خلاص
..
ربنا يرحم الاطفال ي رب
..

[نجمة النجوم]

ميرسي جدا ليكم مروركم الجميل

[Arco Baleno]

الله يرحمهم اولا ثاني المشاعر تغيرت واصبحت ماتتاثر
لانها اتاثرت بما يشغلها ويسيطر على ميولاتهم
لكن لاتحزني مازلت هناك في الحياه خير لان الحياه
دائمه الصراع بين حق وباطل
والاطفال من طيور الجنه لان صفحاتهم بيضاء
لم يكتب فيها اي شي
وربي يرحمهم ويصبر اهلهم وان شاء الله الانسانيه تستيقض في نفوس البشر
قلم رائع يستحق التقييم