حاجه محيراني

[M.B]

بسم الله الرحمن الرحيم


انهرده كنت قاعد مع مامتي بنتكلم طبعا بدايه الحديث كان عن الدراسه

بتقولي عامل اي في الدراسه بقولها تمام بتقولي يابني زاكر لان الثانوي عام مش بيجي بالسهل وبالبساطه ده عامل زي الصلاه لو مصلتش مش هتخش الجنه

جيت انا بقولها طب دي منظر مناهج تخلي الطالب يحب يزاكر ويفهم هو بيدرس ايه
ولا ده للطالب البصمجي الي مبيعرفش يعمل حاجه غير الحفظ

قالتلي ده نظام التعليم من 30 سنه من بدايه حكم حسني مكنش عاوز تقدم تعليم
جيت انا بقولها طب مرسي عمل اي اذا كان لسه النظام ماشي علي طريقه حسني

بتقولي مرسي يعمل اي ولا اي
بيحاول يطبق الشريعه الاسلاميه وهي بدايه الطريق للنجاح معظم الناس وقفه في طريقه ومش عاوزه الحكم الاسلامي يمسك

قولتلها يعني احنا شعب عاوز الجزمه ولا ايه مش فاهم قالتلي لا بس كل فئه فيها الحلو وفيها الوحش
قولتلها انا معظم الي شايفه وحش واهو بنات لبسه لبس اصلا مش عارف اهلها نزلوها ازاي كده وهي حيائها سمح ليها ازاي تنزل كده

ومش عاوزين الشباب تعاكس ها ها ها

قالتلي بص زي ما قولتلك في في المجتمع فئه حلوه وفئه وحشه

وفي من الشباب الي بيغض البصر زي ما قال الله ورسوله

وفي شباب ماشي وراء نزواته وشهوائته

قولتلها بس ان البنت تنزل كده ازاي

كده امريكا سرقت الثقافه المصريه وبقيت مصر علي الثقافه الامريكيه

قولتلها انا بشوف مناظر في المدرسه شباب لبسين بناطيل حمراء وضيقه جداااااا

وشباب لبسين ضيق طب انا عاوز افهم فين الشباب من البنات خلاص بقيت خلاطبيطه

قالتلي الجيل كله بايظ من اوله لاخره

وطبعا انا زهقت من الموضوع غيرت

قولتلها طب هو ربنا خلقنا مسيرين مش مخيرين صح

قالتتلي لا احنا مخيرين

قولتلها ازاي احنا زي ما بتقولي مخيرين

ومكتوب كل واحد هيعمل ايه في كتاب عند ربنا بكده يبقي خلاص مفيش خيار اني اغير الي مكتوب يبقي انا انسان مسير

طبعا فضلنا علي كده لحد ما زهقت وهي زهقت

وفي الاخر عاوزكم تتناقشوا معايا في كل كلامي

وعاوز اراء ونقاش حلو علي كلامي واموت والقي اجابات

مع تحياتي


مووووووووووووودي

[أحمد الخزرجى]

أولاد نظام التعليم عاوز تسجيل يحفظ لحد مانص الشعب بقى مهسهس ماشى بيكلم فى نفسه

أما بالنسبه لى الإنسان
الإنسان مخير

والدليل إنك بيبقا قدامك الخير والشر وبتختار منهم

[ساحر الأحزان]

فى كل مكان فية الكويس وفية الوحش زى ما ماما قالتلك!!!!!!

انت بتشوف قدامك الغلط طيب لية عايز تقلدة وتعمل زية......

وانت قدامك الصح


يعنى الى بيلبس لبس فسافيس دة ؛؛؛؛؛

مش عارف انة غلط

والى بتلبس لبس خارج دة

مش عارفة ان دة غلط عليهم

قدامك طريقين اختار فيهم

انك تتمسك باخلاقك ومبادئك وتصون نفسك!!!!!!

يأما تجرى وراها وتتبع رغباتك؛؛؛

موضوع قيم منك

تحياتى

[M.B]

اقتباس المشاركة الأصلية كتبت بواسطة أحمد الخزرجى أولاد نظام التعليم عاوز تسجيل يحفظ لحد مانص الشعب بقى مهسهس ماشى بيكلم فى نفسه أما بالنسبه لى الإنسان الإنسان مخير والدليل إنك بيبقا قدامك الخير والشر وبتختار منهم

بس في الاول والاخر لو مكتوب عليا الشر هختاره

قولي بقي يبقي مخير ازاي

[M.B]

اقتباس المشاركة الأصلية كتبت بواسطة ساحر الأحزان فى كل مكان فية الكويس وفية الوحش زى ما ماما قالتلك!!!!!! انت بتشوف قدامك الغلط طيب لية عايز تقلدة وتعمل زية...... وانت قدامك الصح يعنى الى بيلبس لبس فسافيس دة ؛؛؛؛؛ مش عارف انة غلط والى بتلبس لبس خارج دة مش عارفة ان دة غلط عليهم قدامك طريقين اختار فيهم انك تتمسك باخلاقك ومبادئك وتصون نفسك!!!!!! يأما تجرى وراها وتتبع رغباتك؛؛؛ موضوع قيم منك تحياتى

لا مش علي موضوع اعمل زيه

علي ان ازاي اصلا في ناس لابسه كده

وانا الحمد لله متمسك باخلاقي وبقيمي


منور يا باشا

[Ćяч ƒ0Я ℓ0√З]

متقلقش من نظام التعليم فى سبتمبر القادم هيبدأو بتوزيع تابلت على طلبة الاعدادى ودى مرحله تجريبيه لو نجحت هيكملوها

اما بالنسبه للبس الضيق والواسع فا ملكش دعوه بحد كل واحد بينشئ تبع تربيته امشى بما يرضى الله وخليكى فى طريقك وان شاء الله ربنا هيوفقك وهوا دا الصح اسمع كلام والدتك لانها اكتر واحده شايفه مصلحتك فين ربنا يوقفك

[Miss Cute]

التعليم.. هو يوما ما إن شاء الله.. هتحصل معجزة.. ونتغير بقى بالتعليم بكل حاجة :d

الإنسان مخير أكيد هو عشان عنده عقل.. أنا مش بعمل الخير عشان هو مفروض عليا.. لا بعمله عشان مقتنعة بيه ومقتنعة انه صح وبعد كدا افكر انه مفروض عليا !

اللبس بقا .. كل واحد حر وكلنا هنتحاسب بعد كدا عند ربنا .. وزى ما ممتك قالت زى مافيه الكويس فيه الوحش

[انجي_1]

نايس ابيبو

بتتمرد انت كمان ؟؟؟؟؟

طيب بس اما اشوفك ياض

[M.B]

منورين يا جدعان واراء مميزه