مشروبات شتويه ساخنه ^^

[تيتشر نفشه ツ]

السلام عليكم حبايبي ياصباح المانجه >> على قولت طمطومه مشروبات ساخنه بقا لزوم الشتاء 1/ مشروب التشوكلت بالكراميل آلمقآدير: ملعقة صغيرة من French Vanilla Café متوفرة في جميع محلات السوبرماركت 1 كوب حليب ساخن ( غير مغلي ) ملعقة من سوس الشوكولا السائل ملعقة من سوس الكراميل السائل آلطريقة : امزجي القهوة الفرنسية مع الحليب الى ان تذوب القهوة جيدا اضيفي الشوكولا والكراميل واخفقي الى ان تختفي تماما 2- في حال الرغبة ضعي طبقة خفيفة من الكريمة المخفوقة ويجب ان يقدم حالا ..... 2/الموكا بالفانيلا آلمقادير : 3/4 كوب ماء ساخن 1 ملعقة صغيرة بن 1 ملعقة صغيرة كاكاو أو شوكولاته كريمة (حسب الرغبة) 1/4 كوب فانيليا آلطريقة : تضاف ملعقة البن للماء الساخن وتقلب جيداً حتى تمام ذوبانها. تضاف الشيكولاتة (الكاكاو) والفانيليا مع التقليب جيداً. ثم توضع الكريمة بدون تقليب. ......... 3/ تشوكلت ساخن آلمقادير: 6ملاعق كبيرة كاكاو 5 ملعقة كبيرة سكر 1/2 كوب ماء ساخن آلطريقة : تخلط مع بعض وتوضع على النار وتحرك بإستمرار حتى تصبح كثيفة في براد نضع 5 أكواب حليب سائل ونتركه على النار حتى يسخن ثم يضاف له خليط الكاكاو وقليل من الفانيليا ويقلب حتى يسخن مرة اخرى ولكن بدون ان يغلي يصب في الاكواب ويزين بكريمة مخفوقة ... بس كفايه عليكو كدا يلا فوتكو بعافيه

[** رحيق الجنه **]

وماله الشاى ما هو ساخن وحلو وذى الفل
هههههههههه

♠♠♠

طريقه جميله جداً
تسلم الايادى
فتك بعافيه انا كمان ..

[Lost Pearl]

حلوة اووووي الاولي و الاخيرة كمان

تسلم ايديكي يا قمر

و معلش شلت الصور بس مكانتش شغالة و كان مكانها رابط

ف انتظار جديدك

[تيتشر نفشه ツ]

اقتباس المشاركة الأصلية كتبت بواسطة ** رحيق الجنه ** وماله الشاى ما هو ساخن وحلو وذى الفل هههههههههه ♠♠♠ طريقه جميله جداً تسلم الايادى فتك بعافيه انا كمان ..

ههههههه منا بقول كدا بردو:d

نورتي ياسكر

[تيتشر نفشه ツ]

اقتباس المشاركة الأصلية كتبت بواسطة lost pearl حلوة اووووي الاولي و الاخيرة كمان تسلم ايديكي يا قمر و معلش شلت الصور بس مكانتش شغالة و كان مكانها رابط ف انتظار جديدك

حبيبتي

ولايهمك ياقمر انا بردو استغربت بس مش مشكله

المهم انك نورتيني:d

[Şα3Đ..♥]

والنبي يا اخت متعرفيش الطريقه الصحيحه للكاكاو باللبن ازاي
انا شربته مره واحده بس صح عند واحد صحبي
المره الوحيده اللي شربت فيها كاكو باللبن طعمه جامد بالشكل ده
واتحرجت اساله اتعمل ازاي
فا لو بتعرفي تطبخيه قوليلنا

[-esraa-]

تشوكلت ساخن راحة اعمله بس ادعي ما تحصل اصابات خطيرة
هههههه


توبيك جميل
تسلم ايديكي

[شاعر واسير الحب]

نشكرك علي مجهودك
بالهنا والشفا
دمت بخير

[تيتشر نفشه ツ]

اقتباس المشاركة الأصلية كتبت بواسطة MoHaMeD SaaD والنبي يا اخت متعرفيش الطريقه الصحيحه للكاكاو باللبن ازاي انا شربته مره واحده بس صح عند واحد صحبي المره الوحيده اللي شربت فيها كاكو باللبن طعمه جامد بالشكل ده واتحرجت اساله اتعمل ازاي فا لو بتعرفي تطبخيه قوليلنا

(بغض النظر عن تطبخيه)

بص ياسيدي

هوا في ليه اكتر من طريقه الحقيقه

في بتعمله ساخن وفي بتعمله بارد

بما أني مش أعرف انتا عاوز إيه فـ هقولك الطريقتين

نيجي للبارد:

انتا هتجيب كاكاو بودره من الماركت

في عندك نسكويك



في عندك غيره انواع كتير من كاكاو البودره

كل اللي هتعمله ياسيدي

انك هتحط في الكاسه مقدارمعين زي ملعقه كبيره أو ملعقتين من الكاكاو

وهتحط بردو سكر وهتعبي الكبايه حليب المراعي أو الصافي أو جهينه أو اي حليب سايل



وتقلب وتحط كل الكلام دا في الخلاط وتشغل الخلاط شويا عشان يعمل رغوه فوق

وترجع تحطه في الكبايه

وبالهنا والشفا وطعمه هيبقى تحفه على فكره

ودي صوره ليه ولو حطيته في الخلاط هيبقى فوق شكل رغوه بردو




...................................


نيجي للسخن

انتا هتحط ملعقه او ملعقتين من كاكاو البودره ( ع حسب رغبتك يعني )

وهتحط بردو كميه من السكر

وهتجيب حليب سايل بس مش المراعي أو كدا لاء

بيبقى في حليب سايل بتاع الشاي وهجبلك صوره ليه



هتحط منه كميه معينه بردو في الكاس

وهتغلي مويا وهتصبها وهتقلب

وبالهنا والشفا

اي سؤال انا في الخدمه

[تيتشر نفشه ツ]

إسراء

هههههه لا ان شاء الله مش تحصل حاجه

نورتيني

أ/ شاعر

نورت تسلم