ضيعت حياتي بايدي وفوقت متأخر اوي

[نفسي حد يسمعني]

عارفين...


لما حياتك كلها تبقي ضاعت منك قدام عينك ومستقبلك ضاع


ومبقالكش اي حاجه ممكن تعيش بيها

انا اسمي محمد عندي 19 سنه

حياتي كلها اتدمرت بسبب غلطه عملتها من 5 سنين

يمكن الي بيقرا كلامي ميستوعبش الكلام الي ف السطر الجي

من 5 سنين كنت ف تالته اعدادي وحصل اني سقطت وخبيت علي اخواتي ووالدتي لانها مريضة وممكن يجرالها حاجه وكذبت وقولت اني نجحت

لمدة 5 سنين كنت دايما بعمل اعذار واتصرف في كتب مدرسية وعلي اساس اني ف مدرسة ثانوي قدام اهلي

لحد ما دلوقتي باين لاهلي وكل الناس اني ف كلية تجارة


وهمت اهلي كل الفترة دي بالكلام دا

مكنش خوف علي نفسي
كان بس خوف علي والدتي المريضة وان يجرالها حاجه بسببي

5 سنين كتير منكم هيستغرب


بس انا حاسس اني فوقت متأخر اوي

وان خلاص مبقاش في حاجه ممكن اعملها ف حياتي

ولا عارف امتي هييجي اليوم الي هيكتشفو فيه الكدبة وهاخد شنطتي وابقي انسان غريب عن اهلي



انا مخنوق ومش عارف اعمل ايه

عارف ان ملهاش حل

ولكن حبيت بس حد يقرا كلامي ويحس بيا مش اكتر



شكرا

[دمعه حائره]

مشكله فعلا الكدب دايما بيجرنا معاه لكدبه اكبر
لازم تقتنع من جواك انك لازم تصلح الغلط ده
برغم انها غريبه ان الاهل مايلاحظوش كل السنين دى
ولايتابعوك لكن ممكن ترجع للدراسه تانى وتلحق تنقذ مستقبلك
لانهم اكيد هايكتشفوا فى يوم من الايام
ومش لازم ثانوى عام لو هايكون صعب
خد الاعداديه وكمل دبلوم وممكن تقدر تكمل جامعه بعدها
وربنا معاك

[واد حبيب]

ممكن تكون انت فوقت بعد وقت طويل
عارف ان الكدب ممكن يدمر الحياه كلها
في 3 اعدادي كان ممكن تصلح كل شي في وقتها
بس للاسف يا اخي انت غلط غلطه كبيره
بس لزم تصلح الغلط ده باي طريقه
ربنا معاك يا غالي
الحبيب

[-esraa-]

كذبة عملت لك كللل ده
بس عايزة اقولك ان الكذب حبله قصير
يعني لو فضلت كده مخبي عليهم هيعرفوا حتى لو انت مش قولتلهم

وزي ما دمعة حائرة قالتك خد اعدادية وكمل دبلوم
ربنا معـــاك

[ساحر الأحزان]

مش معنى ان الواحد ان ربنا موفقوش فى سنة دراسية انة يخبى عن اهلة او يترك الدراسة؛انت محصلشى ليك

نصيب فى سنة كنت عيدها من جديد وكمل متتركشى الدراسة وتقول خلاص الفشل بقى حليفى؛

دى ظروف وعدم توفيق ممكن يمر بيها اى واحد مننا فى حياتة؛

وبعدين باين مفيش متابعة من الاهل ليكى خالص بدليل انهم صدقوا انك داخلت ثانوى وكملت كلية تجارة؛

الكدب مالوش راجلين لازم يظهر ؛

حابب تكمل تعليمك كمل وتوكل على الله وان شاء الله ربنا يعينك

بسى الافضل انك تصارحهم متفضلشى مخبى عليهم

ربنا يوفقك

[Words Whisper]

يعني حضرتك وقفت عن الدراسة خالص ؟؟


مش حتى عدت السنة من وراهم ؟؟


طيب هقول لحضرتك


لو حضرتك كنت توقفت عن الدراسة خالص والمفروض انك لسه ف 3 اعدادي


يبئا كمل من اللي وقفت عنده


حتى لو مش عايز تقول لحد المهم انك تكمل


وربنا يوفق حضرتك ..

[احساسى صحيح]

الافضل لك الا تستمر بالكذب

يجب عليك ان تنهى المسئلة مهما حدث بعدها من عواقب

ولكن نصيحتى ان تجد احد افراد العائلة وليكن عمك او خالك او اى شخص يقرب لك

ويكون مقرب لك تحكى لة معاناتك ومساعدتك ف اخبار اهلك ويكون وسيط بينكم

مع العودة لتكملة تعلميك

التعليم لا يعرف سن

هناك اناس تعدوا الاربعين يدرسون ف الجامعات المفتوحة

الاهم تقتنع انك مخطأ ودا بداية الاصلاح

ربنا يوفقك اخى

ويجيب العواقب سلمية

[إيلانا]

تحية طيبة أخي


شدني العنوان ودخلت


اولا أخي أنت بدأت في اول طريق النجاح وهو أنك عرفت ماأخطأت فيه لاتنظر فيما


راح ولاتستطيع أن تعيد ايامك الماضية المهم ان تتعلم فمن منا لم يخطىء البعض لايتعلم مهما


حدث له ولايستيغظ ابدا لاتجعل ماحدث يجعلك تقف وتقول فات الوقت بل قول بدأ وحان الوقت


الحياة وتجاربها وامايحدث لنا فيها من امور مدرسة نتعلم منها اجعل ماحدث وندمك دافعا قويا لنجاح


والسبب كان مشتركا فأين الأهل منك ايضا يتحملوا على عاتقهم ماحدث لك لكن اهم ان تعد نفسك وتأخذ عهد


وميثاق أن لاتكذب مهما صار فالصدق دائما نجاة لصاحبه


فدائما يظهر الصدق مهما امتدت حبال الكذب


لاتنظر لخلفك بل انظر أمامك وابدأ صفحة جديدة



دعواتي لك بالتوفيق


ايلانا

[تجملت بالعفآف]

اهلا وسهلا بكـ بمنتدانا ياا أخي
لكل مشكله ولها حل
أنت أخطأت وعيشت أهلكـ وأخواتكـ بخدعه صغيره ومع الأيام كبرت وكبرت حتي وصلت لهنا
أنت الأن القدوه لأخواتكـ كيف سيصير حالهم إذا عرفوا بالحقيقه
ووالدتكـ كيف ستكون شعورها ووالدكـ الذي تعب وأتشغل كرمال يجعلكـ تدرس وترفع راسه بين الناس
بعد كل هذا الوقت تخذلهم بسبب عدم أستخدام طريقكـ الصحيح
أعلم أن كلامي قاسي لكنني تعايشت مع الطرح
والحل بيدكـ أذهب الي والديكـ وأخواتكـ وأجتمع مع عائلكـ
وقول لهم عن مشاعركـ نحوهم وأنكـ وتحبهم وغالين عليكـ ... الخ
وفي اخر كلامكـ قول لهم أوعدوني أنكـ راضين عني وسامحوني ع أفعالي
وعندما ينهوا من قول اننا راضين عليكـ ومسامحينكـ ياا بني
قول لهم الحقيقه وقول لهم أنكـ ندمان ع ما فعلته
وقول لهم أنكـ فعلت ذلكـ حتي لا يزداد المرض ع أمي
وقول لهم أنني أخطأت وأعلم أنكم لن تسامحوني ع فعلتي
كل عقلي وتفكيري كان أني لا أتسبب في أيذاء والدتي
ولو بأيدي أفدي لها بروحي ودمي
كل ما عليكـ الأ تكمل في الخداع فيهم
وتحمل كل شئ يعملوه فيكـ
ربنا يوفقكـ في حياتكـ
بعتذر عن الأطاله
أرجو أن لا يكون في أي أزعاج
تقبل مروري

[PrinCesS Gege]

فعلا ضيعت نفسك بكده
بس حاول انك متضيعش نفسك اكتر من كده
وده نصيبك محدش عارف ربنا مخبيلو ايه
حاول تكمل دراسه وتصل الغلط ده
وربنا معاك ان شاء الله