بمناسبة غلاء الاسعار,,

[SiLver Spectra]

مواطن : حرام عليكو يا ظلمة حتغلوا كل حاجة إحنا لاقيين ناكل؟!

خروف : انت زعلان عشان حيغلوا الخمرة و السجاير!

مواطن : انا لا باشرب زفت ولا باتهبب أدخن! انا بأتكلم ع الزيت و الكهربا و العقارات والاتصالات .. كل حاجة حتغلى!

خروف : بس الخمرة و السجاير حرام! إنت ضد الشريعة ولا إيه!

مواطن : يا بنى آدم أنا بأتكلم ع الكهربا اللى حتغلي كل حاجة!

خروف : كل العلماء أجمعوا على إن الخمرة و السجاير حرام .. عايزنا نسهل الحرام للناس؟ ماذا رأيتم من الله حتى تكرهوا شريعته؟

مواطن : ياخى يخربيت أبو العلماء الله يخربيوتكم إحنا ناقصين ده إحنا عايشين بالعافية!

خروف : إياك و سب العلماء .. لحم العلماء مسموم!

مواطن : يا سيدى العلماء ع راسى من فوق .. الزيادة ف الأسعار لازمتها إيه؟ حرام عليكم

خروف : فى مؤامرات دولية لإجهاض المشروع الإسلامى .. البرادعى و حمدين إتحدوا مع الفلول لإسقاط مرسى! المليارات تنفق لإسقاط الشرعية! إنت مع الشرعية ولا مع بتوع الهولوكوست؟!

مواطن : هو الهولوكوست غلي راخر؟ الله يخربيت البرادعى و حمدين و يخربيوتكم إنتو كمان!

خروف : إنت شكلك من العلمانيين بتوع بوذا! موت بغيظك!

((منقولة))

[booody99]

ههههههههه

حلوة بس مين هو الخروف ده؟؟

وبلاش تبالغ اوي كده

توبيك حلو

كل التحية والتقدير

[Mo7aMaD 3aLa2]

اقتباس حلوة بس مين هو الخروف ده؟؟

الخروف هو الاخوانى

معروفة يعنى !!!!!!!!

[۩۩ elMagic ۩۩]

هههههههه
واضح ان الخروف دا مأكلش كويس النهارده

[SiLver Spectra]

اقتباس المشاركة الأصلية كتبت بواسطة booody99 ههههههههه حلوة بس مين هو الخروف ده؟؟ وبلاش تبالغ اوي كده توبيك حلو كل التحية والتقدير

الخروف الي بيفكر بالطريقة دي و هو بيحاور المواطن :d

[عاشقة الهدوء]

خروف : إنت شكلك من العلمانيين بتوع بوذا! موت بغيظك!
والله ياخروف أنت سكر قولت كلمتين فى الصميم وهما دول الخلاصه
هههههههه ياخروف يابطل هههههههههههه بس أيه الموضوع
الجميل ده ياطاارق لالالا مكنتش أعرف أن دمك عثل كده

[booody99]

اقتباس المشاركة الأصلية كتبت بواسطة mo7amad 3ala2 الخروف هو الاخوانى معروفة يعنى !!!!!!!!

لا معلش يا محمد ياريت متشتمش حد

عشان التعميم مش حلو ومنهم ناس محترمة

وبلاش تشتم في حد وعارض بشكل لا يجرح

احنا هنا اخوات المفروض وفي ناس معانا منهم

مينفعش كل شوية نشتمهم ونلمح عليهم

وشكرا لمرورك ونورت

[SiLver Spectra]

الموضوع راح عالنكت
مكانه احسن برضو هناك

[طمطم]

هههههههههههههههههههههه
ي عم اندهله باسم يوسف يرد عليه :d

[SiLver Spectra]

الي شايف ان الموضوع ساخر , بس دا واقع فعلا
الدستور الحالي فيه مشاكل كتير و ثغرات قاتله هيتم عرضها مستقبلا دا لو كان ليه مزاج يعني لان خلقي بصراحة ضاق و جاب اخره
و بيتم ترويهجه للمواطن الغلباء على اساس الشريعه , و بيتم تلفيق تهم للرافضين بانهم (ضد الشريعة) زي ما الشخص في الحوار كان بيكلم المواطن كدا , المواطن يكلمه على حاجات فيرد عليه (هو انت ضد الشريعة !) و يسيب كل البلاوي التانيه و يمسك عالخمره !