ربـــاعيــــآت ,,, بقلمـــي

[Şα3Đ..♥]

دي رباعيات انا كاتبها بقلمي

بتبقي اربع ابيات بس

يارب تعجبكم

آه من الوجــع

يا مجرب عيشه المجروحين آه من الوجع
انا لما قلبي سمع الانيين قام واتفزع
عارف ليه قلبي حس بيك ما اهو اتفجع
وحس باللي بتحس بيه وداق الوجع

========

خليك بعيد


خليك بعيد
بص وراقب بس من ورا الستار
بس اوعي تغيب
مش معني بعدك انك تبعد ليل نهار
اكيد ليك حبيب
مستني تطلعله وواجعه الانتظار
هيقولوا غريب
قول لهم ما غريب الا الشيطان
ده شيء مش عجيب
هو اللي يبعد عن الكدب يبقي غلطان

========

شايفني بضحك

شايفني بضحك من بره
وكأني عاجبني
شايفين ف عنيا امل بكره
ولا شيء تاعبني
وانا اللي بتألم ميت مره
ولا حد سامعني
وبسيب احلامي تكون ذكري
وبقول ايه يعني


========


قافل علي قلبي بالمفتاح


قافل علي قلبي بالمفتاح
والجرح ف دمي بيجري سداح
ومش لاقيلي مكان افرح
ما انا كلي جراح



=======


قلبي بلا عنوان


قلبي بلا عنوان
ماشي بيتخبط
تايه ف وسط زحام
فرحان بيتنطط
بيصدق الاوهام
وبسيبه يستعبط
وتغرقه الاحلام
فـ ينكسر ويتفتفت



=======



متفرقين

متفرقين والقدر كتب علينا الفراق
وموجودين نهار وليل قدام بعضنا
وبحاول ابين اني عادي ومش مشتاق
وانت قصادي مش عارف ابعد عن هنا



=======


مين فينا

مين فينا الدنيا مش دبحــآهـ ولا عملت فيه ميت الف خدش
ماهو في اللي الدنيــآ مريحـآهـ وفي ناس تريح ومترتحش
افرحهم تكتر ف الحيــآهـ والدمعه ع الخد مبتنشفش
ولمين هيقولوا آه وآه ده الجرح جوه ما بيتشفش


========


الضحكه

والضحكه لما تبقي تيجي
طلعها و متحوشهاش
ده ساعات اللي منعزهوش ييجي
واللي محتاجينه نلاقيه مجاش


========



وبــ إيه يفيد البكي


وبــ إيه يفيد البكي
بدام اللي راح مجــاش
ما انا قلبي ياما اشتكي
وكــأنه مشتكـــاش


========


وفجـــــآهـ

وفجأه بكيت لوحدي ونزلت دمعتي تجري
وانا مش عارف علي ايه انا ببكي
ع العمر اللي ضاع ولاع اللي هجرتني
ولا شعري اللي شاب من كتر جريي وتعبي



========



ولسه بحاول معاكي

ولسه بحاول معاكي واعافر
وراضي بافعالك المُره
وراهن عمري لميت تاجر
يمكن يغلي ف عينك مره
مش يمكن نرجع ف الاخر
وحياتنا ترجع مخضره



=========



وياتي العيد

وياتي العيد بالافراح دوما .. وعيدي افراحه لم تات بعدُ
تغيب الضحكه يوما بعد يوما .. والحزن باق وموجود لا بدٌ
فلا الحبيب والاصحاب جنبا .. وفراقهم بزاكرتي ونسيانهم مجدُ
والبعد بينهم وبيني يبني سدُ .. وصورتهم دوما امامي للأبدُ


========



يا دفا قلبك


يا دفا قلبك
اللي راح ولا جاش
يا حروف بحبك
اللي منسيتهاش
يا كدب وعدك
اللي قال هعدي
ولا عداش



=======


ياللي فاكر اكل الحرام


ياللي فاكر اكل الحرام هيغني وهيشبع
لا اصحي وفوق قوام ده عمره ما بينفع
شغال بتعد والسلام وعمرك ما بتخشع
متخفش ده كله بالميزان وبكره الحساب يجمع

[دمعه حائره]

اقتباس مين فينا مين فينا الدنيا مش دبحــآهـ ولا عملت فيه ميت الف خدش ماهو في اللي الدنيــآ مريحـآهـ وفي ناس تريح ومترتحش افرحهم تكتر ف الحيــآهـ والدمعه ع الخد مبتنشفش ولمين هيقولوا آه وآه ده الجرح جوه ما بيتشفش

رباعيات جميله تسلم اخى دايما مميز
احترامى مع التقييم والتثبيت

[الرحــاال المٌتَمرد]

إيه دا يا سعد ,,

مش كُنت تعملها متجدد أحسن ,,

يلا عموما منتظرين سلسله رباعياتك ياغالي ,,

الله ينور يا سعد فيهم كام واحده روعه الروعه


إستمر ياغالي

[countess]

اقتباس شايفني بضحك شايفني بضحك من بره وكأني عاجبني شايفين ف عنيا امل بكره ولا شيء تاعبني وانا اللي بتألم ميت مره ولا حد سامعني وبسيب احلامي تكون ذكري وبقول ايه يعني

جميلة جدآ

حسيتها آوي

[السفينة]

راق لي ما خط قلمك من حروف
دمت بنقاء وود

[Words Whisper]

أحيانا
بساطة الحرف
تحمل كل المعاني ..


هو دا فعلا
تسلم
وشكرا لحضرتك ..
دمت بتوفيق وسعادة ..




5 ستارز ..

[Mo chahin]

رباعيات ولا اجمل منها كعادتك يا سعد ,,

وفكرتنا بالجميل .. صلاح جاهين ,,

على رأي الرحــــــال ,,

خالص ودى ..

[نغم الشام بعد المغيب..]

أخي الكريم ..محمد سعد



أجمل مافي رباعياتك ..


صدق احساسك ..


وبساطة حرفك ..


دمت بهذه النقاوة ..


ودام عذب قلمك ..



مع كل الشكر والاحترام



نغم الشام

[شاعرة الرومانسيه]

بجد رباعيات ولا أروع

خفيفه على القلب وتحمل مليون معنى

اوقفتنى كتير حروفك لما تحمل من معنى ومعنى

ياريتك كتبتها متجدد

ممكن تخلى رحال او دمعه تكتب متجدد

سلمت اناملك

[~♥ Queen sozan♥~]

كلمات بجد رائع ,, واسلوب مميز ..

يدومـ الابداع والاحساس الصادق ,,

منتظرين المزيد ..

من ابداع قلمكـ ,, تحياتى