رحمتك يا رب !

[Mahmoud Mohie]

سعفان ده مواطن غلبان , صبح وليل مطحون ف مشاكل

مش عارف يقعد او يخرج ولا عارف حتى ينام

ومراته اميرة مش اسم على مسمى , صبح

وليل طلبات ومشاكل وياعينى الراجل مش قادر

7
7

صحى من النوم كالعاده مغموم من فعل أميرة .

هاتلنا طلبات ف الورقه هناك مكتوبه يدوب سعرها يجى 100 جنيه.

يا وليه امبارح جايبلك شيله من تقلها على 6 مراحل طلعتها.

خفى عليا شويه مصروف الشهر مش ملك ايديا .

طيب مين هيجيب لو تعبان ده انت الراجل يا عم سعفان.

يا وليه حرام ربك بيقول للصرف لزوم مش ع الفاضى والمليان .

ونسيت أقولك سيبلنا فلوس انبوبه هنغير كشاكيل هنجيب وشويه رز للأكل يا راجل.

حاجة تانيه ولا أمشى خلاص .

روح روح دلوقتى بعدين هنفكر

فى الباص راكب , كالعاده واقف مش لاقى مكان .

هات الأجرة يا أخ .

خد اهى يا عم وهات الباقى .

طب هات وشويه هرجعلك علشان أديلك الباقى.

خلع الراجل ومجبش الباقى ولشغلى وصلت , مانا مش هستنى

عبال مايجيلى وعن شغلى أتأخر .

ايه يا سعفان ليه متأخر .

مش ذنبى يا باشا الباص عطلان والكومثرى زوغ ومجبش الباقى .

شطبت عليك انا مالى بهمك انا ليا ميعاد تتأخر تتشطف

, روح أحسنلك أصل ملكش مرتب

مفيش غير 200 جنيه واليوم 4 فى الشهر طب أعمل ايه

طلبات وهجيب للست مراتى . مرفود من شغلى ولا ليا مرتب .

الرحمه يا رب , ده عبدك الغلبان واسمى سعفان وفيك عشمان

"

"

"

شكراا""

[phalsteen]

دا يبقي سعفان حال 97% من الشعب
بس لو مش رحمة الله
ولان فعلا سعفان والنبي غلبان
كان زمنا انقرضنا
بس ربك كبير ولعبده دايما رحيم

تسلم اخي

كلمات راقت كثيرا لي

[دمعه حائره]

ده حال نسبه كبير من المجتمع للاسف اختفت الطبقه المتوسطه
واصبح الاغلبيه يعانى من مشاكل ماديه
وعدم الموازنه بين المرتبات والاسعار
تسلم على موضوعك

[Mo chahin]

رسالتك وصلت أكيد يا محي ,,

وكما قال من قبلى .. الراجل دا تقريبا نص شعبنا عايش حاله ,,

تسلم محى على رقى قلمك ,,

[ساحر الأحزان]

حالة زى حال البسطاء من عامة الشعب

مكلوب على امرة ويشاطر من اجل لقمة العيش

موضوع جميل منك

دمت بكل خير

[Words Whisper]

لاعدالة اجتماعية حين نقع !!~
لدينا اقطاعية مقنعة !!~


لولا رحمة الله بعباده
ماكانت بقيت بيوت كثيرة مفتوحة ..


طرح راقٍ
شاكرة لحضرتك ..
دمت بتوفيق وسعادة ..

[Mahmoud Mohie]

اقتباس المشاركة الأصلية كتبت بواسطة Čίŋđёяёℓℓα دا يبقي سعفان حال 97% من الشعب بس لو مش رحمة الله ولان فعلا سعفان والنبي غلبان كان زمنا انقرضنا بس ربك كبير ولعبده دايما رحيم تسلم اخي كلمات راقت كثيرا لي

نورتى بطلتك اختى


لا تحرمينى مرورك الراقى


شكراا

[Mahmoud Mohie]

اقتباس المشاركة الأصلية كتبت بواسطة دمعه حائره ده حال نسبه كبير من المجتمع للاسف اختفت الطبقه المتوسطه واصبح الاغلبيه يعانى من مشاكل ماديه وعدم الموازنه بين المرتبات والاسعار تسلم على موضوعك

الطبقه المتوسطه ف وقت من الاوقات
هتختفى لو فضل الحال كده


نور الموضوع بمرورك
شكراا""