إرمــى همومـك على اللى يدبر

[Mo chahin]

ارمى همومك على اللى يدبر

دا المكتوب مقسوم ومسطر .. والمقسوم محسوب متقدر

واللى فى امره لابد يتمه .. تشغل بالك ليه وتفكر

متحيرش روحك فيها .. ولا تشغل بالك فيها

واوعى تبكى لحظه عليها .. واوعى تنام فى يوم متعكر

ارمى همومك على اللى يدبر

مهما حترسم ولا تخطط .. مش راح تاخد الا نصيبك

ومهما حتجرى او تتنطط .. المكتوب لك مش هيسيبك

ومهما تحوط ولا تقرط .. دا المقسوم لابد يصيبك

ومهما تربط يوم وتظبط .. مش حتحوش مكتوب متقدر

ارمى همومك على اللى يدبر

اللى يجيلك .. ماهى شطارة .. وان راح منك .. ماهى خسارة

لاهى مهارة ولا جسارة .. ولا صياد فى ايديه سنارة

يوم هيصيد اكتر من رزقه .. ولو فى ايده مليون سنارة

بس اعمل اللى عليك واتحمل .. وبعد العسر راح تتيسر

ارمى همومك على اللى يدبر

ان شغلت فكرك بيها .. مش هتلاقى راحتك فيها

ولو تتدلل مرة عليها .. هتجرى وراك ولا تسأل فيها

دنيا يا صاحبى تيه فى تيه .. اوعى تزل نفسك ليها

عف عنها النفس يا صاحبى .. وريح بالك هتبقى الاشطر

وارمى همومك على اللى يدبر

محمد شاهينـ ..

[كريم عاصم]

من كان رزقه على الله فلا يحزن

ومن توكل على الله فكان له النصيب الأكبر من رضاة

ومن الإبتلاءات تغفير وبالصبر عليها قوة أيمان

Mr. M ! r o

كلمات راسخة في زهن إيمانى ووعي روحاني

طاهر بذكر الرحمن

ولسان مرطب بطعم الكمال

الف تحيه لشخصك ولقلمك المعطر

كريم عاصم

[ويبقى الأثر]

ونعم بالله اللهم إرضنا بما قسمت لنا
ماشاء الله عليك استاذى الكريم
كتبت فابدعت
جل تقديرى واحترامى لك ياراقى

[المستبده]

عف عنها النفس يا صاحبى .. وريح بالك هتبقى الاشطر

وارمى همومك على اللى يدبر

Mr. M ! r o

فعلا ارمي همومك ولكن لاتستسلم بماهو موجود

ناضل للبقاء ناضل للاراده

ناضل للحياه

وعلى ربك توكل

كلمات رااااااااااااااااااااائعه

وقلم اروع

لك تقديري واحترامي

دمت بحب وسعاده

[ساحر الأحزان]

ارمى همومك

على الى خلقك

ربك كريم

وهو قادر على انة يشيل همك

ويفك كربك

كلمات جميلة

واحساس راقى

بتمنى ليك دوام السعادة فى حياتك

[Words Whisper]

بالسعي مطالبون
وعن الإلتهاء بالدنيا منهيون ..


طرح راقٍ
شاكرة لحضرتك ..
سلمت
ودمت بتوفيق وسعادة ..

[ابتسامة الزهر]

احسنت اخى بارك الله فيك

حقاً التوكل على الله هو من سمة الصالحين

وكما علمنا رسولنا الحبيب صلى عليه

عند خروجنا من البيت ان نقول

بسم الله توكلت على الله

[Mo chahin]

اقتباس المشاركة الأصلية كتبت بواسطة كريم عاصم من كان رزقه على الله فلا يحزن ومن توكل على الله فكان له النصيب الأكبر من رضاة ومن الإبتلاءات تغفير وبالصبر عليها قوة أيمان mr. M ! R o كلمات راسخة في زهن إيمانى ووعي روحاني طاهر بذكر الرحمن ولسان مرطب بطعم الكمال الف تحيه لشخصك ولقلمك المعطر كريم عاصم

كم اسعدنى هذا التواجد الكريم منك يا كريم ,,

اشكرك اخى جزيل الشكر على ثناءك الجميل واكثر ,,

[ياسمينااا]

دنيا يا صاحبى تيه فى تيه .. اوعى تزل نفسك ليها

عف عنها النفس يا صاحبى .. وريح بالك هتبقى الاشطر

وارمى همومك على اللى يدبر

معاك حق فعلا نرمي همومنا علي ربنا
لانه هو الوحيد العالم بحالنا
وهو القادر علي مساعدتنا
وهو القادر علي تبديل الحال الي حال
كلمات جميله جدا
تسلم اخي محمد
راقت لي كثيرا
دمت بخير وسعاده

[Mo chahin]

اقتباس المشاركة الأصلية كتبت بواسطة قيثارة الصمت ونعم بالله اللهم إرضنا بما قسمت لنا ماشاء الله عليك استاذى الكريم كتبت فابدعت جل تقديرى واحترامى لك ياراقى

قلم جدير بكل التقدير يمر مرور الكرام ,,

فا اهلا به وسهلا مطل بطلته الطيبه ,,

خالص ودى ..