الركن البعيد الهادي...

[سهـــر]

حصيله معرض الكتاب
دول ب ٤٧٠ جنيه
الكتب غاليه جدا السنه دي
بتهيالي السنه الجاي
هشتري بالمبلغ ده ٣ كتب واروح
متبسطش من المعرض السنه دي

[سهـــر]

كان عندي نسكافيه جايلي من السعوديه
طبعا فرق كبير عن نسكافيه مصر
فالعلبه قربت تخلص عملت ايه انا بقا
خليت بابا اشترالي علبه صغيره ام ٢٨ جنيه دي
وقلبتها ع العلبه الكبيره بتاع السعوديه
عشان الطعم الحلو بتاع السعوديه يستمر معايا
اطول فتره ممكنه
وهنا اكتشفت اني مصريه جدا 😂

[سهـــر]

هارد اللاب اتصلح والحمدلله
^_^
كارت الصوت مش شغال
😂
اللاب فقد النطق -_-

[سهـــر]

ومن عيوبي ابقا قاعده بهزر زي من شويه مع بابا
فجاه كلمه .. كلمه واحده بس شقلبت كياني
وقعدت اعيط ساعه في الحمام
انا ضعيفه وبكره ضعفي ده
-_-

[سهـــر]

ساعات بكون حاسه بوجع اللي قدامي
لدرجه تخليني مش قادره اواسيه واقوله ايه
كنت واسيت نفسي وصبرتها

[سهـــر]

نزلت النهارده لواحد بيبيع كتب على رصيف في الشارع
لقيت كل الكتب اللي انا جبتها ب ٥٠ و ٤٥
لقيتها عنده بعشين كنيه 😂
اقسم بالله انا استاهل 😂
اه يانا ياما فلوسي اللي راحت
ويجوا صحابي وصحاب اخواتي ياخدوا الكتب ع الجاهز
بفكر أأجرهم واهو استفيد بحاجه من ام الكتب دي 😂😂
عشين كنيه
حسبي الله ونعم الوكيل

[سهـــر]

يلي شمس الدنيا تطلع لما تطلع ضحكه منك
حسي بالناس الغلابه اللي زيي بعد اذنك

كانت بتتغنى لبت موزه باقت رنته عشاني
مش فاهمه ايه الكدب والنفاق ده 😂

[سهـــر]

امبارح وانا رايحه الجم
بنت شكلها رايحه درس
ادتني واحده وادت اختي كمان
بسطتني جدا
بحب الناس دي
اللي بتوزع جرعات سعاده على غيرهم حتى لو ميعرفوهمش
ربنا يسعدها ويوفقها في حياتها

[سهـــر]

انا عايزة بيتفور
-_-
انا عامله دايت وبروح جم
-_-
انا هنتحر
-_-

[سهـــر]

فاضلي ٤ كيلو ونص واوصل الوزن المثالي
انا فخوره بنفسي والله
ونوصل بقا وارجع اكل بطاطس مقليه تاني براحتي
واتخن تاني
واعمل دايت تاني
اهو يبقا في هدف لحياتي 😂