الركن البعيد الهادي...

[سهـــر]

هنفضل ندي وقتنا وعمرنا لناس متستاهلش لحد امتى

[سهـــر]

فيلم The shape of water

الفيلم ده المعنى الحقيقي ان الحب عمره ما كان بالشكل
اللي بيحب بيحب روح وجوهر اللي قدامه
بعد كدا بيفكر في شكل وشغل وشقه والكلام الفاضي ده
الفيلم ده شوفته مرتين لحد دلوقتي من كتر ماهو حلو
شكرا لمؤلف الفيلم العظيم ده 😍
كل الشكر بجد

[سهـــر]

مُشاهده ممتعه ي ابيه
هشوفه تالت النهارده 😂

..

محمد ^_^
انت بتقر عليا ولا ايه
انا ماصدقت اوصل
مش مصدق نفسي ي لمبي 😂

..

الاهلي فاز ٤
وليفربول ٥ مجموع ماتشين
وريال ٥ مجموع ماتشين
والزمالك بيلعب دلوقتي ومتعادل
وانا مجبره اتفرج عليه
عشان ابلغ بابا والحب بالنتيجه

..

قربت اخلص روايات المعرض
ولو خلصت هلاقي فراغ كبير
عشان مفيش فلوس اشتري
مبحبش اقرا pdf

..

بعنل الغدا النهارده كشري 😂
مبعرفش اعمل الدقه
ماما اللي هتعملها
بس الباقي كله انا
هيجي واحد انا عرفاه يقولي
هو الكشري ايه غير دقه
هقوله بس ي بابا خليك في حالك

..

انا ليه برغي كتير النهارده
مش عارفه الحقيقه

[سهـــر]

واهو جه وقالي فعلا هو الكشري ايه غير الدقه
^_^

[سهـــر]

يعني انا يوم لما اعزمك يبقا كشري :/
طب اتفضل -_-

[سهـــر]

اصعب اسبوع في حياتي
يارب عدي الايام الجايه دي على خير
يارب

[سهـــر]

عندي مشكلة مع قلي الطعميه
مش بعرف اقليها خالص
مبعرفش اشكلها اقراص كدا 😂
اختي دايما اللي بتقليها
لو مش موجودة يبقا ماما وساعات بابا
النهارده محدش في التلاته كان موجود
اضطريت اني اقليها
وللاسف عجبتهم وقالولي انتي احسن حد بيقلي طعميه في البيت
غملها مقرمشه ورقيقه -_-
مش عارفين المعاناه اللي عانتها على ما عرفت اقليها
وبكدا ابقا لبست قلي الطعميه لحد اخر يوم ليا في البيت ده
شكرا لحسن استماعكم لينا
^_^

[سهـــر]

احمد خالد توفيق
ربنا يرحمك ويسكنك فسيح جناته

[سهـــر]

انا بنام اكتر ما الزمالك بيتغلب في الدوري 😂
اه والله

[سهـــر]

حاسه بسلام داخلي كدا وهدوء نفسي
عشان رمضان قرب
الفوانيس والزينه
اينعم انا بضيع نص اليوم تقريبا تلفزيون وتجهيز فطار وكدا
بس بحس الدعوة في رمضان مستجابه باذن الله
يارب بلغنا رمضان احنا واحبابنا
عشان عندي دعوات كتير اوي يارب