الركن البعيد الهادي...

[سهـــر]

فقره دعايا واعلانات بئا
:/

[سهـــر]

انا والعصير
قصه لا يعرفها الا شخص واحد
هو انا امبارح فضلت اشرب في عصير بالهبل
وما اكلتش اي حاجه
فصدر مرسوم من الديوان الملكي
ان مفيش عصير ليا النهارده خالص
وقام بابا واخد كل انواع العصير
حاطتها جمبه على السفره
وعاملي كدا


طبعا انا ما سكتش على الظلم ده
وبصلته بصه لن يفهمها غيره

بعدين نزل بابا يصلي العشاء
وراقلي انا الجو مع العصير
واول ما شفته كنت عامله كدا


وبعد ما استفردت بيه لوحدي
وكبايه سوبيا على كبايه تمر هندي
والله على تانج تفاح
ولا قمر الدين يا خراآاآاآشي
واصبح هو ده حالي



اه والله

[سهـــر]

الصوره دي فيها حاجه حلوة
ايه هيا مش عارفه
بس كتير اوي بجبها وافضل متنحه فيها
نصي التاني

انا شايفه فيه حاجه حلوة
ياريت تكون فيك انت كمان

[سهـــر]

على زاويه الصمت ترحل بي احاسيسي
الى مكان لا عنوان له

:/

[سهـــر]

الفتره اﻷخيره دي
خرج من حياتي ناس
كانو يهموني بس هما
الي اختارو يخرجو فعادي
مش فارقين معايا اوي يعني
وفي المقابل دخل حياتي ناس
كان تعاملي معاهم سطحي جدا
اي نعم هو دلوقتي مش عميق اوي بس مش سطحي
مبسوطه جدا بوجودهم معايا ومبسوطه اكتر بمعرفتهم
بجد ناس الواحد يتشرف بمعرفتهم

[سهـــر]

اقتباس اتفرجوآ ع المسخره دى*** ونبى آنآ مش هرد عشآن لو رديت ممكن اذكر ست الوآلده يآ سهر بـ آبشع الشتآيم واﻻ‌لفآظ*** وانا موش عآيزه آخﻶ‌قى تسوء عشـآن عايزه اربى وﻻ‌دى***

بصي ي ساره الازم اهرج
ماهو مدونه نور ومهند دي فقعتلي مرارتي
الرحمه حلوة بئا راعي شعوري كسنجل يعني
اصحاب بلاستيك
وبعدين لازم اغاني روشه عشان اروشلك ي ساره
هههههههههههههه
المهم يعني هتبعتيلي عربيه تاخدني ولا ايه
ابعتيلي مصطفى

اقتباس من عند سهر ..*** كلمة "فقرة الدعايا و اﻻ‌عﻼ‌نات " دى الكلمه بتاعتى ..*** فـ انا بطالب بتعويض للحقوق الفكرية ****** - -***

مين فكريه دي ي عبده


والله ي عبده دي حاجه تسعدني
اني استعين بافكارك
بس حكايه تعويض دي شيلها من دماغك


....

شربت عصير كتير اوي

[سهـــر]

13 / 7
عيد ميلاد البت شذى اختي
كدا كملت 9 سنين
كل سنه وانتي طيبه ي شوشو
ربنا يخليكي لينا ويحفظك من كل شر

[سهـــر]

وعن الرعب الي بيحصلي لما اقول لماما
عايزه بنطلون ابيض
بتبصلي بصه
بتحسسني اني قلت كلمه قليله اﻷدب

..

اما انا صاحيه ليه من دلوقتي
عشان عندي كورس Icdl
وحاجه تشل يعني
انا كدا هعطش النهارده جامد

عايزه عصير

[سهـــر]

[سهـــر]

لا يستحق الحياة من يعيش لنفسه فقط

:/