إتيكيت الرد على المشاركات(الباص)

[توحد ارواح]

	السلام عليكم ورحمة الله وبركاته تعالوا نتعلم سوا اللباقة في الرد على الاِهانة او اللي تستفزك فى مشاركة ◘◘◘◘◘◘◘◘◘◘◘◘◘◘◘◘◘◘◘◘◘ مافيش حد فينا إلا وإنكتب فى موضوعها ولو مرة على الأقل رد مستفز أو سخرية من الموضوع ككل وبالتالى مابتقدريش تمسكى نفسك فى الرد على العضوة اللى كتبتلك المشاركة بس ساعات كمان سرعتك و ردة فعلك بتسبب مشاكل اللى ممكن بيها يحصل حظر للعضوة ودا تقدرى تشوفيه من ملفات بعض العضوات الممنوعة من المشاركة "بس للأسف ماينفعش أجيبلك مثال على كلامى نظراً لمشاعر العضوة بعد ماترجع لنا بالسلامة وينفك عنها الحظر " طيب إيه هي أفضل طريقة للرد على السخرية دون الوقوع في مشاكل؟ الخطوة الأولى : بلاش تتجاهلى الاهانة من العضوة ◘◘◘◘◘◘◘◘◘◘◘◘◘◘◘◘◘◘◘◘◘◘◘◘◘◘◘◘◘◘ حضرتك فاكرة إنه يمكنك تجاوز الموقف بالتظاهر بعدم حدوث الإهانة هو ده الحل؟؟ ....فكرة سيئة للأسف ◘◘◘◘◘◘◘◘◘◘◘◘◘◘◘◘◘◘◘ وزى ماقال عمونا ماكس ووتشيل وده "استاذ علم النفس بجامعه دينفر" بيقولك ( دا اشبه بانك تقولى ماخدتش بالى إن فى فيل في الصالة ). وزى ماقالت ست الحبايب (.......) بتقولك إن "السكوت علامة الرضا والصمت بيكون تصريح للآخرين بأنهم يتجاوزو حدودهم معاكى ) طب انتى مش هاتسكتى يبقى المرحلة اللى بعدها إيه؟؟ الخطوة الثانية : خذى نفس عميق ◘◘◘◘◘◘◘◘◘◘◘◘◘◘◘◘◘◘◘◘◘ شوفى ياقمر من واقع خبرتى المحدودة تسمحيلى أقولك خدى نفساً عميقاً دا هايديكى لحظه تراجعى فيها نفسك او أي ردة فعل غاضبة وعدوانية وتقومى .."وبكل قوتك وبعزم منك وعلى طول إيدك عالماوس وترفعيلها صورة وتروحى لفحاها عالرد وتدوسى إنتر" طبعاً التانية هاتزبهل ......إيه؟؟ تكونى بعتيلها فى الرد ورداية حلوة كدة زى دى مثلآ الخطوة الثالثه : شكرا ◘◘◘◘◘◘◘◘◘◘◘◘ً دى الإجابة القويه اللى هاتجبر اللى أهانتك على أنها تفضل فاكراكى وحطاكى فى دماغها "دا لو ماحطيتكيش على دماغها " ◘◘◘◘◘◘◘◘◘◘◘◘◘◘◘◘◘◘◘◘◘◘◘◘ وتفتكر منك قواعد الادب والتعامل مع الآخرين دا غير إنك هاتكونى راضية عن نفسك لإنك عارفة ومتأكدة إنك رديتى عليها بكل احترام ولباقه ولم تتخلى عن مستواكى شريرة صح ؟؟؟ الخطوة الرابعة : تسأل عن السبب ◘◘◘◘◘◘◘◘◘◘◘◘◘◘◘◘◘◘◘◘◘ هاتسأليها : "إيه اللى دفعِك إنك تقولى الكلام ده ؟!! هاتلاقيها "إتجمدت وإحتارت" في الرد لما تجبريها على مواجهتك بالرد... وكأنك بتقوليلها بالأدب إنك إنتى كمان إتحرجتى بسبب ردك المستفز الغير مبرر "إن كيدهن عظيم) الخطوة الخامس ◘◘◘◘◘◘◘◘◘◘ خوديها كأنها نصيحة طيب لو لقيتى إن فى شيئ من الحقيقة في اللى بتقوله من انتقدك أو حسيتى أنها صديقة ليكى ومخلصة للنصيحه "بس هيا غشيمة حبتين تلاتة" حاولى أنك تتعاملى مع الإهانه على أنها تعليق ايجابي ..... ولكن اشرحيلها بهدووووووووووووء .. أنها كانت قاسية في كلامها "جادلهم بالتي هي احسن " إزااااااااى؟؟؟؟؟ يعنى مثلآ تقوليلها على سبيل المثال: إن شاء الله هابقى أفكر فى كلامك .... أو ربنا ييسر الحال... أو زى مابيقولو اللى فيه الخير يقدمه ربنا .... على أساس إنها جايبالك عريس هههههههه المهم إنك تقوليها بكل هدووووء . الخطوة السادسه : الباب اللى يجيلك منه الريح ... .شيله وركب قبنورى .. ◘◘◘◘◘◘◘◘◘◘◘◘◘◘◘◘◘◘◘◘◘◘◘ بعد ما رديتى على صاحبتنا اللى سخرت منك أو أهانتك أو ضايقتك سيبيها وماتكمليش معاها الكلام ((أقولك إطلعى من الموضوع بدل ماتنزل تحت وتلاقيكى فى المتواجدين فى الموضوع )) وساعتها مش بعيد تضايقك أكتر وتقولك ماتطلعى ياحلوة ولا مستنية الأسانسير؟؟ طب الموضوع موضوعك إيه الحل "البيت بيت أبونا والغرب يطردونا" لا ياسيتى إنشغلى عنها بردك على حبايبك فى الموضوع وهيا لما تلاقيكى بتردى ع الكل ومتجاهلاها ... المفروض إنها من حياء الأنثى هاتلم كتاكيتها وتطلع من موضوعك طب لو زودت العيار واديتك من المنقى ياخيار كدة يبقى مافيش قرار غير إنك تلمى هدومك وبيت اختك مفتوحلك فى أى وقت لأأأأأأ طبعاً.....باهزر تبلغى البوليس أ.أ..قصدى الإدارة أو تبعتى لمشرفة وهيا تتصرف أقولك إدينى رنة وأنا هالِم كل حبايبنا من الاعضاء ونعمل ميليونية على باب المنتدى ونديها وهما اللى بيعملو مليونوننيات أحسن منا فى إيه؟؟؟ هيا جمع ميليونية كدة صح؟؟ بس مانقدرش ننكر إن فى برضه عضوات جزاهن الله كل خير بتقرا المشاركات والردود وتقوم هيا بدور البطولة وتهدى النفوس تحيتى

[ساحر الأحزان]

اقتباس الباب اللى يجيلك منه الريح ... .شيله وركب قبنورى ..

حلوة قوى النصايح دى توحد

كلام جميل جدا منك

ونصائح قيمة فى كيفية التعامل فى الردود

تحياتى

[ابتسامة الزهر]

عندق حق فعلا
اسلم شىء الخروج من الموضوع
تجنبا للمشاكل
موضوع قيم منك
سلمت الأيادى

[فرحة]

هههههههههههههه
موصله الموضوع بطرييقه ظريفه
تسلمى ياجميييييييل

[dяєαм..|♥]

ههههههههه
توبيك جميل منك توحد
ونصايح قيمه
تسلمى ي قمر ع الافاده
بالتوفيق بقى ^^

[زهره الشتاء]

موضوع جميل ونصآئح قييمة بجد
بس خيلتنى الصورة دى

بس بجد تسسسلم ايدك للطرح
اختيار جميل وتوضيح اجمل
يعطيك العافيه يآرب
منتظرة المزيد
دمتى بخير

[توحد ارواح]

اقتباس المشاركة الأصلية كتبت بواسطة ساحر الأحزان حلوة قوى النصايح دى توحد كلام جميل جدا منك ونصائح قيمة فى كيفية التعامل فى الردود تحياتى

شكرك اخى مرورك العطر
دمت بحفظ الله

[๓αℓάҝ]

بحس الأهانه إن حد يدخل و يقول شكرا فقط لا غير

شخصياً يتحرق الدم ,,

توحيد موضوع هاايل و نصائح احلى ..

تسلمي

** عجبتني القطة اللي لبسه النضاره ههههههههه

[الأميرة رودي]

, الباب اللى يجيل منه الريح شيله وركب قبنورى
ماشاء الله عليكي ايه الامثله الجديده دي ههههه
بص فعلا فعلا موضوع قيم جداا
وطريقه مهذبه للردود بس شريره حبتين
تسلمي توحد حبيبتي دااااايما مميزه
يدوم النشاط

[دمعه حائره]

ههههههه
والله نصائح مافيش بعد كده تخرجى من الموقف وتخجلى اللى غلط في الرد
ومهما كانت محاولاته لاستفزازك الرد بالادب والزوق مع الهدوء
هايخليه يغزى الشيطان اللى بيلعب فى دماغه ويسكت
تسلمى توحد طرح رائع بجد