جميع حلقات برنامج ( لـــــــو )

[countess]

اقتباس المشاركة الأصلية كتبت بواسطة واد حبيب حلو الاجابه دي جداااااا يا بنتي العصر ده انتهي من زمان بجد حلقه جميله منك يا مروشو وساره منوره الحلقه باجبتها الجميله بس انتي طيبه اوي يا ساره لزم تكوني شديده شويه هههههههههههههههههه حلقه جميله تسلم الايادي الحبيب

هههههههههههههههه ونبي

نورت يا محمد يارمضان

[countess]

اقتباس المشاركة الأصلية كتبت بواسطة words whisper طب بالله ايه المواقف دي !!~ كويس والله ياسارونة انك عرفتِ تردي أصلا مش عارفة اي ثنك لو الأسئلة دي ليا هعمل كدا لحد ماربنا يفرجها وأستوعبها استضافة حلوة أ/مرشدي .. تسلموا و دمتما بتوفيق وسعادة ..

هههههههههههههه

وربنا عجبتني السمايل المتفاجيئ الي حاطة

نورتي ياقلبو وعقبال لما اشوفك مدبسه

[countess]

اقتباس المشاركة الأصلية كتبت بواسطة ۩۩ elmagic ۩۩ ههههههه يا واد يا جاامد حوار مميز واجابات جميله منكـ يا سارونه بالتوفيق ليكـى يا اليسا ان شاء الله دايما تسلم يا ابو حميد للمجهود

هههههههههههه طبعا لزم نكون جامدين دي فيها استغفال بقول انو بنت

وجودك في الحلقه هو الأجمل يا حمد

ربنا يكرمك

[countess]

اقتباس المشاركة الأصلية كتبت بواسطة k a s e m هههههههههههه ايه ياعم احمد انت بتسألها ولا بترعبها:d برنامج جميل جدا جدا تسلم ايدك يا معلم افكارك كلها جميله بصراحه وسارونه طبعا كانت منوره الحلقه بأجاباتها الجميله الهاديه بتحاول تتمالك اعصابها رغم انى حاسس انها كانت بتشد فى شعرها دمتم بكل خير

ههههههههههههه تصدق ف البدايه قلت ايه وكانت اجباتي غير اختصار

راح باعتي خاص تاني قالي ارغي

اهو طلعت معايه كدا

نورت الحلقه عقبال ما اشوفك مدبس ف الحلقه دي

[countess]

اقتباس المشاركة الأصلية كتبت بواسطة عمرو الجورى حوار جميل يا مورشو وأسئلة جرئية مع بنت البلد الأصيلة ساروونة في تعليق واحد بس وهو السؤال الأخير ومورشو قال فيه واتصلتي بصاحبتك وانتي واقفة وقالتلك على فكرة الواد دا مش محترم دا معناه ان العنوان مش غلط والا ازاي عرفت انه مش محترم دا اذا مش كان في اتفاق مسبق بينه وبين اللي هي يعني المفروض صاحبتك دا اللي انا فهمته من السؤال بس اجابات ساروونة كلها جميلة جدا وجرئية بجد يا ريت كل البنات تكون بالشجاعة دي

ربنا يكرمك

وتشكرات جدآآآآ ع رئيك ف الحلقة

آسعدني وجودك

[morshooo]

بسم الله الرحمن الرحيم

شريط الاهداءات فى المنتدى اعتقد ان الغرض منه مش عشان لو داخلين ننام

نقول احنا هنام او مثلا لما الواحد يدخل ياخد دش يقول يا جماعه انا اخد دش

والمياة حلوة او مثلا واحد عايز يكلم زميلة يقوم مكلمة على شريط الاهداءات

او مثلا واحد يروح يكتب كلمتين حلوين عشان يخلى بنت تقرأها .

اعتقد ان الاهداءات معمولة عشان مثلا لو فى موضوع لعضو ممكن يحطة فى الاهداءات

او مثلا فى خبر او تعليق عن حاجا ممكن يقولها فى الاهداءات عموما .

مقصدش بكلامى دا حد معين بس اتمنى ان منخليش الاهداءات لحاجات

مالهاش لزمة وياريت الادارة ترجع ان كل عضو ينزل ( اهدائين فقط فى اليوم او ثلاثة )

النهاردة معايا ضيفة مميزة جدا

معانا المتالقة

sereen


اهلا بيكى

تعالو نشوف المواقف الــ ( لـــــو )

حصلت مع ضيفتنا هتعمل فيها اية

لـــــــــــو

1 / جاتلك رسالة من ادارة المنتدى بيقولولك شكرا سيرين احنا هنشيلك لانك مش قادرة على القسم العام ؟

والله هفرح اوى دا منا عينى اصلا ههههههههههه
ماهصدق اصلا
بصراحة انا مش حابة القسم وبعيد عن كل ميولى وحاسة انى مش ببدع فيه وطلبت كتير انى اتشال م الاشراف
بتسألنى ليه بقا مشكلتى انى صريحة هههههههههه
ومش بعيد بعد المشاركة دى اتشال فعلا

2 / دخلتى فى خلاف مع احد من المراقبين فى المنتدى والمراقب دا اداكى مخالفة رغم انة خلاف فى الرئى بينكم ؟

عارف انا بشوف اللى بيدى حظر لحد بمجرد اختلاف فى الرأى بس دةاسلوب مش حلو !!
مابحبش الطريقة دى فى التعامل ،، بس عادة الحظر فى المنتدى بياخدة اللى تطاول او اساء اوى
وبالنسبة للحالة دى
لو كان مجرد اختلاف فى الراى فقط من غير تطاول وادانى حظر
فى الحالة دى مش هيفرق معايا المراقب دة اى كان لانى هحسة انة بيستخدم سلطاتة نتيجة ضعفة مش قادر يعمل حاجة غير انة يحظرنى ولا قادر يوصل معايا لحل وسط لان ممكن اللى قدامك يحرجك بزوقة حتى لو غلطت فيه ويخليك تحس بغلطك وتعتذرلة ودة الشخص القوى فى نظرى فلو حصل كدة هعيش حياتى عادى مش فارقة ولا كأن حاجة حصلت اصل الحظر دة مش وسمة عار بس ساعتها هقرر هفضل ف المنتدى ولا هسيبة ومش فارق
كل حاجة بالنسبالى بتكون ليها نهاية وانا اللى بحدد الوقت المناسب ليها

3 / لو نزلتى موضوع وعضو دخل وقالك دا اسوء موضوع قريتة فى حياتى ؟ هتعملى اية معاة ؟

هضحك والله وهقولة شكرا ع رأيك لانى هستغرب م الطريقة
اتعودت اتقبل كل الاراء ومش لازم اعجب كل الناس "جالى تبلد "
النقد البناء بعمل بيه والهدام بخرجة من الودن التانية وبتقبل النقد من الطرفين
واحد شايف موضوعى اسوأ موضوع هو حر ايه المشكلة !!
فيه ناس هتشوفة احلى موضوع !!
ولولا اختلاف الأزواق لبارت السلع
ولو اخدنا كل كلمة وكل نقد بمشاكل مش هنخلص ولا هنتقدم وهنفضل واقفين فى مكاننا
نقد طالما مش فيا مش هيضايقنى هضايق من الشخص اللى قاله لو كان حد اعرفة وعزيز عليا انما حد ماعرفهوش عادى هسمع النقد ولا كأنة اتقال طالما متأكدة انة مش فيا

4 / لو عضو عمال يبعتلك فى روابط مواضيعه وانتى مش بتردى عليها وفجأة بعتلك رسالة انك مش معبراة لية فى مواضيعه ؟

بتحصل بس ياريته بيقول مش معبراها دة بيقول حاجات تانية كأنى مستقصداه ههههههه
دة على اساس انى لو مش رديت على الموضوع الموضوع هيتقفل مثلا!!
"اصل الموضوع مش متوقف ع ردى انا " بس فى الغالب بإعتبارى مشرفة فالاعضاء بيحبوا نشجعهم بس.ساعات بكون مش فاضية ومش مقصودة ولا غلاسة منى يعنى
و ف الغالب بفهمة انى مش برد قصد وهدخل اشجعه فى موضوعين تلاتة

5 / لو عضوة زميلتك جدا فى المنتدى وفجأة جالك اخبار انها بتقول عليكى كلام مش كويس ؟

هواجهها بية اولا علشان اتأكد من صحة الكلام
لان مش اى كلمة تتقالى عن حد عارفاة اصدقها وابعد عنه بواجة علشان اتأكد ولو اتأكدت هبعد عنها لانى هكون اتصدمت فيها ولو لقتها مظلومة هبعد عن اللى بلغتنى الكلام عنها ..وحصلت

الاسئلة الشخصية

لـــــــو

1 / وانتى نازلة الصبح على الجامعه وماشية فى الشارع وربنا كرمك بشوية مياة حلوين من عيل صغير رخم وغرق هدومك ؟ هتعملى اية ؟

هبصله واقولة استغفرك يااااارب واتوب إليك يارب صبرنى
لو قريبة من البيت هرجع اغيرها

2 / جاتلك رسالة على الموبيل مبروك كسبتى ( 100.000ج ) بس اتصلى على رقم وسعر الدقيقة 5ج ؟ هتتصلى والا لا وليييييييييية ؟

ههههههههههههه
وايه يعنى 5 جنية هو انا بخيلة ولا اية !
بس مش دى الفكرة الفكرة لو كانت اشتغاله بس هجرب وانا وحظى هخسر ايه !!
اكون كسبت شرف المحاولة حتى

3 / قاعدة فى حالك وبتزكرى وفجأة لقيتى ( فأر ) نازلك على الكتاب وقاعد بيراجع معاكى ^_^ ؟ هتعملى اية ؟

يا نهار بتنجان كلة الا الفار
مش بعيد اكون تحت باب العمارة

4 / كنتى رايحه لزميلتك والشارع زحمة جدا جدا وقعدى معاها ربع ساعه ونزلتى عشان تروحى ملقتيش مخلوق فى الشارع ؟ هتعملى اية ؟

همشى فى الشارع وهقرا اية الكرسى وممكن اكلم ماما ف التليفون لحد اما اوصل طالما الشارع منور
انا قلبى جرىء شوية وبغامر كتير ودة غلط

5 / لقيتى بنت جاية من بعيد عمالة تضحكلك وتشاورلك وبتقولك وحشانى وسلمت عليكى وبستك وحضنتك وفى الاخر قالتلك ( اسفة مش انتى الى اعرفها بس هى شبهك ^_^ ) ؟ هتقوليلها اية ؟

هسلم عليها عادى ومش هكسفها وهقولها ولا يهمك ومش بعيد نتعرف بقا ههههههههه
اصلها حصلتلى
روحت سلمت ع واحدة واخدتها بالحضن كنت مفكراها مرات خالى وطلعت مش هيا
طبعا زمانكم بتقولوا اية اللى متلغبطة فى مرات خالها دى " شيفاكم ع فكرة ههههههههه"
عادى احنا كنا مسافرين وخالى مسافر وكنا يادوب بنتعرف ع بعض بس دة كان اول اما رجعنا م السفر

شكرا يا مورشو على الاستضافة ورغيت كتير اهو

وبعد لغبطة ضيفتنا فى مرات خالها واكيد البنت الى اتلغبطت معاها

قالت عليها دى بتستهبل والا اية

تكون خلصت حلقتنا النهاردة

انتظرونى وضيف جديد فـ

لــــــــــو

[۩۩ elMagic ۩۩]

ههههههه
لا ردود افعال جميله جدا منكـ
وخصوصا مرات خالكـ دى
نورتى اكيد الحلقه يا سيرو
تسلم يا ابو حميد للمجهود
موفقين دايما ان شاء الله ,,

[فــــــــــرح]

استضافه هاديه جدا
واسئله خفيفه واجابات رزينه ..
استمتعنا يا احمد معا سيرين ..

وبخصوص شريط الاهداءات .. عندي ملاحظه بسيطه على كلام حضرتك
دا اسمه شريط اهداءات يا احمد يعني الاولويه لوضعة مشاركة بعض الاهداءات
المواضيع ليها صفحاتها ..

[morshooo]

اقتباس وبخصوص شريط الاهداءات .. عندي ملاحظه بسيطه على كلام حضرتك دا اسمه شريط اهداءات يا احمد يعني الاولويه لوضعة مشاركة بعض الاهداءات المواضيع ليها صفحاتها ..

ياريت توضحى قصدك ^_^
يعنى انتى مع ان الى داخل ينام يقول
انا داخل انام والى لسة صاحى يقول انا صحيت ^_^

[فــــــــــرح]

اقتباس المشاركة الأصلية كتبت بواسطة morshooo ياريت توضحى قصدك ^_^ يعنى انتى مع ان الى داخل ينام يقول انا داخل انام والى لسة صاحى يقول انا صحيت ^_^

مش شرط اكون منهم عشان اعارض وجهه نظرك ..
انا مع احترام رغبات الاخرين .. وبتغضني فكرة اني مكونش مقتنع بحاجه
فأفرضها عالجميع ...
زي ما اقولت ياريت الادارة تحدد الاهداءات بأتنين ...