ماليش غني عنكِ

[قلب وكلمات]

مش هقول إني بحبك مش هأقولها والسلام ياللي علمتيني أحبك من غير كلمة ملام هو لازم أقول بحبك بالكلام ما أنتي عارفه إني بروحي وعمري أفديكي ومن غدر الزمان هحميكي أصل بحبك وماليش غني عنك ولو بعدت أتمني أكون هنا جنبك يا بلدي يا مصر يا أحلي أغنيه برددها وكلي حنيه بحبك . وليه أمنيه أموت واغمض عنيه في حضن ترابك يا غاليه أموت وكلي كرامه يحميك ربي من المهانه ومن البداية للنهايه ليه في الأخر رساله يلي بعت أرضها مصعبش عليك دمها مصعبش عليك أهلها مفتكرتش لحظة واحدة حضنها لحظة واحدة بحلوها أو حتى يا أخي بمرها بسألك رد قولي أيه غيرك ؟ بعت ليه دنيتك وآخرتك هي الفلوس بإيه نفعتك خسرت شرفك ودينك وعفتك ومش هسيبك لازم أعرفك مصر محتاجه مسعدتك تبنيها وتعمر دنيتك بنيلها تزرع محبتك وفي الأخر هقولهالك مصر هي اللي بقيالك مصر هي اللي بقيالك * * * * * القيصــــر قلب الكلمات

[الأميرة رودي]

, الله عليك قيصرنا الرائع
فعلا هى اللى باقيالنا ومهما قست علينا هتفضل أحن قلب ف الوجود
بنحبها ,,
بحلوها ومرها نحلم بـ فرحها وبنـموت على حزنها
كلمات رائعه أخى وصادقه جداا
نابعه من قلب عاشق لآم البلآد
دمت ودام نزف قلمك الراقي

[Mahmoud Mohie]

ف الأول عقلى راح لبعيد
مانا واخد ع كتاباتك كلها رومانسيه

اليوم اقولها
ما أجمل الرومانسيه ف عشق الوطن
ما أجمل ان تغازل الوطن

مصر عاوزانا إيد واحده
نبنى ونعمر
ولا يوم عنها نتخلى
ده زى ما قال شاعرنا
مصر دى هى اللى باقيه
فليه عنها نتغرب !

اشكرك من كل قلبى
فكلماتك فاقت الوصف
واحساسك فاق الكلام

شكرا
احلى 5 نجوم

[رووكه]

ومين ينكر حبها وهى فى الدم بتجرى


احن قلب يضمنا حتى فى اصعب ايامها

تصرخ وتنادى ولادى

تضم الشهيد فى ارضها وتداوى جراح المجروح

تحضن اللى فارقها وهاجر بعيد عنها


بمجرد رجوعه لارضها من جديد


اخى القدير ابدعت حقا وهنئيا لنا وجودك معانا

دومت متالق دائما فى سماء الاقلام المتالقه

كل الشكر والتقدير لشخصك مع تقيمى

[زهره الشتاء]

القيصــــــر

رائع أحساسك رآئعه كلماتك
و بوحك نقي وبراق
لله درك
اللهم احفظ لنآ مصر وبلآد المسلمين
وكلي شوق للجديد من ابداعاتك
دمت بكل الحب والخير
فيض ودى

[آآهآت]

القيصر

قلم يكتب فيبدع ويتركنا على
أعتاب الذهول من روعة نبض القلم
ونبض القلب الذي يأسرنا ويجعلنا مذهولين
تحتار حروفي عندما ترى لك حروفاً
ويجري قلمي بردودٍ تكون وليدة لحظاتها
ويصر علي إثبات تواجدها بين حروفك

[Lost Pearl]

يا سلام علي حب الوطن

كلمات جميلة اوي يا قيصر

احساس عالي بجد

تسلم ايديك ,, ف انتظار جديدك دايييما ,,

[واد حبيب]

ايه يا عم انا قولت في ايه الناس بتحب من وريا
ههههههههههههههههه
بجد جميل جدااا حب الوطن والا شتياق اليه
تسلم يا غالي
في انتظار جديدك
الحبيب

[شاعرة الرومانسيه]

الله على الحروف عندما تقع فى
يد فنان

يمتع ناظرنا ويطربنا بأروع
الألحان

دائما أترقب لك ابداعاتك من
زمان

ياقبصر الشرق على مر
الأزمان

لو قلت مهما قلت لا أوفيك
حقك كمان

ولكن فى حرمك البديع تقف
الأقلام

تنحنى خجلا فى حضور سيد
الأقلام

من أروع ما قرأت تسلم ايديك
يافنان

أحلى تقــــــــــــــــــــــــــــــيم

[المستبده]

مصر غالية كتير عاليه بحضنها بلقي الأمان مصر غالية كتير عليا ومن غيرها انا مسواش
يابن بلدي حافظ علي بلدك وأوعي يوم تخربها ودمرها دا هيا قلي بقيالك ولا غيرها هيبفالك
ترابك يامصر غاليه قصدها الدهب ميسواش ضماني جوه وحضنك وواخدني لبر الامان
تاريخ وحضاره وأرض الأمجاد علم وأدب وفنوان وأجيال بيتعلموا فيكي الكتير
غاليه يامصر عندي وعند كل الناس وصانا ربنا عليكي يا أرض الأمان
يابن بلدي حافظ علي بلدك وأوعي يوم تخربها ودمرها دا هيا قلي بقيالك ولا غيرها هيبفالك

.....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله عليك ياابن مصر

كلمتك تدخل القلب

رااااااااااااااااااااااائع بكل المقاييس

واحلى تقييم
مع خمس نجوم يااشرف