زكرياتي مع المنتدي | الحلقه الرابعة | مع Mr.M!RO

[აα∂ Ԑγεა]

اهلا وسهلا بيكم في حلقه جديده من برنامج ذكرياتي مع المنتدي فكره البرنامج للي مشافش الحلقات اللي فاتت هنستضيف عضو من الاعضاء البارزين في المنتدي وأسأله عن ذكرياته مع المنتدي بدأيته تألقه طلوعه لحد المرحله اللي وصلها دلوقت عرف مين عجبه مين اتخانق مع مين وكل حاجه في ذكرياته في الفتره اللي قضاها ضيفنا النهارده من الناس المميزه جدا جدا في المنتدي ,, شخصيه محترمه جدا جدا ,, وله اسلوب رائع وخاص جدا ,, لا يسعك الا انك تقدره وتحترمه ,, قلم مبدع وراقي للغايه ,, لا جدال في ذلك ,, يشهد كل المنتدي بهذا ,, من اعز الناس الي قلبي في المنتدي هنا ,, ضيفي وضيفكم النهارده هو ,, Mr. M ! r o مشرف قسم النقاش مبدع الحرف و الكلمة اهلا وسهلا بيك يا محمد معانا في الحلقه اهلا بك محمود اشكرك جدا على المقدمه الطيبه ,, وعلى ثناءك الجميل واكثر ,, يسعدني انك تكون ضيفي في البرنامج دا شرف لي .. وبتمني تفتحلنا صفحات زكرياتك مع المنتدي في الحلقه دي ,, سنرى ماذا لدينا من ذكريات ,, الاول اسمك ؟ محمد محمود عبد العال شاهين بتستخدم الانترنت من امتي ؟ سنه 97 اشتركت في كام منتدي قبل كده ؟ تقريبا الخمسين وما فوق قليلا ,, عرفت منتدي بنات مصر ازاي ؟ كنت اعمل فى جريده اخباريه ,, وكان مطلوب منى اجمع كوليكشن صور عن البنت المصريه الشعبيه ,, فا اثناء كتابتى .. بنات مصر .. ظهر اسم المنتدى ,, ياتري ايه اللي عجبك فيه وخلاك قررت تشترك ؟ كانت هناك روح معنويه مرتفعه وجيده للغايه ,, وكانت هناك ايضا روح طيبه تسود بين الجميع ,, واحترام الطرف للآخر كان متواجد دائما ,, فا كيف أرى مكان كا هذا .. ولا أسجل به ؟؟ تاريخ اشتراكك بالظبط ؟ اول عضويه لى كانت سنه 2008 لا اتذكر تحديدا التاريخ ,, ولكن التاريخ الآن .. 15-06-2009 هل غيرت اسمك قبل كدة ولا هو هو من اول يوم ؟ لم أغيره بالمعنى الصحيح ,, ولكن غيرت شكله فقط ,, فا كان قديما فى اول سنه بالشكل الاسمول دا .. mr.miro ومنذ ما يقرب من الخمس سنوات وهو بالشكل الكابتل دا ,, Mr. M ! r o وليه الاسم دا بالذات ,.؟ لقبنى به أخى لاكبر عندما كنت فى الحادى عشر من العمر ,, وكلمه مستر تدل على أنى رجل ولست بفتاه .. وهذا كان تنويه لمن يدخل موضوع لى ,, او ادخل موضوع له .. وهكذا ,, احساسك كان ايه اول ما اشتركت جديد ؟؟ كنت مشتت بعض الشىء .. ياتري لقيت قبول من الاعضاء لوجودك بسرعه ؟؟ ولا اخدت وقت ؟؟ وجدت قبول والحمد لله .. مع شويه عدم قبول ,, كنت حاطط في بالك من البدايه انك هتكمل كل دا ,, ولا كان عندك شكوك في دا ؟؟ انتابنى الاحباط فى بدايه الامر .. ولكن عندما تخطيت حاجز الميت رد ,, عديت والحمد لله من هذه الكبوة ,, اما كنت عضو جديد .,. مين من الاعضاء لفت انتباهك في الفتره دي ؟ ضياء .. فــرح .. سيد دندنه .. عاشق الرومانسيه .. واد حبيب .. طارق .. حياتى ذكريات .. رحيق الجنه .. كيتي كات .. ماتركس .. بيوتي انجيل .. طمطم .. كونتيسا .. وبعض الاسماء ,, ولكن الاسماء دى من اتذكرها جيدا حينما تواجدت فى فتراتى الاولى ,, اخترت ايه طريقتك علشان تثبت نفسك وتظهر في المنتدي ؟ فى البدايه كنت متسرع جدا .. وكنت لا ابالى بأحد ,, وكان همي نفسى ثم نفسى فقط .. ولكن تفهمت جيدا الامور ,, واخترت ان اعمل فى صمت .. وبكل بطىء .. الاهم ان اقدم شىء متميز يضاهى من يتواجدون هنا ,, ايه الاكثر الاقسام اللي اهتميت بيها في بدايتك ؟ القسم العام .. النقاش .. الاقسام الادبيه اللى هي كانت مكونه من قسمين فقط ,, النثر والشعر .. والخواطر وايه القسم اللي لفت انتباهك هنا وخلاك تحبه ؟ الاقسام الادبيه بصفه عامه .. لأننى من هواه الشعر يعتبر مين اول حد بقيت متصاحب معاه ؟؟ محمد الشريف كان ايه شعورك في الفتره دي ؟؟ ,,كان احساس جميل .. يعنى مثلا لما تكون لسه جديد وتعرف ناس وناس تعرفك .. مع انك لسه جديد فا وقتها بتحس كده زى ما يكون عندك قبول .. ودا اهم شىء .. ان يكون ليك قبول ,, اول خناقه ليك في المنتدي كانت مع مين ؟؟ مع سيد دندنه .. بس مكانتش خناقه .. كانت خلافات عاديه .. لكن ابعادها كانت كبيرة ,, قولنا ايه اسبابها وانتهت ازاي ؟؟ اسبابها كان هدر لكرامتى .. والتشكيك فى نزاهه شخصى ,, انتهت على انى قاطعت سيد .. وناس تانيه اللي اعرفه انك غيرت العضويه علشان مشكله ؟؟ انا مغيرتش العضويه .. انا غيرت الاسم بس .. لكن لو تقصد انى كنت قديم وسجلت من جديد .. فا هقولك ,, سنه 2008 فى اولها كده .. سجلت بعضويه .. miro ونسيت المنتدى خالص .. وقعدت سنه مدخلش .. فا بالتالى نسيت الباس ,, لما رجعت ادخل .. دخلت بعضويه جديده .. ودا كان فى شهر سته ؟؟ 2009 اللى هي العضويه الحاليه ,,مع تغيير بسيط فى شكل الاسم .. لكن مش تغيير الاسم يعنى الاسم كان كده .. mr.miro واصبح كده .. Mr. M ! r o محمد انت موجود من فتره كبيره في المنتدي ومع ذلك ممسكتش اشراف غير اليومين دول ؟ الاداره ليها وجهه نظرها ,, ياتري ايه اسباب دا ؟ مانا قلتلك .. الاداره ليها وجهه نظرها .. وتحترم ,, وايه حد طموحاتك في المنتدي ؟ بتطمح في انك توصل لايه ؟ ان شاء الله احافظ على ثقه الاداره ليا .. بالنسبه لتعييني مشرف على النقاش ,, وان ارتقى بيه للأفضل ,, دا اهم شىء حاليا .. واهم من اى طموح اشرافى تانى او رقابى او ادارى ,, انت من اقدم الاعضاء هنا علي مااظن ياتري ايه الاختلافات اللي تمت في المنتدي في خلال فتره تواجدك سواء للاحسن او للاسوء ؟ انا بقالى هنا خمس سنين ,, واعتقد على مر السنين اللى قضيتها هنا .. اعتقد ان سنه 2012 افضل سنه له على الاطلاق ,, هتسألنى ليه . هقولك ببساطه شديده .. دا اللى شوفته ,, كان فيه قمع للحريات وظلم للاعضاء وايشاء كثيرة من هذا القبيل ,, لكن قبل وبعد وثيقه المنتدى .. فى حاجات اتعدلت .. ومتقوليش عشان باقيت مشرف ,, لا طبعا .. انا لسه عند كلامى .. ولسه على موقفى .. ومع الوثيقه ,, لكن فعلا فيه شيء من التغيير حصل .. ودا فى حد ذاته .. جميل جدا ,, واتمنى انه يفضل على الحال دا .. لانه بيتغير للأفضل ,, ايه احسن فتره بالنسبالك قضيتها في المنتدي ؟ أول فترة ليا هنا .. والفترة الحاليه ,, وايه اسوء فتره بالنسبالك قضيتها في المنتدي ؟ اللى ما بينهم .. او تقدر تقول .. تانى سنه ليا هنا ,, ايه اكتر حاجه مش حاببها في المنتدي بصراحه من غير مجامله زي ما تعودنا منك ؟ تحكم البعض فى الآخرين .. بحكم انهم اعلى رتبا او مراكز ,, محبش الظلم ولا قمع الحريات ,, موقف حصلك في المنتدي مش هتنساه في حياتك .. سواء سلبي او ايجابي ؟؟ هو موقف غريب وعجيب .. مش هقدر احكيه .. اعتذر جدا ,, لكن اثره كانت بالسلب عليا اكتر من ايجابياته ,, كنت متوقع انك تكمل للحد دا والفتره الكبيره دي ؟ الحقيقه لا هل فكرت ترحل من المنتدي قبل كده ؟ وبسبب ايه ؟ اكيد فكرت فى دا كذا مرة .. خصوصا فى الفترة الاخيرة ,, بسبب ان مفيش ميزان حقيقي للعدل فى المنتدى ,, كل واحد بيدي للتانى على دماغه بطريقته الخاصه ,, معادش فيه ألفه زى زمان .. ولا موده ولا حب خالص لله زى زمان ,, كل اللى بيحب حد دلوقتى او معظمهم .. مقابل مصلحه ما .. مقابل عدم خوف ,, مقابل اشياء كثيرة .. ولكن مش عشان هو فعلا بيحبه او بيحترمه ,, تقييمك للسنين الي قضيتها في المنتدي هنا ؟ فى منها الجميل .. ومنها السىء .. ولو قلتلك اوصفهم في كام كلمه هتقول ايه ؟ اوقات عصيبه ممزوجه ببعض الفرح والمرح ,, ومحمد شاهين استفاد ايه من المنتدي دا ؟ ان ارتقى بمستواى العلمى والفكرى ,, وان احترم من أمامى حتى يحترمنى ,, كما علمنى الصبر .. ودا اهم شىء ,, رساله توجهها لحد زعلان منه ؟ المراقب محمد علاء .. احترمك جدا واحبك .. لكن مش عجبانى طريقه تصرفك تجاه الاعضاء .. او بعض الاعضاء ,, طارق سيلفر .. المدير ,, فاضل ع الحلو .. تكه حنون .. الاداريه البساطه مفيش احسن منها ,, وزى ما قلتى يا حنون .. الاختلاف حاجه .. والاحترام المتبادل حاجه تانيه ,, رساله تقولها لكل اعضاء المنتدي ؟ تعالوا نحب بعض بجد ونحترم بعض بجد .. ونتقى ربنا فى اللى بنعمله برده .. بجد في الاخير بشكرك يا محمد علي قبول الدعوه وعلي الحلقه الجميله دي ميرسي جدا ليك والف مبروك علي الاشراف ومن تقدم لتقدم باذن الله اولا بشكرك جدا على برقيتك التى اعتبرها من اغلى البرقيات .. ومبروك عليك انت كمان تستحق اكيد ,, وعظيم الشرف ليا يا محمود على استضافتك الجميله دى ,, اللى فكرتنى بأيام ســـــوده بعيد عنك .. وايام جميله جدا جدا جدا ,, بشكر ضيفي مره تانية لوجوده معايا في الحلقه دي اتمني تكون نالت اعجابكم انتظروني في حلقات وبرامج جديده ان شاء الله تحيتي للجميع

[۩۩ elMagic ۩۩]

حوار قوى جداا
نورت الحلقه استاذ محمد
وان شاء الله كل حاجه تبقى تمام
مجهود جميل منكـ يا محمود
يدوم التميز والنشاط ,,

[Mahmoud Mohie]

ياااااااااااالله

رائع جدا ,,


كلام منطقى ومقبول وعقلانى ,,


من شخص أكن له كل الحب والاحترام والتقدير


اخى االغالى ميرو ,,


حلقه شيقه ,, قرأتها بالتفصيل (الممل )


تسلم يا ميرو


مميز دايما ,,


تسلم يا حودا ,, افكارك رااائعه ,,


شكرااا

[misho]

طارق ,,,, فاضل علي الحلو تكة
هتتقتل يا طارق شكلك كدة:d
حوار حلو
منور يا محمد
تحياتي

[طمطم]

اكيد مش محتاجة اقول رأيى ..حلقة جامدة بكل المقاييس ^^
منور ي أ/ محمد بجد ,,


تسلم ي حوده ع الحلقة ..

[morshooo]

اهلا بيكم
منورين القسم
والحوار جميل جدا
وشاهين اجاباتة عاقلة جدا
وطبعا دى وجهات نظر
فى انتظار الحلقة القادمة يا نجم
منور احودة ^_^

[ساحر الأحزان]

حلقة جميلة يا محمود

مع ابوشاهين

اجابات عقلانية

تواجد طيب

وحضور مميز

بتمنى ليكم دوام التوفيق

تحياتى لكم

[الأميرة رودي]

حلقه جميله جداا .واجابات مستر محمد صريحه ومنطقيه
وأكيد هو انسان محترم وصاحب بصمه طيبه فى المنتدى وفى اى قسم يتواجد فيه
بشكرك على الاستضافه والمجهود محمود
فـ انتظار الضيف الجديد ,

[Mo chahin]

اقتباس المشاركة الأصلية كتبت بواسطة ۩۩ elmagic ۩۩ حوار قوى جداا نورت الحلقه استاذ محمد وان شاء الله كل حاجه تبقى تمام مجهود جميل منكـ يا محمود يدوم التميز والنشاط ,,

أشكرك جزيل الشكر ماجيكو ..

واتمنى فعلا ان كل حاجه تبقى تمام ,,

والحمد لله فى تغييرات كتير للأحسن ,,

اتمنى انها تفضل كده ومنرجعش لورا ,,

[واد حبيب]

دايما بتاع مشاكل من يومك