... بكرهك يامصر !! ...

[اميره الورد]

بسم الله الرحمن الرحيم
السلام عليكم
^
^
.
كثيرا ما اسمع تلك الكلمة " أنا كرهت مصر "
ليـــه طيب؟؟
و مصر ايه ذنبها ؟؟
مش انت اللى عايش فيها و بتدور الحياة فيها؟؟



دى مصر دى اللى كل بلاد العالم بتحلف بيها و الناس نفسها تعيش فيها
هتقولى العيشة ضنك و مش لاقيين اللقمة
هاقوللك والله "ان الله لا يغير ما بقوم حتى يغيروا ما بأنفسهم "
هتقولى البلد بايظة و مفيش شغل
هقولك " ومن يتق الله يجعل له مخرجا ويرزقه من حيث لا يحتسب"

بلاش الكلام الفاضى اللى الناس الفاضية بتصطنعو
كرهتوا ايــه بس؟
البلد مالها .. ايه اللى جرالها .. مقلوب حالها ؟

آه مقلوب
بس انت اللى قالب ام الحال ده
مصر ربنا حباها كل حاجة و ذكرها فى القران
و انت تعلن كرهك ليها
اتقى الله
انت اللى مضيعها


سمعتو حد بيقول كده قبل كده ؟؟؟
وياترى كان ردكو عليه ايه ؟؟
عرفت تقنعه وتخليه يغير رأيه ولا لأ ؟


منقول

[جبل عالي]

وعليكم السلام ورحمة الله وبركاته

أشكرك كل الشكر لطرحك الراقي جدا

وأعترف لك ..... سمعت كتير اوى بيقول الكلمة دي

ويمكن أكتر بكتير أوى أوى

بس على فكرة الغريب والطبيعي فى نفس الوقت

ان اللى بيشتم فيها ده ولا ده ... إتفرجي عليه لو مثلا

موقف واى حد بيمثل مصر فيه ... تلاقيه متعصب جدا لبلده

وياسلام لو أغنية بلادى بلادى اى حد برضو من اللى بيشتمها

واللى بيلعنها ... لو سمع اللحن مجرد حتى تلاقي شفايفه بتردد الكلمات

وبكل الحب ..... ده الشىء الطبيعي اللى بشوفه فى وشوش الناس

الشىء الغير طبيعي ...... هو اننا نشتم فى بلدنا والدمعة بتجرح قلوبنا على فراقها

لكن أرجع وأقولك ...... والله الناس دى بتعمل كده من غلبها بجد من شدة التعب

وان العيشة الكريمة مش قادرين يحصلوا عليها

طرح راقي ورائع

[Mo chahin]

طرح راقى كا صاحبته ..

انا شخصيا قلت الجمله دى كتير .. من خنقتى وضيقتى ,,

لكن زى ما قالت جبل .. مجرد انى اسمعلها اغنيه بنسى كرهى ليها ,,

وبعرف وقتها ان كرهى ليها مش كره .. بل حاله وبتروح لحالها ,,

محدش بيكره بلده .. زلا بالظبط مينفعش حد يكره والدته اللى كبرته وعلمته وكل الكلام دا ,,

مصر بالنسبالنا بتكون كده ..

اشكرك جزيل الشكر على تواجدك الراقى ,,

[اميره الورد]

اسعدنى مروركم الراقى

[عاشقة ذكر الله]

لا بصراحه مسمعتش حد بيقولها
فعلا حال البلد واقف وكل حاجه
بس بلدنا هتفضل فى قلب كل واحد مصرى
زى ماكانت دايما بتمدنا بخيراتها ,
لازم نبقى معاها وقت الشده كمان ,
ربنا يصلح حال البلد دى وتبقى دايما أحلى بلد فى الدنيا ,,

[شاعر واسير الحب]

طرح رائع
طيب لما تكرهوها ايه العمل
كرهتوها من قبل وقلتوا نظام وفلول
وجائوا لنا بطائر حزين اسمة النهضة كرهنا اكتر في اللي بيحصل في البلد
فلازم تكرهوا البلد واللي مش هيكرها هيكرها
تسلم الايادي
دمت بخير

[Daila Youssef‎‏]

عمري وماقولتها ولا هقولها ابدا مهما حصل مصر دي امي

[ريانة العود]

الله يحمي مصر يارب

[اميره الورد]

ربنا يحميكى يامصر اسعدنى مروركم

[Gogo mohamed]

حالي كحال ناس كتير اوي
عندس شماعه بعلق عليها غلطاتي ......شماعه الفشل..........
اي حاجه غلط ليها مبررات عندي ....وخاصه عشان انا في ثانوي عام فشماعه غلطي مليانه ولكل حاجه فيها مبرر......





ودي المشكله كل حاجه بنجيب الذنب ع الظروف ع الناس ع ع ع اي حد تاني غير نفسي
وحتي ان كانت البلد

تقبل مروري