انا بضيع ارجوكم ساعدوني

[الجمالwالباكي]

السلام عليكم .....ازيكم يا جماعة .... انا بصراحة عندي مشكلة كبيرة اووي ومش عارفة لو فعلا لها حل ولا لا ...واسفة لو كنت حطول عليكم بس انا بجد محتاجة مساعدة لاني حاسة نفسي بضيع وبنتهي خلاااص .....انا عندي 20سنة وامي متوفية وابويا واخويا مسافرين
انا قبل سنتين كنت بحب واحد عنده 21 سنة خواته الاتنين واحد خاطب اختي والتاني جوز اختي
المهم مكنش يعرف اني بحبه لحد في يوم خطوبة اختي التانية صارحني انه بيحبني وانا كمان قولتله اني بحبه المهم خلص الكلام لحد كده وبعديها بيومين لقيت الباب بيخبط واهلي مش في البيت لقيته هوا وقلي عايز اتكلم معاكي فانا رفضت ففضل يلح عليا لحد ما خليته يدخل واتعودت افتحله الباب في غياب اهلي وانا عارفة ان ده غلط بس انا حبيته اوي لدرجة اني بطلت افرق بين الغلط والصح .... المهم كان عندنا فمرة ومسك ايدي وانا على السلم فاختي المتجوزة شفته وبعد كده قال ان انا اللي بحبه وهوا مبيحبنيش وحصل خلاف بينا 3 شهور وبعد كده اتصالحنا وقلي انه حيكلم اخويا لما اخويا يرجع من برا مصر ورجع اخويا ومكلمهوش وقلي انه محلتهوش حاجة وضروفه صعبة وميقدرش يتقدم كده ....المهم اخويا سافر بعد كده
مع العلم ان عيلتي محضراني اني افكر فيه لانه بيقولو مينفعنيش لانه مش متعلم وحالته الماديه صعبة يعني عايزلو 5 سنين عشان يفكر يتجوز ومستحيل يوافقو عليه ابداااا
المصيبة بتاعتي انه حصل بيني وبينه حجات كتير يعني اكتر من اللي بيحصل بين المخطوبين كمان بس موصلناش لدرجة الجواز يعني وانا دلوقت مش عارفة اسيبه كل ما احاول يرجع يتحيل عليا ويقولي انتي باعتبرك مراتي ومش حسيبك ومقدرش انساكي
وحتى لما مبفتحش الباب بينط من على السور عشان يشفني
انا مش عارفة اعمل ايه ...........خايفة اقول لاهله ياءذوه وبعدين حكون بظلمه لاني انا كمان غلطانة ويمكن اخلي نفسي موضع شك عند اهلي واهله وكمان انا لسا بحبه ومش عايزة الاذيه له ..........ولوفكرت انساه مش راضي يديني فرصة لكده
انا دلوقت في حيرة وخصوصا انه بقالنا سنتين على كده وخايفة اتكشف وهوا بيوعدني انه حيفضل ليا واول ما يجهز نفسه حيتقدملي
وبعدين لو سبته ضميري مش حيخليني ارتبط بحد غيره بعد كل اللي حصل بينا اظلم حد تاني ملهوش ذنب فاكر انه اول حد في حياتي
وانا كمان في كلية اداب وعايزة اتفوق ومش عارفة اركز من كل الللي انا فيه ومفيش حد احكيله انا نفسي اعيش في النور واهتم بمذاكرتي وبصلاتي
انا عارفة اني غلط واستاهل ضرب الجزمة واني فرطت في نفسي بس انا عايزة حل لمشكلتي بجد انا نادمانة جداااااااااا وبتمنى ربنا يسامحني على غلطي الكبير دي
ارجوووووووووكم ساعدووووووووني

[دمعه حائره]

قبل مااقولك رائى لازم تكونى مقتنعه انك غلطتى واسائتى استخدام ثقة اهلك
ازاى تفتحى الباب وتدخليه وتتصرفى كده وده حرام يابنتى
فوقى من غسيل المخ اللى عامله ليكى ده
وحافظى على نفسك ولازم تقوليله يتقدم للجواز غير كده يبقا بيتسلى بيكى
وافتكرى اخواتك اللى مرتبطين باخواته
انتى هاتبوظى جوازتين تانين
باستسلامك للاستهتاره ده
وضميرك يأنبك لو بعدتى عنه وعن الغلط
ومش مأنبك دلوقتى
لو مش اتقدم ابعدى عنه وركزى فى مستقبلك
واضح انك بنت جواكى كويسه فبلاش تخسرى اكتر من كده

وربنا يهديكى للصح

[ساحر الأحزان]

وكانت البداية مسك يد وموافقة منك,

بحكم حبك لية,

ولكنة تجاوز لما بعد ذلك ؟

بموافقة منك تحت مسمى الحب.

طيب الى بيحب واحدة وخايف عليها,

مش يعمل خطوة ايجابية على شان يكمل حبة؟

ولا بيتحجج ان ظروفة معرفشى اية,

طيب لما انت ظروفك كدة بتضحك على بنات الناس لية ؟

المفروض منك فى الوقت دة انك تطلعية من حياتك وتنسية خالص,

لانة طالما بيغلط الغلطة ويرجع يصالحك ويلاقى تجاوب منك حيسوق فيها,

ويقول كل مرة اضحك عليها بكلمتين’

ابعدى عنة وهو لما يحس انك بعدتى لو بيحبك ؟حيعمل بالحب دة ويتقدم لاهلك ؟

انما لو كان بيتسلى يبقى انسان لا يستحق التفكير فية؟

انتى حتتعبى فى اول قطع علاقتك بية ؟بسى مع مرور الوقت حتنسية ؟لو فية عندك فراغ عاطفى .

اشغلية باى حاجة تكون نافعة وهامة ليكى,

وركزى فى دراستك,,

ربنا يوفقك فى حياتك

[طمطم]

كان نفسى اكون متعاطفة معاكى بس انتى غلطانة ..
مينفعش باى شكل م الاشكال اللى انتى عملتيه ده
ومينفعش تسلمى نفسك لواحد لمجرد انكوا بتحبوا بعض !!
اللى بيحبك هيخاف عليكى ومش هيلمسك غير وانتى مراته ..

انما اللى حصل ده ميرضيش ربنا
واهلكم ملهومش ذنب تعملى فيهم كده !

استهدى بالله واتقربى من ربنا اكتر ,, وحاولى تركزى ف مذاكرتك وبــــس..
وزى م اخدتيه عليكى بالشكل ده .. ارجعى وقفيه تانى عند حده
..
وربنا يهديكى ,,

[لمسة حزن]

بصي من غير لف ولا دوران ولاكلام بشويش
انتي قلتي انك عارفة الا عملتيه ده غلط
يبقي هية بقي المعادلة
انتي كدبتي علي اهلك
خنتي ثقتهم فيكي
زنيتي مع الشاب ده ومفيش حاجة اسمها زي ازواج وزي مخطوبين
لانه كله اسمه زنا
كمان خنتي الزوج الا ربنا هيقسمهولك لان مفتكرش
ان هيجيلك الجراة تحكيلوا
نصيحتي ليكي بقي اتقي الله
ارجعي لربك وتوبي وحافظي علي صلاتك
ولو طردك الشاب ده احكي لاختي
واسالي نفسك سؤال انتي بتحبي ربنا اكتر والا الشاب ده
لو اخترتي ربنا قولي لنفسك انك مع انك حبيتي ربنا بس بعدتي عنه وهو الا خلقك
يبقيمش هتقدري تبعدي عن الشاب ده وهو مخلوق زيك

[-esraa-]

شوفي حبيبتي ده مش اسمه حب ابداااااااااااا ا

هو مدخلك في غيبوبة انت فيها مش قادرة تنسيه .. مش قادرة تفكري إلا فيه
فوقي بقى منها

قبل ما يجيلك وقت هتندمي اكتر واكتر


ولو هو بجد عايز يتجوزك كان قال لاخوكي بس هو بيضحك عليكي وانت مش عارفة

فوقي بقى ممن اللي انت فيه
واعرفي ان فيه رب واحد احد عالم بكل حاجة

ربنـــا يهديكي

[سنابل مجروحة]

شوفي اختي نصيحتي اليك
مادام ربي سترك يعني باب التوبة مفتوحة
فلازم تصلي وتقوم الليل وتقراى قران
واطلبي المغفرة من ربنا هو سميع الدعاء
وديري في بالك لازم تنسي الشاب للابد
لانو لخلقو خلق غيرو وهدا مايخاف ربنا
لو انو يحبك بجد متجرا يلتقي خلوة في بيتك
وانت كمان مبين انك تعيش الوحدة بس حاولي تشغل نفسك بالدراسة
بس لو تعرفي اني حالتي اسوا منك ومع ذلك في حياتي مفكرتش اخون عيلتي وربي

[آميرة المملكه]

حبيتي وآضح يعني معليش على اللي بقوله انه مآيحبك مجرد تسليه وآعتذر
انتي خنتي ثقة اهلكك ولازم تتركـيـه
لو يحبك يجي لآآهلك من غير لف ودورآن
فآآتركيه واشغلي نفسك بإي شيئ وبتنسيه
الله يهديكك

[აα∂ Ԑγεა]

مفيش كلام يتقال اكتر من اللي قالوه كل الناس اللي ردت
انتي عارفه انك غلط ودي بدايه
لو كملتي بعدها في الغط يبقي دي النهايه

ابعدي عنه ومتفكريش فيه في حياتك
لو ليكي نصيب فيه وهو بيحبك فعلا
هيشتغل ويكون نفسه ويتقدملك ويكون ليكي
لو بيلعب بيكي يبقي ببعدك نهيتي دا

انتي خنتي ثقه اهلك فيكي و اخطأتي في حقهم قبل خطأءك في حق نفسك
ياتري هتستمري في دا برضوة وانتي عارفه انه غلط ؟
ومفيش اعذار ولا حجج ولا ضميري هيأنبني والكلام دا
صدقي هيأنبك اكتر لو استمريتي معاه

ياريت تسمعي النصايح اللي فاتت دي
ابعدي عنده وقربي من ربك وربنا يهديكي

[ملاك الصمت]

مش هلومك لانك اكيد حاسه فعلا انك غلطتي

ومش هبدأ بتأنيبك لانك اكيد عارفه اللي انتي عاملتيه

اللي اقدر اقولك عليه الحقي نفسك يابنت الناس سيبيه

ولو رجع يبى يدق على بيت اهلك عارف انه صعب وبقولك حاجه صعبه بس

استحملي كلامي للنهايه لو بيحبك وانت بتقولي عاوزه تنسيه لانك لازم تبعدي لانك لو مبعتديش الوضع هيستمر

وهيتطور لاكتر من اللي قلتي عليه ولو رجع ارفضي خلي اهله يعرفوا فيها ايه الكدب مالوش رجلين ياقمر

حافظي على نفسك اللي هيكون من نصيبك حتى لو نصيبك جالك لازم تقول عن التجربه دي عشان تبدأي حياه جديده

متخفيش على نفسك دلوقتي لانك لو عملتي انك بعدتي اكيد الامور هتكون في صالحك بس لو كملتي ياعالم هتطور لايه

خافي على نفسك ياقمر ...

ملاك الصمت