الاخوان الكاذبون

[єLмσsħαx]

السلام عليكم ورحمة الله وبركاته

الاخوان الكاذبون الفاشلون..!! لما سمعت أن النيابة حبست السواق ضحكت .. ضحكت أنهم دايماً بيدوروا علي حد يدفع الفاتورة غيرهم .. مرة الفلول .. مرة أعداء الأسلام مرة وزير النقل و مش مهم يبقي المرة دي سواق قطر غلبان ..المهم أي حد غيرهم ... القصة مش في سواق غلبان و لا عامل مغلوب علي أمره القصة قصة نظام مرسي عارف أنه فاسد .. نظام كان لازم يتقلب و يترمي و يتحط نظام غيرة .. اه ده مش هيحصل بين يوم و ليلة بس برضو مش هيحصل لوحدة من غير مرسي و حكومته يشتغلوا..!! مع الأسف مرسي و حكومته لا يملكون أي رؤية..قرابة ال200 يوم بدون أي بوادر تغيير و لا خطة و لا أي خطوات مبشره .. و الحقيقة .. لأن مرسي و جماعته مشغولين بالكرسي .. بمحاربة الاخر و تمكين جماعتهم ..و ده الي الشعب بيدفع ثمنة .. الناس الي ماتت دول دمهم في رقبتك يا مرسي مش في رقبة السواق و لا عامل المزلقان لأن ببساطة القصة أكبر منهم بكتير.. السواقين و عامل المزلقان ..دول مجرد موظفين (( طلعان عين اهلهم في الدنيا )).. مرتبهم لا يتعدي 700 جنية شهرياً .. شغالين في منظومة فاشلة لا يوجد فيها أدارة و لا متابعة و نظام متابعة جودة و لا يوجد الحد الأدني للتأمين لا علي الركاب و لا علي الموظفين ..!! قبل متحاسب السواق حاسب نفسك .. السواق حدود وظفته لا تتعدي قيادة قطر بيركبه مئات الركاب أما أنت يا مرسي فأنت تقود بلد فيها 90 مليون شخص .. 90 مليون شخص في رقبتك ..جوعهم و فقرهم و مرضهم و جهلهم و معاناتهم ..كل ده في رقبتك .. أيوه فاهمين أنك مش معاك عصا سحرية تغير كل ده في يوم و ليلة بس علي الأقل أبدأ ورينا خطتك.. أعرض علينا رؤيتك و لكنك معندكش خطة غير مجرد شعار (( الأسلام هو الحل )) ونحن ليس فى زمان السعارات والخزعبلات .. نحن فى زمان العمل والانجاز.. و مبرر (( أنقذوا مصر من الفلول )) .. مع الأسف كلام زهقنا منه .. بضاعة أنتهيت صلاحيتها .. أنت لم تفعل شئ غير الي يخدم منصبك و يحافظ علي كرسيك و يمكن جماعتك أقصيت المجلس العسكري في أقل من شهرين .. قضيت علي المحكمة الدستورية و أقلت النائب العام .. فصلت دستور علي مزاجك .. ده قدرت تعمله لأنه بيحافظ علي حكمك و جاي علي هوي مصلحة الكرسي .. طيب بالنسبة للشعب ..عملتلوا ايه غير الكلام ؟!! بالنسبة للجهل و الفقر و الملايين الي عايشين بأقل من 2 جنية في اليوم و الي عايشين في العشوائيات و الزبالة الي مرمية في الشوارع و التلوث و الناس الي بتموت كل يوم في حوادث علي الطرق و الشعب الي أتقسم و الأسعار الي غليت و الأقتصاد الي وقع و السياحة الي أضربت .. دول لا يستحقوا أنك تهتم بيهم زي ما أهتمت أنك تشيل المجلس العسكري و النائب العام ..!! أنهم ضحايا لصراعك علي الكرسي .. دول ربنا هيسألك عليهم يوم القيامة و هيسألك عن كل شخص نام جعان و عيان أو بردان .. لأنك الراعي .. و الراعي مسؤول عن رعيته .. و دة شرع الله الي بجد .. أنك تكون أمين و صادق و عنك ضمير و تخدم شعبك مش أي حد تاني ..!! واخيراً .. النهاية قربت

[نجم وزهره ومسافات فراق]

والله صدقت تماما اخي الكريم فيما تفضلت به وطرحته
هذه الفئه الكاذبه المخادعه
تتحدث باسم الدين على اهواءها ولتخديم مصالحها فقط
اشكرك يا رائع
في حفظ الرحمن

[المستبده]

كلمات في مكانها اخي

المهم ان يكون الانسان صادق مع نفسه ايضا

قبل كل شي

يعطيك الف عافيه

لك ودي

[ريانة العود]

يعطيك العافية يسلموووووووووووو

[سآرهہ]

هو آسآسآ من آمتى كآنت آلآخوآن صآدقه
دآيمآ كدآببين وبيحرفوآ ف آلدين و بيتجآروآ بيه
تسلم إيدك ع آلتوبيك
عجبنى جداً

[dr.zikoo]

تيب اخى يعنى انا على.كدا كذاب
تيب ربنا يسمحك
وكول كلامك غلط وما تتكلمش،قوى على الاخوان
ومن امتى الاخوان بيتاكروا بالدين
!!!!!!!!!!
انا مش عارف الناس دى مالها
والله نحنا شعب فرعون ومش عاوز واحد تيب
زى مرسى ده عاوز واحد ماسك كرباج.....

[єLмσsħαx]

اقتباس المشاركة الأصلية كتبت بواسطة mr.zikoo تيب اخى يعنى انا على.كدا كذاب تيب ربنا يسمحك وكول كلامك غلط وما تتكلمش،قوى على الاخوان ومن امتى الاخوان بيتاكروا بالدين !!!!!!!!!! انا مش عارف الناس دى مالها والله نحنا شعب فرعون ومش عاوز واحد تيب زى مرسى ده عاوز واحد ماسك كرباج.....

انا مش كدبتك ياريس انا بكدب المسؤال
الى كل يوم يوقل كلمه وتانى يوم بكلمه تانيه الكلام ده مش عندى
الكلام ده كله كان على لسان رئيسك قبل الثوره وكلامه بعده ولاانتم مش بتابعه انتم الى فرعون لاانكم
مش بتعترفوا بغلطكم لوعملتوا ايه ومحدش بيعرف يكلم معاكم
الناس مالها ازاى مالها حضرتك وكل يوم ناس بتموت
واحد طيب يعنى ازاى طيب يفضل ساكت وخلاص يعنى ناس تموت يقول دى موامره

[dr.zikoo]

ماااشى ياسيدى امال اسم الموضوووع ده ايه بالظبط
الاخوان الكاااذبين
يعنى الى انا اعرفه انك بتكذب كل الاخوانينن بكدا
وانت ما حددتش،يامقاول
والشعب المصرى ده شعب فرعوووونى

[єLмσsħαx]

اقتباس المشاركة الأصلية كتبت بواسطة mr.zikoo ماااشى ياسيدى امال اسم الموضوووع ده ايه بالظبط الاخوان الكاااذبين يعنى الى انا اعرفه انك بتكذب كل الاخوانينن بكدا وانت ما حددتش،يامقاول والشعب المصرى ده شعب فرعوووونى

اها بقصد الاخوان عامه
وبكدب الى بيقف وينصر حاجه غلط
وانت بكلامك ده واقف معاه وشايف انه مش غلطان خالص طب ازاى
اها فرعونى وانتم فرعنه

[Big Brother]

ليس إعفاءا من المسئوليه ولكن هل من العدل ان نحمل رجل فساد واهمال 30 سنه علي ان يصلحه في 6 أشهر وتحت كل هذا الكم من الحقد والغل والكره والاعتصامات والمظاهرات وكلنا علي علم تام بأن الدوله منهكه ومفاصلها متأاااكله والفساد مستشري في ربوعها من شمالها لجنوبها ومن شرقها لغربها مرسي وحكومته مسئولون بسبب سوء الاداره والبط في في التغيير واالاصلاح والقضاء علي الفساد ولن التمس لهم العذر رغم كل ما سبق ولكن هل من الحكمه ان نقول ارحل يا مرسي نعم من الممكن ان نطالب بتغيير الحكومه ونتهمها بالتقصيير وتحاسب علي ارواح الناس التي راحت بسبب سوء ادارتهم ولكن فوالله لن تقوم لمصر قائمه ان رحل مرسي أفيقوا ايها المصريون ولا تنظرو تحت اقدامكم فليرحل مرسي اليوم وندخل في دوامه جديده قد تستغرق سنين تكون البلد قد انهكت اكتر مما نحن فيه ويأتي رئيس اخر وكذلك ووالله لو معه العصا السحريه فلن يستيطع ان يصلح ما في البلد من فساد ولا حتي في عشر سنين فيخرج عليه الاسلاميين الذين من الغباء الاستخفاف بهم او التقليل من شأنهم فهم قوه لا يستهان بها ويسقطونه وهكذا يأتي غيره ونسقطه ويكون لنا رئيسا جديدا كل ستة اشهر تقريبا وتظل مصر في هذه الدوامه لا حول لها ولا قوه
اللهم اني استودعتك وطني فأحفظه وسائر اوطان المسلمين
عابر سبيل