يارب العالمين ..

[Mo chahin]

يارب العالمين

راح اعمل الخير و ازرعه فى الارض هاينبت

و فى الاخره راح احصده يارب سلم و ثبت

انا قلبى منك فى حبك والايدى بما كسبت

و اخرة الصبر ايه غير جنه للصا برين

يارب العالمين انت الغنى المعين

ذيدى يادنيا فى ظلمك فى الاخره فيه جنه

مش ها اشتكى منك و ربك يحوش عنا

و الصبر منه لنا منه ما غيره يوم عنا

قوينى و برحمتك و اجعلنى م المحسنين

يارب العالمين انت الغنى المعين

المولى خلق العباد وكل شئ بميعاد

وكرمه علينا ذاد وخيره علينا فاض

طاعتنا ليه الذاد ورضاه هو المراد

طاعته علينا فرض ويجعلنا م الصالحين

يارب العالمين انت الغنى المعين

من غير ما اتحايل عليك دا الرزق كله ف ايديك

و الموت علينا حق و الامر كله إليك

ها اضحك على نفسى ف لحظه من يأسي

ما انا عشت طول عمرى مسلم إليك امرى

وبارفع ايدى ليك يامجيب السائلين

يارب العالمين انت الغنى المعين

يادنيا اظلمينى و بجرحك إلمينى

راح ارضى بمقسومى دا مكتوب على جبينى

ما انا بعبد الرحمن كريم رؤوف حنان

منان ثبتنى ع الايمان و النفس بتعصينى

يارب ثبتنى ع الطاعه تحيينى ذود لى يقينى

من نفسى يحمينى و اجعلنى م الصابرين

يارب العالمين انت الغنى المعين

ما فى يوم ها اكون انانى واعمل حساب للتانى

ها اتعالى ليه ع الخلق دا فانى بيخدم فانى

خالقنى لحم و دم و على الكتف اجفانى

ما ح اظلم تانى حد ولايوم ح اكون جانى

و ربنا يحشرنى فى زمرة المساكين

يارب العالمين انت الغنى المعين

يارب اغنينى واملى بالرضا عينى

ما انت اللى رازقنى مادمت بتحينى

يا رب تحمينى و من غضبك تنجينى

وارحمنى برحمتك دا رضاك بيكفينى

و اعوذ بيك يارب من كل الشياطين

و اجعلنى م الصالحين و انت الغنى المعين

كلمات .. محمد شاهينـ

[Words Whisper]

من استعان بالله فلايعجز ..


طرح راقٍ قيم
شاكرة لحضرتك ..
دمت بتوفيق وسعادة ..

[פﭠة ﺳگـړُھَہّ]

مافيش احلى من رجاء الله سبحانه وتعالى

حروف راقيه جدا وقلم راقى ورائع

دمت وادم قلمك بكل خير

[فــــــــــرح]

رائعه هي المناجاة
قلم نضح بالكثير وقدم اكثر
لا يسعنا سوا ان نقول بملء الفم


شكرا ايها الشاهين ...~

[احساسى صحيح]

ما انا بعبد الرحمن كريم رؤوف حنان

منان ثبتنى ع الايمان و النفس بتعصينى

يارب ثبتنى ع الطاعه تحيينى ذود لى يقينى

من نفسى يحمينى و اجعلنى م الصابرين

.........
حروف رائعة بحق محمد
ربنا يزيدك من الايمان
احترامى

[ابتسامة الزهر]

مناجاة جميلة ورجاء من الله
حروف معبرة رائعة نابعة
من نفسا وهى فى حالة صفاء
دام لنا قلمك المميز

[ساحر الأحزان]

اللهم ما تقبل منك

انك سميع عليم

كلمات جميلة منك يا محمد

واحساس معبر فيها

تحياتى ليك

[Mo chahin]

اقتباس المشاركة الأصلية كتبت بواسطة words whisper من استعان بالله فلايعجز .. طرح راقٍ قيم شاكرة لحضرتك .. دمت بتوفيق وسعادة ..

ونعم بالله ,,

اشكرك جدا جدا اسماء على تواجدك الراقى ,,

[Mo chahin]

اقتباس المشاركة الأصلية كتبت بواسطة حتة سكره مافيش احلى من رجاء الله سبحانه وتعالى حروف راقيه جدا وقلم راقى ورائع دمت وادم قلمك بكل خير

وتواجد ارقى من شخصك الجميل ,,

تحياتى لكى ,,

[Mo chahin]

اقتباس المشاركة الأصلية كتبت بواسطة فــــــــــرح رائعه هي المناجاة قلم نضح بالكثير وقدم اكثر لا يسعنا سوا ان نقول بملء الفم شكرا ايها الشاهين ...~

جزيل الشكر على كلامك الطيب بحقى يا فرح ,,

خالص تحياتى لكى ,,