كينج ليون

[كبرياء رجل]

لماذا نلتقي
نعم لماذا نلتقي
الاجابه ومع الاسف لنفترق





لماذا عندما نتقابل مع قلوب نصفى اليها ترحل
ان جاءك الموت فلا فرار
يا ليتنا بلا قلوب
وكما نخاف الاقتراب من اشخاص
لاننا غداً سنفقدهم
ونعيش مرارة اصعب من فراقهم
ما اصعب وجع القلب الذي لا يوصف لرحيل عزيز عليك
وما اصعبها واقساها من كارثه عندما يصلك الخبر
اعلم اني قاسي التعبير وان الحروف تخرج مني بجنون
ولكن تورم قلبي وتوجع لخبر رحيلك اخي العزيز محمد
كم راستلك وسئلت عنك ولم تجبني
صعب ان اراك اوف لاين دائم

اقتباس طمنا عليك يا شيخ والله قلقان عليك جدا يارب تكون بخير مش عارف لا حس ولا خبر وﻻ عارفين نوصلك نسأل عليك مين سألت عليك خالد وطارق مخدتش منهم فايده عموما اتمتى انك تكون بخير ولما تسجل ياريت ترد علينا وهحاول اسئل عليك تاني في المنتدى يمكن حد يوصلني ليك

تلك رسالتي الاخيره له
20/1/2013
قبل الخبر ب5 ايام

لما لم تجبني
الدوام لله
وربنا يرحمه
اعلم ايضا اني متمرد
ولكن
ما اجمله من قلب كان يحمل هذا الشخص
رغم ما كان يراه كثير من الاعضاء من قوه
وشخص صاحب موقف
ويتناقش ونختلف ونتفق
وقلمه يهابه البعض
الا انه كان قلب طفل نعم والله وليس هذا الكلام لرحيله
ولكن كان يحمل قلب طفل اجتمعت المحبه كلها بداخل قلب محمد
كينج ليون الصغير
هذا الاسد الكبير الذي كان يخاف على فقدان احد
يخاف ان غضب منه احد لموقف ما

يتأثر ويعتذر ويعتذر
جميل هذا القلب يا اخي وما يحمل
مهما تحدثت عنك ايها الراقي في اسلوبك
وفي تعاملك وفي حبك للناس وحب الناس لك
فلن تكفيني صفحات
شعرت فيك شئ غريب يجذبني اليك
ونعم الصديق
ونعم الاخلاق
ونعم التربيه كانت
مش عارف اكتب حاجه للاسف
ولكن كل الشكر
لمن لم ينسى محمد
سواء بموضوع او بالدعاء له
لكل شخص قد تأثر من قلبه بحق
فهو موت وليس وقت ويعود
لا نملك غير لك الدعاء اخي العزيز
رحمك الله
وستظل بينا بكل ما خطه قلمك
من تميز


احدى لقاءات الراحل كينج ليون
في احدى البرانمج

7/1/2012

اقتباس

اقتباس اهلا بيكم يا شباب ويابنات في حلقه جديده من حلقات برنامجكم طفـــــــــــولتى ومعانا انهرده قلم قوى متميز مهما وصفته مش هديله حقه لأنه بجد أفادنا كتير بعلمه وثقافته قلم قدر يثبت نفسه عنده القدره البارعه علي استخدام قلمه في إفاده الكل أقل ما أقدر أوصفه بيه (قلم نفيس راقي خلووق ) اتحرمنا منه فتره لظروف مرضيه لكن الحمدلله رجع نورنا من جديد رحبوا معايا بصاحب القلم اللؤلؤى * * * * * * * * * * * * * * king lion في البدايه لازم تتعزم انت عارف بقي إحنا إسكندرانيه زى بعض يعني لازم نوجب معاك وايوووووووه ياجدعان :079::079: أى خدعه أحلى من الكرم مفيش :079: يله بقي ندخل علي المفيد أى نوع من الأطفال إنت هادى ولا شقى ؟ لا كنت شقى جدا جدا وانا صغير بس الحمد لله لما كبرت بقيت هادى ايه أكتر ألعابك ايلي كنت بتحب تلعب بيها ؟ والله زمان كنا بنخترع الألعاب اللى بنلعب بيها يعنى كنت عامل نبله كده بس ايه بقى متعدده الطلقات يعنى كنت جايب خشبه مستطيله طويله شويه وفيها مسامير جنب بعض ورابط فى كل مسمارين استك وفي النهايه مشبك غسيل :079: عشان يمسك الطلقات بقى فى العادة كنا بنعملها بقشر البرتقال بس انا كنت عاملها بسلك الكهربا كنت بقطعه واتنيه تفكير شيطانى بقى ايه هوه اسم دلعك ؟ لا مليش اسم دلع من صغرى بيقولوا محمد مين أكتر شخص كنت بتحبه ؟ الأخ عادل عبد المولى أكتر شخص بحبه جدا جدا حتى الان ربنا يباركله يارب مين هوه مدرسك ايلي مش ممكن تنساه؟ هى مدرسه فى الحقيقه ابله سعديه ايه السندوتشات ايلي كنت بتاخدها معاك المدرسه؟ والله مكنش بيكون شىء معين اهو اللى بيحطوه فى الشنطه بكتشفه فى الفسحه واكله زى ما يطلع بقى فول جبنه بيض بالانشون اللى موجود بقى ايه تسريحة شعرك ؟ بصى كله زمان كان بيسرح على الجنب موضه بقى ههههههههههههههههه مين قدوتك وانت طفل؟ الأخ عادل عبد المولى كنت بتحلم تطلع ايه في المستقبل؟ ظابط فى الجيش عشان احارب كنت بحب الحرب اوى مش عارف ليه ايه اكتر فيلم كارتونى كنت بتحبه؟ مازنجر كان جميل اوى بصراحه ويا سلام على فلم عنتر بن شداد وصلاح الدين نتفرج على الفلم من هنا وننزل بقى نجيب بوص وعصيان ونحارب ويله بقى هيصه ورماح ونبال كان ناقص نجيب حصنه وتبقى كملت ياتري كنت تلميذ شاطر ولا بليد؟ الحمد لله كنت شاطر ياترى ايه الرحله ايلي طلعتها تبع المدرسه؟ لا مكنتش بحب اطلع رحلات تبع المدرسه بس طلعت معكسر للكشافه كان فيه مسابقه على مستوى المدارس لو عايزة رحلات بقى تبع المسجد مش حعرف اعدلك بقى كام رحله لانهم كتيررررررررر اوى ايه اكتر ماده كنت بتحبها ؟ كنت بحب التاريخ جدا والدين ايه هوه اقرب صديق ليك ايام الطفوله؟ بصراحه هما اتنين احمد ورامى ايه هوايتك وانت طفل.؟ لعب الكورة طبعا شىء اكيد ايه اكتر عديه خدتها ؟ وانا فى سنه كام بالظبط اصلها بتختلف يعنى افتكر مره خدت جنيه ومش عايز اقولك بقى كان ايه اكنى معايا مليون جنيه :079: كان الكاراتيه الاتنين بخمسه صاغ ولقمه القاضى تدى الراجل عشرة صاغ يديكى اد كده وكلى بقى لحد لما بطنك تتملى كان فيه زمان واحد بيعدى كده اسمه ابو الصعدان بيعمل حلاوة كده يقعد يشد فيها لما نفسه يتقطع بس كانت حلوة اوى والحرنكش بقى مقولكيش وكان فيه حاجه اسمها دوم التلاته بخمسه صاغ كنا نجيب زلطه ونفضل ندق فيها عشان تطرى شويه ونعرف ناكله وفى كمان القصب تاخديلك عود كامل بريال وعيشى بقى حياتك كفايا عليكى لحد كده اكتر اكله كنت بتحبها؟ الفراخ يعنى دجاج الذ الذ الذ :079: ياتري كنت طفل مطيع ولا عنيد؟ لا مطيع ايه بس هو كان فى حد مطيع زمان كانت الحجه تفضل تدينى نصايح واحنا خارجين متسبش ايدى وتمشى جنبى وتبطل شقاوة ومتقعدش تتنطط عند الناس ومتمسكش حاجه ومواعظ بقى ايه مش عايز اقولك وفى الاخر تقولى فاهم اقولها فاهم اول ما يتفتح الباب واشوف الشارع انسى بقى كل اللى اتقال ده واعيش حياتى ياتري مصروفك كان كام ؟ مصروف ايه مش بتاخد سندوتشات خلاص مفيش مصروف ايه هو لون الزى المدرسي؟ لا انا كنت فى الكشافه معلش بنطلون جينز وقميص ابيض كنت تلميذ ملتزم ولا بتزوغ وتنط من علي السور ههههه؟ حزوغ اروح فين المدرسه جنب البيت يعنى لو نطيت من السور حلاقى حد من الجيران ياخدنى بالحضن :079: غير كده كنا لسه صغيرين وسور المدرسه بالنسبالنا برج عالى جداااااااااااااااااااا وحتى لو زوغت مثلا وده عمره ما يحصل حلاقى فى نفس اليوم ابله سعديه وله ابله صفيه وله استاذ صبحى عندنا فى البيت يعنى مكشوف مكشوف موقف مريت فيه في طفولتك و لحد دلوقت تفتكره؟ والله فى موقف عمرى ما انساه بصراحه فى الابتدائى بنات وصبيان مع بعض مره كده طلعت فى دماغنا فى الفصل نلعب ضرب مع البنات فى الفسحه وفعلا البنات وافقت وكله اتحمس بقى وجت الفسحه والبنات فريق والصبيان فريق ويله بقى :079: مش عايز اقولك بقى على خباثه البنات شويه منهم لفتوا نظرنا فى نفس الوقت جزء تانى كان ماسك واحد جسمه صغير شويه ونازلين فيه ضرب فين وفين لما واحد خد باله الحقوا فلان بيضرب طبعا لو سبناهم يضربوه حنتفضح والبنات كسبت بقى وضربنا الصبيان جرينا عليهم وعينك ما تشوف الا النور بونيات على قلام على روسيات على شلاليت مفرمه بقى هههههههههههههههههههههههه بصراحه كان يوم ميتنساش البنات كلها كانوا ورمانين من الضرب وعنيهم مزرقه تحفه مش عايز اوصفلك نشيد كنت تحبه أيام الطفوله ؟؟ بلادى بلادى النشيد الوطنى هو فيه غيره كل يوم الصبح على الريق تحيه العلم تعظيم سلام يا شباب مصر يا رجالها اعملوا لمصر واهتفوا لها تحيا جمهوريه مصر العربيه 3 مرات :079: شخصيه كرتونيه كنت تحبها ؟؟ مازنجر ايه هيه المواقف التي عرضتِ فيها اهلك للاحراج؟؟ والله فى كذا موقف بس انا مش غلطان فيهم مره بنت جارتنا بس رخمه اوى كنا فى رمضان جابت بومبه وضربيتها فى رجلى وقعدت تضحك فانا اتغظت بقى بصراحه رحت رايح شارى بربع جنيه بومب وجبت ورقه كبيرة وفضيت البومب كله فيها ورحت مكورها ولفيت عليها السلك عملتهم بومبه واحده يعنى وخليتها وهى ماشيه وجيت من وراها بالراحه ورحت ضاربها فى راسها من ورا ههههههههههههههههههههههههههه طبعا اهلها جم يشتكوا بقى وابنكم ضرب البومبه فى راس البنت وعملوا قصه مين كـان يدلعك أكثر أبوك ِ او أمك ؟ لا ده ولا ده :079: كنت دب وانت صغير او نحيف..؟؟؟ لا كنت عادى دب ايه بس ونحيف ايه ياترى عندك لعبه موجوده من صغرك لدلوقت ؟ وايه هيه ؟؟ لعبه لا بس عندى لبس الكشافه بتاع الأبتدائى زى ما هو الكاب والمنديل موقف بطفولتك ميتنساش ؟ وليـه ؟ والله المواقف فى الطفوله كتير بس اذكر منها موقف كنا فى رحله تبع المسجد لأننا كنا ديما بنطلع رحلات ومعسكرات تبع المسجد عندنا المهم كنا مره طالعين رحله للبحر فى شاطىء اسمه سيدى عبد الرحمن ونصبنا الشماسى وكله تمام هوب جه أتوبيس رحله وكان مليان بنات المهم قالوا يله يا جماعة حننقل المكان ده حنروح مكان تانى المهم طبعا شلنا الحاجه تانى ومشينا مسافه كبيرة جدا لما ودونا مكان بعيد وحطينا الحاجه كنا ميتين من العطش كله بقى جرى على الميه يشرب وطبعا أطفال وكله بخطف من بعضه ومسخره يعنى جه شيخ كبير كده ربنا يباركله قالنا كلمه علقت معايا بصراحه يا أشبال الإسلام فين الإيثار بينكم فين ان كل واحد فيكم يفضل أخوه عن نفسه بصراحه الموقف ده اتعلمت منه كتير جدا جدا ولحد الأن يعنى والله وبصدق حتى فى مواقف عاديه جدا فى الشارع لو شوفت واحد ملتحى بيعدى الشارع وانا راكب العربيه بقف لحد ميعدى ونسلم على بعض حتى لو بأبتسامه بسيطة نتبادلها مع بعض صدقينى دى عندى او عنده اكيد بتكون بالدنيا حتى لو منعرفش بعض بس كده انتهى الموقف الطفولى اللى اتعلمت منه مكان معلق في ذاكرتك من طفولتك ؟ وليه ؟ قلعة قايتباى كنا بنروحها كتير جدا زمان غير كده منظر البحر من عند القلعة جميل جدا جدا وخلاب بصراحه مين أقرب صديق في طفولتك وياترى كانت بنت ولا ولد؟ اتنين رامى واحمد ياترى كـنت بتـعانـى مـن اخـطاء فـي مخـارج الحـروف ؟ الحمد لله لا كنت بتنآم لوحدك ولاعند مآمآ ..؟؟ ماما ايه بس كنت بنام لوحدى معندناش احنا الدلع ده أجمل مكان سافرت له وانت صغير وتتمنى ترجع له ثااني ؟؟ مطروح جميله جدا جدا اوصف طفولتك ازاى كانت..؟! تقدرى تقولى كده طفوله كلها شقاوة على اثارة على دين يعنى مسبناش حاجه الا لما عملناها تحب تقول كلمه لبرنامجنا في نهايه الحوار ؟؟ كل دى اسأله حرام عليكى بتنتقمى منى انتى :079: لا بصراحه برنامج دمه خفيف جدا وطبعا يا جارتى مش محتاجه كلام أنك متميزة ديماً ويارب زيادة التميز والتألق وشرف ليا أنى أكون واحد من ضيوفك واسف انى طولت اوى عليكم بجد استمتعنا جداااااااا بوجودك وتشريفك لينااا مع شخصيه راقيه خلوووقه زيك في النهايه ياريت تقبل مننا الهديه البسيطه دى

[booody99]

كبرياء رجل

ضربت مثلاً رائعاً في الأخوة الصادقة

رغم أنك مسيحي وهو مسلم

إلا أنك كنت أصدق من بعض الناس

وكثيراً ما ذكرك الغالي محمد بالخير

نحن مصريين دم واحد وسنبقى

بشكرك جداً لجميل روحك يا أخي

كل الأحترام والتقدير

[جبل عالي]

تلجم لساني يا كبريااااااااااااااااااااااااء

كعادتك والله تلجمنا منك تلك اللفتات دائماً رمز للوفاء

لاتحتاج الى شكر ولا تعظيم ولا تقييم

فقيمتك لا توازيها آلاف مؤلفة من الرمزيات


قسماً أجريت الدمع قسماً أكتب بدمع عيني

حين قرأت العنوان إختلج القلب وتوقفت الأنفاس

وحين تابعت النص لم أتمالك كيف أكفكف تلك الدمعات

أخي كبرياء رفقاً بنا ورفقاً بنفسك أكاد ألمح نهر الدموع هناك

رحمة الله عليه ..... ما أجمل روحك أخي

سلمك الله وبصدق أنت المعنى

ل......... رب أخ لم تلده أمك


تحيتي لروح الغالي

ولك ولنا جميعا الرحمة من الله

[جبل عالي]

اقتباس المشاركة الأصلية كتبت بواسطة booody99 كبرياء رجل ضربت مثلاً رائعاً في الأخوة الصادقة رغم أنك مسيحي وهو مسلم إلا أنك كنت أصدق من بعض الناس وكثيراً ما ذكرك الغالي محمد بالخير نحن مصريين دم واحد وسنبقى بشكرك جداً لجميل روحك يا أخي كل الأحترام والتقدير

عايزة اقول كلمة واحدة يا عبدالله

ده هو كبرياء رجل فعلا

[عاشقة الهدوء]

الله يرحمه ويجعل أعماله الطيبه المباركه
وأسلوبه القويم الحسن شاهد عليه يوم القياامه
وأن يرزقه الله الجنه بخير حساب ولا ساايقة عذااب اللهم أمين
بجد مش لاقيه كلام أوصف بيها مشاعرك النبيله والطيبه ياساامى
تجاه أخونا الغاالى الفقيد محمد مهما تكلمت لن أوفيك حقك لتلك
الرسااله المؤثره والعظيمه التى أنطلقت من قلب وشخص فااق حدود الآحترام
والحب الصاادق الآخوى لفقيدنا الغاالى محمد أسال الله لنا السلامه فى الدنيا وألاخره
ربى يحفظك ياسامى ويبارك فيك وميحرمناش من وجودك دائما اللهم أمين

[براءة حلم]

الله يرحمه يارب ويغفر له ويجعل مثواه الجنه
تسسلم ياسامي موضوع جدا مميز منك

[нαиαи]

الله يرحمه و يجعل مثواه الجنه ..
يسلمو سامي ..

[تيتشر نفشه ツ]

ربي يرحمه
طفولته كانت حلوه
ربي يتغمده بواسع رحمته يارب

..

[Lost Pearl]

اه انا فاكرة الاستضافة دي كانت حلوة اوي

فعلا بتدل علي قلب طاهر


بقالي كتير ف الموضوع مش عارفة ارد بـ ايه

ربنا يكرمك يا رب يا سامي

و يرحم محمد و يجمعنا بيه ف الجنة يا رب

تسلم ع الموضوع ,,

[عاشقة ذكر الله]

ربنا يرحمه يارب
لانستطيع قول أى شئ الاآن سوى الدعاء له بالرحمه ,,
كبرياء رجل حقا انك لأخ وفى له ,,
ربنا يصبرك ويصبر أهله ,,