اتيكيت مناسباتك فى البيت وخارج البيت

[توحد ارواح]

هنتكلم باذن الله عن اتيكيت مناسبتك داخل وخارج البيت اول نقطه بتحضرى من قبلها بفتره المعازيم اللى ناويه تعزميهم تكتبيهم كلهم فى ورقه علشان مش تنسى حد وتبعتلهم الدعوه بنفسك لازم تروحى انتى بنفسك تعزمى مش تتصلى وبس !! عاوزين نرجع زوقياتنا واخلاقنا بتاعه زمان تانى اذ كانو فى محافظه تانيه او بلد تانيه ممكن تتصلى بيهم ولو حبيتى ممكن قبل المناسبه بيومين تأكدى على المعازيم المهمه ليكى . لا تنسى قبل اى خطوه منك ذكر الله وتسمى بالله وعند مقابله اى شخص قولى لا حولا ولا قوه الا بالله اذ حد اعتذر حاولى تحلى الموضوع ببساطه بحيث يحضر بردو المناسبه اذ خلاص الامر مهم وشديد وصعب يحضر بلاش تلحى كتير وتتحايلى ,, ليه بقى ! اول ماهيقول اعتذاره وانتى عديتها هيقول ايه ده ماصدقت ولو الحيتى كتير ممكن يبصلها انك عاوزاه يحضر علشان الهديه او النقطه ( انتى بردو متعرفيش ظروف الناس فلازم نراعيهم ) فخير الامور الوسط ◄هنتكلم الاول عن المناسبه خارج البيت ► انتى قبلها بيوم بتكونى مجهزه امور بيتك وملابسك وتقيسى فستانك علشان لو محتاج تظبيط والشوز تجربيه ويكون مريح بقدمك ومش بكعب عالى اوى لانك هتتحركى كتير طول اليوم واول اليوم تظبطى نفسك لو هتعملى ماسكات لبشرتك تغسلى اسنانك ترتبى امور اسرتك وبيتك لان على نص اليوم هتكون ساعه الصفر لتجهيز لبسك والتحرك من البيت هتذهبى للقاعه قبلها بساعتين او اكتر حسب ظروفك او زى ماتحبى ,, تممى على كل شىء هناك بوفيه & الزفه ,, هتخصصى احد من اسرتك يكون ملازم باب القاعه معاكى لاستقبال المعازيم بحيث لو حصل معاكى اى ظرف وبعدتى عن الباب الرئيسى يكون فى حد مكانك يسد فى استقبال المعازيم . وتخصصى حد من اسرتك موثوق منه مسؤل عن الهدايا اى هديه تعطيها له يحتفظ بيها نقطه مهمه لمظهرك بلاش اللبانه طول ماانتى بالمناسبه وتقعدى تفرقعى وتطرقعى اول مابيوصل ضيف من اسرتك او اسره الطرف الاخر بترحبى بيه وتوصليه للمكان المناسب اذ كان من اهلك فبيكون القاعه مقسمه اتنين لاهل العروسه او العريس اذ كان عيد ميلاد مش شرط بقى اى مكان مناسب وتوصليه فيه .. الاوقات دى بقى مافيش مجال ليكى انك تجلسى كتير الا القليل خالص لان عيب ومش من الزوقيات تجلسى وتتركى بقيه معازيمك من غير الواجب ابتسامتك لا تفارقك ابدا وانسى بقى اللى مزعلاكى واللى بتغيظك واللى واللى انسى الامور دى لانهم ضيوفك .. ليه قولتلك تستقبلى ضيوفك بافضل ماعندك!وبحدود بردو بمعنى مش كانك بتجرى وراهم لازم بردو تحافظى على شياكتك فى بعض البشر اللهم احفظنا منهم من غيرتهم منك يحضرو مناسبتك ويفعلو اى شىء يستفزك الانسانه الذكيه بالموقف ده اللى تفرح بمناسبتها ولا تهتم بمشاكل التافهيين المستفزين مثل هؤلاء لانك لو فكرتى فيهم ورديتى عليهم يبقى ليلتك باظت وطلعتى كمان قدام الكل الوحشه وهيزعلو عليها هيقولو ببساطه انها رايحه تهنيكى وجايبه هديه وانتى هزقتيها .. فلا تهتمى بمثل هذه الامور ودايما كونى الافضل ومثل هذه الشخصيات انتظرى عليهم مع الايام وليها يوم وهتاخدى حقك نيجى لوقت البوفيه اياكى تكونى صاحبه المناسبه وتكونى اول وحده تجرى على البوفيه عيب جدا جدا اتركى المجال لضيوفك واعزمى عليهم فى معازيم هتلاحظيهم مكسوفين يذهبو للبوفيه اعزمى عليهم وقوليلهم اتفضلو البوفيه بطريقه شيك كدا نادى الجرسون يقدملهم شوفى مين مش اكل ووصى الجرسون يقدملهم الاكل شبعى ضيوفك الاول خاليكى شيك اتركى الناس تتكلم على شياتك وزوقك ◄ تانى نقطه مناسبتك فى بيتك ► فيها شبه كبير فى مناسبتك خارج بيتك اولا بتمسكى ورقه وقلم قبلها بفتره وتكتبى اسامى المدعووين المعازيم وتكتبى الحلويات هتتجاب منين وبحدود كام على حسب اماكنياتك ممكن تشوفى ديكورات على النت وتشترى تول وزينه وبالونات او لو هتتفقى مع مصمم حفلات واهم شىء الورد ليه لمسه جميله جدا جدا جدا ارجعو للزمن الراقى الشيك الورد ساحر وبيعطى شياكه للمكان تـأكدتى وخلصتى من التجهيزات يومها بقى هتصحى الصبح بدرى جدا او لو من بالليل تخلصى نفسك من الاساسيات زى تلفى سجاجيد الصاله او الريسبشن لان كتير هيدخلو بالاحذيه وهتتبهدل ( ده لو مش عندك سراميك ) اذ كان فى ترابيزه كبيره بالنص واخده مساحه انقليها على زاويه معينه بحيث يكون فى مساحه واسعه قدام باب شقتك مقتنيات بيتك القيمه التحف المهمه ممكن تحتفظى بيها فى مكان تانى او عالى علشان ممكن تقع تتكسر او يحصلها اى ظرف وحش لقدر الله كده تمام ظبطى بيتك وزينتيه اذ كان سبوع عيد ميلاد او خطوبه هتهتمى بنفسك تعملى ماسكات تحضرى ملابسك اغسلى سنانك جيدا هتحددى بردو هنا اتنين من اقرب الناس ليكى يكونو دراعك اليمين وحده تستقبل الضيوف وتساعدك فى ترتيب البوفيه لان هنا مافيش جرسون والتانيه تحتفظ بالهدايا بغرفه نومك وتاخد بالها من الغرفه علشان الاطفال ممكن يدخلو يفتحو الدواليب اذ كان عيد ميلاد ابنك تجاوبى معاه على انه يستقبل ضيوفه معاكى ويسلم عليهم ويشكرهم على طلب الدعوه بطريقه جميله وابتسامه والكلام الباقى ينطبق هنا بنفس معاملتك مع الضيوف والاستقبال والبوفيه مع اول نقطه بخارج بيتك وانك بردو تشبعى ضيوفك الاول اكرمى ضيفك بافضل حال عندك لانه من الدين واسعدى ضيفك وفرحيه واخيرا الله يعينك بعدها على تنضيف البيت وبكده اكون حطيت ايدى على اهم الملاحظات اللى شاهدتها كتير بالمناسبات

[╯ Princess ╭]

والله الواحد لا ارادي كدا بيطبق الاتكيت دا

تسلمي يا قمر على الموضوع

والتنسيق

موفقه

[აα∂ Ԑγεა]

هههه عجبتني اسلوب النصيحه ف التوبيك
فعلا المناسبات سواء خارج البيت او داخله
لازم يكون متحضر كل شيئ من قبلها بفتره ويكون كل شيئ جاهز ومتاكد عليه كذا مرة
كمان مهم موضوع التحف والانتيكات والحاجات الغايه تتداري الحاجات دي بتضيع =))
تسلمي للطرح الجميل يا توحد

[~♥ Queen sozan♥~]

لازم نكون محضرين الزيارهـ با شكل كويس

فى البت بره البيت ,, الاتنين بيعبرو عنا ,,

يدوم التميز

[الأميرة رودي]

نصيحه جميله ومهمه
الاتيكيت شئ جميل واساسي بحايتنا لآنه الوحيد اللى بيعكس تربيه الانسان منا وتنشئته
مدى تعاملتنا فى المناسبات بتمثل مظهرنا وتحضرنا دايما
شكـرا حبيتي على التوبيك والنصايح
ربنا يوفقك

[براءة حلم]

يسسسلمو ياحبيبتي نصائح جمييله جدا
ننتظر جديدك موفقه يارب

[dяєαм..|♥]

توبيك مهم فعلا
تسلم ايديكى ع الافاده
نورتى القسم ^^

[الحان الورد]

،

موضوع جميل جداً يا توحد
تسلم ايديكِ ..

[توحد ارواح]

اقتباس المشاركة الأصلية كتبت بواسطة яϊηĉєṣṣק والله الواحد لا ارادي كدا بيطبق الاتكيت دا تسلمي يا قمر على الموضوع والتنسيق موفقه

شكرا ع المرور الجميل اختى نورتى

[El_Magic]

مشكوووووور والله يعطيك الف عافيه