النصيب _عالم أميره ج 8 (تنشيط القسم )

[ياسمينااا]

بعد الاغنية المرحه تبادلا الضحكات ثم كلمات مشاعر حقيقيه جميله حتى كأنهما في كوكب أخر ليس فيه غيرهما .. وهكذا حال كل المحبين عندما يندمجان بمشاعرهما فلا يرى احدهما الا الآخر http://www.4shared.com/file/34784060...d/___.html?s=1 رأت اميره ان الوقت مناسب لتحاول ان تحركه ولتعرف صدق غرضه اخبرته انه كان بالأمس ضيوف لزيارة خاصة .. عريس انتظرت رد فعله .. صمت طويلا .. لم يكتب شيئا .. ترا هل صمته تردد ام ارتباك ام محاولة هروب ان كان لا يريد طريق الجدية مرت لحظات وهي تترقب لترى ما ستكتب يداه بعد هذا الصمت .. ياريت يطلع انسان جد وييجي من الباب .. هوافق عليه مع انى ما اعرف عنه الا القليل لكنه هو اللى دخل قلبي معاه احس بمشاعر حقيقيه انا مش صغيره واعرف معنى الحب الحقيقي لما يدق قلبي .. يالا يابني اتكلم اكتب قول اى حاجه كتبت هي : انا بقولك بس لأننا اصدقاء وحبيت اعرفك يا انت هو : انا كل كلمه قلتهالك من قلبي وانا كنت حاسس انك هتقوليلي الخبر دا فى اي يوم لكن جه اسرع مما توقعت يدوب مالحقتش افرح انا دايما كده ماليش حظ مع الفرح وفرحتي ابدا ما بتكمل اميره : مالك ليه قلبت الموضوع غم كده .. وأصلا ايه يضايقك ف كده هو : لا تزودى همي بكلامك اميره : طيب عموما انا لسه ما وافقت والموضوع في ايدك لو حبيت هو : ياريت ما كنت اتردد ولو لحظة انتى بالنسبة لي حلم اميره : مهموم وياريت وحلم .. ايه كل الالغاز دي وليه تصعب الموضوع اذا كان الطريق سهل هو : لكن للاسف سماءي ممطرة وطريقي مسدود اميره : ليه يا ولدي هو : احنا فى مشاكل مع بابا لانه تزوج وزوجته كل شويه تعمل مشاكل مع اختى واخويا الصغيرين لدرجة ان نفسيتها تعبت اوي وتقعد تبكي وتقولي مش قادرة اتحمل .. وانا لما اكلم بابا ما بيصدقنى .. ولما كلمناه يعطينا نصيبنا من ميراث امنا عشان نلاقي اي سكن تاني وعشان اجهز اختى لما يجيلها عريس .. زعل جدا ومش طايق حد فينا واخيرا رضي اننا نسكن فى شقتنا التانية فى الدور اللى فوقنا وهى صغيره لكن ليرتاح اخواتي وانا كان شغلي في مدينة تانية وتعبت الى ان اتنقلت الى مدينتي عشان ما اترك اختى واخويا وحدهم وحتى الراتب صار اقل لكن اعمل ايه .. اختى تركت الدراسه وما كملت عشان المصاريف واخويا لسه فى ابتدائي وصعب اتركهم وحدهم واختى كان اتقدم لها شخص ووافقت عليه لكن للآسف مش جاهزين لاي مصاريف زواج وهي متضايقه لانها كانت عاوز ترتبط بس لترتاح من قسوة بابا معاها واديني بشتغل كمان اضافي عشان أكون مبلغ واجهزها واطمن عليها ومااقدر انا ارتبط واسيبهم كده لوحدهم واشيل ايدي منهم دول في رقبتي ولعلمك من فتره طويله وف بداية شغلي اتعرفت على زميله ليا وحبينا بعضنا وكنت اتمنى ارتبط بيها لكن ظروفي واخواتي ما قدرت اكون اناني اميره : كل دا جواك وليه ما صارحتني من البدايه لاعرف ظروفك هو : كل شيء بأوان وظروفي لا تسر وانا ما احب اتقل عليكي بهمومي اميره : وايه فايدة تعرفنا سواء كنا اصدقاء او اخوة او احباب اذا كنا مش هنخفف على بعضنا همومنا ومتاعبنا .. انت ما خطبت قبل كدا هو : مرتين وما نفعت .. الاولى كانت طلباتها كتير ما تخلص والتانية كانت مستعجلة .. نصيب اميره بحزن عميق : ايوه النصيب اميره : اسمعني لو اختك ارتباطها متوقف على جهازها انا عندي الى اقدر اساعدها و..... قاطعها بكتابته : لا تزودي همومي وتجرحيني ف كرامتي اميره : ليه تقول كدا اعتبرها اني بساعد اخت ليا فى الاسلام واحتسب ثوابي من ربنا هو : اوعي تقولي كدا تاني لا ليا ولا لغيري ابدا مهما كان ومين يقولك ان الكلام دا صحيح وان الانسان دا فعلا محتاج مساعده مش يمكن كل كلامي دا اختراع لو قلتى كداهتلاقي طوابير على صفحتك يطلبون احسان من سعادتك وكل واحد او واحده هتقولك ماساة تخلي دموعك بحر اميره : طيب خلاص لا تزعل هو : شفتي قلتلك فرحتى ما بتكمل .. هل لو جيت اهلك هيوافقوا انى اخطبك وينتظروا لحد ما يكون معايا ما يكفي اجهز اختى واجوزها وبعدين يكون معايا ما يكفي اني ارتبط انا محتاج لوقت طويل يا اما معجزة سريعه اميره : انا مستعده اقنعهم .. احست اميره بخجل شديد من كلمتها الاخيره التى اظهرت انها تريده ان يتقدم لها اميره : مضطره اطلع لان الجماعه على وصول ... سلام انخرطت اميره فى نوبة بكاء طويل وانهمرت دموعها جاريه على خدودها .. يا غبي لو قلتلي استناك هستناك لو قلتلي هتيجي تخطبني هستناك مش هستعجلك .. يعني ياربي الانسان اللى اتمنيته من قلبي يطلع عنده ظروف ليه حظي انا كده انا اميره بنت بسيطه مش معقده اغلى ما عندي هو بابا لانه احن انسان عليا ومش بيغصبني على حاجه ودايما متوكل على ربنا .. اتعلمت اني حاجه غاليه وجوايا مشاعر غاليه جدا وطاقة حب كبيره جدا ولأن مشاعري وحبي اغلى عندى من جواهر الدنيا فمش ممكن اعطيهم الا للانسان اللى يستحقهم فعلا مش اي انسان .. عشان كده برفض اي انسان يتقدم لا يوافق عليه قلبي ولا ارتاح له امسكت اميره بكتابها المفضل " كيف تكونين اميره بين النساء " وهو كتاب اشترته من معرض الكتاب رغم ان مؤلفه غير مشهور لكن جذبها العنوان لانه على اسمها ولما قرأته اعجبت به جدا وارتبطت به كثيرا بدأت تقرأ ( الأميره تتواضع لكن لا تنحني ولا تجعل ضربات الاحداث تنال منها مثل الأخريات ومشاعرها تكون مثل الأمطار لا تأتي كل حين ولا تكون فى المتناول دائما بل تنهمر بغزاره في الوقت المناسب ) ( لا تهتم الاميره بغيرة الأخريات ولا ترد عليهن بالمثل بل الرد الأمثل هو التجاوز او اللامبالاه او ربما المرور مع ابتسامة استخفاف مقتضبه هذا سيجعل الصغير أصغر والتافه أتفه وينظرون اليكي انك الأفضل منهم ) ( لا تتراجعي كثيرا فمع كل خطوة تراجع ستفقدي الكثير من رونقك اذا احببتي لا تتراجعي اذا اعطيتي لا تتراجعى اذا ناقشتي تحاوري واتركي المجال لنفسك ربما هناك الاصح منك فلاتظهرى انك اقل بل كوني دائما جاهزة ولا تنزلي الى اي ميدان الا وانتي جاهزة ) ( اذا حضرتي بين الجمع فتكلمي بمرح خفيف وبهدوء رصين وبهيبة الاميرات وخفتهن ولتكوني اعلم الموجودات ولا تتركي زمام الحديث الا في يدك وان فاجئك سؤال محرج او صعب فاياكي والارتباك او الاعتذار بل حولي الدفة برشاقه الى وجهة اخري تجيدينها لتكسبي الوقت ) ( تعلمي الا تجيبي بسرعه مهما استعجلوكي وتعلمي الا تهربي من الاجابه .. واعلمي ان كلمة نعم بعد لا افضل من كلمة لا بعد نعم ) استفاقت اميره من قراءتها على صوت الباب ينفتح وصوت والدها ينادي عليها فأسرعت اميرة تقفز وخرجت اليه وارتمت على كتفه ولم تستطع ان تكتم بكائها الاب : مالك يا اميره بتبكي ليه اميره : لأنك اتأخرت كتير الأب : آه من بكاشتك شوفي جبتلك ايه .. ملبن من النوع اللى تحبيه وروحي شوفي المطبخ قبل شجرة الدر ما ترجع بعواصفها فرحت اميره بالهديه : تهاني رجعت وهروح اشوفها ..واسرعت تشوف اخبار البنت تهاني بعد قليل حضرت الام التى سرت كثيرا لرؤية الشغاله لترتاح من موضوع الترتيب فقد كانت تحب كل شيئ في موضعه جلسوا على الغداء الام : روحي يا أروى شوفى لو اخوكي موجود ييجي يتغدا معانا اميره : لا ياماما لسه ما رجع الاب : الواد دا ما عاد لا بيتغدا معانا ولا بشوفه طول اليوم الام بعصبيه للأب : حضرتك من يوم تركتله السياره وهو طول اليوم يطلع من شغله على اصحابه مش كفايه الهانم دي اللى دايما كسفاني مع ضيوفي وتعاملهم كأنها بنت السلطان وهم من عامة الشعب اميره : ليه بس يا ماما انتى هتقلبي عليا انا ليه الام : يا بنتي يا حبيبتي قوليلي ايه حكايتك لو مش عاوزة ترتبطي قولي عشان نقفل الباب قدام العرسان اميره : ياماما يا حبيبتي يا ست الكل لما الاقي الانسان اللى يستاهلني هقبل فورا الام : ودا يطلع فين قوليلي في اي مول ولا اي معرض وانا هجيبهولك اميره : يا ماما انا مفيش حاجة تقول انى مستعجله ومش معقول ارمي نفسي فى اى برميل وافضل تعبانه طول عمري يعني انتى هتكوني سعيدة لما ارتبط بانسان يطلع مجرد صندوق مقفول يخنقني طول الوقت او انسان مثل الشوك يجرحنى كل ما يقرب مني او انسان عيشته مرة لا اتحمل مرارتها .. يا ماما انا مش بجازف بصفقة ولا وظيفة انا بجازف بأنا بنفسي وانا مش مستعده اجازف بنفسي ابدا وادي نفسي لواحد ما يعرف قيمتي ويكسر كرامتي ويجعلنى منكسرة ابدا لا يمكن دا يحصل الام : ايه يابنت الكلام دا انتى بتقولي محاضره لو على كلامك مكانش حد ارتبط ابدا .. دا كله من الكتب والنت اللى فسدوا عقلك اميره : يعني يا ماما مش شايفه ان الانفصال اكتر من الارتباط واللى عايشه بهم اكتر من اللى عايشه بفرح يعني يا اما الواحده تتحمل وتشيل هم يكبرها قبل الاوان ويطفي نضارتها ويكسر احلامها يا اما تدخل في مشاكل ومنازعات وهتطلع هي الغلطانه .. يعني هتفرحي لو ارتبط ورجعتلك بعد شهرين بشنطة هدومي وخيبتي التقيله الام : طيب قوليلنا ايه عيب الراجل الاخير دا مش برضه يا متدينة ولابسه نقاب ان اذا اتاكم من ترضون خلقه ودينه فزوجوه اميره : انتى جاوبتي على سؤالك بنفسك لانى ما رضيت لا بخلقه ولا بدينه .. كانت نظراته ليا غير مؤدبة يعني مفيش اخلاق .. وكان لابس خاتم دهب يعني مفيش دين الام : وايه المطلوب يا اميرة عصرك وأوانك قوليلي فين الخياط اللى بيفصلك انسان على مقاسك الأب : فيه ايه مالك نازله على البنت كدا هي كلامها عين العقل ترتبط في اي وقت ولما يجيلها نصيبها هترتبط دا شيئ مكتوب عند ربنا ايه الداعي كل شويه السيره دي .. انا عن نفسي ما اتحمل حد ياخد بنتي وما يعرف قيمتها وما اتحمل حد يزعلها اميره : بعد اذنكم انا هطلع المغرب الام : تخرجي فين انتي مش بتسمعي الاخبار الاحوال مقلوبه وربنا يستر الاب : ما تطلعي لوحدك يا اميره استني اخوكي سامي ييجي يوصلك اميره : لا مش عاوزه سامي .. سميه هتيجيلي وهنطلع سوا هنقعد عند لولا شويه الاب : معاكي لحد صلاة العشا ولا تتأخري وسيبي رقم صاحبتك مع مامتك وخلى موبايلك مفتوح قامت اميره تجهز نفسها للخروج الام : فيه ايه يا عبد الحميد ليه تخليها تخرج لازم اخوها يوصلها ويرجعها الاب : متخافيش على اميره الله هو الحافظ وكمان البنت سمية دى بخمسين راجل وبيت صاحبتها قريب من هنا مش هيطلعوا برا الحي كانت اميره في غرفتها تداعب قطتها ليله : انتى بتروحي فين الوقت دا كله اكيد اتصاحبتي على قط المهم يكون مناسب ليكي وياريت تجيبيه تعرفيني عليه اشوفه ولو مناسب ليكي اسميه " يوم " عشان تبقوا " يوم وليله " http://mp31.alarab.net/download-2979...-322-2621.html ***************** ونكمل الحلقه الجايه باٍذن الله

[نجم وزهره ومسافات فراق]

دائما بفضل الله
وقوة قلمك
وروعة فكرك


موضوعاتك
مميزه
منتقاه



خمس نجوم




اشكرك لكرم فيض فكرك
اتمنى لك كل السعاده
تحيتي