الحلقه الأولي من برنامج (محفظتك تحت المجهر )ومعانا ساحر الأحزان

[ياسمينااا]

أهلا بكم معانا أعضاء منتدي بنات مصر وموعدنا وأول حلقه من برنامج (محفظتك تحت المجهر ) ومعانا عضو ما شاء الله عليه شعلة نشاط في المنتدي مميز جدا باسلوبه وتفكيره الراقي ساحر الأحزان مـــراقــب عــام وهو فين النشاط بسى ياسمينا الخمول حط على الواحد مش عارف لية بشكرك على جميل اهتمامك وان شاء الله محفظتى تطلع كل الى فيها جوة الموضوع إما نشوف بقي محفظته شكلها أزاي وفيها أيه لما نشوف أهلا ً بيك معانا يا أمجد اهلا بيكى يا ست الستات دلعينا بقى تحب تشرب ايه قهوة وسط بالحليب إتفضل يا أمجد ونبدا الاسئله بقي توكلنا على الله الأسئله :- 1-صور لنا محفظتك اذا كان ممكن ؟ دة ودة كمان 2- عندك مانع لو احد يجي يفتش محفظتك ؟ مش اى حد يفتشها الا لو كان عزيز عموما انا مبحبش اعمل الحكاية دى لانى بحس ان فيها نوع من الخصوصية يبقى ليس من حقى معرفة اية الى جواها 3- ماهي الاشياء التي لاتفارق محفظتك؟ بطاقة الصراف الألى الفيزا وكمان بعض الصور الشخصية لية وللمقربين منى ودفتر صغير جدا للضروريات بدون فيها حاجات خاصة بية وكمان الهوية الشخصية الى بمشى بيها جوة البلد الى انا فية وبعض النقود كمصاريف شخصية 4- هل تفضل المحافظ الكبيرة او الصغيرة؟ لا الوسط او الصغير بحبهم 5- ماهو اللون المفضل لمحفظتك؟ اللون الاسمر وكمان البنى الفاتح شكلهم جميل برتاح فيهم 6- هل لك ماركة معينه لشراء محفظتك ؟ دة حسب الذوق والشكل الى معروض عليك وبتشوف الافضل منهم 7- كم عدد المحافظ التي معك الان؟ محفظتين 8- كم تبقى عندك المحفظه؟ حسب عمرها الافتراضى يعنى مش فى كل الاوقات ممكن سنة او اكتر او بعض الشهور على حسب جودتها ومتانتها 9- ماهو الشي الذي يجذبك عند شراء المحفظه؟ جودتها ومظهرها 10- متى اخر مرة نظفت محفظتك ؟ نضفتها من الفلوس ولا اية؟من شهر تقريبا او اقل 11- متى اشتريت المحفظه الي معاك؟ من حوالى سنتين ما شاء الله عليك يا أمجد سنتين بحالهم 12-كم قيمة المبلغ الموجود الان بمحفظتك ؟ 5يورو و10دولار وخمسن دينار ودول يطلعو كام بالمصري بقي 13 - تحب تشيل صور ليك صور او لأي شخص تحبه ؟ ولا لاء ؟ اهه طبعا بحب اقتنى فيها صور شخصية لوالدتى ولاخواتى ولاصدقائى 14- هل اتسرقت محفظتك قبل كدا ؟ لا محصلشى لانى ببعد عن الاماكن المزدحمة الى ممكن يحصل فيها كدة 15- إنت من النوع اللي بتحط إسمك علي محفظتك ؟ لا مبحطش الاسم عليها 16- بأي جيب بتحط محفظتك ؟ لو بنطلون يبقى الجيب الايمن الخلفى ولو جاكيت بدلة او جاكيت عادى الجيب اليمين الداخلى 17- هل حصل إن محفظتك كانت خاليه من الفلوس ؟ اهه مر علية وقت وكانت ناشفة خالص لفترة قصيرة من الزمن 18- متي أول مره تشتري محفظه " كم كان عمرك " ؟ وانا فى الدراسة وكان عمرى وقتها 17سنة تسلم يا أمجد ع قبول الإستضافه نورتنا بشكرك ياسمينا على جميل دعوتك والنور نورك ونور الى حيشوف محفظتى وانتى بتقلبيها تحت المجهر ربنا يوفقك تسلم يا أمجد أتمني الحلقه تنال إعجابكم

[ساحر الأحزان]

بشكرك ياسمينا

على جميل دعوتك للموضوع

وان شاء الله ينول رضاء الاخوة الاعضاء

يدوم النشاط والمجهود ليكى

[Lost Pearl]

ههههه انت بتجمع عملات يا امجد

بهزر حلقة جميلة و دمها خفيف اكيد لأن الضيف امجد

نورت القسم باجاباتك يا باشا ،،

تسلم ايديكي يا ياسمينا ع المجهود

فـ انتظار الضيف الجاي بقي

و لو وزعتي الرابط عند الاعضاء يبقي حلو اوي

[مريم المصريه]

ممكن تسلفني دينار واحد
جميله محفظتك
اتمنالك سعاده ابديه
نورت الحلقه
شكرا لك ياياسمينا
ودي ووردي لكم

[ķąyąŋ..♡]

ههههههههههه

اي بلد بتتعامل بالعملات دي كلها

يورو اتحاد اوروبي

دينار ******************

ودولار مصري ههههههه

احسبهم ولا تقول بحسدك

بجد توبيك روعه ياياسمينا

واكيد امجد منور بالاجابات الروعه دي

[براءة حلم]

ذووقك حلو اوي عجبتني محفظتك
وماشالله ايه العملات دي كلها هههه
حلقه جميييله جدا ياياسمينا
وامجد منور الحلقه ربينا يسسعدك
منتظر ين باقي الحلقات

[روح صامتة]

جميلة اوي الحلقة دي ^^
الحلو ان الفكرة جديدة كلها فضايح ^^
بس استمعت بالحلقة
امجد انت اتصفيت خالص ^^
تسلمي ي ياسمينا وبالمناسبة الهيدر عجبني اوي
ارق تحياتي

[ساحر الأحزان]

اقتباس المشاركة الأصلية كتبت بواسطة lost pearl ههههه انت بتجمع عملات يا امجد بهزر حلقة جميلة و دمها خفيف اكيد لأن الضيف امجد نورت القسم باجاباتك يا باشا ،، تسلم ايديكي يا ياسمينا ع المجهود فـ انتظار الضيف الجاي بقي و لو وزعتي الرابط عند الاعضاء يبقي حلو اوي

اكدب يعنى هى قالت لية محفظتك فيها اية؟

فانا جاوبت عليها بصراحة

متكشرين يا لوجى على مرورك وهو محفظتى بقت على كل لسان

الله يسامحك ياسمينا ومعاكى لوجى

نورتى التوبيبك بجميل ردك

تحياتى

[ساحر الأحزان]

اقتباس المشاركة الأصلية كتبت بواسطة مريم المصريه ممكن تسلفني دينار واحد جميله محفظتك اتمنالك سعاده ابديه نورت الحلقه شكرا لك ياياسمينا ودي ووردي لكم

خديهم كلهم

ما يغلوش عليكى

نورتى مريم التوبيك بجميل تواجدك

دمتى بكل خير

[ساحر الأحزان]

اقتباس المشاركة الأصلية كتبت بواسطة نبضات ضائعه ههههههههههه اي بلد بتتعامل بالعملات دي كلها يورو اتحاد اوروبي دينار ****************** ودولار مصري ههههههه احسبهم ولا تقول بحسدك بجد توبيك روعه ياياسمينا واكيد امجد منور بالاجابات الروعه دي

مهو يابنتى كلة بينصرف هنا اى عملة بتنصرف

يعنى البلد قابلة لاى عملة زى عندنا كدة فى مصر

وحسبتهم بسيطة ياستى شوية الفكة دول يطلعم 570مصرى

نورتى ريهان التوبيك

تحياتى