::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
عودة
الكاتـب : نزارالفاضل - آخر مشاركة : Lamees - مشاركات : 2 -
* غُـربـة حـــب*
الكاتـب : وليد الطويل - مشاركات : 218 -
فجر جديد
الكاتـب : احساسى صحيح - مشاركات : 0 -
قوانين
الكاتـب : نزارالفاضل - آخر مشاركة : وليد الطويل - مشاركات : 5 -
عتاب
الكاتـب : gntlsoll - آخر مشاركة : منيرة محسوب - مشاركات : 10 -
عتاب
الكاتـب : gntlsoll - آخر مشاركة : نزارالفاضل - مشاركات : 2 -
سيناء الحب
الكاتـب : نزارالفاضل - آخر مشاركة : ياسر عبد الباقي - مشاركات : 15 -
يناديك النبض
الكاتـب : فادي العراق - آخر مشاركة : fanaa - مشاركات : 15 -
أوله
الكاتـب : خالد عبد الحميد المصرى - آخر مشاركة : محمد خلاف - مشاركات : 1 -
نداء
الكاتـب : فادي العراق - آخر مشاركة : ياسر عبد الباقي - مشاركات : 10 -
جلا جلا....
الكاتـب : مارد الغضب - آخر مشاركة : ياسر عبد الباقي - مشاركات : 9 -
بقلمي🖤
الكاتـب : ana aboodya - آخر مشاركة : aboheba - مشاركات : 5 -

إضافة رد
 
LinkBack أدوات الموضوع انواع عرض الموضوع
قديم منذ /02-21-2013, 02:04 PM   #1

مشرفة اليوميات سابقا

 

 رقم العضوية : 80178
 تاريخ التسجيل : Jan 2012
 العمر : 23
 الجنس : ~ بنوتة
 المشاركات : 4,949
 النقاط : Hearts Whisper has a reputation beyond reputeHearts Whisper has a reputation beyond reputeHearts Whisper has a reputation beyond reputeHearts Whisper has a reputation beyond reputeHearts Whisper has a reputation beyond reputeHearts Whisper has a reputation beyond reputeHearts Whisper has a reputation beyond reputeHearts Whisper has a reputation beyond reputeHearts Whisper has a reputation beyond reputeHearts Whisper has a reputation beyond reputeHearts Whisper has a reputation beyond repute
 درجة التقييم : 477130
 قوة التقييم : 239

Hearts Whisper غير متواجد حالياً

أوسمة العضو
افتراضي الحلقة الثانية من سكوت هندردش ومعانا Sad €yes


السلام عليكم ورحمة الله وبركاته

ورجعنا مع حلقة جديدة من برنامجنا

سكوت هندردش

ومعانا ضيف مميز جدا
معانا نائب الادارية المنتخبة


Sad Єyes






اهلا بيك معانا وميرسى اوى لقبول الاستضافة

اولا عرفنا بنفسك


اهلا وسهلا بيكي وسعيد بالدعوة الجميلة دي

اسمي محمود محمد وسني 20 سنه من محافظة اسيوط
وعضو هنا بقالي اكتر من 4 شهور بشوية
بس كده

قولنا بقا ازأى عرفت بنات مصر ؟؟


من خلال العضوة ريرو والعضوة ملاك
كنا وقتها سايبين مكان سوا وهما اللي اختاروا المنتدي هنا
فجينا كلنا هنا اهو

طب احكلنا عن بداية وجودك فى بنات مصر ؟؟

اممممم في البداية كنت مستغرب المكان جدا اكيد وكل اللي فيه
وكان في كذا حاجه مش تشجع وانا كنت متردد
المنتديات معروف فيها ان الجديد بيتعذب منا ما يظهر
ودايما الكوادر القديمه بس اللي تظهر وبتبان وبتلاقي قبول
فما بالك اما يكون منتدي كبير وفيه ناس كتيرة جدااااا معروفه
بتكون الصعوبة اكبر بكتير ومهما شاركت مش هتلاقي فرصة كويسة
كان بيدايقني جدا موضوع الردود السطحيه لدرجه متتخيليهاش انا كنت بتعصب منه
اما مثلا تدخل قسم وتقرا وتشارك وتدي رايك في كام موضوع في القسم
وييجي اي عضو يقوم رادد في كل مواضيع القسم القديمه والجديدة بشكرا او يسلمو والكلام دا
ولا يقرا ولا يشارك ولا يقول راي ولا بيعرف تواريخ المواضيع
انت تتعذب في كام مشاركة وهو في 10 دقايق يرد في القسم كله
حاجه حقيقي بتشل هههههههه كنت مخنوق جدا من دا
بس بدات اشارك وانتشر علي قد ما اقدر
بقيت مشارك في مسابقات وبدات افوز فيها
والفائز دايما بيشد النظر فانا فزت بكذا مسابقة
وكان عندي اهتمام كويس في البدايه بالمصارعه وآدم و الكورة
ومن خلالهم وخلال المسابقات ظهرت في المنتدي اكثر
لان المسابقات بتخليك تنتشر في اقسام كتير جدا
وبدأ يتعرف ان في عضو بالاسم كذا
وبقيت ببقي ضيف في كذا برنامج وبعمل انا كمان وبشارك
لحد ما اخدت عضوية التميز بعد اشتراكي بحوالي شهرين
وبعدها بشهر اخدت الاشراف وأقل من شهر بقيت نائب اداري منتخب اهو
بصراحه مكنتش متخيل الحاجات دي كلها ورا بعض كده بالسرعه دي
بس الحمد لله ماشيه معايا حلاوة هههههه


لا ماشاء الله من نحية حلاوة فهى حلاوة اوعى تفهمنى صح انا مش بقر ولا حاجة ^_^

تعالى بقا واحكلنا ازاى عرفت حوراء ؟؟

ههههههههههه لا مش هفهمك صح
اممممم في البدايه علي ماظن كان في مسابقة تلوين هيا عاملاها
وانا شوفتها قمت اشتركت فيها وبعتت تلوين
وخسرت طبعا هههه ماخدتش غير صوت واحد بطريقه عجيبة ههههه
المهم الصوت دا كان حوراء واتكلمنا شوية في الموضوع دا
بعدها بفترة هيا بعتتلي تستضيفني في مجلة بتعملها وقتها مجلة المنتدي
انا طبعا اتبسطت جدا بالاستضافه دي ووافقت اكيد
وعرضت عليها كمان اني اساعدها لو في حاجة ممكن اقدر اعملها
بس فبقيت ببعت الاسئلة للناس بخصوص المجلة لحد ما خلصت المجلة وكنت الضيف فيها
كمان بعدها اتكلمنا كذا مرة بخصوص كذا حاجة في المنتدي
وانا كلمتها كذلك عن ترشحها في الانتخابات اللي فاتت وليه خسرت في نظري
وعرضت كذا نقطة بالنسبالي كنت مستغربها فيها وهكذا
فضلنا من فترة لفترة نتكلم بس مش اوي
لحد ما بعتتلي في يوم انها هتتشرح وانها عايزاني نائب معها
وانا وافقت وبدانا نتكلم بشكل اكبر ونخطط لحاجات لحد ما فزنا بالانتخابات
وبس كدة زادت معرفتنا بعدها ومبقيتش ضعيفه زي الاول

طب ليه وافقت انك تكون النائب وانتا عارف انها خسرت اكتر من مرة ؟؟

امممم من اللي شوفته منها انها عندها الجودة والقدرات والاسباب
اللي ترجح كفتها وتخليها تفوز
كل الحكايه عرض جيد للقدرة والجودة دي
انها تظهر بشكل كويس يقربها من الناس ويعرفوا حقيقتها ويلاقو فيها اسباب تفوزها
انا شوفت في نفسي اني ممكن اكون اضافه واني ممكن اغير من شيئ
وفي الاخير اني هقدر اغير من النتيجة بتاعت كل مرة دي
والحمد لله اهو دا فعلا حصل
كنت قولت ان فى كذا نقطة مستغربها فى حوراء بخصوص الانتخابات نقدر نعرفهم ؟؟؟؟

الحقيقه لا مش هقدر اقول نقط استغرابي اللي كانت بخصوص ترشحها اللي قبل دا
لان ممكن ببساطه نتطرق لسيرة حد وانا مش حابب دا وميخصنيش خلاص
انا اللي يخصني الترشح اللي كانت معي فيه واللي الحمد لله
اتنافينا كل النقط اللي كانت في نظري سبب خسارتها قبل كدة

كنت شايف مرحلة الانتخابات تجربة وهنعدى ولا ايإ وكان رأيك فى نسبة نجاحها ؟

اممممم مش فاهم الجزء الاول في السؤال للدرجه
بس اقدر اقول انا كنت بتعامل مع الانتخابات بطريقه غلط شوية بصراحه
ادتها مساحه كبيرة من وقتي ومن نفسيتي لدرجه اني تعبت فعلا منها
ومكنتش حابب اي شيئ بعدها وبقيت مش مستريح للدرجه هنا بسببها

اما عن نسبه الفوز فانا من اول الترشح وانا حاسس ان الانتخابات من نصيبها
مش تقليل من حجم المنافسه وقوة المتنافسين لانهم فعلا اقوياء جدا وليهم وضعهم واحترامهم هنا
وشعبيتهم كبيرة جدا
بس انا ككل من اول يوم كنت حاسس انها ليها وان المرة دي وقتها وان الفوز هيكون من نصيبها
حتي لما خرجت المرحلة الاولي بمركز اول بفوز غير حاسم متغيرتش نظرتي
وكنت شايف برضوة ان الفرصه عندنا كبيرة والاكبر مش مجرد كبيرة

ايوة بس اكيد احساسك انك هتفوز خلتك تزيد من الاهتمام دا

دلوقت احكلنا فن الكواليس الى حصلت بينك
وبين حوراء ووقت المناظرة وايام الانتخابات


مش عارف الثقه في الفوز ولا الرغبه في الفوز اللي كانت بتقودني لاني بدي الاهتمام دا
في الحالتين مكنش صح

خلف الكواليس امممم يعني كنا بنتناقش دايما وفي كل شيئ
واوقات كتير بنتعصب من مواقف وبنهدي بعض وبنطلب الهدوء
واوقات بنخطط لقدام مع ان الانتخابات مكنتش خلصت بس كنا بنقول هنعمل كذا وهنقسم علي كذا
يعني من دا علي دا مفيش مواقف كبيرة للدرجه تتذكر
وان جيتي للحق فتره الانتخابات فتره انا حابب مش افتكرها



ايه رأيك فى هدية فرح لحوراء وبما انك النائب هتقبلها ولا ايه يكون رد فعلك ؟؟؟؟؟


رأيي سبق وقلته في نفس الموضوع وقتها في ردي
انه كان تصرف غريب منها وان مفهوم الهدية غلط عندها
وان الهدية الصح اللي ممكن تتقبل هيا التهنئه من القلب و انها تقولنا ربنا يوفقكم
دي الهدية اللي ممكن تتقبل لكن غير كدة اكيد لا
بدال ما الكل يقف مع اللي موجود بتلاقي اللي بيهاجمه من قبل اي شيئ
عالعموم هيا عملت دا دلوقت واللي حصل اتمحي وملهوش وجود في الحاضر


طبعا مش الكل هيتفق على حد واحد بس اهم شىء طريقة التعبير

وايه رأيك فى كلام فرح ان حوراء مش اد مسؤلية ادارى منتخب
وحكمت عليها من خلال موقف ما رفضت تقوله

اكيد محدش هيتفق عليه الجميع دا الانبياء متفقش عليهم الكل
هيقدر حد انه يعمل دا اكيد لا
بس الاهم طريقه التعبير زي مانتي قلتي

هو انا مش عارف الموقف اللي اتكلمت فيه
فمش عارف مدي تأثيره علي الرأي للدرجة
لكن ككل انا عندي ثقه في حوراء انها قد المسئولية اللي هيا فيها
والا مكنتش دعمتها من البداية وبقيت وياها

ودا اكيد اإم شىء فى الاتحاد بينكم
مرة قولت لحوراء ان شغلها كويس اوى بس
اعتقد انك عندك افضل من كدا
وانا واثقة فى كدا وردت قالت لسا فى كتير
بس انتوا فى البداية قولنا بقا ايه هو الى لسا هيظهرلنا وشغالين عليه دلوقت ؟؟؟

اكيد في افضل كتير للحظه انا مش معتبر شيئ اتعمل
بالنسبه للتحضير كذلك وعلشان الامانه انا مفتحتش الاسبوع دا بشكل يكفي علشان اقدر اقول بنجهز
الحقيقه يعتبر انا خذلتها شوية فيه وبعدت وانفصلت بشكل ما عنها فيه
لو عليا شخصيا فانا عارف اني كنت محتاج الوقت اللي قفلت فيه دا
ومش متاكد من انه كان كافي ليا ولا محتاج وقت اطول
لكن يعتبر خذلتها في دا بس اهو يعتبر جيت ونقدر نكمل وقت ما وقفنا

طب تقدر تقولنا ايه سبب غيابك وهل ليه علاقة بالمنتدى ؟؟

امممم سبب الغياب غير محدد للدرجه وااه بدرجه كبيرة له علاقه بالمنتدي
انا مليت شوية وزهقت من حاجات كتير
وكذا حاجه زعلتني الفتره دي وانا فعلا مش ناقص زعل
امال انا بقعد الوقت دا كله علي النت ليه ؟
علشان ناقص زعل وبدور علي حاجات تعكنن عليا ؟
اكيد لا طبعا وكل واحد فينا فيه اللي مكفيه
ولما حسيت اني انفصلت بدرجه كبيرة في النت وانه بيضر
مبقاش عندي الرغبه اني افتح واني ادخل هنا
فتجنبت دا بس كدة

عايزين نعرف رأيك فى ادارة المنتدى قبل ما تبقى ادارى منتخب وبعد الادارى المنتخب ؟؟؟

اممممم يعني يعتبر الاثنين زي ماهم لحد ما
مش في كل مرة هتفق ولا هختلف مع الاداره
انا قبل ترشحي كان عندي نقاط اختلفت مع الاداره فيها
واللي هيا مثلا زي العصابات وزي الوثيقه وزي فتره الحظر الجائر اللي تمت
ودي لسه زي مانا مختلف معهم فيها ولسه عند رايي
اما بعد ما بقيت نائب اداري يمكن بدات اشوف خلف الكواليس حاليا
واشوف مواقف اكثر من اللي بيشوفه العضو العادي
وافهم شخصيتهم واسلوبهم وطريقتهم اللي مش بتظهر غير في الكواليس
اه في نقط مختلف معهم
لكن المجمل في شيئ كويس بيتم فعللا في الاداره وانا شوفت دا


عايزين نعرف من وجهة نظرك ايه اكتر شىء بيجذب الاعضاء ؟؟؟

اللي بيجذب الاعضاء في المنتدي
امممممم بعيدا عن اسمه اللي جايب كل شباب البلد
حجم الاعضاء والتفاعل اللي فيه
الجزئيه دي فعلا تقدر تجذب ناس كتير جداا
لان المنتدي فيه كميه اعضاء كبيرة بتدخل كل يوم
وناس مميزة فعلا في فكرها واسلوبها
وكميه الردود والمواضيع الكبيرة جدااا اللي بتنزل يوميا
اظن دا العامل الجاذب الاكبر اللي في المنتدي


اه الاسم دا فى عضوة حابت تناقش موضوع اسم المنتدى
وازأى الشباب دخلوا عليه من البداية
وكتير اتهرب ولف ودار وموصلناش لحل ^^
انا عايزة اعرف ايه اكتر شىء بيجدب الاعضاء من وجهة نظرك يعنى من ناحية المسابقات
الحوارات والنقاش نوعية المشاركة مش بشكل عام ؟؟؟


هههههه اها عارف شوفت الموضوع ورديت فيه كمان
بالنسبه لسؤالك بصراحه شديدة المشاركات مش ممكن تجذب حد ابداا
لان كميه السطحي والباهت مغطي علي المنتدي
مش هقول كل طبعا لان في ناس مميزه في النص لكن الوضع بيقول الاغلب كدة
فهنتفق علي ان الردود لا يجذب
نوعيه النقاش ممكن بس مش للدرجه اللي هيا
اما المسابقات فدي ممكن فعلا بتشكل جذب كبير جدا للمنتدي
لان المنتدي دايما فيه كميه مسابقات كبيرة وفيه تجديد في دا وفيه كمان حصريات زي اللي بيعملها طارق
يعني ممكن اضيف المسابقات للاسباب اللي وضعتها في ردي اللي فات

دلوقت عايزين نعرف ايه الى ناوى تعمله كنائب الادارى وايه ناوى تعمله بعد الادارى المنتخب

اللي ناوي اعمله كنائب اداري يعتبر مدروس الي حد ما لفترة قدام
يمكن اغلبه اشياء بسيطة المضمون لكنها في نظري كبيرة المعني
وانا مجهز لكام حاجة لو تموا زي ما اتمني وكانو كل اللي عملته هكون مبسوط بدا

بالنسبه للي ناوي اعمله ككل
انا حاليا مش مرتاح للدرجه ودي حاجه قلتها فوق
حطيت قدامي خيارين دلوقت واحد لفوق وواحد لتحت
مش محدد انهي خيار الافضل حاليا
لكني بفكر جديا ف الموضوع دا ومش مستبعد اي شيئ
لان في الاول والاخير كله بيتمني الافضل لنفسه




طب عايزين نعرف شوية عن طموحك وايه ناوى تعمل فى حياتك العاديى خارج المنتدى ؟؟؟

الطموح للاسف نقطة سلبيه كبيرة في شخصيتي
مش لاقي طموحي ولا المجال اللي بتمناه لنفسي لحد دلوقت
اقدر اقول عايشها سبهله للحظه دي
الارجح منتظر لحد ما اتم 21 واخرج من تحت وصايه اي حد
ووقتها هسعي ورا احلامي والاقي طريقي اللي مستعد اعمل اي شيئ علشان اعديه وقتها
الحدوته واقفه علي التوقيت واديني في الانتظار وبعدها هيكون في شخصيه تانيه
طبعا كان ليك مدونة فى صفحات مكشوفة وحذفتها ممكن نعرف ايه السبب ؟؟

ببساطة حستها مبقتش بتعبر عني في المجمل
ااه في ردود فيها عبرت عني وعن تفكيري
وفيها ردود كانت عزيزة عليا
بس ككل المدونه مبقتش بتعبر عني ومبقتش مرتاح فيها
يمكن قله راحتي ككل من المنتدي الفترة الاخيرة انعكست عليها
بس انا بحب القسم وعندي رغبه اني اشارك فيه
مبقتش قادر البي الرغبه دي في صفحتي
فحذفتها وهبقي انزل صفحة غيرها تعبر عني اكثر

ودلوقت اتفضل المايك ولو حابب تقدم اى كلمة لاى عضو تريده


اممم معنديش كلمه لاعضاء للدرجه بس هحاول
كالعادة ولان دول الاقرب والاحب ليا هنا في المنتدي اكيييييد
ريرو ورول
بقول ربنا ما يحرمني من وجودكم ولا يفرق شملنا شيئ في يوم
واتمني تدخلو وتشاركو زي الاول
لان المنتدي عمره ما بيكون من غيركم حاجة بالنسبالي

آنجل سمايل

اشتقت لكلامنا ووجودنا سوا فعلا
هو احنا زي ماحنا ولا مبقناش كده ؟
هنستني الاجازة علشان نعرف
اتمني اننا زي ماكنا هنكون

ميرو
اخر الايام مكنتش انت للدرجه لكنك بدأت تستعيد نفسك اخيرا
بعتذرك اتهزت معرفتي وثقتي معك من موقف
ودي كانت غلطة
لانك فعلا انسان محترم واخلاقك دايما عاليه
ربنا يوفقك ويديك دايما علي قد نيتك

حوراء

كوني اللي متوقعه الناس منك
واللي انتي عايزاه لنفسك
وهتنجحي كويس اووي

بس كدة


ممكن نعرف كلامك لانجل سمايل بصفتك صديق ولا شئ أخر ؟؟؟

ههههه غريب السؤال
مكنتش متوقعه
لا مش شيئ اخر
انا بعتبرنا اكثر من مجرد معرفه ولا صداقة واننا شيئ اخر
بس مش الاخر بتاعكم دا اخر بتاعنا احنا

احنا بتوع الغريب دايما يعنى مش الاخر بتاإنا اوك ماشى ^^



ههههههههه اها مش الاخر بتاعكم
ماشي يا بتوع الغريب

فى نهاية برنامجنأ حابة تقول رأيك فى البرنامج


برنامج رائع جداا يا شيماء واسئله بطريقتها عجبتني جدا
حلو موضوع الاسئله اللايف علشان لو في تعقيب علي اي جزئيه يبقي في فرص
وانتي استغليتي دا بشكل كويس جدا
سعيد اني كنت ضيف في برنامج الجميل دا
واتمني الحلقه تكون جميلة وتلاقي قبول الناس



وهنا تكون انتهت حلقتنا
مع ضيف مميز جدا ورائع جدا


انتظرونا مع حلقة جديدة
وضيف جديد

تحيييياتى

شيمـت Hearts Whisper ــاء


E]








التعديل الأخير تم بواسطة Hearts Whisper ; 02-21-2013 الساعة 03:38 PM
  رد مع اقتباس
قديم منذ /02-21-2013, 02:28 PM   #2

 

 رقم العضوية : 13962
 تاريخ التسجيل : Feb 2009
 الجنس : ~ ولد
 المكان : مصر
 المشاركات : 18,573
 الحكمة المفضلة : سأل الممكن المستحيل : أين تقيم ؟ فأجابه في أحلام العاجز
 النقاط : morshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond repute
 درجة التقييم : 2964942
 قوة التقييم : 1483

morshooo غير متواجد حالياً

 

 

 

أوسمة العضو
افتراضي

منورين يا شباب

طبعا الحوار مميز جدا

وساد ايز ماشاء الله علية

صاحب فكر مميز فى المنتدى

بس لسة مستنين منك انتا وحوراء

اكثر من كدا وخالى بالك ان الوقت بيجرى بيكم

انتو فى بداية حصولكم على المناصب شوفنالكم

افكار وانا كنت مستغرب انكم عايزين تعملو كل حاجا

فى يومين بس انا عن نفسى اعتبرتها فرحة الحصول على المنصب

شغل الادارى والنائب مش تركيب بنرات والا ردود على المواضيع فقط

ولكن اكيد تنشيط المنتدى ودا انا متاكد انكم هتعملوة الفترة الجاية .

طبعا المتالقة صاحبة البرنامج مميزة كالعادة

باسلوبها واسئلتها ^_^

اتمنالك التوفيق دائما

تحياتى







  رد مع اقتباس
قديم منذ /02-21-2013, 02:29 PM   #3

OopSs

عضوية التميز

 

 رقم العضوية : 89846
 تاريخ التسجيل : Oct 2012
 الجنس : ~ أنثى
 المشاركات : 6,641
 الحكمة المفضلة : عامل الناس كما تحب ان يعاملوك
 النقاط : ❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute❀ ЯeRōŎō ❀ has a reputation beyond repute
 درجة التقييم : 292614
 قوة التقييم : 147

❀ ЯeRōŎō ❀ غير متواجد حالياً

أوسمة العضو
افتراضي

اووووووووووووووووبس بقي محمود ^ ـــــــــــــــ ^

اولا استضافه حلوه يابنوته بصراحه

ومحمود انت بقيت تعشق الرغي اتغيرت يامحمود ههههههههههههههههه لالا بس مش تقلق انا قريت الموضوع كله المره دي

اجاباتك جـــــــامده الحقيقه حقيقه وده العادي بتاعك علي فكره ( اي خدمه بقول كلام حلو اهو )

وبجد بأمانه انت في فتره قصيره قدرت تثبت وجودك بجداره فعلا ^ ـــــــــــــــــ ^







  رد مع اقتباس
قديم منذ /02-21-2013, 05:52 PM   #4

مشرفـه سابقة

 

 رقم العضوية : 91395
 تاريخ التسجيل : Sep 2008
 الجنس : ~ أنثى
 المشاركات : 6,410
 النقاط : طِيشْ ! has a reputation beyond reputeطِيشْ ! has a reputation beyond reputeطِيشْ ! has a reputation beyond reputeطِيشْ ! has a reputation beyond reputeطِيشْ ! has a reputation beyond reputeطِيشْ ! has a reputation beyond reputeطِيشْ ! has a reputation beyond reputeطِيشْ ! has a reputation beyond reputeطِيشْ ! has a reputation beyond reputeطِيشْ ! has a reputation beyond reputeطِيشْ ! has a reputation beyond repute
 درجة التقييم : 1695349
 قوة التقييم : 848

طِيشْ ! غير متواجد حالياً

أوسمة العضو
افتراضي

منور يا محمود يلي مطلع عنينا بأجمد مشارك بتاعك دآ ><

فعلا و الله الردود السطحية دي كريهة بشكل مش طبيعي ..

تشل تشل يعني ..^^

يسلمووو و شكرا و خلاص على كدآ

طب أوك موضوع فساتين و صور و كدا ماشي

بس مش نقاش وحوار يقوم داخل لازق الكلمتين دول

منور يا محمود تاني مره

و إن شاء الله تلعلوا إنت و حوراء

و بداية مشرقة و نشيطة منكو

بالتوفيق

يسلمووو يا شيماء

ودي ووردي







  رد مع اقتباس
قديم منذ /02-21-2013, 06:26 PM   #5

من مبدعى المنتدى

 

 رقم العضوية : 72258
 تاريخ التسجيل : Jul 2011
 العمر : 22
 الجنس : ~ بنوتة
 المشاركات : 13,878
 الحكمة المفضلة : من رحل لن يعود فلآ تهتم لآمره :)
 النقاط : تجملت بالعفآف has a reputation beyond reputeتجملت بالعفآف has a reputation beyond reputeتجملت بالعفآف has a reputation beyond reputeتجملت بالعفآف has a reputation beyond reputeتجملت بالعفآف has a reputation beyond reputeتجملت بالعفآف has a reputation beyond reputeتجملت بالعفآف has a reputation beyond reputeتجملت بالعفآف has a reputation beyond reputeتجملت بالعفآف has a reputation beyond reputeتجملت بالعفآف has a reputation beyond reputeتجملت بالعفآف has a reputation beyond repute
 درجة التقييم : 2756845
 قوة التقييم : 1379

تجملت بالعفآف غير متواجد حالياً

 

 

 

 

 

أوسمة العضو
افتراضي

خلقه جميله اوى

واجابات اجمل من ساد

يسلموا على الحلقه بنتظار المزيد







  رد مع اقتباس
قديم منذ /02-21-2013, 07:13 PM   #6

مشرفة آدم سابقا

 

 رقم العضوية : 91773
 تاريخ التسجيل : Feb 2013
 العمر : 31
 الجنس : ~ بنوتة
 المشاركات : 8,479
 الحكمة المفضلة : تَعَلَّمْتُ مِنَ آلِإنْتِظَآرْ أَنّ لَآ أَنْتَظِرْ سِوَئ ـآ [ رَحْمِــةْ رَبـِّــيِ ]
 النقاط : حالمة باميرى has a reputation beyond reputeحالمة باميرى has a reputation beyond reputeحالمة باميرى has a reputation beyond reputeحالمة باميرى has a reputation beyond reputeحالمة باميرى has a reputation beyond reputeحالمة باميرى has a reputation beyond reputeحالمة باميرى has a reputation beyond reputeحالمة باميرى has a reputation beyond reputeحالمة باميرى has a reputation beyond reputeحالمة باميرى has a reputation beyond reputeحالمة باميرى has a reputation beyond repute
 درجة التقييم : 33043
 قوة التقييم : 17

حالمة باميرى غير متواجد حالياً

أوسمة العضو
افتراضي

حلقة حلوة اوى وابن بلدى منور الحلقة

بالتوفيق للجميع ومنتظرين ضيف جديد







  رد مع اقتباس
قديم منذ /02-21-2013, 07:49 PM   #7

مميزه لنشاط العـــــام

 

 رقم العضوية : 89329
 تاريخ التسجيل : Sep 2012
 المشاركات : 5,222
 الحكمة المفضلة : فى دكاترة اسلوبها فى النصيحة يخليك تستمر فى الغلط أصلاً :p
 النقاط : ๓αℓάҝ has a reputation beyond repute๓αℓάҝ has a reputation beyond repute๓αℓάҝ has a reputation beyond repute๓αℓάҝ has a reputation beyond repute๓αℓάҝ has a reputation beyond repute๓αℓάҝ has a reputation beyond repute๓αℓάҝ has a reputation beyond repute๓αℓάҝ has a reputation beyond repute๓αℓάҝ has a reputation beyond repute๓αℓάҝ has a reputation beyond repute๓αℓάҝ has a reputation beyond repute
 درجة التقييم : 1517481
 قوة التقييم : 759

๓αℓάҝ غير متواجد حالياً

أوسمة العضو
افتراضي

بسي بقى ربنا يوفقك يا محمود حقيقي في حياتك الأول و بعد كده المنتدي
حلقة جميلة و الإجابات طويله بس قرأتها ههههههههه
تتحسد يابني تعالي ابخرك
و ان شاء الله تتدوم الصحبه الحلوه

شيماء تسلمي علي الحلقه الجميلة دي
في انتظار الضيف الجديد ^^







  رد مع اقتباس
قديم منذ /02-21-2013, 08:40 PM   #8

موقوف
 

 رقم العضوية : 21701
 تاريخ التسجيل : Jun 2009
 الجنس : ~ رجل
 المكان : هي عنـــــواني
 المشاركات : 10,706
 الحكمة المفضلة : يؤجل الله أمانينا ولا ينسـاها
 النقاط : Mr. M ! r o has a reputation beyond reputeMr. M ! r o has a reputation beyond reputeMr. M ! r o has a reputation beyond reputeMr. M ! r o has a reputation beyond reputeMr. M ! r o has a reputation beyond reputeMr. M ! r o has a reputation beyond reputeMr. M ! r o has a reputation beyond reputeMr. M ! r o has a reputation beyond reputeMr. M ! r o has a reputation beyond reputeMr. M ! r o has a reputation beyond reputeMr. M ! r o has a reputation beyond repute
 درجة التقييم : 2210268
 قوة التقييم : 0

Mr. M ! r o غير متواجد حالياً

أوسمة العضو
افتراضي

لا حقيقي الاستضافه اكتر من رائعه يا شيماء ..

خصوصا ان الحلقه بتتضمن وجود شخص بحجم محمود ..

اما عن اهتزاز معرفتك بيا يا محمود .. فانا معنديش تعليق مناسب لكلامك ..

لكن زى ما بقول ديما ..

مينفعش نهز ثقتنا بالناس من خلال موقف عابر ..

واهلا بيك فى اى وقت وولا يهمك ..

اشكركم ..







  رد مع اقتباس
قديم منذ /02-21-2013, 08:47 PM   #9

الإدارة العامة سابقا

 

 رقم العضوية : 55979
 تاريخ التسجيل : Oct 2010
 الجنس : ~ أنثى
 المكان : مصـــــــــر
 المشاركات : 74,559
 الحكمة المفضلة : وما من كاتب إلا سيبلى ...ويبقي الدهر ما كتبت يداه فلا تكتب بكفك غير شيء...يسرك في القيامة أن تراه
 النقاط : دمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond repute
 درجة التقييم : 14977956
 قوة التقييم : 7489

دمعه حائره غير متواجد حالياً

 

 

 

 

 

MY MmS

أوسمة العضو
افتراضي

حوار رائع مع عضو اثبت وجوده بشكل واضح وكسب ثقة الجميع
اجابات جميله وعرفتنا جانب كبير من شخصية محمود
نورت الحلقه اخى وربنا يوفقك
تسلمى شيمو مجهود عالى ومميز







  رد مع اقتباس
قديم منذ /02-21-2013, 08:55 PM   #10

نائب ادارى سابقا
 

 رقم العضوية : 73695
 تاريخ التسجيل : Aug 2011
 العمر : 26
 الجنس : ~ بنوتة
 المكان : مصر
 المشاركات : 31,941
 الحكمة المفضلة : Caring tires me , So .. I WONT care
 النقاط : Lost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond repute
 درجة التقييم : 2321329
 قوة التقييم : 1161

Lost Pearl غير متواجد حالياً

أوسمة العضو
افتراضي

كريييييم نورت الحلقة حقا

و قلتلك مش تضايق و فكر فـ حاجة و اعملها الزهق هيروح ده اكيد

علي موضوع السن بقي فـ انت تقدر تعمل اللي انت عايزه فـ اي سن علي فكرة

انا مش مقتنعة انه تمشي ورا احلامك بعد ال 21 بس

و بعد كدة متعلقش نفسك اوي بالانتخابات لأن جوها متعب كتير

ربنا يوفقك دايما يا باشا ،،

تحفة الاسئلة يا شيماء بجد و حلو الطريقة اللي بتعرضيهم بيها

فـ انتظار الحلقة الجاية بإذن الله







  رد مع اقتباس
إضافة رد

الكلمات الدلالية (Tags)
التانية, الحلقة, سكنت, sad, هندردش, ومعانا, €yes


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
سكووووت هندردش الحلقة الاولى ومعانا morshooo Hearts Whisper منتدى يوميات الاعضاء 32 02-15-2013 03:09 AM
الحلقة الثانية من برنامج انثى ملامحها انيقة ومعانا العضوة فتكات شجـرة الدر أرشيف برامج اليوميات 16 11-22-2011 08:31 PM
الحلقة التانية من شخصيتك من رسمتك ومعانا العسووولة دودو falta tanto amor منتدى هوايات الاعضاء 3 09-11-2011 08:08 PM
الحلقة التانية من برنامج (قاعدة صفا ) ومعانا.....AyouSha عاشقة ذكر الله مواضيع عامة - ثقافة عامة 11 07-16-2011 01:10 AM
الحلقة الثانية من برنامج (وجهة نظر) ومعانا (بنت مصر dodo 1992) Ќonto أرشيف برامج اليوميات 83 03-30-2010 03:54 PM


الساعة الآن 02:29 PM


Powered by vBulletin® Version 3.8.7
Copyright ©2000 - 2020, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w