لو كان ده جنان اتجنن

[єLмσsħαx]

لو كان ده جنان اتجنن


ازيكو يايارجالة يا جامدين اوى
المهم الجواب باين من عنوانه افتكر اول ما شوفتو العنوان
دا اكيد جه فى بالكو اعلان ايه ايوه شاطرين
اعلان كوكا كولا بغض النظر النظر ان فى ناس بتحب بيبسى

المفيد بقى وهوا لو كان ده جنان اتجنن عجبتنى اوى الفكرة وقولت ليه منبقاش مجانين سورى يعنى مش شتيمه قصدى نعمل حاجه غير معتاده وتكون وسيله تفرح بيها ناس حواليك
افكار كتيره وبسيطه اوى ممكن نعملها نفرح بيها الناس اللى حوالينا انا شوفت افكار عجبتنى اوى ولو اى حد عنده فكره جديده ياريت يقولهالنا ولو حد عمل اصلا اى حاجه ياريت يقولنا على التجربه دى


قـــــــــــرر أنك تخلص القران كله ف 3 أيام بس
فى غير رمضان حتى لو كنت من اللى مش بيقدروا
يختمـــــــوا القرأن أصلا فـ رمضان

( لو كان ده جنان اتجنن)

روح بوس إيد أمـــــــك بدون أي سبب
ولو أستغربت

وسألتك بتعمل أيـــــه ؟

قولها ببوس الجنـــــــــــه ♥

( لو كان ده جنان اتجنن)

كـــــــــل ما تصلي مع بباك في المسجــــد
أطلع قبلـه وخذ جزمتـه وأستناه عنـد الباب
ولو سألك عملت كده ليـــه

قولـه : أساسا أنــــا ليكـ
مهو الرسول ( صلى الله عليه وسلم ) قال
أنــــــت ومالكـ لأبيكـ ♥

( لو كان ده جنان اتجنن)

كـــــــــل ما تشوف واحـده في أي مكان
بتشيل حاجه خليك راجل أتقدم وقلهـا لو سمحتي
أوصلهولك وشيله منهـا

ولو حتركب عربيه أو حتعدي من مكان متعديش
غير كل البنات والستات يعدوا ويستريحوا

هتعجبكو دى انا عارف
ولو سألوكـ بتعمل كده ليـه

قولهـا : ما أكرمهـن إلا كريم ♥

( لو كان ده جنان اتجنن )

كل ما تكون مــروح البيت في عز الظهـر أشـــتري ازايز ميه معدنيه
أو أي حاجه ساقعه ووزعهـا على كل حـــــــد تصادفه شقيان في عز الظهر
( بذات عمال النظافه ) وقولـهم يديكــــــــم العافيه ♥

( لو كان ده جنان اتجنن )

أشحــــــــن كرتيـــــــن تلاتــه وسميهم كروت صلة الرحم
وخلي 4 ساعات في الأسبوع تكلم فيهم كل قرايبك اللي مش
بتسأل عنهـم غير من السنة للسنة

ولو أستغربوا بتتصل ليه

قلهـم أنا بتصـل بربنـا ♥

( أنا الرحمن الرحيم ، و إني شققت للرحم من أسمي ، فمن وصلها وصلته ) # حديـث قدسي

( لو كان ده جنان اتجنن )

لمـا تيجي تركب تاكس أو سرفيس وتلاقي السواق
مشغل أغاني مش كويسه

أشترط عليه و قوله معلش أطفي الأغاني
لو مرضيش
متركبـــش

( لو كان ده جنان اتجنن )

قرر أنـــــك تكمـــــــــل يوم خصوصا في الشتا على وضوء

بحيث تتوضى بعد كل مره تفقد فيها وضوئك
وتصلي ركعتيـــــــن زي سيدنا بلال مع كل وضوء ♥

( لو كان ده جنان اتجنن)
قرر انك تاخد صحابك وتروحو لام من امهاات اصحابك وتساعدوها يوم فى البيت

( لو كان ده جنان اتجنن)

لو شغلك مدته 8 ساعات خليهم 9 او 10 ياراجل ..

( لو كان ده جنان اتجنن)

حاول تنظف الشارع بتاعك مع مجموعة شباب الشارع او حتي علي
الاقل الحتة اللي قدام بيتكم

( لو كان ده جنان اتجنن)

في حاجات كتير ممكن نتجنن بيها وتبقي مفيدة في نفس الوقت
لو كـــــــــــــان كل ده جنااااااان بالنسبـة لمجتمعنـا
أتجنـــــــــن وأدعي ربنــــــــــا يديم عليك نعمة الجنان لو هتبقى بالشكل دا

انا نفسى بجد كلكو تقترحو حاجه جديده وجايز نستفيد منها بحاجه وننفذها


الموضوع منقول لانه فكرته جميلة جدا

[ساحر الأحزان]

هو مش جنان ولا حاجة

بالعكس دة شىء جميل جدا

فى انك تعمل بالى فية

لان النفع مش حيعود عليك بس لحيعود على الى حواليك بكل خير

فكرة جميلة يا محمد

جزيت عنها كل خير

[الابتسامه المصريه]

هذا احلى جنان

[єLмσsħαx]

شكرا لمروركم

[سارية فى درب الرسول]

هو مش جنان هو اسلام

والاسلام ما جاء الا لرقى النفس وطهراتها

والعزيمه فقط هى الدافع لكل انسان كى يصبح مسلما حقا

جزاك الله خيرا

[رنين]

جميله اوووى

مش عارفه بقى جنان دلوقتى

المفروض يبقى ده عين العقل

مفيش اجمل انك تفيد غيرك وتدخل السرور على قلبه

تسلم على مجهودك وان شاء االله نحاول ننفذ ال نقدر عليه

[الأميرة رودي]

ده مش جنــان ده قمه العقل والاسلام
انا بيعجبني اوي الاعلآن ده الهدف منــه
فعلا لو كل واحد فينا فكر يعمل شئ مختلف غير مألوف بس يكون كويس ويفرح اللى حوالينا يكون شئ جميل
عجبنى هنا اكر من مثـــال أهمهم مثال الولد مع ابوه فى المسجد ومثـال تقبيل يد امهاتنا
ودي كمان عجبتنى اوووى : كل ما تكون مــروح البيت في عز الظهـر أشـــتري ازايز ميه معدنيه
أو أي حاجه ساقعه ووزعهـا على كل حـــــــد تصادفه شقيان في عز الظهر
( بذات عمال النظافه ) وقولـهم يديكــــــــم العافيه ♥


توبيك رائع يامحمد ولو الجنان بالشكل ده يبقى لآزم كلنا نتجنن
تسلم اخى بشكرك للانتقاء الرائع

[ناصرعبده]

بارك الله فيك

[صــمتى رفيقى]