دردشة واقتراح للدراسة .. كحل الكلمة وفعل يتواجد بكثرة

[აα∂ Ԑγεა]

السلام عليكم ورحمه الله وبركاته
ازي الجميع يارب تكونو بخير وبصحة

النهاردة حابب اتكلم وادردش معكم عن موضوع مهم
وموجود بكثرة وبيشغل تفكير العديد فعلا
هو انا الموضوع دا والفكرة دي في بالي من مدة طويلة
وأجلت الكلام فيها لفترة ما وحان الوقت انه يطرح

هحاول اقدم شيئ في اخر دردشتي اقتراح هحطه للدراسة من قبلكم
والاستفتاء اللي فوق دا عايز اعرف رأي الجميع من خلاله في الكلام ايه

الكلام عن ما يسمي بــ
المجاملة ؟
المحاباة ؟

دايما بنسمع الكلمات دي في خلال وجودنا في النت باستمرار
مهما اختلفت المنتديات والاعضاء والمسابقات
دايما بنلاقي الكلام موجود عن المجاملات
سواء موجودة فعلا المجاملة او لا هنلاقي كلام عنها وبكثرة

اممممم يمكن بكل بساطة كل فرد بيكون قصاد نفسه هو الاحق والاجدر
وفي الحالة دي اقدر اقولكم اني كفرد
شوفت نفسي الاحق قبل كدة والاجدر
واني اتظلمت في حاجات سابقة وكان في جور علي حسابي

اممممممم كذلك كل فرد بيكون شايف ان قراره هو الصح
وفي الحاله دي انا لو هحكم في مسابقة ولا شيئ وقيمت هشوف اني صح
واني مش حابيت حد تماما حتي لو تم دا فعلا بدون قصد الا اني هقول لا انا كنت صح
لان كله بيشوف انه صح برضوة زي ما كلة بيشوف نفسه الاجدر


الكلام عن المجاملة وزي اي منتدي تاني موجود عندنا بكثرة هنا
طبعا في تقاييم المسابقات والتكريمات اللي بتم وهكذا من امور
بيكون في دايما كلام عنها وعن ان في ظلم عن ان في محاباة ومجاملة

اللي اعرفه ان النفس البشرية في اساسها خير وان محدش بيفكر يميل لحد
وان في ضمير بيحكم تقييمنا دائما
لانه مهما كانت مسابقه بسيطة ولا تكريم مش هيفيدنا في شيئ
ومجرد رمزي معنوي مش اكثر
الا ان الشخص ف دورة كمقيم بيكون اكنه قاضي !
ومطلوب منه العدل والمساواه وهيتحاسب علي دا
واكيد كلنا عارفين دا وكلنا معندناش الرغبه في اننا نعاني من الحساب دا


اللي اعرفه برضوة ان البشريه بطبعها خطائه ومفيش فينا حد معصوم من دا
واعرف برضوة ان حتي لو مفيش في نية احد انه يميل ولا يحيد ولا يجامل احد
الا ان ممكن يحصل دا ويميل من غير ما يقصد بعقله الباطن
بناء علي صحوبيه ولا محبه ولا كره لاحد ما !!
الطبيعي لما نحب حد ولا نحترم حد اننا نشوف كل اللي بيعمله بنظرة حب واعجاب
واننا لما نكره حد ولا نبغضه اننا نشوف كل اللي بيعمله بنظرة عكس اللي فاتت تماما


طب الطرف الثاني اللي دخل المسابقة واللي داخلها كترفيه وتسليه مش اكثر ؟
هل هتفرق معه الحاجات دي مع انه داخل يسلي ويرفه عن نفسه
لو شاف انه انظلم وكان يستحق ؟
اقدر اقولكم شعور الفرد انه يستحق وانه اتظلم وانه كان في محاباة لغيره علي حسابه
هو شعور مدمر !
وقادر علي قلب الموازين كلها والعلاقات والصدقات والراحة في المكان !
وممكن يحسسه انه غريب ملهوش مكان ولازم يمشي !
فمش هستغرب لو شوفت صداقات وعلاقات انتهت بسبب دا
ولو شوفت ناس حبت تمشي لو حست ان دا تم عليها


بعد كلامي اللي فات دا
قبل ما هتكلم عن نظرتي الشخصية لهل وجود حل اما لا ؟
هطرح اسئلة مرة تانيه هنا
اسئلة في العموم سواء موجودة ااو غير موجودة المجاملة
سواء مبنيه علي واقع او علي سراب
هل عادي نسيب الكلام دا موجود ؟
هل هنقول يعم سيبك سيبك محدش بيرضي ابدا ومهما عملت مش هتقدر تقنع حد
وكله عاوز يفوز والا هيقول انا مظلوم !!
لو جبتلهم لبن العصفور مش هيقتنعوا وهتتعب نفسك علي الفاضي
هل عادي نسيب فرصه لمجاملة سواء بقصد ولا غير ؟
هل عادي نسيب للاعضاء خوف جواهم واحساس دفين بانه المجاملة بتسري في عروق المنتدي ؟

نظرتي بقي
انا شايف ان دورنا وواجبنا اللي لازم نعمله ونلتزم بيه
هو اننا نضمن بكل السبل الممكنه ان العدل دايما يرسي
وان المجاملة سواء بقصد او بدون قصد متلاقيش مكان وسطنا هنا
وان كل واحد يدخل مسابقة ولا يشوف تقييم ولا نتيجة خرجت
يحس ان العدل هو الميزان وان مفيش مجال لمحاباة ولا مجاملة في المنتدي هنا
وانه لو دخل في مسابقة فهو في ايادي امينه وسط مقييمين عادلين
ان المجاملة غير ممكنه ابدا هنا ومنبوذة من الجميع

طيب نعمل دا ازاي ؟؟
ازاي نضمن ان دا ممكن يحصل ؟؟

دا يوصلني لاقتراحي اللي تحت الدارسه اللي حابب اخد رأيكم فيه
وبقوله بسؤال :

هل ممكن نعمل لجنه تحكيم واحدة في المنتدي !
يكون مشهود لها بالنزاهه والامانه والعدل
اللي يجبر كل شخص انه يقتنع تمام الاقتناع ان ميزان العدل في المنتدي سائد
؟؟


دي الفكرة اللي عايز رأيكم فيها
اننا نشكل لجنه تقييم ثابته لكل مسابقات المنتدي
تحكم وتقيم اغلب ان لم يكن كل المسابقات والتكريمات في المنتدي
لجنه مشهود لافرادها بانهم علي اعلي درجات الامانه والاحترام والعداله
لجنه تجبر الكل انه يحترم التكريمات والجوائز ويحس انها عادلة جداا


آليه اللجنه وعدد افرادها ونوع اهتمامتهم وطريقة عملها
تحت الدراسه حاليا اهو
وفي بالي كذا تخيل ممكن تتم عليه اللجنه دي
تخيلات شايف ان ممكن توصلنا للي محتاجينه هنا
انا أجلت تخيلاتي ونظرتي الشخصية لدا دلوقت
علشان اسمع رأيكم الاول
ونظرتي للموضوع تبقي كاجابة لاي استفسار يتطرح
ورد علي اي سبب للرفض ممكن يتم


فسؤالي اللي عليه الاستفتاء فوق
هل هذه الفكرة مطلوبة و قابله للتنفيذ ام لا ؟

اتمني تصويت الجميع
وفي انتظار ارائكم
سواء بالايجاب او السلب
لكن
اتمني اللي شايف انها تتنفذ وصوت علي دا
يقول اسبابه ولو عنده اي اقتراح للآليه الخاصة بيها والطريقة يقولنا هنا

واللي شايفه انها مش ممكن تتنفذ واننا مش محتاجينها
وصوت علي دا يقولنا هنا كذلك ليه وايه اسباب تصويته بدا

باختصار محدش يكتفي بالتصويت فوق
لازم يكون لك رأيك وتطرح ليه ضغت علي التصويت فوق


وبناء علي التصويت والنقاش اللي بيتم والنقط اللي هتتذكر منكم
هقدر اقول هنخرج بآأليه للتنفيذ ولا لا
هل هننتفق مع بعض علي تنفيذ دا ولا هنطوي صفحه الموضوع
وندوس علي الزرار الاحمر له

احترامي للجميع

[نجم وزهره ومسافات فراق]

والله اخي الفاضل الكريم
انا بحييك اوي على توضيحاتك وشفافيتك الغير متناهيه
واللي اكيد نابعه من مواقف وتجارب ليك
وفعلا انا بتفق وياك جدا
ان تكون في لجنه فوق اللجنه
ويكون منها على الاقل 2 عضو من الساده الاداره
ولو اللجنه المنوطه بالمسابقه والاشراف عليها في الحاله دي
فكرت تجامل هتعمل الف حساب للجنه اللى وراها
ومن هنا بتكون نجحت الفكره في اعطاء كل واحد تعب كل الحق
ونقلل مش هنقول نلغي المجاملات انما تخف شويه
بجد فكرتك قيمه وثريه جدا وانا بتفق وياك تماما فيها
اشكرك اخي لمجهوداتك الصحيحه
ربنا يحفظك يارب
اخوك ادهم

[۩۩ elMagic ۩۩]

كلام كتير كاتبه يا محمود
انا مخدتش منه بصراحه الا اخر جزء منه
واللى هو بيشمل سؤال الموضوع اللى انت طرحته ...
فكرة عمل لجنه ثابته تحكم فى كل المسابقات هى فكره كويسه
ولكن بردوا هيكون فيه تشكيك فيها
يعنى على سبيل المثال
مسابقه اتعملت فى التصاميم سواء فوتو او فلاش
واللجنه مفيهاش ناس بتفهم فى المجال دا يبقى هتحكم ازاى ؟
انا هنا عايز اوصلكـ
ان مش كل المسابقات ممكن لجنه واحده ثابته تقدر تحكم فيها
وانما كل مسابقه بتتعمل فى مجال معين
بيتشكل لها من قبل صاحب المسابقه
لجنه خاصه بتفهم فى مضمون المسابقه المطروحه
علشان هما هيقدروا يحكموا بالعدل
ودا هو اللى سائد دلوقت فى المنتدى

للعلم
انا لسه مصوتش فى الموضوع
لغاية ما أقتنع بحاجه
علشان اصوت

تسلم محمود للمجهود
,,,

[აα∂ Ԑγεა]

اقتباس المشاركة الأصلية كتبت بواسطة نجم وزهره ومسافات فراق والله اخي الفاضل الكريم انا بحييك اوي على توضيحاتك وشفافيتك الغير متناهيه واللي اكيد نابعه من مواقف وتجارب ليك وفعلا انا بتفق وياك جدا ان تكون في لجنه فوق اللجنه ويكون منها على الاقل 2 عضو من الساده الاداره ولو اللجنه المنوطه بالمسابقه والاشراف عليها في الحاله دي فكرت تجامل هتعمل الف حساب للجنه اللى وراها ومن هنا بتكون نجحت الفكره في اعطاء كل واحد تعب كل الحق ونقلل مش هنقول نلغي المجاملات انما تخف شويه بجد فكرتك قيمه وثريه جدا وانا بتفق وياك تماما فيها اشكرك اخي لمجهوداتك الصحيحه ربنا يحفظك يارب اخوك ادهم

الاول تسلم يارب يا ادهم لكلامك الجميل دا
بالنسبة للتجربة اكيد جربت وكله جرب وعدت مواقف عليه جرب دا

اللجنه في التصور الحالي انها هتلم كل طوائف وفئات المنتدي
يعني هنلاقي فيها اعضاء اخضر عاديين
وهنلاقي اعضاء اصفر مميزين واعضاء مشرفين ومراقبين وهكذا

كذلك ان في كل مسابقة الناس اللي عندها خبرة واهتمام في مجال المسابقة من اللجنه
هيا اللي تقيم وتقدر المسابقة


الهدف كله اننا نحاول علي قد ما نقدر نقضي علي الظاهره دي
ونمنع اي فرصه لوجودها في اي حاجة في المنتدي
معرفش هل هتتطبق فعلا ولا لا
لانه كله واقف علي الاعضاء وظنهم وفكرتهم عن هل هتفيد ولا لا
وهل في قابليه للتنفيذ ولا لا
شخصيا مكنتش هطرح دا لو مش واثق انه يقدر يتم ويتنفذ
وانه هيفيد وهيغير كتير
ياتري الباقي ايه ؟


تسلم يارب لكلام حضرتك وسعيد ان الفكرة لاقت قبولك
وبتمني تلاقي قبول الباقي
تحيتي لك

[აα∂ Ԑγεა]

اقتباس المشاركة الأصلية كتبت بواسطة ۩۩ elmagic ۩۩ كلام كتير كاتبه يا محمود انا مخدتش منه بصراحه الا اخر جزء منه واللى هو بيشمل سؤال الموضوع اللى انت طرحته ... فكرة عمل لجنه ثابته تحكم فى كل المسابقات هى فكره كويسه ولكن بردوا هيكون فيه تشكيك فيها يعنى على سبيل المثال مسابقه اتعملت فى التصاميم سواء فوتو او فلاش واللجنه مفيهاش ناس بتفهم فى المجال دا يبقى هتحكم ازاى ؟ انا هنا عايز اوصلكـ ان مش كل المسابقات ممكن لجنه واحده ثابته تقدر تحكم فيها وانما كل مسابقه بتتعمل فى مجال معين بيتشكل لها من قبل صاحب المسابقه لجنه خاصه بتفهم فى مضمون المسابقه المطروحه علشان هما هيقدروا يحكموا بالعدل ودا هو اللى سائد دلوقت فى المنتدى للعلم انا لسه مصوتش فى الموضوع لغاية ما أقتنع بحاجه علشان اصوت تسلم محمود للمجهود ,,,

برط كتير انا صح احم احم من يومي

بالنسبه لكلامك استفسارك مهم
واكيد طبعا لازم تحط صوتك بناء علي اقتناع تام سواء رفض او ايجاب

الفكرة عموما قالت لجنه ليس معناه شخص ولا اثنين
انا حاطط الموضوع هنا علشان الجميع يقول رأيه ويدرس ويقترح
بخصوص الآليه اللي ممكن تخلي الموضوع دا ينجح

انت سؤالك اللي بنيت عليه مثالك كان :

اقتباس مسابقه اتعملت فى التصاميم سواء فوتو او فلاش واللجنه مفيهاش ناس بتفهم فى المجال دا يبقى هتحكم ازاى ؟

طيب ليه لا ميكنش في اللجنه ناس بتفهم جدا في المجال دا ؟

التصور الاساسي بيقول لجنه مثلا بتتكون من 10 اشخاص او اكثر
مختلفين الاتجهات والمناصب والاهتمامات
يعني يكون فيها ناس ليها توجهه واهتمام ادبي و كتابي
وناس فيها وليها اهتمام وتوجهه يخص التصميمات وخلافه
وناس من التوجهات التانيه
اعضاء اخضر عاديين واعضاء اصفر مميزين ومشرفين ومراقبين وهكذا
يعني تبقي لجنه مختلفة زي ما قلت

هل ال10 اشخاص ولا الاكثر دول
كلهم معندهمش القدرة علي انهم يحكمو نوع محدد من المسابقات ؟
الاجابه
العدد كبير علشان تبقي لا بكل تأكيد فيهم ناس عندهم القدرة علي دا
توسيع واختلاف دائرة الاختيارات علشان يكون كل الانواع ليها ناسها

انت بتقول ان الافضل هو اللي بيتم حاليا ان صاحب المسابقة يختار الحكام
واللي بيكون حسب مضمون المسابقة
طيب دا بيتنفذ حاليا ياتري ايه اللي موجود
اظن ان في كتير بيشوف ان في مجاملات
كذلك انا لو صاحب مسابقة وجيت اختار حد يحكم معايا
اظن الاغلب بيكون الاختيار مبني علي صداقه شخصية بيني وبين الحكم
يعني مثلا انا صديقي فلان هقوله تعال حكم يا فلان معايا في المسابقة
وممكن يكون فلان دا صاحب انا وهو لعلان اللي ضمن المتسابقين
حتي لو كان الافضل هيتقال كلكم صحاب
ولو مكنش الافضل هيصعب عليه اخسره اصلا هشوف انه الافضل لاني بحبه !
اللي بتقوله موجود حاليا
ومفيش نتيجة كويسة خارجه منه غير الاتهامات بالمجاملة

ليه ميكنش في لجنه محددة وناس معروفة
صاحب المسابقة يختار منهم هما نفسهم اللي عندهم الاهتمام بنوع المسابقة
يعني بدال ما يختار بنفسه ناس من اللي ليهم اهتمام وقدرة ف مجال المسابقة من قائمة اصحابة واصدقاءه والناس اللي بيستريحلها
يختار ناس عندهم القدرة والاهتمام بنوع المسابقة بس من قائمة المنتدي كله واثق فيها
؟
صاحب المسابقة نفسه ممكن يكون حكم من الحكام لو حابب
كذلك من اللجنه ناس محددة اللي هتقيم مش كل اللجنه
ودا بناءعلي توجه الحكم ومدي فهمه في المسابقة

يعني مثلا لو كنت انا في اللجنه
( وبكل تاكيد لا انا مش هكون )
بس مجازي لو كنت انا وجات مسابقة في الادب او التصميم
ايه يخليني اقيم وانا مليش في المجال دا اصلا ؟؟
اكيد مش هقيم والناس اللي في اللجنه اللي ليها في المجال دا هتقيم هيا

ماهو مش ال10 ولا الاكثر كلهم هيحكمو في كل حاجة
لا ناس محددة ووراد المجال
مثلا حد عمل مسابقة في الادبي اكيد هيلاقي في اللجنه ناس عندها القدرة علي دا
حد ثاني عمل مسابقة في التصميم اكيد هيلاقي كذلك في اللجنه ناس عندها الاهتمام في دا

وهكذا يعني
المهم الموضوع والآليه الخاصه بالتنفيذ
بين ايديكم كلكم تقولو رأيكم فيها وهل ممكن ولا مش ممكن
وايه ممكن يتم وايه يرضيكم
الهدف كله في ان الكل يحس انه مفيش مجاملة ولا محاباة لحد

[۩۩ elMagic ۩۩]

هههههه
اه بترط يا حودا حتى فى ردكـ دا رطيت بردوا
طب ماهو دا فعلا بيحصل ان كل مسابقه ليها الناس اللى بتفهم فيها وتقوم تحكم
الفرق بس دلوقت اننا هنجمع كل الناس اللى بتفهم فى جميع المجالات وبتكون فى لجنة التحكيم
ويشكلوا جروب كامل مع بعض ..
يعنى بدال ما يكونوا متجزئين زى ما هو سائد وكل مسابقه ناخد البعض منهم علشان يحكم
لا هيكونوا كلهم فى مجموعه واحده ووقت التحكيم فى مسابقه معينه
هنختار منهم الاعضاء المناسبه علشان تقدر تحكم بالعدل

وبالنسبه لوجهة نظركـ فى المجاملات
فا يعنى صاحب المسابقه دا مش هيختار واحد صاحبه وخلاص
اكييد هيكون بيفهم فى المجال اللى هيحكم فيه دا غير ان مش شرط
كل صاحب مسابقه هيختار واحد صاحبه علشان يحكم معاه ..
والاعضاء مش هترضى طبعا بالكلام دا
يعنى هنجى على سبيل المثال انا
صاحب مسابقه معينه مثلا بتخص الفلاش
ومحمود المشرف معايا هيبقى فى اللجنه
لانه بيفهم فى الفلاشات وهيقدر يقيمها صح وهو فى نفس الوقت صاحبى
هل انا هنا علشان هو صاحبى يبقى مأختارهوش معايا ؟
اكييد الاجابه لاء
الفكــره فى اختيار مين يكون مناسب انه يبقى فى اللجنه
ان مش اى حد بيتم إختياره علشان يحكم حتى لو كان صاحبكـ وهو ملوش فى المجال دا
يبقى طبيعى مش هينفع يكون فى اللجنه ..
وكماان فى مسابقه مثلا فى الادبى
انا سبق وعملت مسابقه فى الادبى
وجيبت معايا دمعه والرحال
وانا معرفتى بيهم مقتصره على المنتدى فقط
انا هنا اختارتهم علشان هما بيفهموا فى الادبى وهيقدروا يحكموا بالعدل
بعيد خالص عن مبدأ الصحوبيه
وبالتالى لو عضو شكك فى قرارات اللجنه هنـا
هيبقى مش علشان المجامله والكلام دا
لا علشان هو خسـر ومش عاجباه النتيجه
فا بيتحجج إن اللجنه غير عادله فى حكمها
واظن الموضوع دا هيبقى موجود
حتى لو إتشكل الجروب الكامل اللى هيحكم فى كل المسابقات
واضح ان انا اللى بقيت رطاط دلوقت :d

[Mahmoud Mohie]

بدون قرأة الردود .. ..

والله ان هذا الاقتراح بات فى مرحله الدراسه من قبلى

وكنت سأتقدم به للادارة لأخذ الأراء .. حقاً سبحان الله

كانت فكرتى كالأتى :

تقسيم المسابقات الى بعض اقسام ..

أدبيه .. صور .. فوتوشوب وسويتش ماكس .. مواضيع عامة .. الخ

يتم اختيار بعض الأعضاء المبدعين فى المجالات هذه ... (بعد موافقتهم طبعاً)

وعندما تسجل مسابقه ... يضع صاحبها المسابقه تحت الفرع المخصص ..

مثلا انا هعمل مسابقه للقصص ..

هحطها واقول لحضرتكم ... ان المسابقه تحت فرع المواضيع الادبيه

حضرتكم ترشحولى لجنه تقييم المواضيع الادبيه ..

وهم اللى هيقيموا المسابقه .. (طبعا لازم يكون فى اكتر من شخص )

عشان لو حد انشغل او حاجة يعنى ..

والمُقيمين .. يكون ليهم مكفاءة بعد كل مسابقه برده ,,

زى المنظم بالضبط او أقل او اكتر .. حسب رأى حضرتكم ..

كونوا دائماً بخير

[Arco Baleno]

لو دققنا الان ان اغلب المسابقات اما مجال ادبي اي كتابي
او مجال فني اي فوتوشوب وسوتش ورسم
والمسابقات تتفرع الى عدت مجالات
لان اوقات كثير تكون فيه مسابقات خليط بين الادبي والفني وتلاقي لجنه التحكيم ادبيه
او العكس كذا فيه ظلم لمجهود الفني
لذلك هي اللجنه راح تتقسم كا فريق والفريق بيكون متفق عليه من جميع الاعضاء
بس الاهم يكون فاهم في المجال الي راح يدخل يحكم فيه وعنده مصدقيه وامانه كبيره
الفريق الاول تبع لجنه التحكيم بيكون مثال
الفني اي الناس الي ميولها هوايات مثل الفوتو والفلاش والرسم والاعمال الفنيه دي اللجنه تكون وحده لانها تعتبر مجال فني واللجنه مش 1 و لا 2 ولا 3
تكون فريق بحيث في حال تغيب احد يدخل الفريق الاضافي في اللجنه ويحكم بدل الي غاب
وبيكون فيه فريق ثاني الي هو الادبي متفق عليهم من الاعضاء
وبيكون فريقين احتياطي يغطي غياب الفريق الاساسي تبع اللجنه
بكذا يكون اكثر تنظيم ولجن التحكيم تكون معروفه من قبل الجميع ومتفق عليها من الاعضاء
كما قلت لك محمود وكما اتفقنا الفكره رائعه جداااااااااااااااااااااا
ولا تزداد روعتها الا بموافقت الاعضاء
والاتفاق على لجنه تحكيميه
متفرعة المجالات
مجهود عالي وتم تقييمك من بدري نائبي واخي محمود
وان شاء الله نلاقي قبول لانها راح تعمل تنظيم عالي اوي
ومحتاجين اقتراحات حتى لو عاوزين اللجنه التحكيميه بيكون لهم لوجر تحت الاسم يميزهم
دا راح يكون شي رائع

[الرحــاال المٌتَمرد]

السلام عليكم ,,

عَن رأيي وبدون تصويت ,,

يتم التوضيح عِند أقامه أى مٌسابقه
عَن أسماء الأعضاء "لجنه التحكيم"
وبالتالي ,, مٌشاركه العضو تٌعني
موافقته على تقييم هؤلاء
وإقتناعه بــِهم وبمدي خبراتهٌم لــ أعطاء كُل صاحب حَق حَقٌه


لا مٌحاوله بمقدورها إرضاء الجميع
وهَذا رأيي أقوله خاص بــ مٌسابقات الأدبي
فــ لابٌد مِن مؤيد ومٌعارض لــ نتائج المٌسابقات
لان الحٌكم والتقييم يكون بناءاً علي وجهه نَظر المٌنقط
فــ لا يٌجد مِن لديه الخبره لــ التقييم حسب أصول اللٌغه والشعر
بــ إستثناء عضو أو أثنين ,, علي أقصى تقدير .

شٌكراً لك

[حنـــــون]

والله فى راى يامحمود فكرتك او الراى دا
هيعمل نفس المشكله بل واكثر
دلوقتى قسم الفوتو عامل مسابقه المطلوب ايه
ان العضو هيشترك على حسب موهبته
القائم ع المسابقه
هيختار معاه كذا عضو بيفهم فى الفوتو وشغله الكل بيشيد بيه
وصاحب اتقان وبيعرف تقنيات الفوتو
وعليها هيقدر يقيم المسابقه ويقيم شغل كل واحد
هل تعتقد ان فى عضو هيعمل مسابقه مخصوص عشان صديق يفوز
بالعقل كدا كلام غير منطقى هو انا هروح اعمل مسابقه عشان اكسب محمود مثلا ؟؟
فى حاجه اسمها كدا
المسابقه بتتعمل سواء من مشرف القسم ولا من عضو عادى لتنشيط المنتدى
فى حاجه بئه اسمها ان لو اللجنه قيمت تقيمات واهيه
يعنى العضو مقدم شغل غير الى اصلا موجود فى المسابقه تفتكر هيفوز
يعنى اصلا المسابقه بيحكمها قوانين لما العضو بئه يحس انو اتظلم
يعرض قوانين المسابقه والى هو عمله ونشوف اذا هو معاه حق او لاء
انما لجنه موحده هتعمل مشاكل اكتر
وهتلاقى الى يقولك واشمعنا دول الى بيحكموا وليه اللجنه ماتتغيرش وليه معرفش ايه
الحكايه ابسط بكتير انت حتى قولتلها المسابقه بتكون للترفيه
ايه الفكره انى اروح اعمل مسابقه عشان فلان يفوز حتى المسابقه هتفقد معاناه
وهو مش هيحس انو فاز بمجهوده
حتى طارق بيعمل كفاه الاحتياطات ان مسابقته ماتتغش ورغم كدا اوقات بيلاقى
خلل من عضو ما المشكله بتكون هل انا قدمت الى عليا فى المسابقه ولا لا
ولو تلاحظ كل المسابقات لما عضو يفوز فيها ويجيى يقدم فى نفس المسابقه ومايفوزش
يقولك المسابقه واللجنه هى مساله نفسيه مش اكتر
لو كل واحد فهم ان المسابقه معموله اصلا عشان الكل يتسلى ويستفيد
هيرفض انو يكسب لو هو مش يستحق ولو يستحق وماكسبش اكيد وقتها مش يسكت ويتكلم
ويجيب الدليل انو فى محابه وان هو الاجدر عن غيره
موفقين بئه ^^