وقعت نفسى فى مشكله سوده

[احسـ طفله ــاس]

اخبااااااااركو
..............................
بمناسبة مصادقتى للبت نوران (بت نحس )
مره من اسبوع كدا جات البت سهيله هيا والبت رنا فصلنا وخدوا نوران
نوران خارجه بتضحك بس رجعت زعلانه
طبعا عادتى سالتها مالك
قالتلى ان رنا بتقول ان انا قلت عليها انها مش بتعرف تكتب ورحت قلت لابن عمى وهو قال للاولاد والاولاد جم قالو لرنا (فهمتو حاجه ) وبعدين اساسا عبدالرشيد (اسم واحد من الشله الفاسده ) هو اللى قايل كدا
قلتلها طنشى سيبك منهم
قالتلى :اساسا واللى قايله على رنا كدا صديقتها سهيله
ملاحظه ::رنا هى الاولى على المدرسه شطوووووره زى
جه بقى النهارده فى درس الانجليزى رنا بتقول لنوران هو مين اللى قال عليا كدا
نوران قالتلها معرفشى
انا طبعا بطبعى الرخم قلت انا اعرف اقولها يانور (دلع نوران )
نوران :لا
رنا :قولى
انا :ماليش دعوه صحبتى قالتلى لا يبقى لا بدل ماتمسكنى تظبطنى
رنا :قولى ومالكيش دعوه
انا :لاياختى ماليش دعوه
المهم بعد نقاش طويلل اتوصلنا اننا نقلها بعد الدرس
بعد الدرس
وقفنا
انا وهيا ونوران انا قلت لنوران ياستى المشكله هاتيجى على راسنا احنا بلاش
رنا قالت :لالالا قولوا
نوران كققالت هاتقولي لسهيله
رنا قالت لها لا قولى
انا قلتلها سهيله
نزلنا بقى ورنا زعلانه ازاى سهيله تقول عليها كدا واحنا بنحاول نقلها اننا مش قصدنا نفرق بنعم ولا حاجه
المهم انا قلت لرنا يارنا سيبك منها وطنشيها واللى تخونك ارميها (على اساس انها زباله ياعنى )
المهم ياعنى رنا بقى بكت فى الطريق وقالت ياعنى بعد صداقه ست سنين تعمل كدا
بعد ساعه (حراام عليكى ضيعتى منى درس الرياضيات )
اتفقنا اننا نقول لسهيله انها اعتزلت التمثيل ليه وكدا
المهم ان رنا راحت قالت لسهيله على كل حاجه وسهيله كذابه حلفتلها ان مفيش حاجه من دى حصلت واحنا اللى طلعنا كذابين ونوران زعلت ازاى سهيله تكذبها وكدا
انا بقت اللى زعلنى ازاى انا متفقه مع رنا انها متقلش حاجه وهيا قالت كل حاجه لسهيله
ونوران بكت احنا مش كذابين وهيا اللى قالتلى كدا وراحوا بقىى بيت سهيلهوانا سبتهم ومشيت
وانا عارفه ان المشكله نازله على راسى وهايتهموا كل حاجه فيا
عيال تبع مصلحتهم يتهم ارف الا نور طبعا
فانا بفكر اقول لاستاذى العزيز حسام بس هما قالولى مدخليش اساتذه فى الموضوع
وانا مش عارفه اعمل ايه دلوقتى خاااااالص فى المشكله اللى حاطيت نفسى فيها
انا كان مالى بنوران ورنا وسهيله من الاول ياجدعان

[طِيشْ !]

seriously !!!

دآ بجد و لا حقيقي

أيه لعب العيال دآ ..~

تصدقي مشفتش الحاجت دي من زمان ^^

كبري با روحي دماغك .. دي مش حاجة الواحد يضيع ثانيه من وقته عشان يفكر فيها

هما عقولهم صغنتوته جدا ومش منطقيين !!

طب منا خطي معفن .. نقش فرآخ و الله العظيم

وعادي ايه اللي حصل ..

فوكك

سيبيهم يكبروا شويه مع نفسه و حاولي فيهم يبطلوا التفاهه دي

ودي ووردي

[احسـ طفله ــاس]

الحكايه مش كدا خالص على الخط
رنا دى جايبه الدرجات النهائيه فى كلو منقصتش 0.1 بس فى ماده وسهيله صديقتها من ست سنين ازاى تقول عليها انها مش بتعرف تكتب وبتقول لها ياسهيله ابقى غششينى
بس بصراحه انا مقدرش اسيبهم هما ممكن عيال اندال ويسيبونى لو قعت فى اى مشكله لكن هما صحباتى وبعدين صديقتى متورطه معاهم ياعنى كانى انا كمان
وبعدين هما اساسا هايتصلحوا المشكله هاتيجى على راس الاء

[طِيشْ !]

اقتباس المشاركة الأصلية كتبت بواسطة احسـ طفله ــاس الحكايه مش كدا خالص على الخط رنا دى جايبه الدرجات النهائيه فى كلو منقصتش 0.1 بس فى ماده وسهيله صديقتها من ست سنين ازاى تقول عليها انها مش بتعرف تكتب وبتقول لها ياسهيله ابقى غششينى بس بصراحه انا مقدرش اسيبهم هما ممكن عيال اندال ويسيبونى لو قعت فى اى مشكله لكن هما صحباتى وبعدين صديقتى متورطه معاهم ياعنى كانى انا كمان وبعدين هما اساسا هايتصلحوا المشكله هاتيجى على راس الاء

بت أنا دماغي لفت ..!!

يخربيت كدآ يا شيخة ^^

هوا أنا قلت لك سيبيهم .. إنتي بتقولي إن صاحبتك دي ومن غير أسماء بنت كويسة و مقالتش حاجة عن رنا دي

و رنا متدايقه عشان بييقولوا خطها وحش ومش عارفه أيه .. يعني دي حاجات المفروض الواحد يتغاضى عنها

دا إنتو كتاكيت و الله العظيم .. إنتي مبتشوفيناش أنا و صحابي ^^ " بنقطع و نهري في بعض "

مفيش صاحب كويس هيتكلم على صاحبه من وراه بحاجة وحشه ..

في حاجة جواك قولها قدامه و ساعده إنه يتغير .. لما يبقى طفح الكيل زي ما حصل معايا كدا

سلام بس مش أكتر

و الله أنا ما بقيت فاهمه حاجة .. دآ خط و كتابه ,

مش خطك دا اللي هيبقى عنوانك أو الدليل عليكي .. هو لما حد يتكلم عنها هيقول آه دي خطها وحش !!

مظنش

الموضوع بسيط جدآآ

خليه كدا بينكو و بين بعضيكوا ^^

ودي ووردي

[احسـ طفله ــاس]

يابت مش خط
بتقول مش بتعرف تكتب خااالص

[sad prince]

ايه ده اكتر كلمه فهمتها
من الموضوع كله
‏(انا بطبعي الرخم)
صدق اللي قال الاعتراف بالحق فضيحه
وانتي اعترفتي علي نفسك بنفس ذات نفسك

[sad prince]

بصي انتي تروحي لرنا وتقوليلها هند متقصدش حاجه عليكي وأكيد هيام صاحبتهم برضه متقصدش حاجه
بس المشكله ان نوران مش هتصدق لأن عبدالحفيظ أكد ان عمر قال كده عليها
نور بقي كانت بتسمع كل حاجه وراحت قالت للمس ان هيا تعبانه ومحتاجه ترتاح
مهند بقي جه في الحلقه 585 وقال انه بيحب نور
في نفس ذات النفس النور قطع وكان عادل محتاج ياخد شاور بس كان مش فاضي عشان بيستحمي
محمد بقي بيحب تامر صاحبه بس كانوا متخانقين يبقي مين يصالحهم رنا اكيد
وأتصالحوا وعاشوا في تبات ونبات وخلفوا صبيان وبنات توته توته خلصت الحدوته
شفتي الحكايه سهله ازاي

[احسـ طفله ــاس]

اقتباس المشاركة الأصلية كتبت بواسطة أمير المشاعر ايه ده اكتر كلمه فهمتها من الموضوع كله ‏(انا بطبعي الرخم) صدق اللي قال الاعتراف بالحق فضيحه وانتي اعترفتي علي نفسك بنفس ذات نفسك

دا على اساس انك بت .......
والله الحمدلله كل واحد عارف نفسه وانا صحباتى بيحبونى وبيحكولى على كول حاجه
طبعا انت مولع من الغيظ

[احسـ طفله ــاس]

اقتباس المشاركة الأصلية كتبت بواسطة أمير المشاعر بصي انتي تروحي لرنا وتقوليلها هند متقصدش حاجه عليكي وأكيد هيام صاحبتهم برضه متقصدش حاجه بس المشكله ان نوران مش هتصدق لأن عبدالحفيظ أكد ان عمر قال كده عليها نور بقي كانت بتسمع كل حاجه وراحت قالت للمس ان هيا تعبانه ومحتاجه ترتاح مهند بقي جه في الحلقه 585 وقال انه بيحب نور في نفس ذات النفس النور قطع وكان عادل محتاج ياخد شاور بس كان مش فاضي عشان بيستحمي محمد بقي بيحب تامر صاحبه بس كانوا متخانقين يبقي مين يصالحهم رنا اكيد وأتصالحوا وعاشوا في تبات ونبات وخلفوا صبيان وبنات توته توته خلصت الحدوته شفتي الحكايه سهله ازاي

انت اهبل ولا بتستهبل

[sad prince]

اقتباس المشاركة الأصلية كتبت بواسطة احسـ طفله ــاس دا على اساس انك بت ....... والله الحمدلله كل واحد عارف نفسه وانا صحباتى بيحبونى وبيحكولى على كول حاجه طبعا انت مولع من الغيظ

ههههههه
‏
انتي اتغاظ منك
ههههههههه
انتي
والله العظيم يا جدع