آمي آنتي ::تابع مسابقة امي

[αЛαstoOorα]

آمي آنتي

فيكي حب الدنيا كله

فيكي بحر من الحنان

آمي ياللي عيشت حاضن

جوة حضنك الآمان

مستحيل آشوف فـ وصفك

ياللي زيك صعب الاقي

آنتي مهما سبقتي عصرك

جوة مني حاجة نادرة

صعب تتحقق في زمني

آو آشوف زيك كا صدفة

عارفة لما كنت بحزن

مستحيل يهدالي بال

الا لما اجري عليكي

تدعيلي بحبة جمال

آمي آنتي روح غريبة

روح آساسها نبض طيبة

روح بتملكها مشاعر

صافيه طاهرة يا حبيبة

آمي آنتي شيئ جنان

آنتي حاجة من الزمان

اللي كان مليان آمان

جوة منك طعم لذة

جوة قلبك بير حنان

عارفة يامة كنت بحلم

لو الاقي بس زيك

آو الاقي بنت ماشية

فـ الملامح وخدة شكلك

وآدعي ربي لو يجبلي

حد قلبه زي قلبك

او يجبلي حتي بس

بنت واحدة فيها رُبعك

بس يامة مفيش آكيد

حد فـ حنانك يشبهلك

آمي آنتي كل حاجة

كل شيئ حاضر وكان

امي آنتي حب عمري

آنتي بحر من الحنان

آمي آنتي ^^

آهداء للحجة الوالدة بمناسبة عيد الآخت

ويارب يديها الصحة ويخليها


وكل سنة وكل آمهاتنا بخير اللي هما آمهات آخواتنا اللي هنا كلهم
وآمهات المسلمين جميعاً
في الحقيقة كنت متردد آكتب القصيدة حفاظاً على شعور آي حد

فاقد ولدته بس قولت ممكن حد يشوفها يفتكر ولدته

آكون سبب في زيارته ليها وسبب في آنه يطلبلها الرحمة

ويروح يسلم عليها ويقولها كل سنة وآنتي طيبة برضه ^^

آكيد هي هتكون سعيدة بدا والمفروض منزعلشي

عشان آكيد هتكون في مكان آحسن من اللى احنا فيه دا بكتير

محدش يزعل مني بقة ؟

[حنـــــون]

الله الله الله
كل سنه وكل امهاتنا بخير وكويسين
وبصحه وسلامه
كلمات رائعه يافارس
تسلم ايدك
دوام الابداع

[๓αℓάҝ]

حقيقي جميلة جداً
و حلو الأهداء بتاعك في الآخر

كل سنة و كل الأمهات بخير
تسلم علي كلماتك ..

[∂αнмє]

كلامك جميل اوى يا منشاوى
بجد تسلم ايدكـ

واكيد طبعا كل سنة
وكل امهاتنا بصحة وبعافية
دايماّ بمناسبة عيد الاخت

[countess]

الله جميل كمية الكلام الي فيه حنيه
وكل سنه ماما بصحه وسلام يارب
ربنا يخليلك ماما يارب وتفضل تكتب لها جميل كلماتك وحبك لها كدا كل سنة >>

تشكرآت فروستي

[~..Alaa]

كلام جمييل جدا
بجد روووعه ^^
وكل سنه وكل الامهات بخير
وعجبني اووي الأهداء بتاع الاخت دهــ
تسلم ايدكــ يا فارس ^^

[ساحر الأحزان]

كلمات جميلة يا فارس

بحق ست الحبايب

عبرت فيها بجميل احساسك

وجميل عواطفك اتجاها

بارك الله لك فيها

[دمعه حائره]

كلمات رائعه فى حق اروع انسانه فى الوجود
فعلا حنان الام استحاله حد يعوضه
وياما اتحملت وتعبت عشانا
جميله بجد والاهداء الاخير عندك حق فيه
حتى اللى فقد امه لازم يزورها ويترحم عليها
اكيد الدنيا بتشغل الكل
تسلم يافارس وربنا يخليهالك ويطول بعمرها
احترامى مع التقييم

[الابتسامه المصريه]

جميل احساسك
بالكلمات الجميله
وكل سنه وكل ام بخير
وفى احلى صحه واجمل حال
بارك الله فيك

[عاشقة ذكر الله]

كلمااات فى غايه الروعه و الجمال فعلاً
ربنا يخليلنا أمهاتنا يارب
يسلمووووو