فسر الظاهرة (2),,

[SiLver Spectra]

الفيفا كان بيدرس حظر عمل الاعلانات اللي تم تحديدها في الصورة
و هي الاعلانات اللي بتكون قريبة من المرمى و تقريبا على الخط

ايه تفسيرك ؟ و ماهي خطورة تلك الاعلانات في تأثيرها على المباراة ؟

صاحب أول و افضل تفسير هيفوز بالنجوم

[∂αнмє]

عشان مبتخليش اللعيب يركز .. او بتشد انتباهه ...؟
او ممكن لما مثلا الكورة تخبط فيها ترجع تانى
والله اعلم طبعا

[الرحــاال المٌتَمرد]

متهيألي علشان متأثرش على تركيز حكم الرآيه وعلى قرارته لما تتجاوز الكوره خط المرمي

[فرانكو.هدوء ملك]

انا اتعودت منك عـ المفآجئات

فممكن دي متكونش اعلانات اصلا وبتشتغلنا

بس لو دي فعلا اعلانات يبقي شي مش كويس لانه بيكسر قوانين وشروط

هو ملهوش اي تأثير علي المباراه اكيد

[big bốss]

مممممممممممم

هى بتشويش على تركيز اللاعب

و بتخليه يخطىء تقدير المسافه و المرمه

[نجم وزهره ومسافات فراق]

اما انها بتشوش على المعلق مثلا او الحكم او اللاعبين والاخير بيكون الجمهور ههههههه تحيتي اليك اخي

[booody99]

عشان مع السرعه ميصطدمش فيها

[العاشق الذى لم يتب]

هى ليس أعلان يوجد على خط المرمى وإنما هو يظهر على شاشة التلفزيون فقط بتوكلونجيا متخصصة لذلك مودتى

[stefo]

عشان الكورة متخبطش فى الإعلان و ترجع الملعب تاني و تخيل الاعب بردوو

[الرحــاال المٌتَمرد]

أو يمكن علشان لما اللاعب بيندفع بسرعته خارج الملعب بتزحلقه وبتتسبب اصابات بـ كسر ..