مبارزه في قفص حديدي .....

الرحــاال المٌتَمرد · منذ /03-25-2013, 10:10 PM

و الله علي رأيك يا عمي
أٌمه مهزومه وولادها غرقوها
ضاع حقى وشربوا من دمي
دا غير إللى باعوا و نهبوها

مِسكُ الشَهادة · منذ /03-25-2013, 10:11 PM

جميل يا شباب
ربنا يوفقكم يا رب
مبارزة جميلة ورائعة

booody99 · منذ /03-25-2013, 10:16 PM

احنا يا فارس جيل اتولد ميت

والي عاش منا مات بالحيا

جيل كل همه يصاحب ويشيت

لحد ما تكفى وجاله العيا

الرحــاال المٌتَمرد · منذ /03-25-2013, 10:20 PM

توب الحيا عمال يدوب
والحق عفن عـ الرفوف
كٌل المقَدر لينا مكتوب
الله يسامحها الظروف

booody99 · منذ /03-25-2013, 10:26 PM

كل الي بيحصل بسببنا

وياريت نغير النفوس

كترت فرقنا وأحزابنا

وكل واحد عالتاني يدوس

الرحــاال المٌتَمرد · منذ /03-25-2013, 10:32 PM

إئتلاف وأحزان وكام تيار
و جماعه إستغلت النفوذ
و جَبهه سبب فــ الدمــار
وشباب متباع بشويه فلوس

booody99 · منذ /03-25-2013, 10:40 PM

طب ايه الحل بعد ما سائت النية

معدش في رابطه بتجمعنا

لا اسلام ولا وطن ولا إنسانيه

كله بيتكلم اشمعنى احنا

الرحــاال المٌتَمرد · منذ /03-25-2013, 10:51 PM

المصالح الشخصيه فــ الأول
و حلم إتحول لجحيم بيدنــا
ليل الظٌلم علينا شكله هيطَول
وثوره دفعنا تمنها إتقلبت ضدنا

booody99 · منذ /03-25-2013, 11:00 PM

بس تعالى كده وقرب شويه

اسكتنا عن واحد انتهك عرضه

احنا الي فرطنا في القضيه

لما سبت جاري تغتصب أرضه

الرحــاال المٌتَمرد · منذ /03-25-2013, 11:11 PM

حكاوي وحكايات بنحكيها
إعمل يابن أدم وربك شاهد
أيام ضاعت ليه نبكي عليها
وماينكر خيرها غير الجاحد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مبارزه فى قفص حديدي {الرحال +......}	الرحــاال المٌتَمرد	منتدي ابداعات الاعضاء الادبية	52	03-19-2013 09:17 PM
مبارزه في قفص حديدي( رنين.vc الرحااال)	الرحــاال المٌتَمرد	منتدي ابداعات الاعضاء الادبية	68	10-09-2012 08:13 PM
مبارزه فى قفص حديدى(سوما & الرحـــال)	الرحــاال المٌتَمرد	قسم الخواطر - وهمس القوافى حصرى بقلم الأعضاء	67	08-12-2012 11:41 PM
مبارزه فى قفص حديدى (الرحال +شقاوة احاسيس)	الرحــاال المٌتَمرد	قسم الخواطر - وهمس القوافى حصرى بقلم الأعضاء	219	08-07-2012 10:47 AM
حجيجي صحـــــــيح	lovely Bassant	نكت - طرائف - وناسة - فرفشة	2	06-16-2012 10:20 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

ابداعات الاعضاء العامية