مبارزه في قفص حديدي .....

الرحــاال المٌتَمرد · منذ /03-25-2013, 06:31 PM

ونَعود لــ المٌبارزات مَره أٌخري ,,
واليوم تَحدي أخر ومٌبارزه ملوك العاميه .
لــ ننتظر من سيكون معنا في هذه الليله .. ؟

قوانين اللعبه عند البدء ..

booody99 · منذ /03-25-2013, 06:36 PM

يا عم رحال بتزعلنا لما بتقفلها مرة وحده

عايزين نستفيد من بعض في العامي

فرسان والحرب جماعه احسن من الوحده

وفي الحروب دي ممكن يكون اسمي

الرحــاال المٌتَمرد · منذ /03-25-2013, 06:40 PM

إتقفل لما خرجنا عن النص
ما هو كٌل شىء بالأصول
وبنرجع وقت اللـزوم بس
نبارز المواهب أصحاب العقول

booody99 · منذ /03-25-2013, 07:05 PM

بس المره الي فاتت

كان بالأدب الكلام

ولو ناس عن الخط حازت

بالأدب نقولهم سلام

الرحــاال المٌتَمرد · منذ /03-25-2013, 07:25 PM

صفحه وإتقفلت ومشى الحال
والمٌبارزات كتير لملوك العاميه
تلاميذ العم والفاجومي والخال
يرسموا هِنا أجمل حروف زجليه

booody99 · منذ /03-25-2013, 09:22 PM

طب يلا يا بطل نبدأ السجال

وان كنت اتمنى تبقى بالفصحى

ولكن بالعامي ماشي الحال

وفي انتظار الملوك النصحه

الرحــاال المٌتَمرد · منذ /03-25-2013, 09:31 PM

النصاحه مِش بالقول و المغني
العاميه مِش أقل مِــن الفٌصحي
العاميه فن , رساله ليها مغزي
وطالما هتبارز , ركز و إصحي

booody99 · منذ /03-25-2013, 09:36 PM

العامية جميلة ولكن

الفصحى لا يعلى عليها

العربية حبهاا ساكن

ومش اي حد يكتب فيها

الرحــاال المٌتَمرد · منذ /03-25-2013, 09:56 PM

قول بأى لٌغه كانت
إرسم ملامح خطوتك
أحكي عن أٌمه عانت
بـ موهبه تثبيت قدرتك

booody99 · منذ /03-25-2013, 10:00 PM

امة ايه ما خلاص

دفناها وخدنا عزاها

ماتت ومات فينا الإخلاص

وكل واحد معاه قرشين غزاها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مبارزه فى قفص حديدي {الرحال +......}	الرحــاال المٌتَمرد	منتدي ابداعات الاعضاء الادبية	52	03-19-2013 09:17 PM
مبارزه في قفص حديدي( رنين.vc الرحااال)	الرحــاال المٌتَمرد	منتدي ابداعات الاعضاء الادبية	68	10-09-2012 08:13 PM
مبارزه فى قفص حديدى(سوما & الرحـــال)	الرحــاال المٌتَمرد	قسم الخواطر - وهمس القوافى حصرى بقلم الأعضاء	67	08-12-2012 11:41 PM
مبارزه فى قفص حديدى (الرحال +شقاوة احاسيس)	الرحــاال المٌتَمرد	قسم الخواطر - وهمس القوافى حصرى بقلم الأعضاء	219	08-07-2012 10:47 AM
حجيجي صحـــــــيح	lovely Bassant	نكت - طرائف - وناسة - فرفشة	2	06-16-2012 10:20 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

ابداعات الاعضاء العامية