يابنات اتجوزوة سباك او مسلكاتى !

[Sєяєєη●•ʚɞ]

ايوووووووووة دى دعوة عامة للبنات انها تتجوز سباك او مسلكاتى حلوة مسلكاتى دى بيسلك مجارى يعنى المهم بما انى مهيسة ومتيسة تعالوا اقنعكم اوعوا تاخدوة دكتور لو دكتور تجميل هيعقدك فى عيشتك وهيشوف كل ملامحك مكعبرة ومحتاجة تغير حتى لو كانت كل ملامحك مسمسمة اوعى تاخدية دكتور سنان هيطلعك عندك تشوه فى سنانك ومش بعيد يحسسك انك فك مفترس او يطلعك ان بقك مش موجود اصلا وهيعقدك بردوا فى عيشتك حتى لو كانت سنانك صفين لولى واوعى تاخدية دكتور جلدية هيطلع عند جرب القطة المشمشية حتى لو كنتى كل يوم بتستحمى بالليفة المستخبية (اية التهييس دة ) اوعى تاخدية دكتورنفسية هيطلع فيكى كل الامراض المستعصية بارانويا وشيزوفرنيا ووساوس قهرية وهيجرب فيكى عقدة النفسية ومش بعيد يطلعك هربانة من عيادة نفسية الله ع السجع اوعى تاخديةضابط رغم ان سوقهم وقف بعد الثورة هيشوفك وش اجرام وهيصبحك ويمسيكى بعلقة قوية اوعى تاخدية مهندس هتلاقيه شغال قياسة فيكى بالمسطرة طولتى قصرتى او بقيتى مكعبرة وهيشوفك بالسنتيمترات وهيعقدك فى عيشتك بالقياسات اوعى تاخدية صيدلى هيجرب فيكى كل الادوية وهتكونى فارة تجاربة المستخبية واوعى تاخديه فى تجارة هيقرفك حسابات مالية وميزانية ومش بعيد يطلعك مسرفة مالية وفاشلة فى ادارة الميزانية واوعى تاخدية فى حقوق هتلاقى لسان المحاماه طلع مع اول مشكلة ولا هتعرفى تاخدى معاه حق ولا باطل وهيكسب دايما القضية واوعى تاخدية مدرس هيطلعك ام فاشله فى التربية وهيطبق عليكى اساليبة التربوية اسمعى كلامى وخدية سباك ويكون بتاع مجارى كمان هيشوفك ملكة جميلة وريحتك مسك وعنبر حتى لو كنتى معفنة لانة متعود ع ريحة المجارى اللى ملت قفصتة الصدرية اية قفصتة دى (القفص الصدرى = لتوضيح المعنى) امشوا ورايا واسمعوا الكلام واكيد هوديكم ورا الشمس سلام انا من هنا

[روح صامتة]

ههههههه
عسل ي سيرين ^^
جميل اوي موضوعك على فكرة ..
استمتعت به ,, :*
خمس نجوم بقه
ارق تحياتي

[SiLver Spectra]

مالهم السباكين ههههه
و الله لسه كنت بشوف شقة اخويا و هما بيوضبوها و بشوف السباكة و كدا
فن فن يعني مش اي كلام
هندسة و دماغ و تفكير الماسورة هتمشي ازاي و هتصب فين و يفتح منين و غيره

يلا اتكلي على الله و اتجوزي سباك هههههه

[Sєяєєη●•ʚɞ]

اقتباس المشاركة الأصلية كتبت بواسطة روح صامتة ههههههه عسل ي سيرين ^^ جميل اوي موضوعك على فكرة .. استمتعت به ,, :* خمس نجوم بقه ارق تحياتي

امشوا ورا نصايحى هتخسروا ههههههههه
منورانى جدا والله

[انتقام الورد]

هههههههههههههههههههههه
ههههههههههههههه
يسلمووووو سرين بجد انت عاملة دعاية حلوة للى يشتغل سباك
وتسليك مجاري
ربنا ريزقك بما تتمنى ههههههههه
واحضر فرحك
تقبلى خالص تحياتى وتقديري

[تيتشر نفشه ツ]

قفصته الصدريه

فل الفل والله ي سيرين لما بتبقي مهيسه بتطلع المواهب

بس عاوزه تقوليلي ع البتاع المهبب الي بتشربيه قبل م بتهيسي

آل مسلكاتي آآآل

يلا عاوزين نحضر فرحك قريب

[Sєяєєη●•ʚɞ]

اقتباس المشاركة الأصلية كتبت بواسطة silver spectra مالهم السباكين ههههه و الله لسه كنت بشوف شقة اخويا و هما بيوضبوها و بشوف السباكة و كدا فن فن يعني مش اي كلام هندسة و دماغ و تفكير الماسورة هتمشي ازاي و هتصب فين و يفتح منين و غيره يلا اتكلي على الله و اتجوزي سباك هههههه

ههههههههههههههه
وماله السباك زى الفل اهو
ع الاقل مش هيعقدنى فى عيشتى

[Sєяєєη●•ʚɞ]

اقتباس المشاركة الأصلية كتبت بواسطة انتقام الورد هههههههههههههههههههههه ههههههههههههههه يسلمووووو سرين بجد انت عاملة دعاية حلوة للى يشتغل سباك وتسليك مجاري ربنا ريزقك بما تتمنى ههههههههه واحضر فرحك تقبلى خالص تحياتى وتقديري

ههههههههههههههه
شوفت احلى دعاية
زمان السباكين مزقطتين دلوقتى
منورنى والله

[Sєяєєη●•ʚɞ]

اقتباس المشاركة الأصلية كتبت بواسطة تيتشر نفشهـ♥’ قفصته الصدريه فل الفل والله ي سيرين لما بتبقي مهيسه بتطلع المواهب بس عاوزه تقوليلي ع البتاع المهبب الي بتشربيه قبل م بتهيسي آل مسلكاتي آآآل يلا عاوزين نحضر فرحك قريب

ههههههههههههه
بشرب شاى شلبى بالسبيرتوا الاحمر
تاخدى منة 3 نقط تعملك دماغ عنب
ماله بس المسلكاتى ههههههههههههه
هتضمنى ان بلاعات البيت مش هتبوظ
منورانى يازوزو

[تيتشر نفشه ツ]

اقتباس المشاركة الأصلية كتبت بواسطة Sєяєєη●•ʚɞ ههههههههههههه بشرب شاى شلبى بالسبيرتوا الاحمر تاخدى منة 3 نقط تعملك دماغ عنب ماله بس المسلكاتى ههههههههههههه هتضمنى ان بلاعات البيت مش هتبوظ منورانى يازوزو

وأقف صامتةً مذبهلة مما أقرأ

لامش ضامنه

خلاص اشطا بئآ ، احسن من اتجوز دكتور وبلاعتي تبوظ

ولما آجيب مسلكاتي ويدخل علينا جوزي يتهمني بالخيانه ويقتلني

حياتي انا اولى بيها ي ختي